Mzee Mwanakijiji
Platinum Member
- Mar 10, 2006
- 33,474
- 39,987
Kazimwaga zake sera, ilani kanipatia,
Kaniomba zangu kura, moyo kuuchagulia,
Imekuwa werawera, nia kanitangazia,
Kapita bila kupingwa, ni mgombea pekee!
Bila ya kuchakachua, mgombea kajinadi
Ahadi nimechambua, nimeshindwa ukaidi,
Mwishoni nimeamua, ni mgombea stadi,
Kapita bila kupingwa, ni mgombea pekee!
Kura nimempatia, asubiri kuapishwa,
Wengine wamekimbia, yeye pekee kapishwa,
Hongera nampatia, wote mtafurahishwa,
Kapita bila kupingwa, ni mgombea pekee!!
By. M. M. Mwanakijiji (Sauti ya Kijiji)
Mgombea Pekee!
Kaniomba zangu kura, moyo kuuchagulia,
Imekuwa werawera, nia kanitangazia,
Kapita bila kupingwa, ni mgombea pekee!
Bila ya kuchakachua, mgombea kajinadi
Ahadi nimechambua, nimeshindwa ukaidi,
Mwishoni nimeamua, ni mgombea stadi,
Kapita bila kupingwa, ni mgombea pekee!
Kura nimempatia, asubiri kuapishwa,
Wengine wamekimbia, yeye pekee kapishwa,
Hongera nampatia, wote mtafurahishwa,
Kapita bila kupingwa, ni mgombea pekee!!
By. M. M. Mwanakijiji (Sauti ya Kijiji)
Mgombea Pekee!