Kisutu, Dar: Kesi namba 458 ya Jamhuri dhidi ya JamiiForums yaahirishwa hadi Jan 28, 2020, Shahidi bado Kitendawili

Roving Journalist

JF-Expert Member
Joined
Apr 18, 2017
Messages
322
Points
1,000

Roving Journalist

JF-Expert Member
Joined Apr 18, 2017
322 1,000
Kesi namba 458 ya Jamhuri dhidi ya Mkurugenzi Mtendaji wa Jamii Media, Maxence Melo na mwenzake Mickie William inayohusu kuendesha mtandao (JamiiForums.com) bila kutumia Kikoa cha do.TZ imeendelea leo katika Mahakama ya Hakimu Mkazi Kisutu.

Katika Kesi hiyo ambapo Watuhumiwa hao wanashtakiwa pia kwa kuzuia upelelezi wa Polisi kwa kutokutoa taarifa za Mteja aliyeandika taarifa kuhusu Benki ya CRDB imeendelea mbele ya Hakimu Huruma Shaidi.

Kwa siku ya leo, upande wa Jamhuri umewakilishwa na Wakili Gloria huku upande wa utetezi ukiwakilishwa na Wakili Benedict Alex.

Wakili wa Jamhuri amesema, shahidi wa mwisho wanayemtegemea hawajampata bado na hivyo kuomba muda mfupi zaidi ili waweze kuwasiliana na Mkurugenzi wa Mashtaka (DPP) kujua shauri hili litaendeleaje.

Shahidi huyo, Tully Mwambapa anayetokea CRDB amekuwa akisubiriwa tangu Agosti 01, 2019 ambapo upande wa Jamhuri ulisema ungemleta kwa ajili ya kutoa ushahidi wake.

Tangu hapo shauri hili limekuwa likiahirishwa mara kwa mara kwa kukosekana kwa shahidi huyo huku sababu kadha wa kadha zikitolewa.

Katika shauri hili mara ya mwisho shahidi kusikilizwa ilikuwa ni Novemba 12, 2018 ambapo Mpelelezi Kitengo cha Upelelezi wa Makosa ya Mtandaoni kutoka Makao Makuu ya Polisi (HQ), Inspekta Beatrice Majule alikuwa ndiye shahidi

Baada ya Wakili wa Jamhuri kuomba muda zaidi Wakili wa Utetezi alikubali na Hakimu Shaidi kuahirisha shauri hilo hadi mwakani mnamo Januari 28

Zaidi, soma;


Sent using Jamii Forums mobile app
 

marxlups

JF-Expert Member
Joined
Dec 12, 2011
Messages
13,169
Points
2,000

marxlups

JF-Expert Member
Joined Dec 12, 2011
13,169 2,000
Washitaki na mashahidi wao wote wanaitegemea kwa kiasi kikubwa sana JF, siyo kwamba hizi kalenda zinasubiri wanayoyataja, ila wanajiuliza athari watakazozipata hata wao wenyewe iwapo hawataitendea haki JF
 

Forum statistics

Threads 1,379,337
Members 525,398
Posts 33,744,481
Top