Focus Saanane: Ninamtaka Mwanangu Ben akiwa hai, amlaumu Mbowe

[Lizaboni]

BABA WA BEN SAANANE AFUNGUKA




UPENDO MOSHA NA SAFINA SARWATT – MOSHI

SAKATA la kupotea ghafla kwa aliyekuwa msaidizi wa Mwenyekiti wa Chama cha Demokrasia na Maendeleo (Chadema), Bernard Saanane, limechukua sura mpya, baada ya familia yake kumjia juu mwajiri wake, Chadema, kwa kile inachodai chama hicho kimeshindwa kuonyesha dhamira ya dhati ya kumtafuta.

Akizungumza na MTANZANIA jana, baba mzazi wa Saanane, Focus Saanane, alisema anashangazwa na hatua ya Chadema kushindwa kujitokeza hadharani kumtafuta mwanae ambaye amepotea katika mazingira ya kutatanisha.

“Tangu mwanangu Ben amepotea, hatujawahi kumuona (Freeman) Mbowe ambaye ndiye mwajiri wake kama amechukua hatua yoyote ya kukutana na familia yangu, tukashauriana namna ya kumtafuta. Ukimya huu umenistajabisha mno.

“Nilitegemea angekuwa mtu wa kwanza kuja kwangu, tuone njia gani ambayo tunaweza kutumia kumpata Ben. Naumia mno ndugu yangu,” alisema Focus.

Alimtaka Mbowe ajitokeze na kuipa familia taarifa za mahali alipo Ben, kwani wao wametawaliwa na hofu kubwa kutokana na kijana wao kutoweka akiwa mikononi mwake.

“Ninamtaka Mbowe aniletee mwanangu Ben akiwa mzima, nashindwa kujua yupo wapi na nini kinaendelea mpaka sasa kati yake na Ben, haiwezekani mwajiri ashindwe kujua mfanyakazi wake alipo mpaka sasa… bado haliniingii akilini mwangu… suala hili halileti taswira nzuri kwa jamii kama anaendelea kukaa kimya na hazungumzi chochote, si haki,” alisema.

Akizungumza kwa jazba, Focus aliiomba Serikali na vyombo vyake vya dola isaidie kumtafuta Ben kwa nguvu zote kutokana na juhudi za familia kugonga mwamba.

Pia alikanusha vikali taarifa zilizozagaa kwenye mitandao ya kijamii na baadhi ya vyombo vya habari, kuwa Ben amefariki dunia. Kwamba familia yake imeitwa na Jeshi la Polisi mkoani Kilimanjaro kwenda kutambua maiti moja iliyochomwa moto maeneo ya Uru Ongoma. Kata ya Uru Kaskazini wilayani Moshi.

CHADEMA

Akijibu malalamiko hayo, Msemaji wa Chadema, Tumaini Makene, alisema si kweli kama Mbowe ameamua kukaa kimya, bali wao wameiachia Serikali kufanya uchunguzi wa kina na kutoa taarifa.

“Wakati jambo hili linatokea, mwenyekiti wetu (Mbowe) alikuwa nje ya nchi, naelewa presha aliyonayo mzazi wa Ben katika suala hili, tunaendelea kuhangaika nalo na kutaka vyombo vya dola vichukue hatua.

“Tunaitaka Serikali ifanyie kazi mambo matatu ambayo yako ndani ya uwezo wake, iseme wapi alipo Ben, mara ya mwisho aliongea kwa simu yake na nani na wapi na itumie kila aina ya uwezo wa kumleta kwa sababu si mtuhumiwa,” alisema Makene.

RPC

Naye Kamanda wa Polisi Mkoa wa Kilimanjaro, Wilbroad Mutafungwa, aliwaambia waandishi wa habari ofisini kwake jana, kuwa uchunguzi uliofanywa na jeshi hilo kuhusu mwili uliookotwa eneo la Uru Ogoma, si wa Ben kama ambavyo iliripotiwa na baadhi ya vyombo vya habari.

“Uchunguzi uliofanywa umebaini aliyefariki ni Steven Kimario (55), mkazi wa Sanya Juu wilayani Siha, ambaye aliuawa kwa kupigwa na wananchi wenye hasira, baada ya kukutwa akifanya jaribio la kubaka mtoto wa dada yake mwenye umri wa miaka tisa.

 

[Stroke]

Msaidizi wako anapotea unakaa kimya? Inshangza sana!

 

[Salary Slip]

Katika hii issue,kuna mapungufu pande zote ingawa kwa sasa kazi imebaki kwa dola na huwezi kuendelea kukilaumu chama wakati hiyo ni kazi ya polisi.

Nakiri CHADEMA walikosea ku-react mapema ila wazungu wanasema, "better late than never".

 

[Leak]

Mbowe lazima anajua Ben saanane alipo ndio maana kanyamaza

 

[Ongata]

Sasa Kama unamuuliza Mbowe nyie mna polisi,usalama wa taifa na jeshi na nyie bado mnalalamika na kumlaumu Mbowe,Kama mmeweza kwa Lema mkamweka ndani Leo mwezi na ushee mnashindwa nini kumkamata Mbowe.kama mliweza kumtumia Hakim SMS na kubadili mawazo ya kumpa Lema dhamana mnashindwa nini kumkamata Mbowe

 

[Weston Songoro]

Sasa Kama unamuuliza Mbowe nyie mna polisi,usalama wa taifa na jeshi na nyie bado mnalalamika na kumlaumu Mbowe,Kama mmeweza kwa Lema mkamweka ndani Leo mwezi na ushee mnashindwa nini kumkamata Mbowe.kama mliweza kumtumia Hakim SMS na kubadili mawazo ya kumpa Lema dhamana mnashindwa nini kumkamata Mbowe

Kaka soma vizuri. Aliyesema hayo ni Focus saanane. Si mleta mada

 

[Wakudadavuwa]

Huyu mzazi wa Ben kaamua kuacha unafiki....kaamua kumlenga muusika moja kwa moja. Dawa ya mchawi ni kumtaja hadharani tu.

 

[Lizaboni]

Huyu mzazi wa Ben kaamua kuacha unafiki....kaamua kumlenga muusika moja kwa moja. Dawa ya mchawi ni kumtaja hadharani tu.

Uchungu wa mwana aujuaye mzazi. Ana haki ya kuongea hayo

 

[Lizaboni]

Sasa Kama unamuuliza Mbowe nyie mna polisi,usalama wa taifa na jeshi na nyie bado mnalalamika na kumlaumu Mbowe,Kama mmeweza kwa Lema mkamweka ndani Leo mwezi na ushee mnashindwa nini kumkamata Mbowe.kama mliweza kumtumia Hakim SMS na kubadili mawazo ya kumpa Lema dhamana mnashindwa nini kumkamata Mbowe

Aiseeee naona unaropoka hovyo kabisa. Sijui kama unajua nini umeandika

 

[Wakudadavuwa]

Sasa Kama unamuuliza Mbowe nyie mna polisi,usalama wa taifa na jeshi na nyie bado mnalalamika na kumlaumu Mbowe,Kama mmeweza kwa Lema mkamweka ndani Leo mwezi na ushee mnashindwa nini kumkamata Mbowe.kama mliweza kumtumia Hakim SMS na kubadili mawazo ya kumpa Lema dhamana mnashindwa nini kumkamata Mbowe

Ongata usilie lie...Baba yake Ben ndiye anataka Mbowe awajibike.

 

[TataMadiba]

Hawa watu ni tatizo ndani ya CHADEMA
1. MBOWE
2. LISSU
3. TUMAINI MAKENE
wanailaghai sana familia ya BEN, wanachama wa CHADEMA na Marafiki wa BEN kwa ujumla. Hivi vitaarifa vya kumlinda linda MBOWE vya Lissu na Makene ni hatari sana.

 

[Wakudadavuwa]

Aiseeee naona unaropoka hovyo kabisa. Sijui kama unajua nini umeandika

bavicha limewafika, hapa ndugu Focus atakuwa kaamua kuwa muwazi kama Zitto ili kumuokoa mwanaye, kwani Chacha Wangwe (RIP) yalimkuta, hapa naona ameamua kumshika mchawi moja kwa moja.Kudos Focus!

 

[technically]

Mwigulu ndiye amesema ni Rafiki yake hata kuliko sisi ndugu zake hivyo anatakiwa amtafute rafiki yake ........

 

[TataMadiba]

Msaidizi wako anapotea unakaa kimya? Inshangza sana!

Angalia na akili ndogo za akina Makekne, eti wakati tatizo linatokea Mwenyekiti alikuwa nje ya nchi, na aliporudi alichukua hatua gani? mbona alikimbilia kwenda mikoani kujenga chama, hiki chama kila siku kinajengwa tuuuu, kitajengeka lini?

 

[Malafyale]

Hata tamko la Mwanasheria Lissu la juzi ni la hovyo hovyo tu
CHADEMA kama mwajiri ndiyo walipaswa kuongoza kumtafuta Ben wala sio Mzee Focus Saanane

 

[BONGOLALA]

Hii mbinu ya chama chako haitafua dafu,hata kama mwajiri wake anahisiwa vyombo vya dola vibainishe.Baada ya kumpandikiza prof cuf,sasa mmekuja na hilo chadema
Lizaboni

 

[Wakudadavuwa]

“Tangu mwanangu Ben amepotea, hatujawahi kumuona (Freeman) Mbowe ambaye ndiye mwajiri wake kama amechukua hatua yoyote ya kukutana na familia yangu, tukashauriana namna ya kumtafuta. Ukimya huu umenistajabisha mno.

“Nilitegemea angekuwa mtu wa kwanza kuja kwangu, tuone njia gani ambayo tunaweza kutumia kumpata Ben. Naumia mno ndugu yangu,” alisema Focus.

Mhalifu afanye yake halafu aje mjadiliane? Ndugu Focus Bora umeamua kumshtaki kwa umma huyu 'mchawi' ajulikane.

 

[Petro E. Mselewa]

CHADEMA ni Taasisi. Kilichosemwa na CHADEMA kupitia Taarifa yao ndicho kinachosemwa na wote ndani ya CHADEMA akiwemo Freeman Mbowe kama Mwenyekiti wao. Hakuna mantiki yoyote ya kujenga propaganda za kumdai au kumhusisha Mbowe na masuala ya Ben Saanane kama mtu binafsi.

Msilete siasa na propaganda katika maisha ya watu. Ben Saanane asitumike kisiasa. Zifanyike juhudi za pamoja kumpata au kujua alipo na kilichomsibu. Familia ya Saanane isipokuwa makini itatumiwa sana kipropaganda katika kipindi hiki cha kumtafuta Ben. Mambo yameshaanza.

 

[manuu]

Kama mzazi najua anaumia sana kuona mwanaye ametoweka kwenye mazingira tatanishi hivyo...Ombi langu tu Mzee Focus asikubali kutumika na wanasiasa uchwara katika sakata hili la Ben...

 

[Pamputi]

Hapa mzee kanena bila kupepesa macho....Tunamtaka Ben