Lissu: Tunataka Rais Magufuli atuambie waliokwepa Kodi ni kina nani

[Kibo10]

Akihojiwa na gazeti la Mwananchi Mh Tundu Lissu amesema, tunataka Rais Magufuli atuambie, waliokaepa kodi bandarini ni kina nani na kwanini hatuwaoni Mahakamani.

Hatutakubali atuambie tu ameongeza makusanyo ya kodi. Atuambie waliokwepa wako wapi maana kukwepa kodi ni kosa kubwa kisheria"alisema Lissu"

================

Dar es Salaam. Mwanasheria Mkuu wa Chadema, Tundu Lissu amesema upinzani utaendeleza mapambano dhidi ya ufisadi kwa kuwa ajenda za Taifa ni nyingi na Rais John Magufuli hataweza kuzitekeleza zote.

Akizungumza na Mwananchi katika mahojiano maalumu jana, Lissu alisema tangu aingie madarakani, Rais Magufuli amekuwa akiwabana watendaji wa Serikali wanaoonekana kutowajibika na hivyo kuiingizia Serikali hasara ya mabilioni, akianzia bandarini na Mamlaka ya Mapato Tanzania (TRA) ambako amewafukuza kazi vigogo kadhaa.

Lissu ambaye pia Mbunge wa Singida Mashariki, alisema ufisadi ndani ya Serikali ya CCM ni mfumo ambao Rais Magufuli hataweza kuufumua wote katika kipindi cha miaka mitano ya utawala wake.

Akijibu swali lililotaka aeleze ajenda mpya ya upinzani, baada ya Rais kuonekana kuichukua ya ufisadi na kuifanyia kazi alisema: “Magufuli hawezi kuua upinzani kama baadhi ya watu wanavyodhani kwa sababu ili afanikiwe hilo, inabidi kwanza afanye kazi ya ziada; aache tabia za CCM na akubali kuimaliza CCM Zanzibar kwa kumtaka Mwenyekiti wa Tume ya Uchaguzi (ZEC) amtangaze mshindi halali wa Uchaguzi Mkuu wa Oktoba 25 mwaka jana ambaye sisi tunaamini ni Maalim Seif (Sharif Hamad) na akubali kuimaliza CCM Dar es Salaam kwa kusimamia uchaguzi wa meya,” alisema Lissu.

Lissu alisema kitendo cha Rais Magufuli kumteua Profesa Sospeter Muhongo kuwa waziri kimerudisha ajenda ya ufisadi wa Escrow bungeni. Alisema sasa wabunge hawahoji utekelezaji wa maazimio yake kuhusu suala hilo pekee, bali pia kina nani walichukua Sh73 bilioni zilizowekwa kwenye Benki ya Stanbic.

“Magufuli pia akitaka kuua upinzani nchini, atuambie waliokwepa kodi bandarini ni akina nani na kwa nini hatuwaoni mahakamani. Hatutakubali atuambie tu kwamba ameongeza makusanyo ya kodi, aseme waliokwepa wako wapi kwa sababu kukwepa kodi ni kosa kubwa kisheria,” alisema.

Alifafanua Katiba imezungumzia kosa la kukwepa kodi kwa msisitizo mkubwa, ikiwazuia wote watakaobainika kugombea ubunge: “Sasa hawa waliokwepa lazima tuwajue ili tuje kuwazuia kama wataamua kukwepa kugombea ubunge au kama ni wabunge tuwapinge mahakamani,” alisema.

Amsikitikia Magufuli

Lissu alisema anamwonea huruma Rais Magufuli kwa kuwa ana wakati mgumu zaidi kuliko watangulizi wake, Benjamin Mkapa na Jakaya Kikwete.

“Tena hilo niliweke wazi kwamba kati ya marais wa CCM Mkapa ndiye aliyefanikiwa kuutesa upinzani. Aliingia madarakani kwa asilimia 61 ya kura na uchaguzi uliofuata asilimia ya ushindi wake ikaongezeka hadi asilimia 81 na katika kipindi chote cha utawala wake, nguvu ya upinzani ilipungua,” alisema. “Baada ya hapo upinzani ukakua kwa kasi. Kumbuka Kikwete alishinda kwa asilimia kubwa lakini uchaguzi uliofuata alishuka kwa kasi kubwa na upinzani ukakua. Faida aliyokuwa nayo Kikwete ni kuendeleza mazuri aliyoanzisha Mkapa.”

Lissu alisema tofauti na watangulizi wake hao, Rais Magufuli ameshinda kwa asilimia ndogo, lakini pia amechaguliwa kurithi matatizo lukuki ya CCM katika mazingira ambayo upinzani una nguvu kubwa.

Chanzo: Mwananchi

 

[The Boss]

Hahaa kiukweli kama Magufuli ameweza ku compromise basi sio mbaya sana
mimi hofu yangu kubwa ni Magufuli kuwa 'too radical'...kwenye mambo ya uchumi

Dunia nzima makampuni makubwa yanabanwa tu kulipa..nadra sana kusikia wamefungwa...

ukimfunga mtu alie ajiri watu 5000...unaathiri watu 5000....sio yeye tu peke yake...

Kinachotakiwa ni kuwalazimisha wauze hisa makampuni yao..
yawe public property hapo itakuwa ngumu kwao kukwepa kodi
ndo maana TBL wana lead kulipa kodi kila siku....wana transparency

 

[wakimataifa.]

tundu lisu anataka kuleta habari za waliokopa PPF ambaye mbowe alikuwa mmojawapo

 

[Leak]

Akihojiwa na gazeti la Mwananchi Mh Tundu Lissu amesema,Tunataka Rais magufuli atuambie,Waliokaepa kodi bandarini ni kina nani na kwanini hatuwaoni mahakamani.
Hatutakubali atuambie tu ameongeza makusanyo ya kodi.Atuambie waliokwepa wako wapi maana kukwepa kodi ni kosa kubwa kisheria"alisema Lissu"

Nilicho furahi kwenye hii habari ni kuona sasa Tundu Lissu ana tambua kuwa Magufuli ni Rais wake!

 

[ndege JOHN]

tundu lisu anataka kuleta habari za waliokopa PPF ambaye mbowe alikuwa mmojawapo

Hata sijakuelewa

 

[habari ya hapa]

tundu lisu anataka kuleta habari za waliokopa PPF ambaye mbowe alikuwa mmojawapo

Vipi nikupatie namba ya mbowe

 

[Simiyu Yetu]

Mbona wengi anao huko chadema tena wengine waligombea urais kwa tiketi ya chama chake.

 

[Nduka]

Akihojiwa na gazeti la Mwananchi Mh Tundu Lissu amesema,Tunataka Rais magufuli atuambie,Waliokaepa kodi bandarini ni kina nani na kwanini hatuwaoni mahakamani.
Hatutakubali atuambie tu ameongeza makusanyo ya kodi.Atuambie waliokwepa wako wapi maana kukwepa kodi ni kosa kubwa kisheria"alisema Lissu"

Yaan Lissu kuna mambo anaweza kufanya ukaamini maneno ya Kigwangala.

 

[Mwasita Moja]

Katiba ya chadema hairuhusu kuchukua kiongozi Wa chama kingine aje kuwa viti maalumu chadema.

Ni kwa nini chadema imechukua viongozi Wa ccm?!?

Tundu Lisu tufafanulie hapo...


WHY

 

[King Kong III]

Kina SSB Group ndio wakwepaji kodi wakubwa.

 

[Simiyu Yetu]

tundu lisu anataka kuleta habari za waliokopa PPF ambaye mbowe alikuwa mmojawapo

Sahihi kabisa wamekopa halafu wamekimbia na pesa za watu halafu lisu anauliza anachokijua.

 

[mgt software]

Mbona wengi anao huko chadema tena wengine waligombea urais kwa tiketi ya chama chake.

si uwaseme uache kuropoka mitandaoni

 

[Bukanga]

Hili suala MaCCM hawawezi kulijibu!

Wataishia kutoa vijembe tu...

 

[petrinamwana]

Lissu naye ni jipu tena jipu kipo mdomoni analopoka tu kulikamua jipu mdomoni kazi kwelikweli manake liko ndani kwa ndani alafu lina muwasha vibaya mno na hivi hana nyota ni balaaa

 

[Mkaruka]

Yaan Lissu kuna mambo anaweza kufanya ukaamini maneno ya Kigwangala.

Nakubaliana

Yaan Lissu kuna mambo anaweza kufanya ukaamini maneno ya Kigwangala.

na wewe.............

 

[Kibo10]

Mbona wengi anao huko chadema tena wengine waligombea urais kwa tiketi ya chama chake.

Chief,Mmetumbua majipu.Pato limeongezeka.Tuambieni ni kina nani walikuwa wanatuibia kodi zetu.Then turudi kwenye sheria,Inasemaje kwa wakwepa kodi.Acheni siasa kwenye mambo ya msingi.Au kutumbua majipu bandarini ilikuwa janja ya kupooza hisia za uchaguzi tata?

 

[Mkaruka]

 

[TEKNOLOJIA]

I respect Lissu a lot as a well versed lawyer but he is stooping so low with this issue. Kila mtu anafahamu kuwa suala la. kuwataja majina wakwepa kodi si kazi ya rais,kuna mamlaka zinazohusika ambazo Tundu Lissu anapaswa kuzibana,kwa mfano TRA.

Akihojiwa na gazeti la Mwananchi Mh Tundu Lissu amesema, tunataka Rais Magufuli atuambie, waliokaepa kodi bandarini ni kina nani na kwanini hatuwaoni Mahakamani.

Hatutakubali atuambie tu ameongeza makusanyo ya kodi. Atuambie waliokwepa wako wapi maana kukwepa kodi ni kosa kubwa kisheria"alisema Lissu"

 

[Nas Mapesa]

Kuna siku jk alimpiga dongo huyu mtu sijui kama alijielewa

 

[engine rock]

Lissu naye ni jipu tena jipu kipo mdomoni analopoka tu kulikamua jipu mdomoni kazi kwelikweli manake liko ndani kwa ndani alafu lina muwasha vibaya mno na hivi hana nyota ni balaaa

Hana nyota ? Mbona umeongea vitu vya ndani sana?