Hotuba ya Rais Kikwete Mwisho wa Mwezi Julai: Amjibu Kagame!

Kizimbuzi

JF-Expert Member
Jul 31, 2013
1,569
745
Uhusiano na Nchi ya Rwanda

Ndugu wananchi;
Katika kipindi cha miezi miwili sasa hususan tangu mwishoni mwa mwezi Mei, 2013, uhusiano baina ya nchi yetu na Rwanda unapitia katika wakati mgumu. Kauli za viongozi wa Rwanda dhidi yangu na nchi yetu ni ushahidi wa kuwepo hali hiyo. Napenda kuwahakikishia Watanzania wenzangu na ndugu zetu wa Rwanda kuwa mimi, Serikali ninayoiongoza na wananchi wa Tanzania tunapenda kuwa na uhusiano mzuri na ushirikiano wa karibu na Rwanda kama ilivyo kwa nchi zote jirani. Kama majirani kila mmoja anamuhitaji mwenzake, hivyo lazima tuwe na uhusiano mwema na ushirikiano mzuri.

Napenda kusisitiza kuwa mimi na Serikali ninayoiongoza tutakuwa wa mwisho kufanya kitendo au vitendo vibaya dhidi ya Rwanda au nchi yo yote jirani au yo yote duniani. Hatuna sababu ya kufanya hivyo kwani ni mambo ambayo hayana tija wala maslahi kwetu.

Ndugu Wananchi;
Ukweli ni kwamba wakati wote tumekuwa tunajihusisha na mambo ya kukuza na kujenga ujirani mwema na kufanya mambo ambayo yatasaidia kuimarisha uhusiano wetu kwa maslahi ya nchi zetu. Hiyo ni moja ya nguzo kuu ya Sera ya Mambo ya Nje ya Tanzania. Huo ndiyo ukweli kuhusu uhusiano wetu na nchi ya Rwanda kabla na hata baada ya sintofahamu iliyojitokeza sasa. Napenda kuwahakikishia ndugu zetu wa Rwanda kuwa kwa upande wetu hakuna kilichobadilika wala kupungua katika uhusiano na ushirikiano wetu. Mambo yapo vile vile. Kwa upande wangu, binafsi, sijasema lo lote kuhusu Rwanda pamoja na maneno mengi ya matusi na kejeli yanayotoka kwenye vinywa vya viongozi wa Rwanda dhidi yangu. Siyo kwamba siambiwi yanayosemwa au sijui kusema au sina la kusema, la hasha. Sijafanya hivyo kwa sababu sioni faida yake. Kwangu mimi sioni kama kuna mgogoro wa aina yo yote. Busara inatuelekeza kuwa tusikuze mgogoro usiokuwepo. Waingereza wanasema "two wrongs do not make a right".

Ndugu Wananchi;
Kama mjuavyo uhusiano wetu na Rwanda umekuwa mzuri kwa miaka mingi. Tunashirikiana na kusaidiana kwa mambo mengi baina ya nchi zetu kitaifa na katika kanda yetu ya Afrika Mashariki na Nchi za Maziwa Makuu, katika Umoja wa Afrika na hata kimataifa. Uhusiano unaelekea kupata mtikisiko baada ya mimi kutoa ushauri kwa Serikali ya Rwanda kuzungumza na mahasimu wao. Ushauri ule niliutoa kwa nia njema kabisa kwani bado naamini kuwa kama jambo linaweza kumalizwa kwa njia ya mazungumzo njia hiyo ni vyema itumike. Isitoshe, ushauri ule niliutoa pia kwa Serikali ya Kongo na kwa Serikali ya Uganda. Katika mkutano ule Rais Yoweri Museveni wa Uganda aliunga mkono kauli yangu. Rais wa Rwanda hakusema cho chote pale mkutanoni. Baada ya kurudi nyumbani ndipo tukaanza kuyasikia maneno tuliyoyasikia na tunayoendelea kuyasikia.

Kwa kweli nimestaajabu sana na jinsi walivyouchukulia ushauri wangu na wanayoyafanya. Havifanani kabisa, completely out of proportion and out of context. Mimi nilifanya vile kwa kuzingatia mila na desturi zetu za miaka mingi katika ukanda wetu. Tumekuwa tunakutana katika mikutano na vikao mbalimbali tunazungumza na kushauriana kwa uwazi juu ya njia za kushughulikia matatizo na masuala mbalimbali kila yanapotokea. Wakati wote tumeyachukulia kuwa ni mambo yanayotuhusu sote hivyo kupeana ushauri ni wajibu wetu wote. Na mara nyingi ushauri kwa wanaogombana kuzungumza tunautumia sana. Iweje leo mtu kutoa ushauri ule lionekane jambo baya na la ajabu. Jambo la kushutumiwa na kutukanwa! Siyo sawa hata kidogo!! Ushauri si shuruti, ushauri si amri. Una hiyari ya kuukubali au kuukataa. Muungwana hujibu: "Siuafiki ushauri wako". Hakuna haja ya kutukana wala kusema maneno yasiyostahili wala kusema yasiyokuwepo na ya uongo.

Ndugu Wananchi;
Napenda kurudia kusema kuwa mimi binafsi na Serikali yetu ya Tanzania hatuna ugomvi wala nia yo yote mbaya na Rwanda. Tunapenda tuendelee kuwa na uhusiano mzuri na Rwanda. Labda wenzetu wanalo lao jambo dhidi yetu ambalo sisi hatulijui. Maana na sisi tunasikia mengi yanayozungumzwa na kudaiwa kupangwa kufanywa na Rwanda dhidi yangu na nchi yetu. Hatupendi kuyaamini moja kwa moja tunayoyasikia lakini hatuyapuuzi.


Source: Hotuba ya Rais Mwisho wa Mwezi Julai 2013

~~~~~~~~~~~~~~~~~~~
Comment from a Member:
Kwanza niseme sidhani kuwa JK ametoa apology.

Alichokifanya ni ufafanunuzi wa kile ambacho tunakijua alisema lakini kwa upana zaidi. Kwa mfano, JK amesema alipotoa kauli hiyo Museveni alikuwepo na kuunga mkono na Kagame alikuwepo hakusema kitu.

Kwa mwanadiplomasia ilipaswa Kagame amjibu JK kuwa haweza kukaa meza moja na waasi waliosababisha mauaji ya kimbari kama alivyosema.

PK hakufanya hivyo bali kukimbilia nyumbani kwake na kuanza kuagiza mawazri wake kutoa kauli zisizo za kidiplomasia. Halafu akaita wanajeshi na kuwahutubia na mwisho kutoa kauli ' ......I will hit him''. Hapa hapana diplomasia ya aina yoyote isipokuwa upuuzi tu wa kuongea maneno bila kuiangalia dunia na matamshi yaliyotolewa.

Endapo tutakubali kuwa Kagame alikasirishwa na maneno ya JK kutokana na uchungu wa mauji ya kimbari ambyo hapaswi kuyaunga mkono kwa kukaa na waasi basi, itabidi tuiombe Tanzania iombe radhi si kwa Kagame tu bali kwa mataifa mengi.

1. Tanzania ikiwa mshiriki wa SADC ilishiriki katika kuleta pamoja UNITA na MPLA kumaliza mgogoro wa Angola. Savimbi alikiuka makubaliano hatua zikachukuliwa na yeye kuuawa.
Tanzania inapaswa kuwaomba radhi Waangola kwa kushiriki kuleta pande hizo pamoja huku tukijua kuwa kuna vilema na melfu ya watu wenye uchungu kutokana na mauji ya Savimbi.

2. Tanzania ilishiriki na ilikubaliana kuzileta pande mbili za RENAMO na FRELIMO katika meza ya majadiliano licha ya machungu ya Wamsumbiji yanyaotokana na mauaji ya RENAMO. Leo Msumbiji ni salama kuliko Rwanda. Tanzania iombe radhi kwa ushauri wa kuleta FRELIMO na RENAMO pamoja

3. Tanzania ilileta pande mbili za Odinga na Kibaki katika wakati mgumu sana kwenye meza ya majadiliano. Ni muafaka kati ya wahasimu hao uliozaa mgawanyo wa madaraka na kupelekea Kenya kufanya uchaguzi wa mfano barani Afrika mwaka Jana. Tanzania iombe radhi kwa wahanga wa vita ambao sehemu yao wana machungu na Uhuru Kenyata na wenzake.

4. Tanzania imewaleta Rojalino wa Madagaska na Ramanomanan katika meza ya majadiliano. Hivi karibuni wote wawili wameshauriwa kutoshiriki uchaguzi kama ushauri wa SADC ambao Tanzania inashiriki kama kiongozi. Tanzania iombe radhi kwa madagaska kwa kwakuwaleta mahasimu pamoja.

5. Tanzania ilisuluhisha ugomvi mkubwa baada ya uhuru wa Zimbawe kati ya Joshua Nkomo wa ZAPU PF na Mugabe wa ZANU PF. Nyerere aliwaita msasani na tangu hapo ugomvi huo ukawa umefikia tamati. Tanzania iombe radhi kwa Zimbabwe kwa kuwaleta mahasimu meza moja.

6. Tanzania imewaleta pamoja Tvangirai na Mugabe na kupata mufaka kwa muda hata kama kulikuwa na ukandamizwaji wa haki. Kwa miaka 5 at least kumekuwa na muda wa wananchi wa Zimbawe kutathmini tena njia ya taifa lao na si mauaji yaliyokuwepo. Tsvangirai alikuja Dar kama Mugabe na kila mmoja alipewa ushauri. Nalo pia tuombe radhi.

7. Mboma PK hakukataa kuwepo kwa Mahakama ya mauaji ya kimbari Arusha hata pale walipohukumiwa mahasimu wake. Mbona PK hakukubaliwa wazo lake la kutaka waliopataikana na hatia wafungwe Rwanda. Kwanini PK hakuitukana jamii ya kimataifa kwa kukataa wazo lake.

8. Mbona PK hakukataa na kulaani Tanzania kuwa msuluhishi wa tatizo la Burundi. Viongozi wa waasi wa Burundi waliokuwa Tanzania walirudishwa kwao kwa nguvu, mbona hilo Kagamea na wanaomuunga mkono hawalaani Tanzania. Kwanini tusiombe radhi kwa Burundi na Rwanda kwa kuwa sehemu ya usuluhishi tena mwenyeji wa UN na mhakama zake. Mbona hatuiambii serikali ya Tanzanaia iombe radhi.

Kwa hili la Kagame tatizo si ushauri, hata mifano michache hapo juu si kuwa muda wote pande ziliridhika na ushauri lakini basi zilitafakari na kuangalia mazingira yao. Zilitathmini ushauri uwe mbaya au mzuri kama ushauri na si amri, masharti au mapambano.

Hapo ndipo Kagame alipokosea. Hata kama JK yupo wrong hawezi kuwa wrong kwa maoni yake. Si sahihi kudhani kuwa ushauri anaoutaka PK ndio mzuri. Na ni ujinga kutaka kuwa right kwa kumfurahisha PK

PK alipaswa kutumia nafasi iwe nchini mwake au katika majukwa mengine kwa njia za kiustaraabu kukataa ushauri wa Tanzania pengine akifafanunua kwanini hakubaliani nao.

Kitendo cha kukimbilia nyumbani kwake na kuanza kuita wanajeshi na kuzungumza nao ni cha kitoto, dhalili na kisichoonyesha utayari wa PK kushauriwa kwa namna yoyote kwa maana ya arrogance.

Kila mtu au taifa lina mtizamo wake kuhusu jambo fulani na wala hiyo haina right or wrong ilimradi tu maoni hayo yanaweza kusimama na kutetewa kwa hoja na si matusi.

Leo kuna Wajerumani wanamuunga mkono Hitler. Kuna waafuganistan wanamkumbuka, kuna jews wanamPinga Netanyahu kuhusu siasa zake ndani ya Israel. kuna Hamas wanapingana na Fatah kuhusu mashariki ya kati na leo kuna majadiliano kati ya Sinfein na serikali ya malkia. Kuna majadiliano kati ya Marekani na Talibani na juhudi za kuwashirikisha Alshabaab katika mchakato wa siasa zinaendele kwa chini chini.

Kama PK angefanya mkutano na kueleza upande wake kwa njia za kidiplomasia mjadala wa leo ungekuwa ni kuhusu kauli ya JK kama ni sahihi au la. Kinyume chake PK akaamua kutumia busara za matusi na vitisho ambazo ni undiplomatic, uncivilized, barbaric and signs and symptoms of arrogance.

Sisi tunaweza kumwita rais wetu tupendavyo, lakini inaudhi sana PK kumwita rais wa nchi nyingine mpuuzi, --------, attention seeker n.k. tena kwa ushauri ambao alikuwa na uwezo wa kusema hapana.

Kila mtu yupo entitled to his or her own opinion and there is no right or wrong katika kueleza opinion.

Tension iliyopo ni kutokana na kauli za PK na hilo tukubali ni tatizo kwanza hata kabla ya kujadili ushauri aliopewa au waasi wanaomwandama.

================
HOTUBA KWA KIREFU:

HOTUBA YA MHESHIMIWA DKT. JAKAYA MRISHO KIKWETE, RAIS WA JAMHURI YA MUUNGANO WA TANZANIA KWA WANANCHI, TAREHE 31 JULAI, 2013

Utangulizi

Ndugu wananchi;

Kama ilivyo ada naomba nianze kwa kumshukuru Mwenyezi Mungu, mwingi wa rehma, kwa kutujalia uzima na kutuwezesha kwa mara nyingine tena kutekeleza utaratibu wetu huu mzuri tuliojiwekea wa Rais kuzungumza na taifa kila mwisho wa mwezi.

Ndugu Wananchi;
Mwezi Julai, 2013 ulikuwa wa neema kubwa ya wageni kwa nchi yetu wakiwemo watu na viongozi mashuhuri duniani. Natoa shukrani nyingi kwa Watanzania wenzangu kwa jinsi tulivyowapokea wageni wetu zaidi ya 1,700. Wamefurahi kuwepo kwao nchini na wameondoka wakiwa na kumbukumbu nzuri ya nchi yetu. Wageni wetu wamekuwa wa manufaa makubwa kwa nchi yetu. Wamesaidia kuitangaza Tanzania duniani na kuendeleza fursa za kukuza utalii, biashara na uwekezaji nchini na kwingineko katika Afrika.

Mkutano wa Smart Partnership

Ndugu wananchi;

Wageni wetu wa kwanza ni wale waliokuja kuhudhuria Mkutano wa Global 2013 Smart Partnership Dialogue uliofanyika Dar es Salaam tarehe 28 Juni hadi 1 Julai, 2013. Mkutano huo ulihudhuriwa na watu zaidi ya 800 kutoka mabara yote duniani wakiwemo Watanzania. Miongoni mwa waliohudhuria ni pamoja na wakuu wa nchi na Serikali, viongozi wastaafu, wanadiplomasia, wawakilishi wa mashirika na taasisi za kimataifa, makampuni ya ndani na nje, wafanyabiashara, wasomi, asasi za kijamii na watu wa makundi mbalimbali katika jamii. Makampuni yetu 21 nayo yaliungana na makampuni mengine 28 kutoka nje ya nchi kushiriki kwenye maonesho ya matumizi ya sayansi na teknolojia yaliyofanyika sambamba na mkutano huo.

Ndugu Wananchi;

Agenda kuu ya majadiliano ya mwaka huu ilikuwa ni "Matumizi ya teknolojia kama nyenzo ya kuleta maendeleo ya kijamii na kiuchumi Barani Afrika (Leveraging Technology for Africa's Social-Economic Transformation: The Smart Partnership Way). Tuliichagua mada hii kwa kuwa ni ukweli ulio wazi kuwa matumizi ya sayansi na teknolojia ndiyo chachu kubwa iliyoleta mageuzi na maendeleo ya kiuchumi na kijamii katika nchi. Ndiyo siri ya mafanikio katika nchi zilizoendelea na zinazopiga kasi kubwa ya maendeleo duniani.

Bahati mbaya sana kumekuwa na maendeleo na matumizi madogo ya sayansi na teknolojia katika Afrika. Ndiyo maana nchi za Afrika ziko nyuma kimaendeleo ukilinganisha na zile zilizoendelea. Katika mkutano huo umuhimu wa kuendeleza na kuongeza matumizi ya sayansi na teknolojia kwa ajili ya maendeleo Barani Afrika ulitambuliwa na kusisitizwa.

Mkutano ulihimiza na kusisitiza kuwa sera, mikakati na mipango ya maendeleo ya nchi za Afrika zitoe kipaumbele kwa kuendeleza matumizi ya sayansi na teknolojia. Nchi zetu zimehimizwa kuwekeza katika elimu ya sayansi na teknolojia pamoja na kujenga uwezo wetu wa ndani wa uvumbuzi, ubunifu, umiliki na uendelezaji wa sayansi na teknolojia. Aidha, imesisitizwa kwa nchi zetu ziongeze kasi ya kutumia sayansi na teknolojia katika shughuli mbalimbali za kiuchumi na kijamii ili kuongeza ufanisi na kasi ya maendeleo.

Ndugu Wananchi;
Jambo la kutia faraja kwetu nchini ni kwamba mambo yote hayo tunayafanya. Tunachotakiwa sasa ni kufanya vizuri zaidi na kuongeza uwekezaji na kasi ya kuendeleza matumizi ya sayansi na teknolojia katika shughuli za maendeleo ya kiuchumi na kijamii nchini. Tutaendelea kuboresha sera, kuboresha mazingira ya uwekezaji na kwa ajili ya maendeleo ya sayansi na teknolojia nchini.

Ziara ya Rais wa Marekani Nchini Tanzania

Ndugu wananchi;

Mgeni wetu wa pili alikuwa Rais wa Marekani, Mheshimiwa Barack Obama, aliyefanya ziara nchini kwetu kati ya tarehe 1 - 2 Julai, 2013. Lengo la ziara yake ilikuwa kuimarisha uhusiano wa kihistoria uliopo kati ya Marekani na Tanzania. Kama mjuavyo, nchi zetu mbili zina uhusiano wa kibalozi tangu Uhuru wa Tanganyika mwaka 1961 na Mapinduzi Matukufu ya Zanzibar mwaka 1964.

Uhusiano wetu umepita katika vipindi mbalimbali na kwamba hivi sasa umekuwa mzuri zaidi kuliko wakati mwingine wowote katika historia ya nchi zetu mbili. Kumekuwepo na ongezeko kubwa la misaada ya maendeleo kutoka Marekani na uwekezaji wa vitega uchumi na biashara navyo vinakua. Pia ziara za kiserikali za viongozi wa nchi zetu kutembeleana zimeongezeka. Kama mtakavyokumbuka, mwaka 2008 aliyekuwa Rais wa Marekani Mheshimiwa George W. Bush alifanya ziara ya siku nne nchini. Pia Mawaziri mbalimbali wa Serikali ya Marekani wametembelea Tanzania akiwemo Mheshimiwa Hilary Clinton akiwa Waziri wa Mambo ya Nje wa Marekani aliyekuja mwaka 2011.

Ndugu Wananchi;
Nchi ya Marekani imekuwa mshirika wetu muhimu wa maendeleo katika nyanja mbalimbali. Kwa upande wa afya kwa mfano, tunapata msaada mkubwa katika mapambano dhidi ya malaria na UKIMWI. Katika maendeleo ya elimu, nako wanatusaidia katika mafunzo ya wataalamu mbalimbali pamoja na upatikanaji wa vitabu vya sayansi na hisabati kwa ajili ya shule za sekondari. Kupitia Mfuko wa Changamoto za Milenia, Marekani inatusaidia katika kuimarisha miundomuinu ya barabara, umeme na maji. Ujenzi wa barabara za Tanga – Horohoro, Namtumbo – Songea – Mbinga; Tunduma – Sumbawanga na baadhi ya barabara za Pemba, ujenzi wa njia ya pili ya kupeleka umeme Unguja kutoka Dar es Salaam, ujenzi wa Uwanja wa Ndege wa Mafia na usambazaji wa umeme katika Mikoa 10 ya Tanzania bara ni miongoni mwa matunda ya msaada wa Mfuko huo. Pamoja na hayo, ipo miradi ya kuongeza maji katika jiji la Dar es Salaam na Manispaa ya Morogoro ambayo inaendelea kutekelezwa.

Ndugu Wananchi;
Wakati wa ziara yake, Rais Obama alielezea na kusisitiza dhamira yake na ya Serikali yake ya kuimarisha zaidi uhusiano na ushirikiano mzuri uliopo kati ya nchi zetu. Alielezea kuridhika na hatua tuliyofikia ya kukuza demokrasia nchini, utawala bora na kuwekeza katika maendeleo ya watu wetu. Aliahidi kuendelea kuunga mkono juhudi zetu. Katika hili ameahidi kuongeza misaada ya maendeleo na kiufundi katika sekta za afya, elimu, kilimo, barabara, nishati na maendeleo ya vijana. Pia, alithibitisha kwamba nchi yetu itaendelea kunufaika na ufadhili wa Awamu ya Pili ya Mfuko wa Changamoto za Millenia. Katika awamu hii, maeneo yatakayopewa kipaumbele hapa kwetu ni umeme na barabara za vijijini. Mazungumzo ya miradi itakayotekelezwa katika awamu hiyo yanaendelea vizuri.

Power Africa

Ndugu Wananchi;

Rais Obama alitumia fursa ya ziara yake nchini kuzindua mpango wa Serikali yake wa kusaidia maendeleo ya sekta ya umeme katika Bara la Afrika. Mpango huu unaoitwa "Power Africa Initiative" umetengewa kiasi cha dola za Marekani bilioni 7 na Serikali ya Marekani na makampuni binafsi ya nchi hiyo yameahidi kuwekeza dola bilioni 9 katika mpango huo. Kwa kuanzia, nchi sita za Afrika (Ethiopia, Ghana, Nigeria, Tanzania, Liberia na Kenya) ikiwemo Tanzania zitahusishwa.

Bila ya shaka Mpango huo ukikamilika utasaidia sana kuimarisha upatikanaji wa umeme barani Afrika ambayo ni nyenzo muhimu katika kuleta maendeleo ya kiuchumi na kijamii. Ni ukweli ulio wazi kuwa ukosefu wa umeme wa kutosha na wa uhakika ni sababu kubwa inayokwamisha maendeleo ya haraka katika nchi za Afrika. Hivyo basi, msaada huu ni muhimu sana kwetu. Kwa ajili hiyo nimeagiza Wizara ya Nishati na Madini iandae mkakati madhubuti wa namna Tanzania itakavyoshiriki na kufaidika na mpango huo. Nataka mpango huo utakapoanza kutekelezwa utukute sisi tupo tayari kutumia fursa zake.

Vile vile, ndugu wananchi, katika ziara hiyo Rais Obama alielezea nia ya Serikali yake kutaka kuwepo mpango wa kukuza ushirikiano wa biashara na uwekezaji baina ya nchi yake na nchi za Jumuiya ya Afrika Mashariki. Nimeelekeza Wizara husika yaani Wizara ya Ushirikiano wa Afrika Mashariki na Wizara ya Viwanda, Biashara na Masoko nao watengeneze mkakati utakaoonesha jinsi tulivyojipanga kufaidika na mpango huo. Lazima tujiandae vyema na mapema tunufaike saiwa na mpango huo.

Ziara ya Rais Mstaafu wa Marekani Nchini

Ndugu Wananchi;

Sambamba na ziara ya Rais Obama, nchi yetu ilipata bahati ya kutembelewa tena na Rais Mstaafu wa Marekani, Mheshimiwa George W. Bush na mkewe Laura Bush, tarehe 1 hadi 3 Julai, 2013. Kwa udhamini wa asasi ya George W. Bush Foundation waliandaa Mkutano wa Wake wa Marais wa Afrika uliofanyika hapa Dar es Salaam, tarehe 2 na 3 Julai, 2013. Mama Michelle Obama naye alishiriki mkutano huo uliozungumzia kuimarisha maendeleo na afya ya wanawake Barani Afrika.

Katika mkutano huo, pia, Mheshimiwa George W. Bush alizindua mpango wa kuimarisha mapambano dhidi ya kansa ya shingo ya kizazi na matiti barani Afrika. Kufuatia Mpango huo, Serikali ya Marekani imetoa dola milioni 3 na mashine 16 za Cryo Therapy zinazotumia baridi kali kuua chembechembe za kansa. Msaada huo ni muhimu hasa ukizingatia kuwa kila mwaka hapa nchini zaidi ya Watanzania 21,000 wanapata maradhi ya kansa. Kati ya hao asilimia 29.4 ni wanawake wanaopata magonjwa ya kansa ya shingo ya uzazi na asilimia 6.2 wanapata kansa ya matiti. Naamini Mpango huu utatusaidia sana katika kuimarisha mapambano dhidi ya maradhi haya yanayowasumbua na kuua kina mama wengi nchini. Nimeitaka Wizara ya Afya na Ustawi wa Jamii kuweka utaratibu mzuri ili msaada huo utumike ipasavyo na kuwanufaisha walengwa.

Ziara ya Waziri Mkuu Mstaafu wa Uingereza Nchini

Ndugu Wananchi;

Tarehe 23 mwezi Julai, 2013 pia tulitembelewa na Waziri Mkuu Mstaafu wa Uingereza, Mheshimiwa Tony Blair. Katika mazungumzo yetu Mheshimiwa Blair aliahidi kuisaidia nchi yetu kupitia taasisi yake ya Africa Governance Initiative kusaidia kusambaza umeme wa jua katika shule zetu za sekondari vijijini, maboresho ya shirika letu la umeme (TANESCO) na kusaidia uanzishaji na uimarishaji wa Kitengo cha Rais cha Ufuatiliaji Utekelezaji wa Programu za Maendeleo (Presidential Delivery Bureau - PDB). Tunamshukuru kwa ahadi yake hiyo itakayochangia katika jitihada za kujiletea maendeleo.

Ziara ya Waziri Mkuu wa Thailand Nchini

Ndugu Wananchi;

Tarehe 30 Julai, 2013 tulimpokea Mheshimiwa Yingluck Shinawatra, Waziri Mkuu wa Thailand aliyefanya ziara ya siku tatu nchini. Lengo la ziara yake ni kuimarisha uhusiano mzuri uliopo kati ya Thailand na Tanzania. Katika ziara hiyo, tumezindua Jukwaa la Wafanyabiashara wa Thailand na Tanzania (Thai-Tanzania Business Forum) ili kukuza biashara na uwekezaji baina ya nchi zetu. Waziri Mkuu Yingluck Shinawatra alitumia fursa hiyo kufafanua sera ya Thailand kwa Afrika inayosisitiza kukuza ushirikiano wa karibu wa kiuchumi na kibiashara. Pia amepata nafasi ya kutembelea Hifadhi ya Taifa ya Serengeti kujionea mwenyewe jinsi nchi yetu ilivyobarikiwa kwa kuwa na kivutio hicho cha aina yake. Alipokuwa kule nchi zetu zilitiliana saini maelewano ya ushirikiano katika kulinda na kuhifadhi wanyama pori.

Katika mazungumzo yangu na yeye, tumekubaliana kuchukua hatua thabiti kukuza ushirikiano katika nyanja mbalimbali. Tumetiliana saini mikataba mitano ya ushirikiano kwa mambo yafuatayo: Kukuza na kulinda vitega uchumi; kubadilishana wafungwa; ushirikiano wa kiufundi; na ushirikiano kwa masuala ya madini. Aidha, Waziri Mkuu huyo ameahidi kuwahimiza wawekezaji wa nchini mwake kuja Tanzania kuwekeza katika sekta mbalimbali za uchumi ikiwemo kilimo, utalii, viwanda nakadhalika. Pia, Waziri Mkuu wa Thailand ameahidi kuwa Serikali yake itatoa ufadhili kwa vijana 10 kusoma Shahada ya Uzamili nchini humo. Vile vile, nchi hiyo itaanza kuleta wataalamu wa afya wa kujitolea kuja kushirikiana na wataalam wetu kuimarisha huduma ya afya nchini.

Ziara hizi zinaonesha utayari wa dunia kuunga mkono jitihada zetu za kujiletea maendeleo. Naomba Watanzania wenzangu tutumie vizuri utayari huo wa dunia kuongeza kasi ya maendeleo yetu. Tusijikwaze wenyewe.

Ziara ya Kagera

Ndugu wananchi;

Kuanzia tarehe 24 hadi 29 Julai, 2013, nilifanya ziara Mkoani Kagera. Nilishiriki kwenye Maadhimisho ya Siku ya Mashujaa na kuzindua jengo jipya la Mahakama Kuu. Pia niliweka jiwe la msingi la upanuzi wa kiwanja cha ndege cha Bukoba na kuweka mawe ya msingi ya ujenzi wa kiwango cha lami kwa barabara za Kigoma – Lusahunga na Kyaka – Kayanga – Bugene. Vile vile nilizindua Wilaya mpya ya Kyerwa na kukagua shughuli za maendeleo pamoja na kuona na kusikiliza changamoto mbalimbali zinazowakabili wananchi ili kuzitafutia majawabu.

Sherehe za Kumbukumbu ya Mashujaa zilifana sana. Niliwapongeza viongozi wa Jeshi na wa Mkoa kwa maandalizi mazuri ya sherehe hizo. Pia nilirudia kumpongeza Mkuu wa Majeshi, Jenerali Davis Mwamunyange, kwa uamuzi wake wa busara wa kufanya sherehe za kumbukumbu za mashujaa wetu pale Kaboya badala ya kufanyikia Dar es Salaam tu kama ilivyokuwa miaka ya nyuma. Ni uamuzi muafaka na wa busara kwani pale Kaboya ndipo walipolala mashujaa wetu waliopoteza maisha yao kutetea mipaka na uhuru wa nchi yetu dhidi ya Nduli Iddi Amin. Hali kadhalika, kule Naliendele, Mtwara ambapo sherehe za mashujaa zilifanyika mwaka wa juzi, ndipo walipozikwa mashujaa wetu waliopoteza maisha kuisaidia nchi jirani na rafiki ya Msumbuji kutetea Uhuru wake dhidi ya wakoloni, makaburu na vibaraka wao wa ndani ya Msumbiji.

Ndugu Wananchi;
Katika hotuba yangu pale Kaboya niliwakumbusha Watanzania wenzangu kwamba katika kuwakumbuka mashujaa wetu wale na sisi tulio hai, hatuna budi kutambua wajibu wetu wa kuwa tayari kujitolea muhanga kwa ajili ya kulinda uhuru wa mipaka ya nchi yetu. Nilisisitiza utayari wa nchi yetu kulinda mipaka yake na kwamba mfano wa mashujaa waliolala pale ni fundisho kwa mtu ye yote anayetamani kumega kipande cho chote cha ardhi ya nchi yetu. Atakiona cha mtema kuni kilichomkuta Nduli Iddi Amini au hata zaidi.

Nimesikia kuwa kauli yangu ile imetafsiriwa visivyo na kupotoshwa na baadhi vyombo vya habari na hata majirani zetu. Tafsiri hizo ni potofu. Sikumtaja mtu ye yote au nchi yo yote. Nilikuwa nazungumzia wajibu wa majeshi yetu na raia wa nchi yetu wa kulinda uhuru na mipaka yetu na kwamba hatutamruhusu mtu au nchi yo yote kutupokonya wala kuichezea haki yetu hiyo ya msingi. Tuko tayari kuitetea hata kama gharama yake ni maisha yetu kama walivyofanya mashujaa waliolala Kaboya.

Mahakama Kuu

Ndugu Wananchi;

Katika ufunguzi wa Mahakama Kuu ya Bukoba nilisisitiza dhamira na utayari wa Serikali yetu kuiwezesha Mahakama ya Tanzania kuwa na Mahakama Kuu katika kila Mkoa. Baada ya kukamilika kwa Mahakama Kuu ya Bukoba bado kuna Mikoa 14 hainazo. Katika bajeti ya mwaka wa fedha 2013/14 tumetenga fedha za kujenga Mahakama Kuu katika Mikoa 7 na nilirudia ahadi yangu kuwa katika mwaka ujao wa fedha tutatoa fedha za kumalizia Mikoa 7 iliyosalia. Niliamua tuongeze kasi ya kujenga Mahakama Kuu hizo ili kuiwezesha Mahakama ya Tanzania kutimiza ipasavyo wajibu wake wa kutoa haki nchini.

Maendeleo ya Mkoa wa Kagera

Ndugu Wananchi;

Nilipokuwa Kagera nilifurahishwa na utekelezaji wa shughuli mbalimbali za maendeleo ya kiuchumi na kijamii. Taarifa za Mkoa na Wilaya zimefafanua kwa kina mambo mazuri yaliyofanyika na yanayoendelea kufanyika Mkoani. Wameelezea furaha yao kwa mafanikio yaliyopatikana ambayo baadhi nimeyashuhudia au hata kushiriki kuyazindua na kuweka mawe ya msingi. Taarifa hizo pia zimelezea mambo mengi zaidi wanayotaka yafanyike na matatizo mapya na hata ya zamani ambayo wanataka yapatiwe ufumbuzi.

Katika mazungumzo yangu na viongozi na wananchi, yapo mambo ambayo yako kwenye uwezo wao kijijini, Wilayani na Mkoani kuyapatia ufumbuzi. Tulikubaliana na kuelekezana nini kifanyike. Yapo mengine mengine ambayo yanahitaji nguvu ya taifa tumeyachukua kuja kuyafanyia kazi. Kuna baadhi yaliwahusu Mawaziri ambao nilikuwa nao ziarani waliyasemea na kuyafanyia kazi palepale yalipojitokeza.

Ulinzi na Usalama

Ndugu Wananchi;

Kuna mambo matatu yahusuyo usalama ambayo yalizungumzwa na wananchi kwa uchungu mkubwa ambayo niliamua tuyashughulikie kitaifa. Mambo hayo ni ujambazi wa kutumia silaha kuteka magari, kupora mali na watu kuuawa. Jambo la pili ni wahamiaji kutoka nchi jirani wanaoingia, kuishi na kufanya shughuli nchini kinyume cha sheria. Na tatu, mifugo kuingizwa kwa wingi nchini bila kufuata taratibu husika na mingine kuingizwa katika hifadhi za wanyama.

Ndugu wananchi;
Nilitoa maagizo kwa wakuu wa vyombo vya ulinzi na usalama yaani JWTZ, Polisi, Usalama wa Taifa na Uhamiaji watengeneze mpango kabambe wa kuyashughulikia matatizo hayo. Watayarishe na kutekeleza operesheni maalum itakayo au zitakazokomesha ujambazi, kuondoa wahamiaji wasiokuwa halali na kuondoa mifugo iliyoingizwa nchini kinyume na utaratibu na ile iliyoko kwenye maeneo yasiyo stahili.

Aidha, niliwataka majambazi wajisalimishe na wasalimishe silaha zao ndani ya wiki mbili na siku hizo zinaanzia tarehe 29 Julai, 2013 nilipomaliza ziara yangu Mkoani humo. Kwa wahamiaji wanaoishi nchini kinyume cha sheria nimewataka watumie muda huo kuondoka nchini au kuhalalisha ukaazi wao. Hivyo hivyo kwa mifugo iliyoingizwa nchini kinyume na sheria au ile iliyoko kwenye maeneo yasiyostahili. Ndani ya muda huo watu wote waondoe mifugo yao au wajitokeze kufuata taratibu zilizopo.

Ndugu Wananchi;
Nilisema nilipokuwa Mkoani Kagera na narudia tena leo kuwa baada ya siku 14 kupita, vyombo vya ulinzi na usalama vitaendesha operesheni maalum ya kushughulikia matatizo hayo. Nilisema kuwa operesheni hiyo itafanyika katika Mikoa ya Kigoma, Kagera na Geita kwa wakati mmoja. Napenda kuwahakikishia kuwa hapatakuwa na mahali pa kukimbilia wala kujificha. Nawashauri wale wote wanaohusika na ujambazi, uhamiaji haramu na uingizaji haramu wa mifugo waamue kuchukua hatua muafaka sasa. Wasisubiri operesheni iwakute, wala wasifikirie kuwa hili ni jambo la kupita. Safari hii itakuwa endelevu.

Ndugu Zangu;
Hatuwezi kukubali hali hii niliyoikuta Mkoani Kagera ikaachwa kuendelea. Italeta madhara makubwa zaidi siku za usoni. Haiwezekani raia katika nchi yake, akose uhuru na usalama wa kutembea peke yake mpaka asindikizwe na Polisi. Na, baya zaidi hata Polisi nao wanashambuliwa na kuuawa watakavyo majambazi. Uhalifu huu lazima ukomeshwe, uishe na usijirudie tena.

Pia, haiwezekani hali ya watu kutoka nchi jirani kuingia nchini, kuishi na kufanya shughuli na kutoka watakavyo. Hatuzuii watu kuingia na kuishi Tanzania lakini wafuate sheria na taratibu za kuhamia na kuishi katika nchi yetu. Nchi yetu ina sifa na ukarimu huo. Hakuna uthibitisho mkubwa zaidi ya ule wa mwaka 1982, Rais Julius Nyerere wakati ule alipowaruhusu wakimbizi wanaopenda kuwa raia wa Tanzania wafanye hivyo. Wakimbizi 30,000 tu waliitumia fursa hiyo. Mwaka 2010 tuliwapa uraia wakimbizi 160,000 wa kutoka Burundi. Kwa sababu hiyo hatuoni sababu ya watu kufanya wanayoyafanya sasa kule Mkoani Kagera. Hatuwezi kuacha hali hiyo iendelee ilivyo.

Ndugu Wananchi;
Nilipokuwa Mkoani Kagera nilielezea kusikitishwa kwangu na vitendo vya baadhi ya watendaji na viongozi wa vijiji na wananchi kuwaruhusu watu kuingia na kuishi nchini kinyume cha sheria. Nimewataka waache mtindo huo. Nimeagiza na wao wajumuishwe katika operesheni ijayo. Watakaobainika kujihusisha na vitendo hivyo haramu wachukuliwe hatua zipasazo kisheria. Aidha, niliwataka Maafisa wa Uhamiaji watimize ipasavyo wajibu wao. Ukweli ni kwamba, mambo haya kuendelea kwa muda mrefu kiasi hiki ni kwa sababu ya udhaifu wa mamlaka husika. Vile vile, nimewataka TAKUKURU nao watimize wajibu wao. Hapa kuna uthibitisho tosha wa kuwepo kwa vitendo vya rushwa vinavyohusisha wahamiaji hao na maofisa wa vijiji na idara husika za Serikali. Mimi naamini kama TAKUKURU ikiwabana na Uhamiaji wakichemka vya kutosha tatizo hili lingepungua sana au hata kutokuwepo kabisa.

Uhusiano na Nchi ya Rwanda

[Kama ilivyoonyeshwa hapo juu]

Ndugu Wananchi;
Kabla ya kumaliza, naomba kutumia nafasi hii pia kuwatakia Waislamu wote nchini heri na baraka tele katika kukamilisha ibada muhimu ya kufunga mwezi Mtukufu wa Ramadhan. Naomba tuendelee kuwatakia heri ili wamalize salama na tuweze kusherehekea kwa furaha na bashasha tele siku kuu ya Idd el Fitr pindi itakapowadia.

Mwisho kabisa, nawaomba Watanzania wenzangu wote tuendelee kushirikiana na kuishi kwa upendo, umoja na mshikamano kama ilivyo kawaida yetu.


Mungu Ibariki Tanzania!
Mungu Ibariki Afrika!
Asanteni Sana Kwa Kunisikiliza.

Pia, soma: Kagame tells Kikwete "I will hit you......"
 
Hivi kuna watu wenye akili timamu wanaounga mkono msimamo wa Kagame pamoja na Matusi yake?The guy is such a disgrace.....!

Tayari watanzania tunajua JK si kiongozi Shupavu.Lakini mimi kama Mtanzania sitavumilia kuona Kagame anamtukana kwa sababu tu kaambiwa aongee na waasi kwa maslahi mapana ya Rwanda,DRC na ukanda wa Maziwa makuuu.Bloodthirsty tyrant!

Huu ni msimamo wangu binafsi.Wale wenye mpango wa kunisuta wanapoteza muda tu.Sitaubadilisha hata kwa mtutu wa Bunduki.
 
Tamaduni tofauti hata hivyo mkuu wetu nae ni mropokaji.alishindwaje kumpa huo ushauri wakiwa wawili? mpaka aone watu ndio aongee.wengine hawana siasa za bongo (majukwaani) na kwa kiongozi yoyote yule acnge kubali kuifanyia kazi.sabau inakua kama umetumwa.sisi hatuitawali Rwanda so we have to respect.hatujui mambo yao na pia hayatuhusu.kwani waliomba ushauri?
 
Hivi kuna watu wenye akili timamu wanaounga mkono msimamo wa Kagame pamoja na Matusi yake?The guy is such a disgrace.....!

Tayari watanzania tunajua JK si kiongozi Shupavu.Lakini mimi kama Mtanzania sitavumilia kuona Kagame anamtukana kwa sababu tu kaambiwa aongee na waasi kwa maslahi mapana ya Rwanda,DRC na ukanda wa Maziwa makuuu.Bloodthirsty tyrant!

Kwanza. Tunaomba ufafanuzi hapo kwenye red kidogo, ushupavu wa rais wetu unapimwa kwa kutumia vielelezo gani na ni shupavu au siyo shupavu ukilinganisha na nani. Kwa mtazamo wangu binafsi, JK ni kiongozi anayesimamia vizuri haki, sheria na misingi ya demokrasia katika nchi yetu. Na ndiyo maana serikali na wapinzani wanaendelea kuchuana kwa kutumia maneno (dialogue) kuliko kutumia virungu kama ilivyo Uganda na Rwanda. Sasa sijui kuna ushupavu gani tena mwingine tunaouhitaji kutoka kwake. Fafanua kidogo ushupavu mwingine unaotegemewa kutoka kwake.

Pili. Umesema kwamba tayari Watanzania mnajua JK si kiongozi shupavu. Vipi kuhusu utanzania wetu na sisi wengine ambao tunadhania JK ni kiongozi shupavu? Au sisi siyo watanzania tena, labda sisi ni watanzania kipande?
 
Hivi magaidi unaweza kuongea nao!
Hivi kuna watu wenye akili timamu wanaounga mkono msimamo wa Kagame pamoja na Matusi yake?The guy is such a disgrace.....!

Tayari watanzania tunajua JK si kiongozi Shupavu.Lakini mimi kama Mtanzania sitavumilia kuona Kagame anamtukana kwa sababu tu kaambiwa aongee na waasi kwa maslahi mapana ya Rwanda,DRC na ukanda wa Maziwa makuuu.Bloodthirsty tyrant!

Huu ni msimamo wangu binafsi.Wale wenye mpango wa kunisuta wanapoteza muda tu.Sitaubadilisha hata kwa mtutu wa Bunduki.
 
ameyaongea ayo alipokua akitoa hutuba yake ya mwisho wa mwezi! BBC waligusia tu lakin inshort kaongea kua amefadhaishwa sana na kauli za Kagame na viongozi wa Rwana kwa JK mwenyewe na tanzania kwa ujumla..pia akasema km wanajambo kuhusu TZ bas waliseme km yeye alivyolisema pia akasema TZ itakua ya mwisho ktk huu mgogoro lakin haitaivamia Rwanda na inapenda ujiran mwema na majiran zake!
 
Eti kuna kitu PK anapanga dhidi ya JK binafsi...! nafikiri sasa JK hatajiachia tena kama alivyokuwa anajiachia zamani tena ataufanyia kazi waraka wa Mtikila dhidi ya wanyarwanda waliojazana serikalini.
 
Hivi kuna watu wenye akili timamu wanaounga mkono msimamo wa Kagame pamoja na Matusi yake?The guy is such a disgrace.....!

Tayari watanzania tunajua JK si kiongozi Shupavu.Lakini mimi kama Mtanzania sitavumilia kuona Kagame anamtukana kwa sababu tu kaambiwa aongee na waasi kwa maslahi mapana ya Rwanda,DRC na ukanda wa Maziwa makuuu.Bloodthirsty tyrant!

Huu ni msimamo wangu binafsi.Wale wenye mpango wa kunisuta wanapoteza muda tu.Sitaubadilisha hata kwa mtutu wa Bunduki.

Umeandika vizuri kasoro hapo ulipotia uchadema wako tu. Si shupavu? umesahau virungu mnavyolambwa mkianzisha fujo? Unanchekesha!
 
Kupitia BBC Swahili, JK kasema kuwa si kwamba hasikii kauli za matusi na kejeli za Kagame....

Pamoja na kwamba Jk ni mzuri wa kujieleza na kujitetea bado sioni sababu ya ugonvi kati ya TZ na Rwanda! Kilichopo ni ugonvi ulio personal zaidi kati ya JK na Kagame! Sitegemei Watz na wanyarwanda watagombana/watatofautiana kwa maneno maneno kati ya JK na Kagame na ikumbukwe maneno haya hayana maslahi kiuchumi/kimaendeleo. So niwaombe wana-ccm msivalie njuga ugonvi huu bila sababu wakati chini ya utawala huu uliopo tunamgogolo mwingine na malawi!!
 
Tamaduni tofauti hata hivyo mkuu wetu nae ni mropokaji.alishindwaje kumpa huo ushauri wakiwa wawili? mpaka aone watu ndio aongee.wengine hawana siasa za bongo (majukwaani) na kwa kiongozi yoyote yule acnge kubali kuifanyia kazi.sabau inakua kama umetumwa.sisi hatuitawali Rwanda so we have to respect.hatujui mambo yao na pia hayatuhusu.kwani waliomba ushauri?
Anaogopa kukutana naye maana amesema eti Kagame anapanga njama dhidi ya kiwete binafsi..labda kum-assassinate.
 
Hivi kuna watu wenye akili timamu wanaounga mkono msimamo wa Kagame pamoja na Matusi yake?The guy is such a disgrace.....!
mmoja wao mimi yaani kama ning'ekuwa nina uhakika wakija wanyarwanda watawatandika tu hawa wabakaji na warusha mabomu kwenye mkutano wa chadema..ningeomba waje hata kesho
 
Hivi kuna watu wenye akili timamu wanaounga mkono msimamo wa Kagame pamoja na Matusi yake?The guy is such a disgrace.....!

Tayari watanzania tunajua JK si kiongozi Shupavu.Lakini mimi kama Mtanzania sitavumilia kuona Kagame anamtukana kwa sababu tu kaambiwa aongee na waasi kwa maslahi mapana ya Rwanda,DRC na ukanda wa Maziwa makuuu.Bloodthirsty tyrant!

Huu ni msimamo wangu binafsi.Wale wenye mpango wa kunisuta wanapoteza muda tu.Sitaubadilisha hata kwa mtutu wa Bunduki.


Baba yako hata kama anshutumiwa vipi bado utakuwa upande wake
 
Ni kutokana na kujiona yeye ni bora kuliko Kagame!
Tamaduni tofauti hata hivyo mkuu wetu nae ni mropokaji.alishindwaje kumpa huo ushauri wakiwa wawili? mpaka aone watu ndio aongee.wengine hawana siasa za bongo (majukwaani) na kwa kiongozi yoyote yule acnge kubali kuifanyia kazi.sabau inakua kama umetumwa.sisi hatuitawali Rwanda so we have to respect.hatujui mambo yao na pia hayatuhusu.kwani waliomba ushauri?
 
Mimi nina ng'ombe 20 ntachangia zote kama JWTZ ipo tayari kupiga mpaka Kigali na kumuondoa huyu dictator muuaji mkubwa wa binadamu
 
Back
Top Bottom