Kamishna Ernest Mangu ateuliwa kuwa IGP mpya

[kiwatengu]

Atakayechukua nafasi ya Saidi Mwema kama IGP Ni Kamishna Ernest Mangu.

Ataapishwa kesho.

Ernest Mangu

​

TAARIFA KWA VYOMBO VYA HABARI
​

Rais wa Jamhuri ya Muungano wa Tanzania, Mheshimiwa Jakaya Mrisho Kikwete leo, Jumatatu, Desemba 30, 2013, amemteua Kamishna wa Polisi Ernest Mangu kuwa Mkuu wa Jeshi la Polisi nchini.

Taarifa iliyotolewa usiku wa leo na Katibu Mkuu Kiongozi Balozi Ombeni Sefue inasema kuwa Kamishna Mangu anachukua
​

nafasi ya Mkuu wa Jeshi la Polisi nchini anayestaafu, Saidi Mwema.

Kabla ya uteuzi wake unaoanza keshokutwa, Januari Mosi, 2014, Kamishna Mangu alikuwa Mkurugenzi wa Inteligensia ya Jinai (Director of Criminal Intelligence)katika Jeshi hilo la Polisi.

Aidha, taarifa hiyo inasema kuwa Rais Kikwete amemteua Kamishna Abdulrahman Kaniki kuwa Naibu Mkuu wa Jeshi la Polisi, ambayo ni nafasi mpya katika muundo wa sasa wa Jeshi la Polisi.

Kabla ya uteuzi wake, Kamishna Kaniki alikuwa Kamishna wa Uchunguzi wa Kijinai (Commissioner for Forensic Investigations).

Mkuu wa Jeshi la Polisi mpya ataapishwa kesho, Jumanne, Desemba 31, 2013 katika Viwanja vya Ikulu, Dar es Salaam.

Imetolewa na:
Kurugenzi ya Mawasiliano ya Rais,
Ikulu.
Dar es Salaam.

============
Wasifu wake:

IGP mteule Ernest Jumbe Mangu alizaliwa mwaka 1959 mkoani Singida na alipata elimu ya Sekondari katika Shule ya Tumaini mwaka 1981.

Alijiunga na Jeshi la Polisi katika Chuo cha Polisi Moshi (CCP) tarehe 17 mwezi Agosti mwaka 1982 na kuhitimu mwezi Juni mwaka 1983 ambapo alipata mafunzo ya awali ya Polisi.

Mwaka 1987 alipata mafunzo ya sheria kwa ngazi ya cheti katika Chuo Kikuu cha Dar es Salaam, Mwezi Novemba mwaka 1992 alitunukiwa shahada ya kwanza ya sheria (LLB) katika Chuo Kikuu Cha Dar es Salaam.

Mwezi Juni mwaka 2010, alitunukiwa shahada ya udhamili katika masuala ya usalama katika Chuo Kikuu Cha Usalama cha Marekani.

Akiwa ndani ya Jeshi la Polisi amepandishwa vyeo mbalimbali ikiwemo Koplo wa Polisi (1988), Mkaguzi Msaidizi wa Polisi (1992), Mkaguzi wa Polisi (1995), Mrakibu Msaidizi wa Polisi (1997), Mrakibu wa Polisi (2002), Mrakibu Mwandamizi wa Polisi (2004), Kamishna Msaidizi wa Polisi (2006), Kamishna Msaidizi mwandamizi wa Polisi (2010), Naibu Kamishna wa Polisi (2013) na Kamishna wa Polisi (2013).

Amewahi kufanya kazi kama Mkuu wa Upelelezi Mkoa wa Mwanza, Kamanda wa Polisi katika mikoa ya Pwani na Mwanza na Kamishna wa Intelijensia ya Jinai.​

​

 

[Chris Lukosi]

Hongera sana kamanda

 

[Mwana Mpotevu]

Picha please simjui?

Duh! JFGI

 

[Mungi]

Hongera Jk kwa uteuzi usiotarajiwa, Mangu tunaomba ufanye kazi kwa haki, siyo kwa hisia na matakwa ya ccm

 

[foshizzle]

Ablrahaman ndo kaula. Tangu uhuru hamna hiyo kitu. Labda ni kuweka usawa wa kidini. Inabidi huyo naibu afanye kazi kubwa ya kummonitor boss..hahahaaaa....!!!!

 

[lutayega]

Mwenye cv yake na taarifa kuhusiana na utendaji wake atuwekee tuone kama anatofauti na mwema

 

[Capt Tamar]

Duh! JFGI

what????

 

[muonamambo]

mwnye Cv ZA KAMANDA Mangu atuwekee hapa tafadhali.. KWA sasa hongera kamanda

 

[Mag3]

Picha please!

Ndiye huyu? RPC wa Mkoa wa Mwanza, Naibu Kamishna wa Polisi, Ernest Mangu.
​

 

[Rolandi]

Aanze na walioshiriki tokomeza wakalitia aibu jeshi

 

[Buldoza]

Ataapishwa kesho.

Source: TBC1

 

[Super H]

ule upanga wa dhahabu anaenda nao Moshi?

 

[Manyi]

Si tulisikia kuwa IGP - Msataafu Said Mwema kaongezewa miaka 2?? Ilikuwa zuga??

 

[KingRay]

Hongera kamanda..n

 

[Miaghay]

Uteuzzi huo umetolewa sasa hivi kuwa IGP Mpya ni Ernest Mangu na anachukua nafasi ya Said Mwema. Kabla ya Uteuzi huu wa leo kuwa IGP, Kamanda Mangu aliteuliwa wiki chache zilizopita kuwa DCI na sasa anakuwa IGP.

Aidha Kamishna wa Polisi Abdulrahmani Kaniki ameteuliwa kuwa Naibu IGP cheo ambacho ni kipya ndani ya Jeshi la Polisi.

weka source.

 

[Awe2]

Wale wa andengenye imekuaje?

 

[mgeni wenu]

Kamata wote walioshiriki Tokomeza akiwemo Mwema

 

[samaki2011]

Sidhani kama kuna jipya. Natarajia mapya baada ya ccm kutoka madarakani out of that expect nothing. Mtajifariji tu na kujilisha upepo

 

[ZAINAB ASHRAFF M]

ameteuliwa kipindi muafaka cha ujangili na mishemishe za katiba mpya. hongera yake.

 

[Super H]

Ajiandae vizuri uchaguzi ujao CHADEMA iingie ikulu bila damu kumwagika!!