Mafanikio ya Rais Magufuli 2015 - 2020

babalao 2

JF-Expert Member
Apr 6, 2012
5,098
2,000

Wanajukwaa poleni na misukosuko ya kujibadili kutoka kuwa walaji wa Mwisho kuelekea nchi ya Viwanda.

Uwanja huu ni maalumu kama ule wa Safari za nje za Jakaya kikwete ila huu ni mahususi kukusanya mambo mazuri ya Awamu ya tano chini ya Rais Magufuli juu ya maendeleo yetu hasahasa kauli yake kuu Juu ya Nchi ya Viwanda na Elimu Bure nk.

Unaruhusiwa kugusia miundo mbinu, Afya, Usafiri, Maendeleo ya Majeshi Yetu, Uvuvi,Michezo, Habari, Siasa, Viwanda,Teknolojia, Pato la Taifa nk.
Ila tu iwe kwa tulipotoka na Alipofanikiwa na nini tufanye kumsaidia kujiongeza zaidi.

Mpaka sasa kafanya haya;

Hostel za Chuo cha UDSM.
Hostel za Askari Magereza.
Ununuzi wa Ndege 2 (Nyingine 3 ziko mbioni kuja).
Ujenzi wa Flyover Tazara na Ubungo
Upanuzi wa Airport Mwanza
Upanuzi barabara ya Moroco Dsm
Upanuzi wa Kisasa Airport Dar
Kukomesha Rushwa
Kurejesha nidhamu Makazini.
------------

Na haya ameanza tarehe 12/4/2017;

Uzinduzi ujenzi wa reli kwa ajili ya treni ya Umeme.
Ujenzi wa barabara ya Mtwara-Tandahimba

Kukomesha Watumishi Wenye Feki hivyo kuokoa Mabilioni ya Fedha.

Barabara ya kuunganisha Wilaya za Kibondo kigoma Kaliua huko Tabora.

Miradi Mikubwa ya Maji :

Uwezeshaji Ujenzi Bomba la Mafuta kutoka Hoima mpaka Tanga

============
emie emie posted: Kwa kweli Rais wetu kafanya makubwa sanaa..
Kila upitapo sasa hivi ni ujenzi unaendelea...Dar es Salaam kila kona Barabara ya Tandale-Sinza- Mawasiliano inajengwa
Madaraja yanajengwa

Upanuzi wa barabara kuu ya Ubungo hadi chalinze unafanywa

Daraja Kilombero miaka yote wapigaji walikuwa wanakula hela za wananchi kuwavusha ila sasa limejengwa

Flyovers zinajengwa

Miradi ya umeme inajengwa na miradi mingi ni kwa hela za watanzania wenyewe

Miaka yote maeneo ya Mbezi na kimara walikuwa hawapati maji japo yanapita njia hiyo hiyo lakini sasa maji yamefika mbezi, na bado wanaendelea kutandaza mabomba ili kupeleka maji. Awali waliokuwa wanakula hela za wananchi ni wenye miradi ya kuuza maji kwa magari. Ila sasa wananchi wamekombolewa.

Utendaji kazi umeimarika, sasa hivi kila mmoja anaona cheo akipewa ni kama kakalia kaa la moto..Yale mambo ya kupiga hela na kukaa ofisini kupiga usingizi yameisha watu ni kazi la sivyo unawajibishwa.

Madawa sasa yanapatikana hospitali, ile hali ya madawa ya hospitali yanapelekwa katika Pharmas binafsi imeisha.

Hospitali sasa za serikali ukienda mgonjwa anajaliwa sio kama ilivyokuwa awali.

Taasisi za serikali wafanyakazi wamekuwa wanawajibika ....hakika nidhamu imeimarika.
Kwa sasa taasisi za serikali zinajiendesha kibiasara bali si kihasara kama ilivyokuwa awali, ilikuwa ni ulaji tuu wa hela, upigaji dili, taasisi zinakufa, hakuna gawio kwa serikali, ila sasa zinatoa gawio...Hakika kila kitu ni usimamizi imara, ukicheka na kima utavuna mabua.

Awali watu walikuwa wanaulilia uongozi, hata wasio kuwa na elimu walikuwa wanagombea kupata uongozi, sasa uongozi umekuwa mgumu sababu kama wewe si muwajibikaji una ndoto za kupiga tuu, hupati nafasi, Uongozi umekuwa una hadhi kwa sasa.

Hakika Namsifu Rais wetu...

Pia soma;
- Mafanikio ya Rais Magufuli: Viva Rais Magufuli, viva Tanzania
 

mcrounmj

JF-Expert Member
Feb 26, 2016
226
500
Habari za majumu wadau wa jukwaa hili.
.
.
.
.

Tarehe 25 October mwaka 2015 kama taifa tulifanya uchaguzi mkuu wa madiwani, wabunge na Rais. Miezi mitatu kabla tunakumbuka timuatimua vumbi lililokuwepo likichagizwa na chama kikuu cha upinzani CHADEMA pamoja na chama dola CCM. Kampeni zilikuwa za moto, wagombea walihaha kuwashawishi wapiga kura, hakuna upande ulikuwa na uhakika wa kushinda, mikutano ya kampeni ilizajaza nyomi isiyosimulika si tu kwa CCM bali pia kwa upinzani (UKAWA).

Tulishuhudia jinsi ambavyo wanasiasa nguli na vigogo walivyojinasua CCM na kujiunga na upinzani wakiongozwa na waziri mkuu msaafu Edward Lowasa baada ya kukatwa na kamati kuu wakati wa mchakato wa kumpata mpeperusha bendela ya urais CCM. Tukio hilo liliongeza nguvu kubwa mno kwa upinzani na kufanya kampeni kuwa na amshaamsha ya juu.

Ikumbukwe kuwa kabla ya hapo CCM ilikuwa imepoteza mvuto kwa wanachi, hii ilitokana na maisha magumu yaliyosababishwa na serikali ya CCM kwa wananchi wa kawaida, huduma mbovu za jamii ikiwemo shida ya maji mijini na vijijini, mgao wa umeme, uduni wa huduma za afya, elimu, miundombinu ya barabara na ukosefu wa ajira kwa vijana. Hii ilitokana na serikali kunuka ufisadi na rushwa iliyowaneemesha vigogo na wanasiasa wachache serikalini huku nchi ikitopea kwenye umasikini wa kunuka. Rasilimali za nchi walifaidi wazungu kwa mikataba mibovu iliyosainiwa hotel za nyota tano ikiwa na mashariti kandamizi na kuwafaidisha waporaji kwa jina la uwekezaji. Tuliibiwa sana!

Kwahiyo mpaka tunaenda kwenye uchaguzi mkuu wa October 2015, siyo vingozi wastaafu, siyo wanachama wa CCM, kila mtu alielewa ilikuwa tia maji tia maji, hata katibu mkuu CCM kipindi hicho Mzee Kinana maji yalikuwa shingoni.

Labda nikumbushe tu kuwa katika kipindi cha miaka kumi ya Rais Kikwete, serikali yake ilikumbana na kashifa za ufisadi na utakatishaji wa mabilioni ya shilingi. Vigogo waliokuwa ndani ya CCM na serikalini wengi walituhumiwa kwa skendali za ufisadi, mpaka tunaenda ngwe ya mwisho ya rais Kikwete hakuna aliyejua mrithi wake. Chama kilikuwa kimejaa mafisadi na wala rushwa, hakuna ambaye alikuwa na uafadhari wa kukubalika kwa wananchi. Swali lilibaki ni nani ataipeperusha bendera ya chama cha mapinduzi ambaye alikuwa na unafuu?

CCM ni kama walilamba dume katika uteuzi wao kwenye kamati kuu. Hapo walionyesha umahiri wao wa kuchanga kibunda cha karata na hatimae kumuibua Pombe #Magufuli. Huyu mwamba anayetokea kanda ya ziwa alikuwa naibu waziri na waziri katika wizara tofauti. Ni kwenye wizara nyingi aliweza kuacha alama, ila zaidi kwenye wizara ya ujenzi aliweza kuonyesha umahiri wake. Wazee wenzangu muliokuwepo kipindi hicho mnaweza kukumbuka alipokesha kwenye site za madaraja, alivyoigiza ni dereva wa malori na kuwanyoosha mizani na mengine mengi.

Katika historia ya nchi yetu tangu tupate uhuru hakuna kipindi tumewahi kuwa na joto la siasa la juu kiasi kile. UKAWA walijaza nyomi kubwa kwenye mikutano yao ya kampeni na CCM nao wakajaza nyomi, hii iliwapa ugumu hata wataalamu na wachambuzi wa masuala ya kisiasa nchini kutabiri ni nani angeibuka mshindi wa urais. Pengine lipo kundu kubwa la wananchi walioamini CCM ilikuwa inaenda kuangukia pua, labda goli la mkono litumike kuinusuru kusalia madarakani.

Yakutokea yalitokea uchaguzi ulifanyika tarehe 25 October 2015, nakumbuka siku hiyo nilikuwa msimamizi wa uchaguzi kituo fulani mkoa wa Kilimanjaro. Pombe #Magufuli alikuwa mshindi wa kiti cha urais, mwamba akaapishwa.

Pamoja na mambo mengine, mimi nikiwa mwanaharakati na mufuasi wa mageuzi, Pombe #Magufuli ndiye rais #tuliyemngoja zaidi ya miongo minne tangu tumepata Uhuru. Hapa siongelei ushabiki wa kivyama ila naongelea masilahi mapana ya nchi yangu.

Miaka mitano ya Pombe #Magufuli Tanzania kwa mara ya kwanza tumekuwa na fly over, kwa mara ya kwanza tumejenga treni ya umeme (SGR), kwa mara ya kwanza tumekuwa na ndege zaidi ya 12, kwa mara ya kwanza tunajenga bwawa kubwa la kufua umeme (stiglus gorge) litakalozalisha zaidi ya megawatts 2115 na wakati matumizi yetu kwa sasa yakiwa ni megawatts 1200 na kwa mara ya kwanza tangu tupate Uhuru elimu ya sekondari imetolewa bure.

Mambo mengi makubwa tumeyashuhudia, kwa mara ya kwanza zaidi ya vijiji 10,000 vya Tanzania vimekuwa na umeme kutoka 2,000, huduma za maji zimeboreshwa mjini na vijijini ukiwepo mradi mkubwa wa kutoa maji ziwa Victoria kuyapeleka kwenye miji na vitongoji vya Tabora.

Pamoja na mambo makubwa na yanayopendeza aliyoyafanya katika kipindi cha miaka mitano, pia kumekuwepo na changamoto za hapa na pale. Ajira zimepotea ndani ya miaka mitano, hakuna nyongeza ya mishahara kwa wafanyakazi wa umma. Hivyo yapo makundi ya wahitimu wa elimu za juu katika kada mbalimbali na wafanyakazi wa umma na watu wengine ambao kwa namna moja ama nyingine hawakuguswa na utendaji kazi wa huyu Mwamba, acheni ubinafsi.

Hata kama rais atatoka mbinguni hawezi kumgusa kila mtu kwa hitaji lake, hata yesu wapo aliowakela. Tuache #ubinafi wa kumhukumu huyu mwamba toka kanda ya ziwa kwa kushindwa kutoa ajira au kutoa nyongeza ya mishahahara. Tanzania ina watu zaidi ya milioni sitini, wafanyakazi ni chini ya asilimia kumi ya watu wote. Vipi akisema awaangalie nyie tu, kundi linalobaki inakuwaje.

Hata kwa wasomi tunaohitimu vyuo tuache ubinafsi alihali tukijua sehemu kubwa ya familia zetu ni watu hawajasoma ama wameishia darasa la saba na wanahitaji maji safi, umeme, huduma za afya na barabara za lami. Rais yupo kubana matumizi kuwa na wafanyakazi wachache watakaotimiza majukumu yao kwa kuwajibika lakini pia akitekeleza miradi ya maendeleo itakayogusa maisha ya kila mtu.

Mwisho, ila si kwa ulazima, ningependa kumuona Pombe #Magufuli akiendelea kuwa rais hata baada ya ungwe yake ya pili kuisha. Watanzani! ni rahisi kumpata rais ila siyo rahisi kumpata rais mzalendo asiyepepesa macho wala kumuonea mtu aibu kwenye mambo ya maendeleo ya taifa letu. Taifa kubwa kama China wameendelea na uchumi wao kuwa tishio duniani kwa kuwa na viongozi wachapa kazi na wazalendo kwa nchi zao. Hakika miaka kumi ijayo tukiwa na magufuli naiona Tanzania taifa litakalojitegemea kiuchumi.
 

mngony

JF-Expert Member
Jul 27, 2012
3,631
2,000
1.5 Trilioni

Ukijumlisha kashfa zote za upigaji za Kagoda, Meremeta,Buzwagi Radar, Richmond kwa pamoja hazifikii 1.5 T.

Uzalendo gani huo unaosema wewe
 

reli ya mbao

Member
Aug 11, 2020
7
45
Pamoja na madhaifu yake.. lakini Magufuli amedhubutu na anahitaji kupewa miaka mingine 5.. naamini Tanzania itakua mbali sana.

Japo ndani ya hii miaka 5 anahitaji kufanya haya mambo mawili ili kuacha legacy kama Rais Bora.

1. Kuweka mezani mchakato wa katiba
2. Kuwezesha Tanzania kupata katiba mpya isiyo na mizizi ndani ya ccm.

Watu wa Dar msipo mchagua .. mtakua hamna maana kabisa.. dar inamelemeta kwa barabara za mitaani, taa, vituo vya afya, etc.

Huyu hapa ndio Rais wa kumchagua.

View attachment 1541828
Duuuuh!!!
 

Sexless

JF-Expert Member
Mar 11, 2017
7,133
2,000
  • Biashara zimekufa na zilizopo hazina matumaini ya kustawi.
  • Hali za maisha ya watu imekuwa hoi.
  • Raia wana hofu ya kutekwa na kuuawa kila mahali.
  • Hali za wakulima ziko hoi kwasabb bei za mazao zimeporomoka.
  • Wafanyakazi hali zao mbaya kwasabb mishahara yao haijawahi kuongezeka tangu Kikwete aondoke madarakani.
  • Vijana wanaomaliza vyuo wamekosa matumaini kwasabb serikali haitoi ajira.
  • Sekta binafsi imekuwa adui wa serikali (inazidi kuminywa).
OKTOBA 28 MCHAGUE JPM KUYAENDELEZA HAYA AMA MKATAE KUYAONDOA.
 

KISIWAGA

JF-Expert Member
Oct 22, 2015
1,324
2,000
Usisahau uteuzi wa katibu mkuu mpya wa wizara ya afya atakayehakikisha hakuna mgonjwa wa corona anayetangazwa
 

Baba Masagu

Member
Aug 30, 2020
21
45
Ukumbuke na mlivyochoma Ofisi zenu Arusha mnatafuta Kiki.
Mambo mazuri mnayaona mnatatufutiza Vya uongo.
Wafanyakazi wote wapo na furaha zao makazini.
Corona inawapa faida kwani?
Watu wanachapa kazi , corona hapa hamna .
Mlikua mnatoa takwimu za uongo ili watu waogope kufanya kazi ili uchumi udorole JPM akashtuka. CCM mbele kwa mbele.
 

Babati

JF-Expert Member
Aug 7, 2014
34,676
2,000
Ukumbuke na mlivyochoma Ofisi zenu Arusha mnatafuta Kiki.
Mambo mazuri mnayaona mnatatufutiza Vya uongo.
Wafanyakazi wote wapo na furaha zao makazini.
Corona inawapa faida kwani?
Watu wanachapa kazi , corona hapa hamna .
Mlikua mnatoa takwimu za uongo ili watu waogope kufanya kazi ili uchumi udorole JPM akashtuka. CCM mbele kwa mbele.
Tuna toa takwimu kwa sheria ipi?
 

Retina

JF-Expert Member
Mar 6, 2015
724
500
Mimi nashangaa mtu akisema amerejesha nidhamu kazini, ni wajibu wa muajiri kuhakikisha nidhamu ya kazi inasimamiwa,kama nidhamu ya kazi ilikuwa imeshuka ni Chama gani kilikuwa kinatawala?
Kujenga reli ni strategy tu kama kunauhitaji ifanye hivyo, kwa kulikuwa na watz wamezuia?
Mtu anasema kajenga hostel, ni wajibu wa serikali kutoa huduma za kijamii kama elimu, afya n.k.ningefurahi kama angeboresha elimu kuliko kusifia ujinga.
 
Sep 1, 2020
88
125

Wanajukwaa poleni na misukosuko ya kujibadili kutoka kuwa walaji wa Mwisho kuelekea nchi ya Viwanda.

Uwanja huu ni maalumu kama ule wa Safari za nje za Jakaya kikwete ila huu ni mahususi kukusanya mambo mazuri ya Awamu ya tano chini ya Rais Magufuli juu ya maendeleo yetu hasahasa kauli yake kuu Juu ya Nchi ya Viwanda na Elimu Bure nk.

Unaruhusiwa kugusia miundo mbinu, Afya, Usafiri, Maendeleo ya Majeshi Yetu, Uvuvi,Michezo, Habari, Siasa, Viwanda,Teknolojia, Pato la Taifa nk.
Ila tu iwe kwa tulipotoka na Alipofanikiwa na nini tufanye kumsaidia kujiongeza zaidi.

Mpaka sasa kafanya haya;

Hostel za Chuo cha UDSM.
Hostel za Askari Magereza.
Ununuzi wa Ndege 2 (Nyingine 3 ziko mbioni kuja).
Ujenzi wa Flyover Tazara na Ubungo
Upanuzi wa Airport Mwanza
Upanuzi barabara ya Moroco Dsm
Upanuzi wa Kisasa Airport Dar
Kukomesha Rushwa
Kurejesha nidhamu Makazini.
------------

Na haya ameanza tarehe 12/4/2017;

Uzinduzi ujenzi wa reli kwa ajili ya treni ya Umeme.
Ujenzi wa barabara ya Mtwara-Tandahimba

Kukomesha Watumishi Wenye Feki hivyo kuokoa Mabilioni ya Fedha.

Barabara ya kuunganisha Wilaya za Kibondo kigoma Kaliua huko Tabora.

Miradi Mikubwa ya Maji :

Uwezeshaji Ujenzi Bomba la Mafuta kutoka Hoima mpaka Tanga

============
emie emie posted: Kwa kweli Rais wetu kafanya makubwa sanaa..
Kila upitapo sasa hivi ni ujenzi unaendelea...Dar es Salaam kila kona Barabara ya Tandale-Sinza- Mawasiliano inajengwa
Madaraja yanajengwa

Upanuzi wa barabara kuu ya Ubungo hadi chalinze unafanywa

Daraja Kilombero miaka yote wapigaji walikuwa wanakula hela za wananchi kuwavusha ila sasa limejengwa

Flyovers zinajengwa

Miradi ya umeme inajengwa na miradi mingi ni kwa hela za watanzania wenyewe

Miaka yote maeneo ya Mbezi na kimara walikuwa hawapati maji japo yanapita njia hiyo hiyo lakini sasa maji yamefika mbezi, na bado wanaendelea kutandaza mabomba ili kupeleka maji. Awali waliokuwa wanakula hela za wananchi ni wenye miradi ya kuuza maji kwa magari. Ila sasa wananchi wamekombolewa.

Utendaji kazi umeimarika, sasa hivi kila mmoja anaona cheo akipewa ni kama kakalia kaa la moto..Yale mambo ya kupiga hela na kukaa ofisini kupiga usingizi yameisha watu ni kazi la sivyo unawajibishwa.

Madawa sasa yanapatikana hospitali, ile hali ya madawa ya hospitali yanapelekwa katika Pharmas binafsi imeisha.

Hospitali sasa za serikali ukienda mgonjwa anajaliwa sio kama ilivyokuwa awali.

Taasisi za serikali wafanyakazi wamekuwa wanawajibika ....hakika nidhamu imeimarika.
Kwa sasa taasisi za serikali zinajiendesha kibiasara bali si kihasara kama ilivyokuwa awali, ilikuwa ni ulaji tuu wa hela, upigaji dili, taasisi zinakufa, hakuna gawio kwa serikali, ila sasa zinatoa gawio...Hakika kila kitu ni usimamizi imara, ukicheka na kima utavuna mabua.

Awali watu walikuwa wanaulilia uongozi, hata wasio kuwa na elimu walikuwa wanagombea kupata uongozi, sasa uongozi umekuwa mgumu sababu kama wewe si muwajibikaji una ndoto za kupiga tuu, hupati nafasi, Uongozi umekuwa una hadhi kwa sasa.

Hakika Namsifu Rais wetu...

Pia soma;
- Mafanikio ya Rais Magufuli: Viva Rais Magufuli, viva Tanzania
Hongera sana Mhe Magufuli, kwa mafanikio haya miaka 5 tena inakuhusu
 
Sep 1, 2020
88
125

Wanajukwaa poleni na misukosuko ya kujibadili kutoka kuwa walaji wa Mwisho kuelekea nchi ya Viwanda.

Uwanja huu ni maalumu kama ule wa Safari za nje za Jakaya kikwete ila huu ni mahususi kukusanya mambo mazuri ya Awamu ya tano chini ya Rais Magufuli juu ya maendeleo yetu hasahasa kauli yake kuu Juu ya Nchi ya Viwanda na Elimu Bure nk.

Unaruhusiwa kugusia miundo mbinu, Afya, Usafiri, Maendeleo ya Majeshi Yetu, Uvuvi,Michezo, Habari, Siasa, Viwanda,Teknolojia, Pato la Taifa nk.
Ila tu iwe kwa tulipotoka na Alipofanikiwa na nini tufanye kumsaidia kujiongeza zaidi.

Mpaka sasa kafanya haya;

Hostel za Chuo cha UDSM.
Hostel za Askari Magereza.
Ununuzi wa Ndege 2 (Nyingine 3 ziko mbioni kuja).
Ujenzi wa Flyover Tazara na Ubungo
Upanuzi wa Airport Mwanza
Upanuzi barabara ya Moroco Dsm
Upanuzi wa Kisasa Airport Dar
Kukomesha Rushwa
Kurejesha nidhamu Makazini.
------------

Na haya ameanza tarehe 12/4/2017;

Uzinduzi ujenzi wa reli kwa ajili ya treni ya Umeme.
Ujenzi wa barabara ya Mtwara-Tandahimba

Kukomesha Watumishi Wenye Feki hivyo kuokoa Mabilioni ya Fedha.

Barabara ya kuunganisha Wilaya za Kibondo kigoma Kaliua huko Tabora.

Miradi Mikubwa ya Maji :

Uwezeshaji Ujenzi Bomba la Mafuta kutoka Hoima mpaka Tanga

============
emie emie posted: Kwa kweli Rais wetu kafanya makubwa sanaa..
Kila upitapo sasa hivi ni ujenzi unaendelea...Dar es Salaam kila kona Barabara ya Tandale-Sinza- Mawasiliano inajengwa
Madaraja yanajengwa

Upanuzi wa barabara kuu ya Ubungo hadi chalinze unafanywa

Daraja Kilombero miaka yote wapigaji walikuwa wanakula hela za wananchi kuwavusha ila sasa limejengwa

Flyovers zinajengwa

Miradi ya umeme inajengwa na miradi mingi ni kwa hela za watanzania wenyewe

Miaka yote maeneo ya Mbezi na kimara walikuwa hawapati maji japo yanapita njia hiyo hiyo lakini sasa maji yamefika mbezi, na bado wanaendelea kutandaza mabomba ili kupeleka maji. Awali waliokuwa wanakula hela za wananchi ni wenye miradi ya kuuza maji kwa magari. Ila sasa wananchi wamekombolewa.

Utendaji kazi umeimarika, sasa hivi kila mmoja anaona cheo akipewa ni kama kakalia kaa la moto..Yale mambo ya kupiga hela na kukaa ofisini kupiga usingizi yameisha watu ni kazi la sivyo unawajibishwa.

Madawa sasa yanapatikana hospitali, ile hali ya madawa ya hospitali yanapelekwa katika Pharmas binafsi imeisha.

Hospitali sasa za serikali ukienda mgonjwa anajaliwa sio kama ilivyokuwa awali.

Taasisi za serikali wafanyakazi wamekuwa wanawajibika ....hakika nidhamu imeimarika.
Kwa sasa taasisi za serikali zinajiendesha kibiasara bali si kihasara kama ilivyokuwa awali, ilikuwa ni ulaji tuu wa hela, upigaji dili, taasisi zinakufa, hakuna gawio kwa serikali, ila sasa zinatoa gawio...Hakika kila kitu ni usimamizi imara, ukicheka na kima utavuna mabua.

Awali watu walikuwa wanaulilia uongozi, hata wasio kuwa na elimu walikuwa wanagombea kupata uongozi, sasa uongozi umekuwa mgumu sababu kama wewe si muwajibikaji una ndoto za kupiga tuu, hupati nafasi, Uongozi umekuwa una hadhi kwa sasa.

Hakika Namsifu Rais wetu...

Pia soma;
- Mafanikio ya Rais Magufuli: Viva Rais Magufuli, viva Tanzania
Tumetekeleza kwa kishindo tunasonga mbele pamoja
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom