Hatupingi maendeleo, tunahitaji usawa katika kuleta maendeleo

[Konzo Ikweta]

Mwalimu Nyerere ambaye pia ni Baba wa Taifa hili na Kiongozi aliyeliongoza Taifa hili kwa takribani miaka 26 anapoinua macho yake na kuitazama CHATO ya Magufuli anasikitika na kushindwa kupumzika kwa amani ndani ya kaburi
lake.

Licha ya Mwalimu Nyerere kuwa Rais wa
Tanganyika na baadae Tanzania kwa miaka hiyo yote aliitazama Tanzania kama nchi na kuleta juhudi kuijenga Tanzania nzima bila upendeleo wa aina yoyote.

Hakuiweka Butiama mbele zaidi
kuliko Nachingwea, Namtumbo au Kishumundu.

Mwalimu Nyerere angetaka Butiama iwe paradiso ya Tanzania angeweza kufanya hivyo. Mwalimu Nyerere angetaka makao makuu ya Tanzania,Bunge, Ikulu vikae Butiama angeweza.

Angetaka Butiama kuwe na uwanja wa Kimataifa wa kutua Concord na Antonov angeweza.

Mwalimu Nyerere angetaka makao makuu ya Shirika la Posta na ATLC yawe Butiama
angeweza kufanya hivyo.

Hata angetaka mitaa, vijiji na vitongoji vya
Butiama viwe na barabara za lami na taa za kuongozea magari hadi Mwitongo angeweza kufanya hivyo.

Lakini Mwalimu Nyerere alifahamu kuwa yeye sio Rais wa Butiama bali ni Rais wa Tanzania.

Hakuipendelea Butiama aliweka mgawanyo sawa wa shughuli za maendeleo hata kama haikuwa
100% lakini walau aliweza hilo kwa zaidi ya 90%.

Daniel Yona alipokuwa Waziri wa Fedha na
Mbunge wa Same mkoani Kilimanjaro wananchi wa same waliwahi kumuambia kuwa kwanini hawaletei maji, umeme na barabara za lami hadi Vijijini ilihali yeye ni Waziri wa Fedha?

Daniel aliwajibu kuwa yeye ni Waziri wa Fedha wa Tanzania nzima na wala sio Waziri wa Fedha wa Same hivyo hawezi kudhulumu maeneo mengine ili kuinufaisha Same.

Daniel Yona angetaka kutumia nafasi yake kama Waziri wa Fedha kuipendelea Same kwa gharama za kudhulumu maeneo mengine angeweza.

Daniel pamoja na mapungufu yake mengine alitambua kuwa yeye ni Waziri wa Fedha wa Tanzania nzima na siyo Same.
Mwalimu Nyerere alitambua kuwa yeye ni Rais wa Tanzania nzima na sio Rais wa Butiama.

Benjamin Mkapa alitambua kuwa yeye ni Rais wa Tanzania na siyo Rais wa Masasi Mtwara.

Jakaya Kikwete alitambua kuwa yeye ni Rais wa Tanzania na sio Rais wa Bagamoyo pekee.

Cleopa David Msuya alitambua kuwa yeye ni Waziri wa Fedha, Waziri wa Viwanda na Waziri Mkuu wa Tanzania nzima na wala sio wa Mwanga Kilimanjaro pekee. Alilifahamu hilo na alilisimamia.

Edward Moringe Sokoine alitambua kuwa yeye ni Waziri Mkuu wa Tanzania nzima na wala sio Monduli pekee.

Alilisimamia hilo na alikuwa mkali kweli kweli kuhakikisha hakuna upendeleo.
Fredrick Sumaye alitambua kuwa yeye ni Waziri Mkuu wa Tanzania nzima na wala sio Hanang' pekee.

Sasa leo najiuliza kunani CHATO?CHATO kuna nini?

Hadi sasa Magufuli amekuwa Rais wa Tanzania kwa takribani miaka 4 pekee lakini ndani ya miaka hiyo 4 kijiji chake cha CHATO sasa hivi kinazidi mikoa mingi sana. Miradi mingi, mikubwa inakimbiziwa huko CHATO.

Machi 9, 2018 Rais Magufuli alifungua tawi la CRDB, CHATO Kijiji cha Kilimani alipozaliwa.

June 2016 Serikali ilianza rasmi kujenga uwanja wa ndege ambao leo hii Kigwangala amesema Rais Magufuli amesema uwe uwanja wa Kimataifa, hivyo utaitwa uwanja wa kimataifa wa CHATO kwa kimombo CHATO International
Airport.

June 2, 2019 Serikali ilipandisha hadhi Pori la akiba la Burigi lililopo huko kijijini CHATO kuwa hifadhi ya taifa ya Burugi na kwa kuwa hakukuwa na hadhi ya kuwa hifadhi ya Taifa wanyama mbali mbali wakiwemo Twiga wakasafirishwa kwa magari kupelekwa CHATO.

Mwaka jana 2018 uwekaji wa taa za kuongoza magari ulikamilika huko kijiji cha CHATO. Na siku hii ya leo Serikali imesema itajenga uwanja mkubwa wa mpira huko CHATO.

Uwanja huo unatajwa kuwa utakuwa wa Pili kwa ukubwa nchini baada ya ule wa Benjamin Mkapa Dar es Salaam lakini utakuwa wa kwanza wa kisasa zaidi nchini.

Mobutu Ssesseko Kuku Ngbendu Wazabanga wa Zaire aliponyakua
madaraka kwa mabavu alijenga uwanja wa
Kimataifa kijijini kwao. Uwanja huo ulikuwa una uwezo wa kutua ndege kubwa aina ya Concord.

Kijiji chake alikijenga na kuwa paradiso ya
Congo.

Mobutu aliamrisha kuwekwe Hifadhi ya
wanyamapori kijijini kwake. Akajenga jumba la kifahari kijijini kwake msituni.

Ndege za kifahari zikatua kijijini kwake kutoka Ulaya na Marekani na kupora mali za Zaire kimya kimya.

Mobutu Ssesseko Kuku Ngbendu Wazabanga alipokufa vitu vyote
hivyo vilizikwa katika kaburi la sahau na kijiji chake kimesalia mahame. Hata ile Meli yake ya kifahari iliyojilikana kwa jina la KAMANYORA aliyozunguka nayo mto Congo haipo tena.

Kesho ni nzuri kuliko jana. Mwalimu Nyerere aliupinga ubaguzi na upendeleo si kwa maneno tu bali kwa vitendo. Aliuhubiri na kuuishi uzalendo. Hakuishia kuuimba uzalendo.

 

[Harambeeta]

Sio vizuri kuwa zungumzia waliolala, lakini Zama za Mwl vijiji vya ujamaa ndiyo ilikuwa deal, na tuna ambiwa butiama ilipata upendeleo wa kuwa kijiji cha ujamaa cha mfano. Upendeleo wakati wa Mwl sijui ulikuwa na maana gani.


Mwl alitumia benz na landrover za special orders za presidential use. Lakini mwananchi wa kawaida akitaka beetle vW aombe kibali ikulu. Tv inasemekana hapa Tanganyika ilikuwa ni yeye tu baadaye akaja shekh Yahaya, hizi ni tetesi tu lakini.

Hivi uwanja wa ndege wa Chato atatatumia JPM tu? Si kuna madini, samaki mbuga nk huko Chato, uwanja utaongeza kasi ya ukuaji uchumi na eneo hilo litaongeza kuchangia pato la taifa. Waweza kuuhalalisha uwanja wa chato kwa sababu moja ikatosha. Nayo ni ulinzi na usalama wa Rais, one of the escape root among the several possibilities... , hilo tu linatosha.

Sasa tuzungumzie creativeness ya mh JPM ilivyo ya hali ya juu. Leo naomba ni zungumzie hii ya michango ya papo kwa papo kuchagiza maendeleo na kupunguza kero za wananchi. Niwaombe wasaidzi wa Rais Ikulu waweke Takwimu na ziletwe hadharani wananchi waone huu ubunifu wa mkuu wa nchi ulivyo na impact kubwa.

Tofauti na wale walio kuwa ubunifu wao ni masinia ya ubwabwa na maharagwe yaliyo ishia chooni.

 

[Konzo Ikweta]

Sio vizuri kuwa zungumzia waliolala, lakini Zama za Mwl vijiji vya ujamaa ndiyo ilikuwa deal, na tuna ambiwa butiama ilipata upendeleo wa kuwa kijiji cha ujamaa cha mfano. Upendeleo wakati wa Mwl sijui ulikuwa na maana gani.


Mwl alitumia benz na landrover za special orders za presidential use. Lakini mwananchi wa kawaida akitaka beetle vW aombe kibali ikulu. Tv inasemekana hapa Tanganyika ilikuwa ni yeye tu baadaye akaja shekh Yahaya, hizi ni tetesi tu lakini.

Hivi uwanja wa ndege wa Chato atatatumia JPM tu? Si kuna madini, samaki mbuga nk huko Chato, uwanja utaongeza kasi ya ukuaji uchumi na eneo hilo litaongeza kuchangia pato la taifa. Waweza kuuhalalisha uwanja wa chato kwa sababu moja ikatosha. Nayo ni ulinzi na usalama wa Rais, one of the escape root among the several possibilities... , hilo tu linatosha.

Sasa tuzungumzie creativeness ya mh JPM ilivyo ya hali ya juu. Leo naomba ni zungumzie hii ya michango ya papo kwa papo kuchagiza maendeleo na kupunguza kero za wananchi. Niwaombe wasaidzi wa Rais Ikulu waweke Takwimu na ziletwe hadharani wananchi waone huu ubunifu wa mkuu wa nchi ulivyo na impact kubwa.

Tofauti na wale walio kuwa ubunifu wao ni masinia ya ubwabwa na maharagwe yaliyo ishia chooni.

Ongelea facts sio inasemekana,