Kibanga Ampiga Mkoloni mnakumbuka?


kilimasera

JF-Expert Member
Joined
Dec 2, 2009
Messages
3,073
Likes
22
Points
135
Age
42

kilimasera

JF-Expert Member
Joined Dec 2, 2009
3,073 22 135
Katika upekuzi wangu jana nikawa nimekifuma kitabu hiki na mwisho nikakutana na hadithi hii ungana nami kuisoma ina toka katika kitabu cha 6 Tujifunnze Lugha Yetu!

Zamani za ukoloni, palitokea Mzungu mmoja. Mzungu huyo hakuwa mtu mwema. Alikuwa mkali na mkatili sana. Kwa ajili ya ukatili wake watu walimwita mkoloni. Wanancgi wote walimchukia sana popote pale alipokwenda.

Mzungu huyo alikuwa Bwana Shamba. Alikuwa na bakora iliyokuwa imetengenezwa kwa mkwaju. Kila alipokwenda kukagua mashamba, alikuwa na bakora hiyo mkononi. Alipendelea sana kuitwa "Bwana Mkubwa". Mkolono huyo alifurahia sana kupiga watu. Aliwapiga watu waliposhindwa kupalilia mashamba. Aliwapiga pamba yao ilipokuwa chafu. Aliwapa taabu sana.

Katika kijiji cha Kwachaga, Wilaya ya Handeni, alikuwapo mzee mmoja aliyeitwa Kibanga. Mzee huyu alikuwa mwenye nguvu, hodari na shujuaa. alikuwa fundi wa mieleka. Ingawa alikuwa mwenye nguvu, alikuwa mpole. Hivyo watu wa Kwachaga walimpenda na kumtegemea kuwaongoza vitani.

Siku moja yule Mzungu alifika Kwachaga kukagua mashamba ya mihogo. Jumbe pamoja naye wakatembelea mashamba. Kwa bahati mbaya mwaka ule haukuwa na mvua ya kutosha. Kwa hiyo mihogo haikustawi. Kila wakati yule Mzungu alipotazama mashamba alitikisa kichwa na kufoka. Mwisho akamwagiza Jumbe kuitisha mkutano wa watu wote wa kijij. Waliporudi kijijini Jumbe akapiga mbiu. Watu wote wakakusanyika. Walipofika tu, yule Mkoloni akaanza kuwatukana, akawaambia, "Ninyi watu weusi ni wavivu sana. Hamfanyi kazi sawa sawa. Mashamba yenu ni mabaya sana". Jumbe akataka kumjibu ili kumweleza kwa nini mihogo haikustawi. Kabla hajamweleza yule Mzungu alimrukia na kumpiga kofi. Kisha akasema, "Sitaki kijibiwa na wewe, mvivu wa wavivu". Watu wote wakakaa kimya. Hakuna aliyeweza kufanya kitu.

Kibanga akajitokeza, akasimama. Akamtazama yule Mkoloni kwa dharau sana. Kisha akamwuliza, "Kutuita sisi wavivu ndiyo nini? Na kumpiga Jumbe wetu mbele yetu, maana yake nini?"

Kabla ya kumaliza kusema, Mkoloni aliamka kitini kwa hasira , akataka kumpiga Kibanga. Alishika bakora yake mkononi. Akasedma, "Nitakuadhibu vibaya kima we! Unajifanya kuwa shujua? Huwezi kucheza na bwana mkubwa. Nitakupiga, kisha utakwenga jela miezi sita." Lakini Mkoloni hakuwahi kumwadhibu Kibanga. Aliadhibiwa yeye. Kabla ya kumfikia, Kibanga alimpiga chenga. Kisha akamrukia, akamnyangánya bakorta yake. Akaitupa, ikaokotwa na vijana, wakaificha.

Kibanga alimshika yule Mzungu akamwambia. "Wewe umezoea kutoa amri kila siku, lakini leo utashika adabu, mbwe wee!" Papo hapo alimnyanyua juu na kumbwaga chini, puu! Yule Mkolono akaumia sana. Kabla ya kuamka, Kibanga alimwinua tena na kumbwaga chini kama furushi la pamba. Akamkalia.

Hapo yule Mkoloni akawa hana la kufanya. Bila ya bakora alikuwa hana nguvu. Akaomba radhi akilia, "Samahani! Naumia! Nihurumie! Sitafanya tena hivyo." Kibanga alimjibu kwa dharau, "Sikuachi mbwa wee! Leo utakiona cha mtema kuni! Ulijiona una nguvu. Leo nitakutengeneza."

Wazee wakamshika Kibanga na kumwomba asimpiga tena. Akamwacha. Kwa shida yule Mkoloni akajikokota kwenda hemeni. Alikuwa amejaa vumbi huku damu zikimtoka. Wazee wengine wakamfuata nyuma. Walinyamaza kimya, wakimhurumia. lakini vijana walifurahi sana.
Baadaye waliimba wimbo wa kumsifu Kibanga.

Jioni yule Mkoloni aliomba radhi kwa wazee. Mzee mmoja akasimama na kumwambia, "Umefanya vizuri kuomba radhi, nasi tunaipokea. Lakini tangu leo usijivunie ubwana. Jivunie utu. Ninyi wakaoloni mna kiburi. Mnatudharau. Kama ungetuuliza tungekuambia kwa nini migogo haikustawi. Haya yote yamekupata kwa sababu ya kiburi chako. Katika nchi hii tuanaamini kuwa kiburi si maungwana".

Baada ya hapo wazee wakamsamehe, lakini hawakumpa bakora yake. Ikabaki nyumbani kwa Jumbe. Yule Mkoloni akaondoka. Tangu siku hiyo hakufika tena Kwachaga. Kila mara alipokutana na watu aliyakumbuka maneno ya yule mzee, "Kiburi si maungwana".

Siku hizi kijiji cha Kwachaga kina maendele mazuri ya kilimo na mifugo. Maendeleo yote yamepatikana kwa sababu ya uongozi bora wa Serikali ya wananchi.
 

ELNIN0

JF-Expert Member
Joined
Nov 26, 2009
Messages
3,861
Likes
300
Points
180

ELNIN0

JF-Expert Member
Joined Nov 26, 2009
3,861 300 180
Baada ya kusoma hadithi - tuliimba wimbo huu tukiwa tumesimama huku tukipiga makofi kuonyesha heshima kwa Kibanga baada ya kumchapa mkoloni.

*** kibangaaa ampiga mkoloniiiii --- tumsifu tumsifuuuu
***kibangaaa ni shujaaa mkuuuu ---tumsifu tumsifuuuuu

duh - those days bwaanaaaa........
 

Mbonafingi

Senior Member
Joined
Apr 24, 2009
Messages
126
Likes
0
Points
0

Mbonafingi

Senior Member
Joined Apr 24, 2009
126 0 0
KARUME KENGE ALIKATAA KWENDA SHULE BABA YAKE AKAMWAMBIA MBWA JE MBWA HUTAKI KUMUUMA KARUME KENGE ILI APATE KWENDA SHULE?. Mbwa akakataa, baba yake akaiendea fimbo akasema, je fimbo hutaki kumchapa mbwa, naye amuume Karume Kenge ili apate kwenda shule? fimbo ikakataa...
Mbuzi akakubali , akayanywa maji, yakazima moto, ukachoma fimbo ikamchapa mbwa akamuuma karume kenge naye akaenda shule.
enzi hizo hakukuwa na malumbano ya vitabu vya kiada wala ziada library iko darasani na kila darasa lina kabati limesheheni vitabu. STD 1 Forodhani primary school 1971 darasa moja term 4
 

Balantanda

JF-Expert Member
Joined
Jul 13, 2008
Messages
12,373
Likes
1,106
Points
280

Balantanda

JF-Expert Member
Joined Jul 13, 2008
12,373 1,106 280
Binafsi nakikumbuka kitabu cha Shida cha Ndyanao BALISIDYA..Na naikumbuka zaidi ile sehemu ambayo Chonya alisema 'If the police come tell Chonya of Chilonwa me take the girl to the hospital'

Halafu kuna sehemu Chonya akauliza: 'Sipitali iko wapi??'

Ilikuwa burudani kwa kweli
 

Konaball

JF-Expert Member
Joined
Mar 11, 2009
Messages
2,225
Likes
762
Points
280

Konaball

JF-Expert Member
Joined Mar 11, 2009
2,225 762 280
kula mno ni hasara,
karudi baba mmoja toka safari ya mbali
kavimba yote mapaja na kuteteme mwili
watoto wake wakaja ili kumtaka hali ...
 

Idimi

JF-Expert Member
Joined
Mar 18, 2007
Messages
11,067
Likes
2,796
Points
280

Idimi

JF-Expert Member
Joined Mar 18, 2007
11,067 2,796 280
Kapulya apambana na chui.
Asante PJ kwa kumbukumbu hizi.
Marekebisho kidogo ni "Kapulya Mdasisi"
"Chilunda apambana na Chui"

kula mno ni hasara,
karudi baba mmoja toka safari ya mbali
kavimba yote mapaja na kuteteme mwili
watoto wake wakaja ili kumtaka hali ...
Kaaazi kweli kweli.
Lakini hizi mada zote zimejadiliwa katika mada inayosomeka hivi "Tulipokuwa Primary Unakumbuka?"
Mada yenyewe iko hapa. Soma nawe utoe machozi ya furaha kwa kumbukumbu hizi.

Idimi
 

Balantanda

JF-Expert Member
Joined
Jul 13, 2008
Messages
12,373
Likes
1,106
Points
280

Balantanda

JF-Expert Member
Joined Jul 13, 2008
12,373 1,106 280
Asante PJ kwa kumbukumbu hizi.
Marekebisho kidogo ni "Kapulya Mdasisi"
"Chilunda apambana na Chui"



Kaaazi kweli kweli.
Lakini hizi mada zote zimejadiliwa katika mada inayosomeka hivi "Tulipokuwa Primary Unakumbuka?"
Mada yenyewe iko hapa. Soma nawe utoe machozi ya furaha kwa kumbukumbu hizi.

Idimi
Hahaaaaaaaaa

Chopeko na mnofu
 

Forum statistics

Threads 1,205,179
Members 457,754
Posts 28,184,931