Magufuli aanza kufilisi UKAWA

[Goliath mfalamagoha]

VYAMA vinavyounda Umoja wa Katiba ya Wananchi (UKAWA) jijini Dar es Salaam vimeanza kufilisiwa na Serikali ya Chama Cha Mapinduzi (CCM),

Mpango wa Serikali ya Rais John Magufuli kupoka vyanzo muhimu vya mapato ambavyo awali vilitumika kuendesha halmashauri za jijini humo, umekamilika na sasa Mamlaka ya Mapato Tanzania (TRA) ndiyo inayotarajiwa kuwa mbadala katika ukusanyaji mapato.

Vyama vinavyoumizwa na hatua hiyo ni Chama cha Demokrasia na Maendeleo (CHADEMA) na Chama cha Wananchi (CUF) ambavyo ndivyo vilivyo na wabunge na madiwani Dar es Salaam.

Charles Kuyeko, Meya wa Halmashauri ya Manispaa ya Ilala pia Diwani wa Kata ya Bonyokwa (CHADEMA) amesema, tayari manispaa yake imearifiwa kwamba, kodi ya majengo kwenye manispaa hiyo itakusanywa na TRA na sio manispaa kama ilivyokuwa awali.

Hatua hiyo anasema itazuia shughuli ama ahadi zao kutotekelezeka kwa namna ambavyo walitaka iwe huku akikosoa hatua hiyo na kuihusisha na uhasama wa kisiasa jijini humo.

Hata hivyo amesema, wapo kwenye mazungumzo na serikali kupitia Ofisi ya Rais Tawala za Mikoa na Serikali za Mitaa (TAMISEMI) na kwamba, serikali haioneshi dhamira ya kubadili msimamo wake.

Kuyeko amesema, ni vema serikali ikaachana na suala hilo kwani itakuwa chanzo cha kurudisha maendeleo nyuma na kuvuruga bajeti iliyopangwa na manispaa hiyo.

“Kwanza tunasikitishwa na hatua hiyo ambayo imeanza kutekelezwa baada ya Umoja wa Katiba ya Wananchi – UKAWA kuingia madarakani. Siku zote walikuwa wapi? Ni dhairi kuwa nia yao ni kutaka kuturudisha nyuma ili bajeti yetu ikwame.

“Kodi ya mapango ndio chanzo kikuu cha mapato katika kila wilaya ukiacha kodi za mabango na ushuru wa wafanyabiashara,” amesema Kuyeko.

Hata hivyo, utaratibu wa kukusanya kodi za majengo utaanza katika Halmashauri ya Manispaa ya Ilala na baadaye kwenye manispaa zote.

Kuyeko amesema, manispaa yake imepanga kufikia bajeti ya Sh. 85 Bilion na zaidi kwa mwaka 2016/17 na kwamba kama serikali itatekeleza hatua yake ya kupoka kodi za majengo, itakuwa imevuruga bajeti hiyo.

Chanzo: Mwanahalisi

 

[DuppyConqueror]

Vibaka mlikuwa mmeshaona fursa ya kupiga...tumewaachia muibe rukuzu

 

[njeeseka]

Kwani chama hakina pesa? Acha serikali ikusanye kodi itakavyoweza tupate maendeleo. Ruzuku zinawatosha

 

[TEKNOLOJIA]

Siasa za Waafrika ni shida,sijui kwanini Waafrika tumeumbwa kuchukiana?Ndio maana tunatengwa na watu wa rangi nyingine kwasababu vichwa vyetu haviko sawa.Sielewi kwanini serikali ifanye mikakati ya kukikomoa chama kingine kishindwe kutekeleza ahadi zake wakati chama hicho kinatokana na Watanzania na kina malengo ya kuwasaidia Watanzania regardless of their political affiliation. Lini Waafrika tutajitambua?tunazitumia vibaya mno siasa kiasi cha kujicheleweshea maendeleo yetu wenyewe. Sijui tuna laana?

 

[Wakudadavuwa]

Hivi meya wa kinondoni kafikia wapi na ushuru wa mabango?

 

[Camilo Cienfuegos]

Chini ya CCM hakuna kinachoshindika.

 

[Tanzania Njema Yaja]

Siasa zetu zina shida na zaidi ni shida ya kifikra....

 

[Tanzania Njema Yaja]

Siasa zetu zina shida na zaidi ni shida ya kifikra....

 

[Baba Kiki]

Kwani chama hakina pesa? Acha serikali ikusanye kodi itakavyoweza tupate maendeleo. Ruzuku zinawatosha

Kwa reasoning za aina hii CCM itaendelea kuitawala hii nchi hadi mwisho wa dunia

 

[Tanzania Njema Yaja]

Siasa zetu zina shida na zaidi ni shida ya kifikra....

 

[maramia]

Magufuli kusanyeni kodi yote kubwa kubwa wakihitaji waje kwenu kuomba ya matumizi.

 

[esitena tetena]

mkuu sijakuelewa sawasawa unaposema UKAWA ndio wanaofilisiwa. kwani hiyo kodi ikikusanywa inagawanywa kwenye vyama vya siasa?

 

[Obuma]

Kwa reasoning za aina hii CCM itaendelea kuitawala hii nchi hadi mwisho wa dunia

Kwa reason za namna hii wenye akili wanakuwa wanajua nini kina endelea! Huwezi kutawala Maisha kwa hela!

 

[Kifaurongo]

Kwa reasoning za aina hii CCM itaendelea kuitawala hii nchi hadi mwisho wa dunia

Wakati Magufuli anatoa hotuba ya uzinduzi wa Bunge akieleza mipango ya serikali ya kudhibiti mapato nchi nzima, wao walitoka nje hata hawakuyasikia haya. leo wanadai kufilisiwa kana kwamba maagizo haya ni ya mkoa wa Dar es Salaam pekee.