Kituo Cha Afya Makambako chadaiwa Kuwatoza Shilingi 4000 Watoto Chini Ya Miaka 5 Ili Kumuona Daktari

[Analogia Malenga]

Wananchi mjini Makambako wameiomba serikali kutoa ufafanuzi kuhusiana na mabadiliko ya utoaji wa huduma za afya katika kituo cha afya Makambako baada ya watoto chini ya miaka mitano kutakiwa kulipia fedha ili waweze kupatiwa matibabu.

Wakizungumza na mwandishi wetu baadhi ya wanawake mjini Makambako wamesema kuwa awali watoto wenye umri chini ya miaka mitano walikuwa wanatibiwa bure lakini kwa sasa wanaambiwa walipe elfu nne ili wapatiwe huduma.

Akizungumza kwa niaba ya mganga mkuu wa Halmashauri ya Mji wa Makambako, FROLA MDUGO amekiri kutokea kwa mabadiliko hayo na kueleza kuwa kwa sasa watoto wenye umri chini ya miaka mitano wanatakiwa kulipia elfu nne ambayo ni Kwa ajili ya kumuona daktari lakini upande wa vipimo na dawa watapatiwa bure.

Hata hivyo amesema kuwa kwa wanawake wajawazito kwa sasa watapatiwa matibabu bure endapo watakuwa na tatizo la afya linalohusiana na ujauzito lakini kama watakuwa na tatizo la kiafya ambalo halihusiani na ujauzito wanatakiwa kulipia matibabu yote.

Sera ya Afya nchini Tanzania inataka huduma za Afya kwa wazee, wajawazito na watoto wenye umri chini ya miaka mitano kupata bure, lakini kumekuwepo na malalamiko kutoka kwa baadhi ya makundi hayo kutokana na kutozwa fedha za matibabu.

MICHUZI BLOG

 

[Surya]

Hata hivyo amesema kuwa kwa wanawake wajawazito kwa sasa watapatiwa matibabu bure endapo watakuwa na tatizo la afya linalohusiana na ujauzito lakini kama watakuwa na tatizo la kiafya ambalo halihusiani na ujauzito wanatakiwa kulipia matibabu yote.

 

[Surya]

Hata hivyo amesema kuwa kwa wanawake wajawazito kwa sasa watapatiwa matibabu bure endapo watakuwa na tatizo la afya linalohusiana na ujauzito lakini kama watakuwa na tatizo la kiafya ambalo halihusiani na ujauzito wanatakiwa kulipia matibabu yote.

Mjamzito hata akijikwaa tu. Tayari huwezi weka mimba pembeni.. lazima useme ni mjamzito na atibiwe kulingana na hali zake zote mbili.

 

[kamdudu]

ipo siku mnatamkumbuka Magufuli mi nawambia

 

[Kennedy]

Huduma za matibabu kwa watoto chini ya miaka mitano ni bure ama inategemea eneo ulilopo?

Salam wana bodi, Serikali imetutangazia na inaendelea kututangazia kuwa huduma ya mtoto chini ya miaka mitano ni bure ingawa sehemu kubwa ya watoto hutozwa pesa hasa wanapopewa huduma hizo kwenye baadhi ya zahanati,vituo vya afya na hata hospital kubwa za rufaa. Kwenye hii thread yangu naomba...

www.jamiiforums.com

 

[pye Chang shen]

Hapi kinachomata ni ujauzito