Filamu ya watoto 'nyoka' wa Mererani yazinduliwa Marekani


Mr. Zero

JF-Expert Member
Joined
Jun 5, 2007
Messages
10,326
Likes
3,747
Points
280

Mr. Zero

JF-Expert Member
Joined Jun 5, 2007
10,326 3,747 280
Filamu ya watoto 'nyoka' wa Mererani yazinduliwa Marekani
Na Harieth Makweta


KUZINDULIWA kwa filamu mpya jijini New York Marekani hivi karibuni inayoonyesha watoto wa Kitanzania wakifanyishwa kazi ngumu kwenye machimbo ya madini ya Mererani mkoani Manyara kunaweza kutoa mwanga kwa jumuiya ya kimataifa kuchukua hatua za haraka kuingilia kati kuzuia mateso dhidi ya watoto hao.


Filamu hiyo ambayo imepewa jina la Gem Slaves: Tanzanite's child Labour inaonyesha jinsi gani watoto wanavyotumikishwa katika machimbo ya tanzanite Mererani na kushindwa kwenda shule kutokana na muda wao mwingi kuutumia kufanya kibarua kama �nyoka� jina ambalo hutumiwa katika migodi hiyo.


Filamu hiyo inaanza kwa kuwaonyesha watoto wanne wakiwa chini ya migodi wakitafuta mawe.


Wilson Peter, mtoto mwenye umri wa miaka 12 ambaye ndiye anayeonekana kuwa kinara wa filamu hiyo anaeleza kwa undani jinsi watoto hao wanavyokabiliana na ugumu na hatari ya kufanya kazi ngumu kwenye machimbo ya madini.


�Tunateremka mgodini, tukifika chini tunaanza kuchekecha mchanga, wakati mwingine hatupati madini njaa inatuuma hata tunalazimika kurudi nyumbani,� anaeleza Peter.


Anaongeza: �Tukishamaliza kula tunarudi tena kuchekecha mchanga mitaani, ukifika muda wa saa kumi na mbili jioni tunarudi nyumbani.�


�Muda wa jioni ukifika, tunabadilisha nguo tunavaa za nyumbani badala ya kuendelea na zile ambazo tulivaa wakati wa kuchekecha mchanga, tunakwenda kuchota maji ya kutumia nyumbani, na kisha tunamsaidia mama kazi. Usiku ukifika tunakwenda kulala.�


Filamu hiyo inaelezea mazingira halisi ya namna watoto wanaojishughulisha na shughuli za utafutaji madini katika machimbo ya madini jinsi wanavyotaabika kwa kufanya kazi nyingi na ngumu kulinganisha na umri wao.


Machimbo ya madini ya Mererani ndiyo pekee duniani yanakopatikana madini ya tanzanite. Kila mwaka madini hayo huingiza fedha nyingi sawa na dola za Marekani milioni 300 lakini watoto hao hawafaidiki na mapato hayo.


Hata wazazi wao ambao nao wanaizunguka migodi hiyo bado wanaishi katika maisha ya umaskini wa chini ya dola moja kwa siku.


Filamu hiyo inaendelea kuelezea kwamba kila mwaka maelfu ya watoto huenda Mererani kutafuta madini na watoto hao ndio wanaofanya kazi kubwa migodini.


Kwa mujibu wa filamu hiyo, zaidi ya wachimbaji 30,000 huenda chini zaidi ya mita 300 bila vyombo vyovyote vya usalama na bila mshahara wa uhakika.


Kila siku wachimbaji wadogo 4,000 wa miaka kati ya 14-24 huhatarisha maisha yao katika migodi hiyo isiyo na vyombo madhubuti, huku watoto hao wakipewa mlo mmoja tu kwa siku.


�Watu wanapoona tanzanite madukani wanaiona imependeza sana ila hawajui inapatikana vipi mpaka ikafikia rangi na mng�aro mzuri ilionao,� inaeleza sehemu ya filamu hiyo.


Mtoto Wilson anaeleza: �Kama nikiwa Rais wa Tanzania sitaruhusu watoto kwenda kufanya kazi migodini na wale ambao watakamatwa wakitumikisha watoto migodini watahukumiwa kifungo.�


Hata hivyo, japo anajua kuwa kuna hatari anapokuwa ndani ya migodi ambako anaweza kuangukiwa na miamba mikubwa, hana budi kuendelea kuifanya kazi hiyo kwa vile ndiyo inayompatia riziki.


Mbali ya hatari ya kuangukiwa na mawe makubwa, athari nyingine ni pamoja na uwezekano wa kupata ugonjwa wa kifua au kuteleza na kuanguka kwenye mashimo yaliyo na kina kirefu cha kutisha.


Mtoto huyo anasema haoni busara kwa watoto kufanya kazi migodini kwa sababu huwa wanatumwa tumwa ovyo kwenda nje ya shimo, kuleta soda, kuchukua tindo ya umeme (jack hummer) na yeye bado ni mtoto.


Mtoto mwingine, Mutasi anasema yeye alikuwa akifanya kazi kama nyoka, akaacha kutokana na ugonjwa alioupata wa kifua na siku nyingine hushindwa kula chakula cha mchana.


Aliacha peke yake huku wenzake zaidi ya 50 wakiendelea kufanya kazi hiyo mpaka sasa.


Anasimulia kuwa alikutana na fundi mmoja aliyekuja katika mgodi huo kutengeneza mashine naye akapata kumueleza tatizo lake.


Baada ya kujifunza kazi ya kutengeneza magari sasa anajifunza kazi za karakana na baadaye akishakuwa mkubwa anategemea kufungua karakana yake na kufundisha watoto wenzake kama yeye alivyofundishwa.


Katika filamu hiyo msichana aliyeigiza kama mama mzazi wa mtoto Wilson anaelezea masikitiko yake na kuongeza kuwa umaskini ndicho chanzo kikuu cha wazazi kushindwa kuwazuia watoto wao kutofanya kazi migodini.


�Kwa kweli hatuifurahii hata kidogo kazi ya kuchekecha mchanga huko migodini ni shida iliyopo hapa ndiyo inayotulazimu kuwaacha watoto wetu wahangaike,� anaeleza.


Anaongeza: �Maana watakapopata Sh200 au 300 wanaleta nyumbani, wananitupia hapa nami inaniwezesha kuendelea kuwalea, na mimi nikihangaika kuuza mboga inawasaidia kuendelea kuishi,� anaeleza.


�Ndio maana tunawaruhusu, wakisema wanakwenda kuchekecha hatuwanyimi maana kila mtoto ana bahati yake. Kwa kweli wanavyohangaika tunawahurumia lakini kutokana na shida tuliyonayo hapa inabidi tuwavumilie, tuwalee katika hali hii mbaya, anaeleza mama Peter.�


http://www.mwananchi.co.tz/newsre.asp?id=4029
 

Koba

JF-Expert Member
Joined
Jul 3, 2007
Messages
6,143
Likes
500
Points
180

Koba

JF-Expert Member
Joined Jul 3, 2007
6,143 500 180
nimeangalia some clips on youtube,sasa hapa sijui watsema ndio mapanki tena au nini? ndio hivyo hali ngumu hii imeletwa na mafisadi tuu sio kingine,tanzanite inauza 300m$ lakini tunachopata ni sifuri na njaa tuu pamoja na mashimo kutokana na mikataba mibovu ya mafisadi...tuwapige nje uchaguzi ujao ndio dawa.
 

Ibrah

JF-Expert Member
Joined
Mar 22, 2007
Messages
2,720
Likes
48
Points
145

Ibrah

JF-Expert Member
Joined Mar 22, 2007
2,720 48 145
Tumsubiri Muungwana tuene atasema nini safari hii lakini nadhani hatakurupuka kama alivyofanya kwenye filamu ya Mapanki.
 

Lunyungu

JF-Expert Member
Joined
Aug 7, 2006
Messages
8,836
Likes
82
Points
145

Lunyungu

JF-Expert Member
Joined Aug 7, 2006
8,836 82 145
Naona ataenda Mererani awahutubie na kusema waandamane kusema ni uongo then Filga na wenzake watengeze another version ya kupinga ukweli huo .
 

Mr. Zero

JF-Expert Member
Joined
Jun 5, 2007
Messages
10,326
Likes
3,747
Points
280

Mr. Zero

JF-Expert Member
Joined Jun 5, 2007
10,326 3,747 280
nimeangalia some clips on youtube,sasa hapa sijui watsema ndio mapanki tena au nini? ndio hivyo hali ngumu hii imeletwa na mafisadi tuu sio kingine,tanzanite inauza 300m$ lakini tunachopata ni sifuri na njaa tuu pamoja na mashimo kutokana na mikataba mibovu ya mafisadi...tuwapige nje uchaguzi ujao ndio dawa.
Koba,

Tupe basi hiyo link ya clips kwenye youtube kama inawezekana!!
 

Lunyungu

JF-Expert Member
Joined
Aug 7, 2006
Messages
8,836
Likes
82
Points
145

Lunyungu

JF-Expert Member
Joined Aug 7, 2006
8,836 82 145
namini nangoja link ya utube maana nimetafuta labda kwa kuwa comp yangu inaongea kigiriki haikamati kiingereza. Link please .
 
Joined
Dec 27, 2007
Messages
170
Likes
3
Points
35

Mpanda Merikebu

Senior Member
Joined Dec 27, 2007
170 3 35
nimeangalia some clips on youtube,sasa hapa sijui watsema ndio mapanki tena au nini? ndio hivyo hali ngumu hii imeletwa na mafisadi tuu sio kingine,tanzanite inauza 300m$ lakini tunachopata ni sifuri na njaa tuu pamoja na mashimo kutokana na mikataba mibovu ya mafisadi...tuwapige nje uchaguzi ujao ndio dawa.
Mkuu Koba,

Haya yooote ya Mererani mshukuru Al Ustaadh Ami Mpungwe aliyeengineer mikataba mibovu na makaburu!
 

Koba

JF-Expert Member
Joined
Jul 3, 2007
Messages
6,143
Likes
500
Points
180

Koba

JF-Expert Member
Joined Jul 3, 2007
6,143 500 180
wakuu mnaotaka kuangalia clips za hiyo movie ingieni youtube then search Gem slaves Tanzania hapo mtapata kama 5 clips za dakika 8 kila moja au zaidi,hayo ndio mavuno yetu kutoka kwa mafisadi.
 
Joined
Jul 25, 2007
Messages
66
Likes
0
Points
0

mashoo

Member
Joined Jul 25, 2007
66 0 0
wakuu mnaotaka kuangalia clips za hiyo movie ingieni youtube then search Gem slaves Tanzania hapo mtapata kama 5 clips za dakika 8 kila moja au zaidi,hayo ndio mavuno yetu kutoka kwa mafisadi.
Its unbearable, I just can't continue to watch...it made me cry!
Our country needs to think about this..is not fair for those children, not at all ..what did they do to deserve this? BEING POOR?UMASKINI SIO ADHABU ,jamani...lets be human, this is very unhuman to poor children!If you have kids you will understand how i feel about this movie..its too sad!I don't know what to do, I wish I can do something to help!
 

Forum statistics

Threads 1,204,692
Members 457,412
Posts 28,166,789