Wewe umetaka utaratibu ndio huo kama kuna mwingine unaoujua basi mimi siujui labda unifahamishe ila wabunge wote huwa wanafuta utaratibu niliouainisha na RA amefuata huo huo. Elewa katiba haiweki utaratibu au kanuni yenyewe inatoa mwelekeo mama tu.
Nilivyoielewa hii ni kuwa atalazimika kujiuzulu endapo ibara ya 71.1(a hadi g) itamkumba Mbunge husika au kama atafariki. Rostam hajakumbana na yote haya. Kaamua tu kwa hiari yake.
Utaratibu unakuja baada ya mahitaji muhimu ya KIKATIBA kuzingatiwa na kukamilika. Rostamu arudishe kadi ya CCM kwanza. Mbona tupo wengi tusio na vyama.
Sijakuelewa kwenye bold arudishe kadi ndipo ajiuzulu ubunge au........
Akisharudisha kadi ya CCM, ibara ya 71(1)(e) ya KATIBA yetu inamwondoa kwenye Ubunge mojakwamoja. Anakuwa sio mwanachama wa chama kilichompa tiketi ya kugombea ubunge.
Kwani kuwa na kadi ndio kuwa mbunge mbona Nape ana kadi na sio mbunge anyway wewe tega sikio leo au kesho jimbo litangazwe kuwa wazi kama una gutz ukachukue fomu ugombee mengine haya ni mapambo tu ya nyumba ambayo unaweza kuishi bila kuwa nayo.
Haujanielewa! Sio kila mwenye kadi ya chama cha siasa ni mbunge lakini ili ugombee ubunge ni lazima uteuliwe na chama chochote cha siasa chenye usajili wa kudumu pale kwa Tendwa. Hili ni sharti mojawapo la KATIBA yetu ya JMT. Ibara ya 71(1) inaeleza jinsi mtu anavyokoma kuwa mbunge. Rostam hajakidhi hitaji hili la KATIBA. Namsubiri Katibu wa Bunge atamjibu nini Rostam atakapopata barua yake ya kujiuzulu.
Nimekusoma mkuu ingawa huwezi eleweka kwa mfumo tulio nao kwa sasa sisi tunashangilia bira kujuwa ni mchezo gani tumechezewa huyu nimhalifu kufatana na buranketi nene tulilo funikwa na ccm hatuoni ikiwa chama chake kimekiri mapacha 3 ni mafisadi R A anajivua gamba tunampongeza hukojimbonikwake ni sawa walikuwa wananufaika na ufisadi wake bweha sehem akizalia watoto jilani hawezi thubutu kushika kuku anasafili kijiji cha 3 nk ndohao mapacha3 cdm ninawashuli waishinikize selikali apelekwe mahakamani kama walivo shinikiza wakaanza kujivuwa magamba
Quinine,
Je wananchi wana uwezo wa kumkataa mbunge asiwatumikie? Wanaweza kumshinikiza mbunge ajiuzulu? tusaidiane hapa kwa sababu ameacha wakati wananchi "wanampenda". Je wananchi wanaweza au wana haki ya kumkataa mbunge wakati bado yeye anaupenda ubunge?
Utanukuu ibara ipi ya KATIBA kulitangaza jimbo la Igunga liko wazi. Nakubaliana nawe kuwa watungaji wa KATIBA waliamini mtu hawezi kujiuzulu Ubunge kwa kuwa siasa za nchi hii ni uwekezaji. Mtu anaupata ubunge kwa gharama kubwa. Ni lazima zirudi. Rostam arudishe kadi ya CCM.
Wananchi kazi yao inamalizika wakishapiga kura tu. Baada ya hapo Mbunge ni wa chama kilichomteua kugombea. Ndicho pekee kinaweza kumwondoa hata bila kuwauliza waliomchagua au hata spika.
Katiba iseme hivo wazi. Mimi ni mmoja wa wanaochukia wafanyabiashara wa aina Rostam kuwa wanasiasa wetu. Tulifika mahala wafanyabiashara hawa wakatuchagulia Rais. Vurugu yote hii ndani ya CCM na serikali imesababishwa na hawa wafanyabiashara. Mwalimu alikuwa na sababu nzuri tu za kuwakataa hawa. Alipoondoka madarakani tukampuuza. Cha moto tunakiona sasa.
Mkuu isome Katiba ya JMT kwa umakini na utaona kwamba tamko lake linamfanya kutokuwa mbunge wa jimbo lake; soma Ibara ya 71(1)(g) paragraph ya pili inasema nanukuu" Lakini iwapo mbunge hatakoma kuwa mbunge kwa mujibu wa jambo lolote kati ya mambo hayo yaliyotajwa na kama hatajiuzulu au kufariki mapema zaidi basi Mbunge ataendelea kushika madaraka yake kama Mbunge mpaka Bunge litakapovunjwa kwa mujibu wa ibara ya 90, bila kuathiri haki na stahili zinazotokana na ubunge wake" RA ametimiza hapo kwenye red color.
