Huyu Mbunge ni tapeli au tumuiteje?


B

BroJay4

JF-Expert Member
Joined
Aug 27, 2007
Messages
236
Likes
4
Points
0
B

BroJay4

JF-Expert Member
Joined Aug 27, 2007
236 4 0
Mbunge maarufu CCM matatizoni




na Martin Malera



MBUNGE wa Iramba Mashariki, Mgana Msindai (CCM), anasakwa na polisi kwa tuhuma za kujipatia zaidi ya sh milioni 191 kwa njia ya udanganyifu, kutoka kwa mfanyabiashara Joseph Mushi.
Mfanyabiashara huyo ambaye ni Mtanzania anayeishi China kwa shughuli za kibiashara, amewasili nchini na kupitia mawakili wake, anakusudia kufungua kesi ya wizi kwa njia ya udanganyifu na tayari Msindai amefunguliwa RB namba OB/RB/15896/07.

Mbali ya madai hayo kufikishwa katika Kituo cha Polisi Oysterbay, Dar es Salaam, mfanyabiashara huyo juzi aliwasilisha barua yake ya malalamiko katika ofisi ya Spika wa Bunge, Samuel Sitta, akitaka ofisi hiyo imsaidie kupata haki yake kutoka kwa mbunge huyo.

“Januari mwaka huu, nilikutana na Mh. Msindai na kunishawishi kuwa kutokana na nafasi yake ya ubunge na ushawishi alionao, anaweza kupata tenda (zabuni) ya kusambaza vibao vya shule katika halmashauri mbalimbali. Baada ya kuangalia gharama, niliweza kutuma kontena tatu za vibao hivyo na naamini ameshasambaza na kulipwa fedha zake kutoka kwenye halmashauri alizosambaza.

“Nasikitika kukuambia kuwa Msindai amegoma kunilipa pesa zangu na tangu Agosti 22 mwaka huu, amekuwa akinipa ahadi zisizotekelezeka na hakuna namna naweza kupata pesa zangu.

“Nimeamua kukuandika barua hii nikiamini kuwa ofisi yako inaweza kunisaidia kupata fedha zangu,” ilisema sehemu ya barua hiyo ya Oktoba 8 iliyogongwa muhuri wa Ofisi ya Bunge kuonyesha ilipokewa na Ofisi ya Bunge Jumanne wiki hii.

Vyanzo vyetu vya habari vya kuaminika vinadai kuwa Msindai, ambaye pia ni Mwenyekiti wa Kamati ya Bunge ya Hesabu za Serikali za Mitaa, alifahamiana na mfanyabiashara huyo alipokuwa kwenye ujumbe wa ziara ya Wabunge wa Tanzania nchini China, Januari mwaka huu, ambapo alimshawishi kufanya naye biashara.

Kwa mujibu wa taarifa hizo, inadaiwa kuwa, Msindai alimshawishi mfanyabiashara huyo kuingia naye mkataba wa kusambaza vibao vya wanafunzi kutoka China.

Kutokana na makubaliano hayo kati ya Msindai na mfanyabiashara huyo, Msindai alipokea kontena tatu za vibao hivyo kupitia kampuni ya Msindai ya MSIMU Co na vibao hivyo vilikuwa na thamani ya sh milioni 191.

Kwa mujibu wa habari hizo, baada ya kontena hizo kuwasili nchini kwa nyakati tofauti, Msindai kupitia kampuni yake ya MSIMU, ilianza kazi ya kusambaza vibao hivyo katika halmashauri kadhaa nchini.

Katika kuthibitisha kupewa zabuni hiyo, Kampuni ya MSIMU ilikabidhiwa hati ya idhibati namba 631 Januari 8, mwaka huu ya Wizara ya Elimu na Utamaduni.

Akizungumza na Tanzania Daima, Mushi alisema tangu kuwasili kwa kontena hizo na biashara kufanyika vizuri, hajawahi kupata malipo na amejitahidi bila mafanikio kumtafuta Msindai ili alipwe pesa hizo.

“Tangu nimefika hapa Dar es Salaam, nimejitahidi sana bila mafanikio kumtafuta Mzindai, lakini mara ya mwisho nilipompata kwenye simu yake ya mkononi alinijibu kwa kejeli kuwa niende mahakamani kutafuta haki yangu,” anasema Mushi.

Hata hivyo, alisema kuna wakati Msindai aliwahi kumtumia muhtasari wa kikao cha Kampuni ya MSIMU unaoonyesha mchanganuo wa mgawo wa vibao hivyo, wilaya zilizosambazwa, kiasi cha fedha kilichokusanywa na matumizi ya MSIMU wakati wa kazi ya kusambaza vibao hivyo.

Kwa mujibu wa muhtasari wa kikao hicho cha kujadili mapato na matumizi ya kampuni hiyo, kilichoongozwa na Msindai mwenyewe kama mwenyekiti, ambao Tanzania Daima ina nakala yake, vibao hivyo vilisambazwa katika halmashauri tisa.

Halmashauri hizo ni pamoja na Moshi, Mbarali, Mbeya, Kilosa, Bagamoyo, Iringa, Mufindi, Handeni na Kilombero na kukusanya sh 101,649, 800. Hata hivyo Kampuni ya MSIMU ilikuwa haijapokea malipo kutoka halmashauri ya wilaya ya Bagamoyo na Kilombero.

Idadi ya vibao na kiasi cha fedha kilichokusanywa kutoka kwenye halmashauri hizo kwenye mabano ni Moshi vibao 1459 (sh 4,375,000), Mbarari vibao 5,000 (sh 13,000,000), Mbeya vibao 3,650 (9,125,000), Kilosa vibao 9,537 (sh 25,750,000), Bagamoyo vibao (sh 14,125,000), Iringa vibao 5900 (sh 18,750,000), Handeni vibao 6913 (sh 15,899,000) na Kilombero vibao 5323 (sh 13,082,500.)

Kwa upande wa matumizi, muhtasari huo unaonyesha kuwa kampuni hiyo ilitumia sh milioni 131, ikiwemo asilimia 10 ya kila fedha zilizotolewa na wilaya kununua vibao hivyo, na sh milioni moja kama asante kwa wizara iliyotoa tenda hiyo.

Alipohojiwa na Tanzania Daima juu ya madai hayo, Msindai alisema kwa kifupi kuwa, analijua suala hilo na kwamba liko polisi, lakini hawezi kulizungumzia kwa madai kuwa atakwenda kukutana nalo polisi.

“Hilo suala liko polisi, nami niko njiani kuja Dar es Salaam, hivyo nitakutana nalo polisi ila siwezi kuzungumzia suala hilo ila nashukuru kwa kunipigia,” alisema Msindai na kukata simu.

Hata hivyo Spika Sitta hakuweza kupatikana jana kuthibitisha kupokea barua hiyo na msaada atakaoweza kutoa kuhakikisha mfanyabiashara huyo anapata haki yake.


source:tanzania daima.
 
K

Kufakunoga

Member
Joined
Sep 24, 2007
Messages
32
Likes
0
Points
13
K

Kufakunoga

Member
Joined Sep 24, 2007
32 0 13
baadhi ya wabunge wa CCM ni mataperi wa kutupa,wanatumia nafasi zao kudhulumu wananchi,ni vitendo visivyo kubalika hata kidogo,na hii inatokana na taratibu zinazotumiwa na chama kupata viongozi,rushwa inatangulizwa mbele na si vinginevyo,ushahidi ni wabunge wa Arusha wliokamatwa na rushwa,uwezi kupata viongozi wenye maadili kwa kupitia njia ya rushwa.Mbunge huyu na mfahamu sana.hana maadili ya uongozi hata kidogo,mara nyingi nimewahi kumkuta Brake point bar,opposite na millenium tower,akivinjari na machangudoa bila aibu kuwa jamii inamuona,leo ana huyu kesho yule,ndio zake.na inasemekana ana honga sana laki tatu na kuendelea hivyo machangudoa wakimuona uanza kumgombania kama mpira wa kona.aibu tupu.
 
K

Koba

JF-Expert Member
Joined
Jul 3, 2007
Messages
6,143
Likes
500
Points
180
K

Koba

JF-Expert Member
Joined Jul 3, 2007
6,143 500 180
.....kama ni kweli huyu ni mbunge asiye na maadili ya uongozi na inabidi ashughulikiwe kwa nguvu zote,dawa ni kutafuta lawyer wa nguvu na kesi iwe wazi kwenye media kukomesha viongozi wenye hizi tabia,dawa ya matapeli ni kuwapeleka mahakamani tuu lakini lazima atumie good lawyer.
 
S

Semanao

JF-Expert Member
Joined
Jul 25, 2007
Messages
208
Likes
7
Points
35
S

Semanao

JF-Expert Member
Joined Jul 25, 2007
208 7 35
Kwa upande wa matumizi, muhtasari huo unaonyesha kuwa kampuni hiyo ilitumia sh milioni 131, ikiwemo asilimia 10 ya kila fedha zilizotolewa na wilaya kununua vibao hivyo, na sh milioni moja kama asante kwa wizara iliyotoa tenda hiyo.
Je hiyo milioni moja kapokea nani? rushwa kwenye tender haiwezi kuisha. Je PCCB wanasubiri nini wakati wameshapewa ushahidi tosha.
 
M

Mtanzania

JF-Expert Member
Joined
May 4, 2006
Messages
4,818
Likes
57
Points
145
M

Mtanzania

JF-Expert Member
Joined May 4, 2006
4,818 57 145
Watu walifikiri Nyerere alikuwa mjinga kulipokuwa na maadili ya viongozi?

Wabunge wengi wa sasa ni wale wale walioua mashirika yetu na sasa
wanafanya biashara za kitapeli kwenye ofisi za bunge.

Kama rais wao kafanya biashara Ikulu, wanaona na wenyewe kwanini wasitafute mgao wao?

Mimi nafikiri turudishe maadili ya uongozi kama ilivyokuwa nyuma na yafanye kazi. Pia kiongozi yeyote akifikishwa mahakamani na Jamhuri basi asimamishwe kwenye nafasi aliyonayo kwa mfano ubunge.

Huyu jamaa inaelekea ni tapeli kabisa.

Viongozi wetu wa sasa kuna mafisadi, wauaji, matapeli, changudoa, yaani ni balaa tupu.
 
Bill

Bill

JF-Expert Member
Joined
Oct 5, 2007
Messages
4,560
Likes
1,775
Points
280
Bill

Bill

JF-Expert Member
Joined Oct 5, 2007
4,560 1,775 280
wengi wapo pale ili kupata kinga ya serikali, nafikiri wanafanya mengi maovu zaidi ya hili. Tutayasikia mengi bado
 
A

August

JF-Expert Member
Joined
Jun 18, 2007
Messages
4,594
Likes
769
Points
280
A

August

JF-Expert Member
Joined Jun 18, 2007
4,594 769 280
Halafi ndio Mwenyekiti wa Kamati ya Bunge ya hesabu za serekali za mitaa?
Wajemeni tutafika kweli?
 
Mtaalam

Mtaalam

JF-Expert Member
Joined
Oct 1, 2007
Messages
1,279
Likes
42
Points
145
Mtaalam

Mtaalam

JF-Expert Member
Joined Oct 1, 2007
1,279 42 145
sasa kama na kapewa cheo hicho cha mahesabu ya idara hiyo na ni tapeli..nina hata mashaka na hayo mahesabu ya serikali zetu za mitaa...naona za mwizi zafika fika...na bado serikali yoote itaumbuka tuu one day..wapo wengiii
 
Lunyungu

Lunyungu

JF-Expert Member
Joined
Aug 7, 2006
Messages
8,836
Likes
82
Points
145
Lunyungu

Lunyungu

JF-Expert Member
Joined Aug 7, 2006
8,836 82 145
Mambo ya longolongo kwa wana CCM ni wengi sana hata Kilimbah wa huko huko ni mtu wa kamba sana mjaribuni msikie longolongo lake
 

Forum statistics

Threads 1,205,394
Members 457,878
Posts 28,192,178