Si vyema kuwahukumu watu kabla ya kutenda kosa tena ni kinyume cha haki zote zinazofahamika duniani. Binafsi sioni sababu za kuwatilia shaka kwani chama kinaongozwa na kanuni na katiba itakayopambanua pumba na mchele. Kufanyia kazi usalama wa taifa si sababu tosha kwa Marando kuwa "stigmatized" na kumtazama Shibuda kama CCM damu nikum-stigmatize pia. Watu hugeuka kufuatana na mazingira yanavyojifungua. Hakuna aliyezaliwa CCM kama ilivyo kwa Chadema na vyama vingine ambapo wengi waliopo katika kambi ya upinzani leo ndiyo walewale waliokuwa makada wa CCM. Kina Maalim Seif, Lipumba na hata Rais wa mioyo yetu (Dr. Slaa) waliwahi kuwa makada wazuri wa TANU na CCM na sintashangaa siku moja kumwona hata JK akijiunga na upinzani kadiri mazingira yatakavyojifunua. Vile vile wengine wanaotajwa kwa niaya kuwafitinisha wana CHADEMA kwani hata mimi mwenyewe nilikuwa mshabiki na kada mzuri tu wa CCM nikiwa Jeshini hadi baada ya siasa za vyama vingi kuingia na kustaafu. Chadema tunapaswa kuvitumia vipaji na ujuzi wa waliokuwa makada wa CCM wanaouelewa vyema uimara na udhaifu wa CCM. Moja ya mbinu wanazotaka kutumia CCM kuimaliza Chadema ni kupandikiza hali ya kutiliana shaka na kusababisha vurugu ili kukiua au kukipunguza kabisa nguvu chama hiki pekee cha upinzani wa kweli. Nawasihi wana Chadema wa kweli tuachane na propaganda za wahuni na walaghai hao ili waambulie patupu.
Mkuu Rev Masanilo naona leo umeamka Vibaya
