Kasomi
JF-Expert Member
- Sep 3, 2014
- 11,036
- 20,337
FAHAMU KUHUSU KITABU CHA MALLEUS MALEFICARUM MAARUFU KAMA NYUNDO YA WACHAWI
Hiki ni kitabu ambacho kiliandikwa na Heinrich Kramer na kuchapishwa kwa mara ya kwanza katika mji wa Speyer nchini Ujerumani mnamo mwaka 1486.
Kitabu hicho kimebeba ujumbe kuhusu wachawi ambapo ndani yake kuna maandishi yenye mapendekezo ya adhabu kwa mtu aliyebainika kuwa ni mchawi kwa wakati huo.
Adhabu iliyokuwa imepandekezwa ilikuwa ni kuteswa vikali na pili ni adhabu ya kifo ambapo walifikiri hilo ndilo suluhisho kwa mtu aliyetenda dhambi ya uchawi.
Kitabu hicho kilitumika sana katika karne ya 16 na 17 ambapo katika kipindi hicho inaelezwa kuwa zaidi ya watu millioni 5 waliteketezwa kwa moto wakiwa hai.
Pia inasemekana kuwa wakati huo kuzungumzia masuala yaliyohusu uchawi ilikuwa ni mwiko, kwa wale waliokuwa wanabainika kwa kosa hilo adhabu yake ilikuwa ni kifo.
Matumizi ya kitabu hicho yaliamuriwa na Papa Innocent VIII mwaka 1486.
Mwaka 1922 nchini Sweden ilitoka filamu ya kichawi iliyopewa jina la Häxan, filamu hiyo ilichezwa kwa mujibu wa kitabu hicho yaani yote yaliyoelezewa ndani ya kitabu yapo ndani ya filamu hiyo.