KISUTU: Kigogo aliyekuwa akikabiliwa na shtaka la kupokea rushwa ya Sh 323 milioni toka akaunti ya Escrow aachiwa huru

[Kunguru Mjanja]

Mahakama ya Hakimu Mkazi Kisutu imemuachia huru aliyekuwa Mkurugenzi wa Huduma za Sheria wa Wizara ya Ardhi, Nyumba na Maendeleo ya Makazi, Rugonzibwa Mujunangoma aliyekuwa akikabiliwa na shtaka la kupokea rushwa ya Sh 323 milioni toka kwa James Rugemalira fedha ambazo ni sehemu ya zilizotoka kwenye Akaunti ya Tegeta Escrow.

Hakimu Mkazi Mwandamizi, Victoria Nongwa amemuachia huru Rugonzibwa leo Alhamisi baada ya Mwendesha Mashtaka Mwandamizi wa Takukuru, Leonard Swai kuomba kesi hiyo iondolewe mahakamani hapo chini ya kifungu cha 98 (a) cha Sheria ya Makosa ya Jinai (CPA) na Mahakama kuridhia.

Rugonzibwa alifikishwa na Takukuru mahakamani hapo kwa mara ya kwanza Januari 14, 2015 akikabiliwa na shtaka la kupokea rushwa ya Sh 323 milioni toka kwa Rugemalira fedha ambazo ni sehemu ya zile Akaunti ya Tegeta Esrow.

Hata hivyo baadaye alibadilishiwa hati ya Mashtaka na kusomewa upya ambayo hayakuonyesha tena kuwa fedha zilizopokelewa na Mujunangoma toka kwa Rugemalira ni sehemu ya fedha za Akaunti ya Tegeta Escrow.

Kupitia hati hiyo mpya, Rugonzibwa alikuwa akidaiwa kuwa Februari 5, 2014 akiwa mtumishi wa Serikali kama Mkurugenzi wa Huduma za Sheria wa Wizara ya Ardhi, Nyumba na Maendeleo ya Makazi, alipokea rushwa ya Sh Sh323 milioni kupitia akaunti yake namba 00120102602001 iliyopo kwenye Benki ya Mkombozi .

Alidaiwa kuwa alipokea kiasi hicho cha fedha kutoka kwa Rugemalira, ambaye ni mshauri huru wa kitaalamu, mkurugenzi wa VIP na mkurugenzi wa zamani wa Kampuni ya Kufua Umeme ya IPTL kama tuzo kwa kushughulikia mambo ya ufilisi wa muda wa kampuni hiyo.

Baada ya kusomewa mashtaka hayo, alikana na upelelezi wa kesi hiyo ulikuwa umekwisha kamilika.

CHANZO: Mwananchi

 

[westgate]

Hatua mbili mbele, hatua kumi nyuma... Alafu tunajipongeza!!!

 

[tongs]

Kaole wanajitahidi sana. Hii episode iko patamu, huyu bwana asijekuwa kashalamba uteuzi tayari.
Fishy fishy

 

[KakaJambazi]

Duu! Hawa mahakimu waliambiwa wawe wazalendo, lakini bado hawaelewi somo.

 

[Sesten Zakazaka]

Duu! Hawa mahakimu waliambiwa wawe wazalendo, lakini bado hawaelewi somo.

Kua mzalendo ni pamoja na kuwaonea watu hata kama hawana hatia?

 

[tajirijasiri]

Usanii
Tunafanyiwa usanii na Serikali yetu. Iweje kesi za Ufisadi watu wanatoka huru. Waseme tu kuwa Escrow ilikuwa dili ya wakubwa wasiokamatika.

 

[Mwifwa]

Sasa wamemuachia, ajaribu kuja Upinzani tutaona wanavyomvua nguo.

 

[likandambwasada]

KWA HYO JAMAA ANARUD KAZIN HUKU AKILA PRE-PENSION YA 323M.

 

[Super Handsome]

kuna watu wana bahati jamani..323 Mil.

 

[Nichumu Nibebike]

The Hayas is a version of super intelligent black man! Wahaya ni Wazungu weusi! Ukizaliwa Mhaya alafu ukawa kilaza, ujue una mkosi!

 

[Siyabonga101]

The Hayas is a version of super intelligent black man! Wahaya ni Wazungu weusi! Ukizaliwa Mhaya alafu ukawa kilaza, ujue una mkosi!

Intelligent kwenye SHUNTAMA!?

 

[kilokiki]

Nasikia kuna mahakama ya mafisadi.

Labda akiamia upinzani ushaidi unaweza kukamilika na kuchukuliwa hatua.
Ukiwa na uwezo wa kufikiri na kuchambua mambo, tanzania sio sehemu salama kwako.
Hii nchi sasa hivi ni salama kwa mambulula

 

[Jambazi]

Hela kwani ilikuwa ya serikali? Asije ikawa kapata huruma ya Rais kwasababu jimbo alilo toka huyu kigogo walimpigia kura kwa wingi Mtukufu Rais...???.

 

[Benjamini Netanyahu]

Huku ndiyo kupambana na rushwa kwa CCM.

 

[BAK]

Mie napambana na rushwa! MUONGO MKUBWA!

 

[Mideko]

Hahaaaaaaa lazima wawaachie kuna watu ndio wapishi wakuu wa yote mbaya zaidi hawagusiki wanalindwa.

 

[MKWEPA KODI]

Ameachiwa baada ya Wakili wa Serikali kuliondoa shauri Mahakamani, style ileile ya Malima, lugola na wenzake

 

[Chakaza]

Mbona orodha ya waliopokea fedha za Rugamalila ni ndefu lakini waliopelekwa mahakamani ni wa kuokoteza?

 

[Ntolonyonyo]

Duu! Hawa mahakimu waliambiwa wawe wazalendo, lakini bado hawaelewi somo.

Uzalendo ni kuonea watu au.....?
Umesoma lkn hiyo habar?

 

[BAK]

Hayo ni mazingaombwe ya Taasisi ya Kutetea na Kukuza Rushwa nchini. Ukiwauliza wengine mbona hamjawagusa na huyu ana kesi ya kujibu mbona mmemuachia huru? watakujibu ni maagizo toka mamlaka za juu AKA Ikulu au watang'aa macho. Serikali ya majizi, mafisadi na pia yanayopenda rushwa ndivyo ilivyo Mkuu.

Mbona orodha ya waliopokea fedha za Rugamalila ni ndefu lakini waliopelekwa mahakamani ni wa kuokoteza?