Maalim Seif ajitoa kwenye mazungumzo ya usuluhishi Zanzibar

[Quinine]

Kutoka magazetini.

Seif Shariff Hamad amejitoa rasmi kwenye mazungumzo yaliyokuwa yanaendelea.

Ni baada ya viongozi wakuu wa vyama vinavyounda UKAWA kukutana jijini kwa siri kubwa na baada ya Seif kufanya mazungumzo na aliyekuwa mgombea urais wa Chadema kwa mwamvuli wa Ukawa mh. Edward Lowassa.

Wakati sintofahamu ya hali ya kisiasa Zanzibar ikiendelea, aliyekuwa mgombea urais wa Chama cha Wananchi (CUF), Maalim Seif Sharif Hamad, amejitoa kwenye mazungumzo ya maridhiano yaliyokuwa yakiendelea visiwani humo.

Mpaka sasa Maalimu Seif, Rais wa Zanzibar, Ali Mohamed Shein, marais wastaafu Ali Hassan Mwinyi, Dk. Salmin Amour Juma, Amani Abeid Karume na Makamu wa Pili wa Rais wa Zanzibar, Balozi Seif Ali Iddi, wameshakutana mara tisa kwa nyakati tofauti katika vikao hivyo ambavyo vilikuwa vimetawaliwa na usiri mkubwa.

Itakumbukwa pia kuwa, hivi karibuni Maalimu Seif alikutana na waandishi wa habari jijini Dar es Salaam na kueleza kutoridhishwa na namna ambavyo mazungumzo hayo yalikuwa yakiendelea na badala yake kumtaka Rais John Magufuli kuingilia kati mzozo huo wa kisiasa ulioibuka baada ya uchaguzi mkuu Zanzibar uliofanyika mwaka jana kufutwa na matokeo yake.

Akutana na Lowassa
Jana, Maalimu Seif alisafiri kutoka Zanzibar hadi Dar es Salaam na kukutana na viongozi wakuu wa Ukawa wakiongozwa na aliyekuwa mgombea wa urais wa umoja huo kupitia Chadema, Edward Lowassa na kuweka msimamo wa kutoendelea na mazungumzo hayo kwa madai kuwa hayana nia njema ya kumaliza mzozo uliopo visiwani humo.

Habari ambazo mtandao huu ulizipata zilisema, viongozi hao walikutana kwenye ofisi za umoja huo (Ngome), zilizoko Kawe, wilayani Kinondoni.

Viongozi wengine walioshiriki kwenye kikao hicho ni Mwenyekiti wa NCCR-Mageuzi, James Mbatia, Kaimu Mwenyekiti wa CUF Taifa, Twaha Taslima na Mjumbe wa Kamati Kuu ya Chama cha Maendeleo na Demokrasia (Chadema), Prof. Mwesiga Baregu.

Chanzo chetu kutoka ndani ya kikao hicho kilisema: “Maalimu Seif aliwaeleza wenzake kwamba kwa sasa hataendelea na mazungumzo yaliyokuwa yakiendelea Zanzibar kwa sababu ameona hayana tija.”

Chanzo hicho kilieleza kuwa, baada ya Maalimu Seif kutangaza kujiweka kando na mazungumzo hayo, iliamuliwa njia iliyobaki ni kuweka shinikizo la kitaifa na kimataifa ili mshindi wa uchaguzi wa Oktoba 25, mwaka jana atangazwe.

“Siku yoyote kabla ya Bunge kuanza, Maalimu Seif na viongozi wengine wa Ukawa watasafiri hadi Dodoma kukutana na wabunge wao ili kuwaeleza hali ya Zanzibar ilivyo na namna ya kuingia nayo Bungeni,” kilieleza chanzo hicho.

Kilieleza pia kwamba, katika mkutano na wabunge hao wa Ukawa, watajadili namna ya kuendesha siasa zao ndani ya Bunge na nje ili kujipanga na uchaguzi mkuu wa mwaka 2020.

Januari 11, mwaka huu, Malimu Seif alizungumza na waandishi wa habari jijini Dar es Salaam na kuwaeleza kuwa haridhishwi na mazungumzo hayo, akidai wenzake wanaokana kuendelea kung’ang’ania kurudiwa kwa uchaguzi jambo alilosema haamini kama litaleta suluhu kwenye mgogoro wa Zanzibar na kumtaka Rais Magufuli kuingilia kati.

Wakati Maalimu Seif akionyesha kuwa tumaini lake lililokuwa limebaki ni Rais Magufuli, Januari 12, Rais Shein alilizika pale alipoweka msimamo wa kurudiwa kwa uchaguzi huo mbele ya Rais Magufuli na marais wastaafu, Ali Hassan Mwinyi, Benjamin Mkapa, Jakaya Kikwete na Rais Mstaafu wa Zanzibar, Amani Abeid Karume, akiwamo Balozi Seif Idd Ali, ambao pia ni wajumbe wa mazungumzo hayo.

Akizungumza wakati wa maadhimisho ya miaka 52 ya Mapinduzi ya Zanzibar, Dk. Shein, alisema uchaguzi wa marudio utafanyika chini ya Tume ya Uchaguzi ya Zanzibar (Zec) na kuwataka wananchi kuwa watulivu wakisubiri tume hiyo itangaze tarehe ya kufanyika uchaguzi huo.

 

[Dupe]

Kwaiyo EL ndiyo kawa mshauri mkuu wa UKAWA sasa?

 

[mcubic]

Gari ipo kwenye matope...nyuma haiendi ( mshindi atangazwe) mbele haiendi ( uchaguzi urudiwe)....

Ushauri wa kuunda technocratic government ni wa maana sana

 

[mavumbi]

Kutoka magazetini.

Seif Shariff Hamad amejitoa rasmi kwenye mazungumzo yaliyokuwa yanaendelea.

Ni baada ya viongozi wakuu wa vyama vinavyounda UKAWA kukutana jijini kwa siri kubwa na baada ya Seif kufanya mazungumzo na aliyekuwa mgombea urais wa Chadema kwa mwamvuli wa Ukawa mh. Edward Lowassa.

Sababu za kujitoa?

 

[Erick Magali]

Safi....Mimi sioni cha kujadiri hapo...mshindi atangazwe

 

[jingalao]

Uchaguzi utarudiwa na mshindi kwa misingi ya kidemokrasia atatangazwa simple...!

 

[LWENYI]

Kwaiyo EL ndiyo kawa mshauri mkuu wa UKAWA sasa?

Ndiyo! Wewe inakuuma nini?

 

[jingalao]

Safi....Mimi sioni cha kujadiri hapo...mshindi atangazwe

Mshindi anatangazwa vipi wakati uchaguzi umefutwa are you insane?

 

[jingalao]

Gari ipo kwenye matope...nyuma haiendi ( mshindi atangazwe) mbele haiendi ( uchaguzi urudiwe)....

Ushauri wa kuunda technocratic government ni wa maana sana

Huo muundo ni kwa mujibu wa katiba ipi?

 

[Mshughulishaji]

Sababu za kujitoa?

Ujanjaujanja na ubabe wa wale wa upande wa pili,

 

[Erick Magali]

Uchaguzi ulishapita.....sababu za kurudia uchaguzi hazipo

 

[chipolopolo 2]

Mazungumzo ya nini

 

[Mshughulishaji]

Uchaguzi utarudiwa na mshindi kwa misingi ya kidemokrasia atatangazwa simple...!

Kama vile repeaters wa ... hadi afaulu na achaguliwe kuingia kidacho cha ...

 

[mcubic]

Huo muundo ni kwa mujibu wa katiba ipi?

Mnapokuwa na matatizo ambayo kiuhalisia hayatatuliki kirahisi, ni vyema kuchagua mbinu mbadala amabazo zitawafanya wale wagombanao wasijisikie wameonewa au wamependelewa.

Mimi na wewe sote tunafahamu katiba mbovu ndio msingi wa sintofahamu hii inayoendelea Zanzibar as well as Tanzania kwa ujumla......

 

[Tetty]

Uchaguzi utarudiwa na mshindi kwa misingi ya kidemokrasia atatangazwa simple...!

Kwa hiyo CCM wakishinda ndiyo mshindi wa kidemokrasia na akishinda CUF ushindi haukuwa wa kidemokrasia???

Kwa CCM ikishindwa tena uchaguzi utarudiwa mpaka CCM ishinde???

 

[Miunda]

Uchaguzi utarudiwa na mshindi kwa misingi ya kidemokrasia atatangazwa simple...!

Uchaguzi gani? Kwani ulo fanyika ulikuwa ni nini?

 

[habari ya hapa]

Hongera seif kwa uamuzi wako murua kabisa,

 

[evansGREATDeal]

Amechelewa sana maarimu,..
ccm wamemgeukaaaa.,...
fisiem hawana rafiki ktk uongozi,..
maalim alijua atapata nchi ofisini au mezani,..
bora lowassa kampa akili

 

[Quinine]

Uchaguzi utarudiwa na mshindi kwa misingi ya kidemokrasia atatangazwa simple...!

Kwa demokrasia ya CCM ilivyo uchaguzi utarudiwa hata mara kumi hadi CCM ishinde.

 

[Daudi Mchambuzi]

Uchaguzi utarudiwa na mshindi kwa misingi ya kidemokrasia atatangazwa simple...!

kwa misingi ya kidemokrasia Jecha atangaze mshindi kura zishahesabiwa zote simple.