Hakuna haja kila mara polisi kutumia nguvu kubwa kuzuia mikutano ya vyama vya upinzani

[Elijah Steel]

WanaJF,

Jeshi la polisi kikosi cha kuzuia ghasia (FFU) Wilaya ya Kahama mkoani Shinyanga, jana limetumia mabomu ya machozi na maji ya kuwasha, kuwatawanya viongozi na wafuasi wa Chama cha Demokrasia na Maendeleo CHADEMA, ili wasifanye mkutano wa uzinduzi wa "Oparesheni Okoa Demokrasia" nchini.

Mkutano huo ambao ulikuwa umepangwa kufanyika katika uwanja wa CDT, ulihudhuriwa na viongozi mbalimbali wa CHADEMA, akiwemo Mwenyekiti wa chama hicho taifa, Freeman Mbowe, ambapo pamoja na mambo mengine ulilenga kuwaeleza wananchi juu ya hatua za wabunge wa upinzani waliopewa adhabu ya kutohudhuria vikao kadhaa vya bunge.

Hayo yalijiri sanjari na zuio la jeshi la polisi nchini kupitia kwa Kamishina wa Operesheni na Mafunzo, Nsato Mssanzya, kupiga marufuku maandamano na mikutano ya hadhara kuanzia tarehe jana june 07, 2016 hadi hapo hali ya usalama itakapokuwa sawa.

Wakati zuio hilo linatolewa na polisi, tayari vyama vya upinzani kama CHADEMA na ACT Wazalendo, vilikuwa vimepewa ridhaa ya kufanya mikutano yake ya hadhara ambapo duru za habari zinaeleza kuwa kuliibuka ombi jingine la Chama cha Mapinduzi CCM, kuomba ridhaa ya kufanya mikutano yake ya hadhara, jambo ambalo kiusalama lilitafsiriwa tofauti kuwa huenda linaweza kusababisha fujo kwa kuwa CCM ina lengo la kujibu yale yatakayokuwa yakizungumzwa katika mikutamo ya vyama vya upinzani.Ni kutokana na duru hizo, jeshi la polisi likaamua kuzuia mikutano yote ya hadhara iliyokuwa imeratibiwa na vyama vya upinzani nchini.

Suala kubwa hapa si kuzuia mikutano ya upinzani na kutumia nguvu kubwa kuwapiga mabomu wananchi wasio na hatia, bali busara ilipaswa kutumika kwa jeshi la polisi kutoa vibali kwa vyama vya siasa kufanya mikutano yake kwa awamu huku jeshi hilo likichukua jukumu la kuhakikisha usalama katika mikutano hiyo inakuwepo.

Hatua zinazochukuliwa na polisi kila mara hususani vyama vya upinzani vinapokuwa vinaratibu mikutano yake ya hadhara itafika pahala zitatafsiriwa vibaya kuwa ni ukandamizaji wa demokrasia nchini na kwamba chombo hicho muhimu kiusalama katika nchini kinatumika vibaya katika kuukandamiza upinzani.

Hakuna haja ya jeshi la polisi kila mara (kama ilivyotokea Kahama), kutumia nguvu kubwa ikiwemo mabomu ya machozi na magari yenye maji ya washawasha kuutawanya umati mkubwa wa wananchi wasio na hatia kwa kigezo cha kuhofia kikundi kidogo cha watu kufanya fujo na badala yake ni vyema nguvu hiyo ikatumika kupambana na kikundi hicho kidogo kinachodhaniwa kwamba kimejiandaa kufanya fujo katika mikutano hiyo.
Chanzo: BINAGI BLOG_BMG

 

[Ileje]

Kwani nchi hii kuna polisi au wana CCM youth league?!

 

[majege]

Kwani nchi hii kuna polisi au wana CCM youth league?!

Wasipofanya hivyo serikali inaweza kuangushwa, kwani ukirejea uchaguzi mkuu uliopita utagundua ni kundi lipi kati ya haya lina public support ya kutosha kuliko lingine.

 

[Bome-e]

Hivi mbona kampeni zilikuwa na amani?Si walikuwa wanajibizana majukwaani huku wananchi wakichambua pumba ni zipi na mchele ni upi!
Hivi ingekuwa ni ccm wanataka kufanya mikutano,upinzani nao wakaomba wangesimamisha kwa wote?
Jeshi limekosa weledi!

 

[Pilim]

Siku hizi hatuna polisi! huo ndo ukweli!
kwanza wanakwepa majukum yao na kutaka kuyarudisha kwa wananchi eti kupitia ulinzi shirikishi! wao wanakaa kukimbizana kwenye mikutano ya siasa, huku ulinzi ukifanywa na raia wenyewe!
Tutafika tu sehemu ambapo wataelewa kwamba miaka imegeuka! Siku paka akilala chari! Hapo ndo itaeleweka kwamba wananchi wameamua kuchukua madaraka yao. Ni sawa na mtu kumpa kazi ya kulinda nyumba yako harafu akakutandika mwenyewe kisa umerudi nyumbani usiku!!!!!

 

[kupata]

WanaJF,

Jeshi la polisi kikosi cha kuzuia ghasia (FFU) Wilaya ya Kahama mkoani Shinyanga, jana limetumia mabomu ya machozi na maji ya kuwasha, kuwatawanya viongozi na wafuasi wa Chama cha Demokrasia na Maendeleo CHADEMA, ili wasifanye mkutano wa uzinduzi wa "Oparesheni Okoa Demokrasia" nchini.

Mkutano huo ambao ulikuwa umepangwa kufanyika katika uwanja wa CDT, ulihudhuriwa na viongozi mbalimbali wa CHADEMA, akiwemo Mwenyekiti wa chama hicho taifa, Freeman Mbowe, ambapo pamoja na mambo mengine ulilenga kuwaeleza wananchi juu ya hatua za wabunge wa upinzani waliopewa adhabu ya kutohudhuria vikao kadhaa vya bunge.

Hayo yalijiri sanjari na zuio la jeshi la polisi nchini kupitia kwa Kamishina wa Operesheni na Mafunzo, Nsato Mssanzya, kupiga marufuku maandamano na mikutano ya hadhara kuanzia tarehe jana june 07, 2016 hadi hapo hali ya usalama itakapokuwa sawa.

Wakati zuio hilo linatolewa na polisi, tayari vyama vya upinzani kama CHADEMA na ACT Wazalendo, vilikuwa vimepewa ridhaa ya kufanya mikutano yake ya hadhara ambapo duru za habari zinaeleza kuwa kuliibuka ombi jingine la Chama cha Mapinduzi CCM, kuomba ridhaa ya kufanya mikutano yake ya hadhara, jambo ambalo kiusalama lilitafsiriwa tofauti kuwa huenda linaweza kusababisha fujo kwa kuwa CCM ina lengo la kujibu yale yatakayokuwa yakizungumzwa katika mikutamo ya vyama vya upinzani.Ni kutokana na duru hizo, jeshi la polisi likaamua kuzuia mikutano yote ya hadhara iliyokuwa imeratibiwa na vyama vya upinzani nchini.

Suala kubwa hapa si kuzuia mikutano ya upinzani na kutumia nguvu kubwa kuwapiga mabomu wananchi wasio na hatia, bali busara ilipaswa kutumika kwa jeshi la polisi kutoa vibali kwa vyama vya siasa kufanya mikutano yake kwa awamu huku jeshi hilo likichukua jukumu la kuhakikisha usalama katika mikutano hiyo inakuwepo.

Hatua zinazochukuliwa na polisi kila mara hususani vyama vya upinzani vinapokuwa vinaratibu mikutano yake ya hadhara itafika pahala zitatafsiriwa vibaya kuwa ni ukandamizaji wa demokrasia nchini na kwamba chombo hicho muhimu kiusalama katika nchini kinatumika vibaya katika kuukandamiza upinzani.

Hakuna haja ya jeshi la polisi kila mara (kama ilivyotokea Kahama), kutumia nguvu kubwa ikiwemo mabomu ya machozi na magari yenye maji ya washawasha kuutawanya umati mkubwa wa wananchi wasio na hatia kwa kigezo cha kuhofia kikundi kidogo cha watu kufanya fujo na badala yake ni vyema nguvu hiyo ikatumika kupambana na kikundi hicho kidogo kinachodhaniwa kwamba kimejiandaa kufanya fujo katika mikutano hiyo

Nasema bila katiba mpya nakutoa elimu hai ya uraia kwa watu na hususani jeshi la polisi unyanyasaji utaendelea kuwepo nchini tena kwa kiwango kikubwa sana kwa awamu hii ya utawala wa kiimla na si demokrasia tunayoishuhudia.

 

[Mfamaji]

Inshangaza sana. Walitoa kibali kama utaratibu ulivyo. Hawakukifuta badala yake wakwja na mabomu kuwapiga wananchi. Ni bora wajue tu kuwa upinzani uko pale pale. Wanavyozidi kunyanyasa ndivyo unavyokomaa.

 

[Mkendo]

Wamezuia Bunge live,wamewafukuza wawakilishi wetu Bungeni,sasa hawataki ata viongozi wa Upinzani kuongea na wananchi ,naona kwa jicho la tatu jinsi jamaa wanavyopambana kuiminya Demokrasia.

 

[Chakaza]

Hivi ule mkutano wa Jana Kahama anbao tayari ulikuwa na baraka zote mpaka wakati wa kuanza, kama wananchi wangeamua kupambana kutetea haki yao ya mkutano na kukatokea mapambano kati ya polisi wasio zidi 100 na raia 20000 nini kingetokea?
Ni wazi raia wengi na askari kadhaa wangepoteza maisha na kujeruhiwa. Jee hilo ndio wanalitaka?
Wanasahau kuwa dunia ya leo kila mtu anaweza kupelekwa mahakamani na kufungwa nje ya nchi yake bila kujali cheo?
Kwa nini wasisubiri mkutano ufanyike ili kama kuna uvunjifu basi ushahidi uwe huo kuwa lazima ifungiwe.

 

[Red tea]

Kama hawafuati kanuni za Bunge unafukuzwa tu, kama ufuati utaratibu unachapwa tu, muda wa kampeni ulishaisha. Wanaongelea udikteta, gusa uenyekiti wa mbowe, au gusa ayatollah Zito kwenye nafasi zao kama utabaki salama

 

[REAGAN C.MABOGO]

1.CCM hawawezi kuomba ridhaa ya polisi kufanya mikutano. Polisi ndio wanafuata amri za wakubwa zao CCM.! 2. CCM kudaiwa kuomba ridhaa ni hadaa tu ili ulimwengu uone eti "hakuna ukandamizaji wa demokrasia na haki za binadamu eti kwa kuwa na CCM wamezuiliwa."3. Kama kuna mtu amekuwa akiacha usingizi wake kwa kile kinachoitwa ulinzi shirikishi namdharau sana. 4. Ipo siku punda atagoma kunyanyaswa.