Mafuriko yawaacha bila makazi wananchi 4,500 Mkoani Lindi

[Analogia Malenga]

Picha haihusiani na tukio​

Zaidi ya wananchi 4500 wa vijiji sita wilayani Kilwa Mkoa wa Lindi hawana mahala pa kuishi baada ya nyumba zao kusombwa na maji kutokana na mvua kubwa iliyonyesha mkoani humo.

Akizungumza na Mwananchi leo Jumatatu Januari 27, 2020 mkuu wa Wilaya hiyo, Christopher Ngubiagai amevitaja vijiji hivyo kuwa ni Kilanjelanje, Nanjirinji A Ruatwe, Njinjo, Nakiu na Nanjirinji B.

Amesema mbali na nyumba kubomoka, mashamba na mifugo ya wananchi hao nayo imesombwa na maji.

“Mafuriko yamesababishwa na mvua kubwa iliyonyesha kwa siku tatu mfululizo,” amesema Ngubiagai.

Mkuu huyo wa Wilaya amesema timu ya uokoaji imekwenda eneo lililokumbwa na mafuriko kwa boti kunusuru maisha ya wananchi, kwamba wananchi hao watapelekwa katika maeneo yaliyotengwa.

Amewataka watu wa kada mbalimbali kutoa msaada kwa wananchi hao.

“Tunaendelea kuwaokoa na kuwapeleka maeneo ambayo tumeyatenga. Tunahitaji msaada wa chakula, dawa, nguo na vitu vingine muhimu,” amesema Ngubiagai.

CHANZO: Mwananchi

 

[Peramiho yetu]

dah siku tatu s kitoto naona maeneo ya makangaga ambapo huchimbwa madin ya gypsum wamenusurika safar hii

Sent using Jamii Forums mobile app