Kiama cha wanaosafirisha binadamu chaja

[Daniel Mbega]

Na Immaculate Makilika- MAELEZO,
09/06/2016
Dar es Salaam.
SERIKALI imejipanga kukomesha mtandao wa watu wasiowaaminifu ambao wanajihusisha na biashara ya kusafirisha binadamu kwenda nchi mbalimbali duniani.

Mtandao huo unahusisha raia wa Tanzania waliopo ndani na nje ya nchi kwa kushirikiana na raia wa kigeni kutoka nchi za India, Malaysia, nchi za Falme za Kiarabu na Mashariki ya Kati.

Hayo yamesemwa na Mkuu wa Kitengo cha Mawasiliano Wizara ya Mambo ya Nje na Ushirikiano wa Afrika Mashariki, Bi. Mindi Kasiga alipokuwa akizungumza na waandishi wa habari leo jijini Dar es Salaam.

“Serikali kwa kushirikiana na Jumuiya ya Watanzania wanaoishi katika nchi za Bara la Asia pamoja na baadhi ya wahanga wa biashara hiyo inashughulikia kupata majina ya wahusika wote, ikiwemo walioko kwenye Balozi ambao wanawezesha upatikanaji wa visa kuwakamata na kuwafikisha katika mkono wa sheria” alisema Mindi.

Ili kukomesha mtandao huo, Serikali imeanda utaratibu maalumu kwa wafanyakazi wanaokwenda katika nchi za ukanda huo ikiwa ni pamoja na kuandaa mikataba kulingana sheria za nchi husika.

Mindi amesema kuwa kwa nchi ya Omani tangu mwezi Machi 2011 hadi Septemba 2015, Serikali kupitia Ubalozi imeratibu ajira za Watanzania 4358 ambapo kati ya hizo ajira 4033 ni za watumishi wa majumbani.

Aliongeza kuwa, kwa upande wa nchi za Mashariki ya Kati, kuanzia mwezi Juni, 2015 Serikali ilikataza rasmi Watanzania kwenda kufanyakazi zisizo na ujuzi au za ndani katika nchi hizo hadi hapo ilipopata ufumbuzi wa changangamoto zilizokuwa zikisababishwa na mtandao uliokuwa unajihusisha na usafirishaji wa binadamu.

Aidha, ili kuwasaidia Watanzania kupata fursa za ajira nje ya nchi, Serikali inaendelea na jitihada za kusaini mikataba ya Ushirikiano na nchi hizo ikiwemo mkataba wa Tanzania na Qatar.

Mtandao huo wa kusafirisha binadamu umekua ukitoa ahadi za ajira kwa wasichana wenye umri wa kati ya miaka 18 na 24, kwa kuwalaghai kuwa na fursa za ajira katika mahoteli, migahawa, maduka makubwa au kazi za nyumbani, kitu ambacho si ukweli.

Hata hivyo, wengi wa Watanzania wanaoenda nje ya nchi kwa kusaidiwa na mtandao huo wamekuwa wakipata matatizo kadhaa, ikiwemo mateso, mikataba yao kukiukwa, kulazimishwa kufanya ukahaba, na hatimaye kukimbilia Ubalozini ili kupatiwa misaada mbalimbali.

Aidha, imedhihirika kuwa Watanzania walio katika nchi za Bara la Asia, Falme za Kiarabu na Mashariki ya Kati wamekuwa wakiomba misaada ya kurudishwa nchini kupitia Balozi hizo wakiwemo watanzania 500 waliopo nchini India.

 

[Ramp Agent]

Tunapenda sana dezo
Ni vyema kama serikali imeliona ili maana tumekua tukizalilishwa vya kutosha

 

[John Cannor]

Mpaka waone majanga yaliyotokea kwa nchi jirani la yule dada wa kazi alichomwa moto huko JORDAN eti nas tunakuja kutoa matamko sasa hivi. Haya maigizo sijui yatakwisha lini,.
Tuanze kumkamata yule mzee baba wa miss Tz wa magumashi, yule ni kinara.

 

[John Cannor]

Tanzania jumba la sanaa.

 

[laurent Msembeyu]

zuberi Mtemvu aliyekuwa mbunge wa Temeke CCM hii inamhusu

 

[Vangigula]

Kiama cha majangiri. ... bado tembo wanauliwa na wanyama hai wanasafirishwa
Kiama cha wauza sembe.... bado vijana wanateketea kwa unga
Kiama cha mafisadi. ... labda hizo 2.5 billion, kama zitaleta mabadiliko
Kiama cha wachinjao albino.... bado wanaendelea kuchinjwa tu
Kiama cha wakwepa kodi..... .......... hii niiwekee akina ya maneno, labda impact yake tutaiona mbele ni
KIAMA CHA WAPINZANI. .... Yaaah hapa matokeo yanaonekana.

 

[John Cannor]

zuberi Mtemvu aliyekuwa mbunge wa Temeke CCM hii inamhusu

Na haswa alikuwa anawachukua kwa kuangalia kigezo cha dini, maana ili iwe rahisi kwao kucope mazingira.

 

[Pistol]

Serikali ya Tanzania inafanya msako wa mtandao wa watu wanaowachukua wasichana na kuwapeleka nje ya nchi kwa madai ya kuwatafutia kazi na badala yake huenda kuwafanyisha kazi zisizofaa ikiwemo ya ukahaba na wakati mwingine kuwaingiza kwenye mateso ambayo hawawezi kutoka.

Akielezea jijini Dar es Salam juu ya unyama ambao hufanyiwa wasichana hao katika baadhi ya nchi kama India, Falme za Kiarabu, na Oman Mkuu wa Kitengo cha Mawasiliano Wizara ya Mambo ya Nje Bi. Mindi Kasiga alisema wasichana huchukuliwa nchini wakiahidiwa kazi – hasa za ndani lakini pindi wanapowasili huko hunyang’anywa hati za kusafiria na kupewa masharti magumu kitendo ambacho huwafanya washindwe kurudi nyumbani.

Alisema jumla ya wasichana mia tano wa Kitanzania hadi sasa wako katika miji ya Mumbai na New Delhi nchini India wakiwa hawana hati za kusafiria baada ya kunyang’anywa na kulazimishwa kufanyakazi zisizofaa bila ridhaa yao.

Aidha amesema kufuatia hali hiyo serikali inafanya msako ili kubaini mtandao mnaojishughulisha na suala hili kuanzia hapa nchini hadi nchi ambazo hupelekwa kwaajili ya udhalilishaji huo.

Amebainisha kuwa kutokana na kutokuwa na hati za kusafiria uwezekano wa kurudi nyumbani haupo hivyo Serikali ikishirikiana na mabalozi waliopo huko wanafanya mpango wa kuhakikisha wanarudishwa nchini.

Hatika hatua nyingine Bi. Mindi alisema kuanzia sasa ili kukabiliana na tatizo hilo serikali imeweka masharti magumu kwa watu watakaotaka kwenda kufanya kazi nje ya nchi bila kuwa na ujuzi wowote.

Mwaka 2013 ripoti ya Wizara ya Mambo ya Nje ya Marekani ilizitaja nchi za Tanzania, Kenya na Rwanda kuwa ni miongoni mwa nchi ambazo zina tatizo la usafirishaji haramu wa watu hasa unaowapelekea watu hao kuingia katika utumwa wa utumishi wa nyumbani. Marekani ilitaja Tanzania kama miongoni mwa nchi za kuangaliwa kama zinaelekea kukabili tatizo hili ambalo limekuwa likiongezeka kila mwaka.

Ripoti nyingine ya Wizara hiyo ya mwaka jana bado imeiweka Tanzania katika kundi la nchi ambazo bado hazijakidhi matakwa ya sheria ya Marekani inayohusiana na mambo ya kuzuia usafirishaji haramu wa binadamu na kuwa bado tatizo la kusafirisha watu kwa njia haramu bado ni kubwa na linaongezeka.

 

[Lupweko]

Mbunge wa Temeke on air ea radio- ajira kazi za ndani uarabuni kwa mabinti wa kibongo

MICHUZI BLOG: MH. MTEMVU AWAPATIA WATANZANIA KAZI NCHINI DUBAI

 

[Ben Saanane]

Na zimeanza Kitambo.Wadada hawa wanadhalilishwa sana.

 

[Chapa Nalo Jr]

Maskini Mtemvu, ataishije mjini maana ndio dili zake hizo!!?

 

[Saint Ivuga]

Kuna issue nimepewa na jamaa yangu.. QATAR wanataka madereva kama mia nne. Kwa hio wabongo wanakusanywa kupitia chama chao cha madereva pale ubungo na wanaenda qatar kujenga viwanja vya world cup,
Makonda anajua na ndie anajifanya kuwatafutia kazi hawa watz.. Ila ikumbukwe kuwa watu kutoka India ndio walikuwa kule qatar na kulikuwa na uonevu mwingi sana ujira mdogo na long working hours.. Mazingira tuseme yalikuwa sio rafiki kabisa.
Hawa wabongo inabidi wafuatiliwe huko wanapoenda kwani wengi wameshaondoka tayari...

 

[MKWEPA KODI]

Hao ni wale wanaopelekwa nje ya nchi lakini hata hapahapa dar mbona wapo wanaotolewa mikoani wanaletwa dar na kutumikishwa kwa kazi hizo, sasa kama ni kudhibiti waanzie hapa kwanza ambapo wana mamlaka ya kiutawala kabla hawajafikiria kwenda nje ambako hawana mamlaka ya kiutawala

 

[dudus]

India, Oman, Falme za Kiarabu bila kusahau Saudi Arabia. Ni heri kuishi kama shetani Tanzania kuliko kwenda kufanya kazi zinazowapeleka hao akina dada huko - "kazi za ndani". Wanawake wao wenyewe wanaishi kitumwa ndio itakuwa mswahili mweusi usiye na thamani kwao!

 

[bigonzo]

Waacheni watuletee pesa za kigeni

 

[bigonzo]

India, Oman, Falme za Kiarabu bila kusahau Saudi Arabia. Ni heri kuishi kama shetani Tanzania kuliko kwenda kufanya kazi zinazowapeleka hao akina dada huko - "kazi za ndani". Wanawake wao wenyewe wanaishi kitumwa ndio itakuwa mswahili mweusi usiye na thamani kwao!

mbona marekani kila siku watanzania wanauwawa kwa kupigwa risasi husemi...au kwa kuwa ni wazungu wanaowaua unaona sawa tu

 

[Kurzweil]

Wasichana 500 wa Tanzania wanatumika Asia
Serikali ya Tanzania imesema zaidi ya wasichana 500 raia wa nchi hiyo wanatumikishwa katika kazi hatari zikiwemo za ukahaba katika nchi za Asia na Uarabuni.

Taarifa ya wizara ya mambo ya nje ya Tanzania imesema imepata taarifa kuwa kuna mtandao unaowasafirisha wasichana katika nchi hizo kwa madai ya kufanya kazi za ndani lakini baadae hutumikishwa kwenye biashara ya ngono.

Taarifa zinasema baadhi ya wasichana hao wemekimbilia kwenye ubalozi wa nchi hiyo ili kuomba kurudishwa nyumbani

Mindi Kasiga ni Msemaji wa Wizara ya mambo ya nje ya Tanzania ambaye anasema ''

Mtandao huo unachofanya ni pamoja na kuwatafuta wasichana wenye umri kati ya miaka 18 na 24 na hata chini ya umri huo na kuwalaghai kuwa kuna fursa za ajira katika mahoteli, migahawa, maduka makubwa au kazi za nyumbani nchi za nje na kwamba watawasaidia wasichana hao kupata kazi hizo pamoja na kuwawezesha kupata vyeti vya kusafiria VISA na tiketi za ndege kwa ajili ya kusafiri kwenda kwenye nchi husika''.

Wengi wa watu wanaokumbana na ahadi hizo, wanavutika kirahisi kwani wanaona hiyo ni fursa ya kujipatia ajira na kipato cha uhakika.

Kwa taarifa tulizozipata kuhusiana na mtandao huo ni kwamba wengi wa Watanzania wanoenda India,

Hulazimishwa kufanya ukahaba na kunyang'anywa hati za kusafiria ili kuwadhibiti wasitoroke, ndiyo matatizo makubwa zaidi ambayo yamekuwa yakiwakabili Watanzania.

Kufuatia matumaini wanayojengewa na walaghai vijana wa Kitanzania wamejikuta au wamelazimika kukubali kufanya kazi za ukahaba ili kurejesha gharama za kuwasafirisha kutoka Tanzania kwenda katika mataifa hayo ili waweze kurejeshewa

Watanzania hao Hulazimishwa kufanya ukahaba na kunyang'anywa hati za kusafiria ili kuwadhibiti wasitoroke
Hati zao za kusafiria pamoja na kupata nauli kwa ajili ya kurudi Tanzania.

Baada ya kuona changamoto hizi zinazowakumba Watanzania wanaokwenda kufanya kazi za ndani nchi za Mashariki ya Kati.

Balozi za Tanzania katika ukanda huo ziliaandaa utaratibu maalumu kwa wafanyakazi wanaokwenda kufanya kazi katika nchi hizo ikiwa ni pamoja na kuandaa mikataba kulingana na sheria za nchi husika.

Kwa upande wa Mashariki ya Kati, kuanzia Juni, 2015, Serikali iliamua kukataza rasmi Watanzania kwenda kufanya kazi zisizo na ujuzi au za ndani katika nchi hizo hadi utaratibu maalum wa kisheria utakapoandaliwa.

Baada ya marufuku hiyo , Wizara ikishirikiana na wadau husika iliitisha vikao ili kujadili namna nzuri ya kupata suluhisho la kudumu kuhusu changamoto zinazosababishwa na mtandao huo.

Huku bi lilian Liundi,Mkurugenzi wa mtandao wa jinsia Tanzania anaona tatizo lipo kwenye nchi zetu za kiafrika bado azijatengeneza mifumo mizuri ya ajira na elimu,kwani ndio chanzo cha wasichana au vijana kurubuniwa kiurahisi kwenda nje kutafuta ajira na mwisho wa siku wanaishia kudhalilishwa.

Chanzo: BBC Swahili

 

[Jephta2003]

Duh, njaa hizi....

 

[PAGAN]

Waacheni watuletee pesa za kigeni

Hivi umeelewa kinachoongelewa hapa, au unajitia wehu tu?

 

[Erythrocyte]

Wamemhoji Mtemvu au wanataka kutupotezea muda tu ?