The best 007
JF-Expert Member
- Oct 6, 2019
- 37,860
- 82,462
Kiingereza na somo la computer ni muhimu kwa maendeleo ya elimu yetu Tanzania - JamiiForums
Wana jukwaa habari zenu, kwanza kabisa ningependa kuwapa pole ndugu jamaa na marafiki walioguswa kwa namna moja ama nyingine katika janga hili lililoikumba dunia kwa sasa ugonjwa wa covid-19, pia ningependa kuwatakia afya njema na uponaji wa haraka wagonjwa wote waliokumbwa na kirusi hiki hatari, Mwenyezi Mungu awasimamie na warudi katika hali zao za kawaida wapate kulitumikia taifa, Amina.
Moja kwa moja niende katika mada, wana jamvi kwa dhati kabisa ya moyo niseme kwamba natambua jitihada za serikali yetu adhimu katika kuinua hali za kiuchumi za wananchi kwa kupitia nyanja hii ya kielimu, nasema naipongeza sana serikali kwa hapa ilipotufikisha ama kwa hakika si haba.
Wanajamvi ni ukweli usiopingika kwamba elimu yetu Tanzania imekuwa ikikosolewa mara kwa mara na wanajamii tofauti tofauti wakisema kwamba haikidhi vigezo na wengine kwenda mbali zaidi wakiilinganisha na elimu za nchi jirani kwamba elimu yetu imezidiwa katika nyanja nyingi na elimu ya nchi hizo, binafsi baada ya kufanya uchunguzi nimekuja kugundua kuwa ni kweli kuna baadhi ya maeneo tunapaswa km sio kuyabadilisha basi kuongeza baadhi ya vitu ili kuirudishia heshima elimu yetu ya Tanzania kama ifuatavyo;
1. Kingereza kiwe lugha rasmi ya kufundishia kuanzia primary mpaka chuo.
Ni ukweli usiopingika kwamba mpaka sasa Tanzania hatuna lugha rasmi ya kufundishia kuanzia shule za msingi mpaka sekondari kinyume chake kumekuwa na mikanganyiko isiyoisha wengine wakisema tutumie kiswahili wengine wakisema tutumie kiingereza, jambo hili limekuwa likiwachanganya sana wanafunzi, yani mtu anatoka shule ya msingi ambapo alisoma kwa kiswahili kuanzia darasa la kwanza mpaka la saba baada ya hapo anakutana na kiingereza uchwara kuanzia form 1 mpk form 6 baada ya hapo anaingia chuo akiwa keshaharibiwa msingi wa lugha anakutana na malecturer ambao wengine huwa hawataki kabisa kusikia habari za kiswahili lakini wakati huo huo kuna malecturer ambao wanatumia kiswahili kufundisha matilio ya kiingereza.
Jambo hili limekuwa na matokeo hasi sana kwa wanafunzi wa Tanzania ambapo inapelekea wengi wao kushindwa kufanya vizuri katika masomo yao lakini pia kushindwa kuwa competent kwenye sekta nzima ya ajira, hii ni kutokana na ukweli kwamba wengi wao wanatoka vyuoni wakiwa hawana msingi mzuri wa lugha ya Kingereza lakini hapo hapo wakija kuomba ajira wanakutana na interviews za Kingereza na hii ni mpaka interviews za serikalini.
Naiomba serikali ilitazame suala hili kwa jicho la tatu na ikiwezekana ipitishe mtaala wa Kingereza kwani hata baba wa taifa alishawahi kusema kuwa lugha hizi mbili yani kiswahili na kingereza ni muhimu kwa watanzania na ni vizuri tukazijua zote kwa ufasaha, lakini pia haitakuwa dhambi watanzania wakizijua vizuri lugha hizi zote mbili kwakuwa hata bungeni baadhi ya miswada inaandikwa kwa lugha ya kingereza pia kama kingereza kitakuwa lugha rasmi ya kufundishia itapunguza hata gharama katika shule binafsi kwani ni wazi kwamba wazazi wengi wamekuwa wakiwapeleka watoto wao English medium sio Tu kupata elimu bora bali pia kujua vizuri kingereza, ss kama kingereza kitakuwa lugha ya kufundishia katika shule za serikali unadhani ni wazazi wangapi wataacha kupeleka watoto wao English medium?
Hizi hapa ni njia ambazo zinaweza kutumiwa na serikali ili kufanikisha jambo hili;
i. Serikali inaweza ikatangaza kuwa baada ya miaka miwili tutatumia lugha ya kingereza katika kufundisha hivyo kuwataka walimu wote wa shule za msingi mpaka wa sekondari kuhakikisha wanajua kingereza cha kuandika na kuongea (hapa maana yake walimu hasa wasiojua kingereza itabd wapewe tuition ya lugha hiyo),
ii. Hili pia liende sanjari na vitabu vya kufundishia napendekeza nchi nzima itumie vitabu vya aina moja mfano tunaweza tukaamua kutumia vitabu vya Oxford kuanzia primary mpk secondary.
2. Computer liwe somo la lazima kuanzia primary mpaka sekondari.
Ni wazi hakuna asiyejua umuhimu wa computer katika dunia ya sasa, hii inatokana na ukweli kwamba kama watoto wataanza kusoma computer kuanzia primary tutapata wataalamu wengi mno katika kila idara kwani computer ni muhimu katika nyanja zote dunia ya leo. Na hili linawezekana kabisa wala sio gharama kubwa kama tutalinganisha na faida ambazo tutazipata kama taifa.
Nawasilisha.
