Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Duru za Siasa: Awamu ya 5 - Uongozi na Yanayojiri...

Discussion in 'Great Thinkers' started by Nguruvi3, Dec 30, 2015.

  1. Nguruvi3

    Nguruvi3 Platinum Member

    #1
    Dec 30, 2015
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    MWANZO

    HAPA KAZI, MATARAJIO NA MATUMAINI YA WANANCHI

    DHANA YA 'MABADILIKO' DHIDI YA KIU YA WANANCHI

    Awamu ya 5 na miezi 2. Ni muda mfupi kutathmini utendaji/ufanisi ikizingatiwa changamoto nyingi za Taifa. Pamoja na ukweli huo, tunaweza kuipima serikali kwa uundwaji, uelekeo na vipaumbele vyake

    Mengi yamejitokeza na kuamsha hisia tofauti miongoni mwa wananchi. Wapo wenye matumaini na wenye mshangao kuhusu mwelekeo na kiu ya mabadiliko

    Hoja ya mabadiliko ilitumiwa na wapinzani , Rais Magufuli akaunga mkono kutokana na haja ya wakati.

    Tunasema Magufuli, kwasababu hakuna rekodi za CCM kuzungumzia mabadiliko

    Hata hivyo, mabadiliko hayakuelezwa kwa undani na pande zote mbili

    Wapinzani wakisema ni namna tunavyofanya mambo, CCM wakisema ni mabadiliko ndani yake na serikali

    Mbele ya fikra za wananchi, mabadiliko ni matumaini na kukidhi haja na matarajio. Ni kubadili yanayogusa maisha yao, kujenga utamaduni mpya na kuweka misingi ya kudumu

    Dhahiri, wamechoshwa na hali ya uchumi, utendaji , uongozi na maono ya siku za baadaye. Uchovu huo hauna chama wala itikadi, kwa pamoja wanakubaliana kuhusu hilo

    ''Makubaliano'' hayo ndicho chanzo cha uchaguzi uliokaribiana sana. Pengine kungalikuwepo na taratibu nzuri za uchaguzi, huenda hali ingalikuwa tofauti

    Kukaribiana kwa uchaguzi kulizaa kampeni zisizo za kistaarabu. Wanasiasa wakaacha hoja na kuhamia katika kejeli, matusi na kashfa, ukabila, udini na kuvikipaliliwa

    Mbegu zilizopandwa zinachanua na kuweka ufa usio na ulazima katika Taifa. Wanasiasa hutanguliza masilahi yao zaidi ya umma. Kwao athari za kauli si nzito kama za kukosa uongozi.

    Tutaangalia awamu ya tano kwa muda uliopo, tukijadili mwelekeo unaonekana na nini tutarajie

    Mabandiko yatajadili nini matarajio na matumaini ya wananchi katika zama za #HapaKaziTu, na kama tupo katika mwelekeo au mwendelezo

    Inaendelea.....
     
  2. TUJITEGEMEE

    TUJITEGEMEE JF-Expert Member

    #241
    Dec 6, 2016
    Joined: Nov 6, 2010
    Messages: 8,396
    Likes Received: 1,263
    Trophy Points: 280
    Hivi IGP anampigia salute CDF? Ninaomba jibu ili niweze kujenga hoja juu ya hotuba ya Rais alipoongea na jeshi la magereza!
     
  3. General Mangi

    General Mangi JF-Expert Member

    #242
    Dec 6, 2016
    Joined: Dec 21, 2013
    Messages: 4,041
    Likes Received: 2,392
    Trophy Points: 280
    Yes anampigiaa,
    Hujui katika masuala ya ulinzi baada ya Rais ni CDF?
     
  4. TUJITEGEMEE

    TUJITEGEMEE JF-Expert Member

    #243
    Dec 6, 2016
    Joined: Nov 6, 2010
    Messages: 8,396
    Likes Received: 1,263
    Trophy Points: 280
    Asante sana!
     
  5. TUJITEGEMEE

    TUJITEGEMEE JF-Expert Member

    #244
    Dec 6, 2016
    Joined: Nov 6, 2010
    Messages: 8,396
    Likes Received: 1,263
    Trophy Points: 280


    Sidhani kama aliwahi kuwepo CDF aliyetoka kwenye majeshi mengine zaidi ya JWTZ. Kama ndiyo hivyo, kwa mawazo yangu, kusema mfano koplo wa JW ni sawa na wa Magereza kuna changamoto hapo. Msisitizo ulitakiwa kuwa kwenye kuheshimiana na kupendana.Halafu hii hotuba nadhani hakitakiwa kuwa public!!Raia hatukupaswa kuiona hii kitu. Hii inaathiri uaminifu wa wananchi kwa majeshi yetu. Niko tayari kukosolewa kwa maoni yangu haya.
     
  6. Nguruvi3

    Nguruvi3 Platinum Member

    #245
    Dec 6, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Mkuu, CDF ni mkuu wa majeshi ya ulinzi yanayokusanya majeshi yote.

    Kwa uelewa tu ni kama ilivyo katika sekta ya afya kwamba popote, Daktari ndiye anakuwa kiongozi ingawa kuna Nurse, Pharmacist, Lab tech n.k.

    Hivyo CDF kwa mafunzo na majukumu ya JWTZ anatoka huko.

    Hapa haina maana wengine hawana mafunzo, la hasha, Magereza wana mafunzo yanayowiana na kazi yao kama ilivyo Polisi, Zimamoto n.k. yaani specialized

    JW wanaweza kufanya majukumu ya wengine, lakini si kinyume chake

    Kuhusu hoja kuwa koplo wa Magereza halingani na wa JW , kinadharia inaonekana hivyo, kikazi si hivyo wote wana hadhi sawa. Tofauti yao ni hiyo niliyokueleza katika makukumu

    Kama unadhani koplo wa Magereza hana hadhi sawa na JW, vipi wa JKT?
    Utambue kuwa wapo chini ya Amir Jeshi mkuu mmoja na CDF mmoja.
    Huiwezekani kuwa na koplo kidogo na koplo saana

    Kuhusu namna alivyoongea, nadhani tatizo ni namna anavyofikisha ujumbe na si ujumbe wenyewe
    Lugha inabeba mantiki sana katika kufikisha message across the intended audience

    Mfano, alipo ongelea matumizi ya wafungwa, ni kweli. Kuna wafungwa wataalam na vibarua.
    Magereza wanaweza kujenga nyumba zao kwa gharama ndogo sana kwasababu wana labor
    Kama wanajenga kwa maafisa nyumba binafsi, wanashindwaje kuwatumia kujenga nyumba zao?

    Lakini message ya 'wamenyeke kweli' inalenga kuwapa askari fursa ya 'abuse' na hilo si sahihi
    Kumfunga mtu ni kumchukulia uhuru katika mazingira magumu sana.

    Hiyo ni adhabu hahitaji kubebeshwa matofali 10 kichwani ili amenyeke
    Lengo la kifungo ni kumrekebisha mtu si kumuumiza.

    Hili ni pamoja na kuhakikisha wafungwa mafundi wanatumika iwakitoka kujielewa na pengine kujiajiri

    Wafungwa wapo wenye utaalam sana, hawa wangepewa incentive kwasababu ni cheap labor

    Likewise, hakupaswa kuonyesha kuna tofauti.
    Alipaswa kuonyesha usawa ili kutoleta picha tofauti kwa jamii.
    Angeongea nao kama askari tu ilitosha, lakini kuwaweka katika mizani haikuwa sawa

    Message yake ilikuwa nzuri tatizo ni lugha inayobeba ujumbe inakuwa na 'ukakasi' na mara nyingi kupoteza maana iliyokusudiwa
     
  7. General Mangi

    General Mangi JF-Expert Member

    #246
    Dec 7, 2016
    Joined: Dec 21, 2013
    Messages: 4,041
    Likes Received: 2,392
    Trophy Points: 280
    Mkuu CDF ni Mkuu wa majeshi yote ya ulinzi. Katika majeshi hayo sio polisi wala magereza bali ni majeshi yote ya JWTZ.

    Kumbuka kwamba ktk JWTZ kuna majeshi Manne ambayo ni Jeshi la Anga, jeshi la ardhi, jeshi la majini na JKT.

    Tunapozungumzia JKT sio kwamba ni jeshi jingine tofauti na JW. JKT ni kitengo cha JW ambayo inaendesha mafunzo ya kijeshi na ukakamavu kwa ajili ya vijana ambao wanaweza kutumika katika majeshi mengine kama polisi, JW, magereza, uhamiaji na hata mgambo au makampuni ya ulinzi.

    Hivyo JKT ni hawa hawa JW, na ndio maana Mkuu wa JKT anaweza teuliwa na Rais kuwa CDF. Au Mkuu wa JKT anaweza toka JW baada ya kupandishwa cheo.
    Koplo wa JKT ni sawa na JW kwani wote hupata mafunzo ya Ukoplo sehemu moja.

    Mnapo anza mafunzo ya kijeshi ya JW, wote hamjui mtakuww kitengo gani.
    Baada ya mafunzo eidha ya uafisa au askari ndipo mnaanza kugawanywa wengine wanaenda JKT, wengine Ardhi, anga na majini.
    Huko mnaenda kupata mafunzo mengine ya kijeshi kutokana na nafasi hizo.

    Hivyo JKT ni kitengo cha JW kama kitengo kingine cha JW. Na unaposema JWTZ basi jua ni muunganiko wa majeshi hayo manne.

    Tofauti ya JW na majeshi kama polisi na magereza ni kwamba JW yeye anafundishwa kuua tu. Hii ndio sababu JW hawawezi tumika kutuliza vurugu za maandamani na kama wakitumika eidha polisi wamezidiwa basi ikitokea wameua huwezi kumshitaki, lakini kwa polisi anaweza shitakiwa.
     
  8. Nguruvi3

    Nguruvi3 Platinum Member

    #247
    Dec 8, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Ahsante, mkuu naomba nichangie hoja hii kwa mara nyingine

    Kama nilivyosemaCDF ni mkuu wa majeshi yote. Hilo halina tatizo

    Majeshi tuliyo nayo ni JW, Magereza, Polisi, JKT

    JW ina matawi kama Anga(Air force), majini( Navy), na nchi kavu (infantry) at least kwa muundo wa commonwealth na nchi kama US zina utaratibu wao wa kutaja ingawa kwa maana ile ile

    Hivyo matawi si jeshi tofauti bali sehemu ya jeshi la wananchi (JW)
    Hapa ieleweke tuna JW yenye mgawanyiko wa anga, nchi kavu, majini

    Matawi hayo nayo yana matawi. Kwa mfano infantry (nchi kavu) wana tawi la mizinga( artillery), wana miundo mbinu (logistic), na mbinu (tactics) kwa uchache wa kutaja ambayo si majeshi bali matawi ya tawi la infantry linalounda JW likiwa na matawi mengine ya Navy na anga

    Pili, kwamba jeshi limefunzwa kuua, hiyo ni sehemu tu ya majukumu yao.

    Kama ulivyosema, kuna sheria za nchi zinawasamehe wanapokuwa katika majukumu kwasababu interactions yao na civilians ni limited.

    Lakini hoja ya kwamba wamefunzwa kuua ina mapungufu kwa mtazamo mpana.

    Kwa wale waliowahi kupitia majeshini mtakubaliana nami kuwa jeshini kama JW kuna nidhamu ya hali ya juu ya majukumu yao,ni kimbilio la Taifa kama ilivyo sehemu zote duniani

    Katika dharura ya nchi majeshi huwa tayari kuliko sehemu nyingine yoyote.

    Utashangaa daraja linajengwa kwa masaa kama ilivyotokea wakati wa mvua pale msoga.
    Kama ilivyokuwa Kagera wakati wa vita.

    Katika uokozi wao ni namba moja na kila jambo unalofikiri

    Idd Amin alivunja daraja lililoonekana kuwa tayari kujengwa kwa miezi kama si miaka. Guess what, akapokea kichapo huku daraja linajengwa, vifaa vinapita kazi inaendelea

    Anga wanafanya yao, navy wapo victoria , infantry wanavusha askari, architect wana design daraja, structural Eng wapo kazini, civil eng wanatenda , madaktari wanatibu majeruhi. watu wa logistic wanaendelea na kazi n.k.
    kwa muda mfupi katika mazingira magumu sana, walifanikiwa

    Kwa ufupi ikitokea janga sehemu zote duniani, kitengo cha kwanza na mwisho kutumika ni jeshi.

    Si kutokana na mafunzo ya 'kuua tu', bali nidhamu na utayari wakiwa na wataalam 'the best'

    Hivyo jeshi liangaliwe katika mambo kadhaa, kwanza, lina wataalam waliobobea, pili, lina nidhamu ya utendaji, tatu, lina utayari wa rasilimali na rasilimali watu ambao wameandaliwa vizuri
     
  9. General Mangi

    General Mangi JF-Expert Member

    #248
    Dec 8, 2016
    Joined: Dec 21, 2013
    Messages: 4,041
    Likes Received: 2,392
    Trophy Points: 280
    Mkuu Nguruvi3
    Tunapozungumzia CDF tunamaanisha Chief of defence Forces katika Tanzania People defence forces.(Jeshi la ulinzi la wananchi wa Tanzania).

    Jeshi la ulinzi la wananchi wa tanzania ndio hili tunaita kwa kifupi JW.
    Jeshi letu lina muundo kama ambao kidogo unafanana na uingereza.
    Katika jeshi la marekani wao hawana kiongozi wa kijeshi mkuu zaidi ya majeshi yote bali kila jeshi lina General wake. Hapa namaanisha kwamba Navy, air force na army wana General wao. Na katika majeshi hayo yanajitegemea kiuendeshaji na kutoa mafunzo.

    Katika jeshi letu hapa tuna General mmoja ambaye anaongoza majeshi yote manne. Hivyo tunaposema majeshi ya ulinzi hatumaanushi Polisi, magereza, uhamiaji bali ni JKT, jeshi la anga, jeshi la maji na ardhi. Na viongozi wakuu wa majeshi haya manne huwa na cheo cha kuanzia Brigedia au major jererali na huripoti kwa CDF na CDF ndie huripoti moja kwa moja kwa Rais.
    Hivyo CDF ndie mkuu wa majeshi hayo Manne na wala ahusiki polisi, magereza n.k

    Sasa tukija kuangalia Mkuu wa Majeshi yote yaani JW, polisi na magereza hapa ndipo anakuwa Rais wa nchi (Commander in chief).

    Rais ndie mkuu wa majeshi yote yaani JW, polisi, magereza, uhamiaji na zima moto.
    Hivyo CDF hausiki katika uendeshaji ktk polisi wala magereza na wala hana amri yoyote kule.

    Hivyo JKT, navy, army na airforce ni Majeshi ya ulinzi ambayo kwapamoja huunda JW. Na ndio maana viongozi wao huteuliwa na Rais na sio CDF. Hii haionekani wazi lkn nchi km marekani haya ni majeshi kamili yanaojitegemea na Mageneral wao wanavyeo sawa ila hapa kwetu huongozwa na General mmoja.
     
  10. Nguruvi3

    Nguruvi3 Platinum Member

    #249
    Dec 8, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Mkuu General Mangi kuna point ndogo sana ya 'contention' baina yetu

    Kama umenisoma vema mfumo wetu ni model ya commonwealth
    Mfumo wa Marekani una utofauti katika mpangilio

    Kwa mfano, Marekani kuna joint chief of staff, huyu ni kiongozi wa chief of staff wa majeshi husika na ndiyo maana kuna neno joint. Hili sina tatizo nalo

    Kwa Tanzania kuna vitu viwili vya kutofautisha

    Kuna Amri Jeshi mkuu ambaye ni Rais wa Majeshi ya Ulinzi na usalama

    Halafu kuna CDF ambaye ni mkuu wa majeshi ya ulinzi.
    Tazama ukubwa wa maneno 'ulinzi na usalama'

    Amir Jeshi atakapohitaji majeshi yote atayaita majeshi ya ulinzi na usalama.

    Majeshi ya ulinzi na usalama yanapokuwa katika 'mission' moja, mkuu wake ni CDF. Ndivyo ilivyokuwa katika vita vya Kagera.

    Unachosema kuhusu CDF kutokuwa na kauli na majeshi ya Polisi na Magereza ni sahihi, lakini logically haipo hivyo.

    Jeshi likihitajika mtaani linawajibika kwa CDF siyo mwingine.
    Umeona kitu hapo?

    Kwanini nakuambia Navy, air force, Infantry,JKT ni sehemu ya JW?
    Hata kama zina wakuu wake, kuna Chief of staff mmoja tu! Think about that

    Kwanini wakuu wa 'matawi' wanateuliwa na Amir jeshi mkuu?

    Ni swali technical nisingependa kujadili zaidi kama utanielewa

    Nikuache na kionjo tu, Rais Moi wa Kenya alinusurika jaribio la mapinduzi kwa kurudishwa na kikosi cha anga cha Nanyuki.
     
  11. Nguruvi3

    Nguruvi3 Platinum Member

    #250
    Dec 8, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Mwezi mmoja uliopita tuliongelea kuhusu stability, integrity n.k. katika mabandiko 2 hapo chini.

    Tunayaweka tena baada ya sakata la Dangote

    Tutajadili zaidi

     
  12. Nguruvi3

    Nguruvi3 Platinum Member

    #251
    Dec 15, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Duru wiki hii

    Baada ya Dangote
    Mili mto Ruvu na kauli ya waziri
    Kauli ya Lisu na Chadema
    Na sasa kukamatwa kwa mwanzilishi JF

    Hekima, Busara. hasara na madhara ! Tumefikaje na nini taswira yetu kwa nchi na dunia?

    Tathmini na tafakuri ya kina inafuata!
     
  13. Rev. Kishoka

    Rev. Kishoka JF-Expert Member

    #252
    Dec 15, 2016
    Joined: Mar 7, 2006
    Messages: 4,400
    Likes Received: 39
    Trophy Points: 145
    Ndugu yangu Nguruvi,

    Pamoja na mema yote kuhusu haki na fursa ya Watanzania waishio nje ya Nchi... aka Diaspora kuhusu umiliki wa Mali na hasa ardhi, bado Mtanzania wa Maneromango hana uhakika wa ardhi yake...
     
  14. Nguruvi3

    Nguruvi3 Platinum Member

    #253
    Dec 20, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Mkuu hapa ndipo tatizo linapoonekana zaidi. Nilitegemea waziri angeanza na hilo la Mwaneromango, badala yake kaanza na diaspora. Hatuna dira au sera za kitaifa kila mtu anakuja na lake akiondoka mwingine anakuja jingine. Ndiyo yale ya elimu kwa wote, Kilimo kwanza na sasa viwanda ndani ya miaka 10
     
  15. Nguruvi3

    Nguruvi3 Platinum Member

    #254
    Dec 20, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    WIKI NA MWEZI WENYE UTATA

    Hekima kwa tafsiri rahisi ni namna mwanadamu anavyokiri , pembua na uyakinifu
    Busara ni namna utekelezaji wa hekma utakavyofanyika, semwa au tendwa

    Mwezi huu umekuwa na mambo mengi ya utata yenye mapungufu ya hekima na busara

    1. Dangote : Baada ya kutangazwa kufungwa kiwanda, ilitokea sintofahamu

    Mawaziri wakilieza tukio kwa hoja tofauti hata kufikia mahali pa kulikoleza
    Dangote akaja kuonana na Rais na ilibainika sababu za awali hazikuwa za kweli

    Kwa muda wote habari zilinea duniani na kuathiri taswira ya nchi kwa wawekezaji

    Viongozi na mawaziri hawakuona hekma ya kulizungumzia jambo hilo kwa busara?
    Hawakuona hekma ya kukaa pamoja kama timu na kutafuta 'common ground'

    Alichokifanya Mh Rais ni kuzuia uharibifu usiendelee ingawa umeshatokea

    Haya ni kwasababu mawaziri hawakuwa na hekma ya kutazama ukubwa wa jambo

    Hawakuwa na busara wakati wanaongea tofauti na kuchanganyana mbele ya umma

    2. Miili ya watu 7: Hii imeokotwa na taarifa za awali mitandaoni

    Waziri wa Mambo ya ndani akatoa kauli, miili hiyo ni ya wahamiaji
    Waziri hakueleza ni raia wa nchi gani, waliwatambuaje , na kwanini walifariki

    Hakueleza uchunguzi wa kitaalamu ulionyesha nini na kwanini walizikwa haraka

    Waziri hakuona hekma ya alichotaka kuongea
    Alipoongea hakujibu hoja kwasababu ya mapungufu ya busara

    Hakuna sheria za nchi zinazoeleza mauaji yanafanyiwa uchunguzi kwa raia gani.
    Ni upungufu wa busara kudhani wahamiaji haramu ni wanadamu pungufu.

    Tanzania ilihifadhi wahamiaji na wakimbizi milioni 2
    watu 7 wanakufa na waziri anazungumza bila kujali utu wa mwanadamu

    Upungufu wa busara zaidi ni vyombo husika kujikokota katika suala hilo.
    Waziri mkuu akiagiza uchunguzi kwa jambo ambalo kwa uhakika ni la muhimu

    Vyombo vya dola vinaonekana kushupalia mambo madogo yanayohusu raia mmoja , wawili au watu kwa nguvu sana kuliko maisha ya watu 7

    Hekama inatueleza sisi kama taifa tumepoteza thamani yetu ya utu.
    Busara zinasema, hatujui nini kipaumbele na kwasababu gani na tufanyaje

    Sehemu ya II inaendele
     
  16. Nguruvi3

    Nguruvi3 Platinum Member

    #255
    Dec 21, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    WIKI NA MWEZI WENYE UTATA II

    Faru John: Waziri mkuu ameshupalia Faru John aliyefariki katika mazingira tata

    Upotevu wa rasilimali za taifa limekuwa tatizo na hatua hiyo ni muhimu

    Suala la Faru imekuja wakati wavifo vya watu 7 Ruvu.
    Kinachotokea ni mapungufu makubwa ya busara na utu.

    Hatuna thamani ya maisha ya mwanadamu.Tunaweza kuweka thamani ya faru

    Ni rahisi kupata ukweli wa kifo cha Faru na hatuoni ugumu na danadana unatoka wapi
    Wahusika na wenye mamlaka wapo, rasilimali za kazi zipo, nini kinaendelea?

    Hekima inasema vifo vya watu 7 na Faru ni mambo muhimu ya kufuatiliwa
    Busara inaelekeza ni kipi kianze na kwasababu gani. Je, busara na hekma zinatumika?

    Kupotea kwa Mtu
    Chadema wameeleza takribani mara mbili kuhusu kupotea kwa kijana Saaanane
    Inaoenekana familia ikiwa katika taharuki

    Madai yaliyotolewa na mwanasheria CDM yanahitaji hekma na Busara
    Huyu aliyepotea ni mwanadamu bila kujali mambo mengine yanayomhusu

    Wajibu wa kulinda mali na Raia upo kikatiba na umeanishwa vema

    Serikali imekaa kimya kwa madai yanayotolewa.

    Si dhima ya duru kueleza nani yu sahihi na nani amekosea.
    Tunachosema haya ni maisha ya mwanadamu

    Kama yupo mahali ni vema ikaelezwa yupo wapi na kwasababu gani

    Kwa hali ya matukio kadhaa yanayojitokeza jambo hili linaweza kuwa na matatizo

    Tusingependa kuzungumzia zaidi bali kusisitiza, kurudi kwa kijana huyo ni jambo linaloombewa na kila mmoja.

    Na kwamba, familia ipo katika taharuki kubwa na inahitaji msaada

    Tofauti na hivyo, hili ni tatizo kwa serikali na nchi kwa ujumla.

    Hakutakuwa na maelezo yatakayojitosheleza wakati mitandaoni kila mmoja ana lake na kulifanya fact. Habari zinazozagaa bila kuwa udhibiti ni za hatari

    Udhibiti si kuzuia wanaozungumzia bali kauli ya serikali nini kinaendelea

    Kijana huyo kapotea? Yuko wapi na kwasababu zipi? uchunguzi unafanyika?

    Tunaongelea jambo hili si kwasababu ni mtu anayefahamika katika chama au mitandao

    Ni kwasababu huyu ni mwanadamu ambaye tayari familia inataharuki

    Jambo kama hili ni dogo, lakini historia ni mwalimu mzuri

    Tutafafanua kwanini historia ni mwalim mzuri
     
  17. Nguruvi3

    Nguruvi3 Platinum Member

    #256
    Dec 23, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    HISTORIA NI 'MWALIMU MZURI'

    Historia ina tabia moja nzuri, hujirudia si kwa kuhitajika bali kwa wale wasiojifunza kutoka kwake

    Moto wa nyika hauhitaji 'tanker' la petroli kuwaka, njiti ya kibiri inatosha kuangamiza nyika yote

    Tunakumbuka tatizo la dogo la Mabucha ya nguruwe Manzese na mwembe chai yalivyosumbua

    Tunakumbuka Arab spring ilivyochochewa na mtu mmoja kujimwagia mafuta tunisia

    Tunakumbuka Mchina aliyesimama mbele ya kifaru cha jeshi kimsage akiwa hai

    Tunakumbuka vurugu za Los Angels zilivyoanza na mtu mmoja

    Orodha ni ndefu sana hatuwezi kuandika hata 0.0001% ya matukio yanayoanza na jambo dogo tu

    Baada ya mwezi wa ukimya kuhusu kijana wa Chadema kupotea, hali imebadilika.
    Wananchi wanataka kusikia nini kinaendelea kuhusu alipo kijana huyo

    Mabandiko yaliyotangulia tulieleza ni kwa vipi hili litakuwa tatizo kwa wahusika.

    Wahusika sasa wanasikika wakisema suala hilo linafanyiwa uchunguzi

    Hatua hizo zimekuja kwa kuchelewa sana. Kwanza, yapo maswali yatakayohitaji majibu

    Kijana husika aliwahi kueleza jinsi alivyotumiwa message za kutishia maisha yake
    Swali; Je alitoa taarifa katika vyombo vya ulinzi na usalama?
    Hoja: Kama wahusika walifuatilia madai yake?

    Hoja hii ni nzito,mkurugenzi wa JF alikamatwa kwa tuhuma za kutoshirikiana na vyombo vya ulinzi

    Iweje basi vyombo hivyo visiweze kuwapata wahusika waliotumia simu?

    Kwanini imechukua siku 30 na kwa kelele za mitandao kwa vyombo husika kuwasiliana na umma?
    Je uchunguzi ulikwishaanza au ndio unaanza? Kama ulianza kwanini umma haukutaarifiwa? Kama ndio unaanza kwanini imechukua muda mrefu kiasi hicho?

    Kijana huyo ni mwansiasa na matukio ya kutishiwa yanahusishwa na misimamo yake katika 'mwelekeo' huo wa siasa. Hili ni jambo zito kwasababu umma unahisia tofauti kwa mitazamo tofauti

    Kila mmoja anaomba usalama wa Raia wa nchi hii kama ndugu, na sote tunatarajia mwisho mwema

    Ikumbukwe huyu ni mwanadamu anayeweza kupata matatizo ya kibinadamu pasi mkono wowote. Ikitokea isivotarajiwa , umma utaelezwa nini uamini ni jambo la asili(nature)?

    Lakini pia tatizo linaweza kuwepo bila maelezo ya kujitosheleza, swali, umma utaelezwa nini uamini?

    Tusemezane
     
  18. EMT

    EMT JF-Expert Member

    #257
    Dec 30, 2016
    Joined: Jan 13, 2010
    Messages: 14,245
    Likes Received: 284
    Trophy Points: 180
    Kweli zipo hotuba za Amiri Jeshi Mkuu ambazo hazitakiwa kuonyeshwa public for security reasons.

    Lakini kwa hotuba hii sioni jambo lolote ambalo Rais amelizungumzia linaloweza kuathiri usalama wa nchi.

    Pia sidhani kama hii hotuba itaathiri uaminifu wa wananchi kwa jeshi.

    Infact, hotuba imenisadia kujua mambo ambayo nilikuwa siyajui.

    Mfano, eti wanajeshi walikuwa wanalipia/nunua sare zao? I never thought of this?
     
  19. Nguruvi3

    Nguruvi3 Platinum Member

    #258
    Dec 30, 2016
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Mkuu hii inaonyesha jinsi corruption ilivyofikia kiwango cha juu

    Kwamba, Amir jeshi mkuu aliyekuwepo hakuwa na habari za askari kununua Uniform?
    Kwamba, ndani ya security organs hakuna security ya kuangalia hali ya mambo

    Kununua uniform ilikuwa 'deal' ambayo ni conduit ya wazee kupitisha mirija yao

    Ni jambo la kushangaza sana kwasababu kuna maeneo binafsi wafanyakazi wanapewa uniform bure
    Leo askari magereza walikuwa wananunua uniform! Sijui kwanini guiness book hawakuliona hili
     
  20. EMT

    EMT JF-Expert Member

    #259
    Jan 3, 2017
    Joined: Jan 13, 2010
    Messages: 14,245
    Likes Received: 284
    Trophy Points: 180
    Au labda walikuwa wanapewa uniform replacement allowance? Kwa mfano, nimesoma kuwa kwa Marekani, wanajeshi wanapewa free uniforms mwaka wa kwanza wanapoingia jeshini ila baada ya hapo wanapewa allowance kila mwaka ku-replace uniform.
     
  21. Nguruvi3

    Nguruvi3 Platinum Member

    #260
    Jan 3, 2017
    Joined: Jun 21, 2010
    Messages: 11,168
    Likes Received: 4,726
    Trophy Points: 280
    Ingelikuwa hivyo madai yao yangekanushwa na mkuu wao pale pale.
    Ndio maana askari hawakulalamikia 'posho' kama askari wa majeshi mengine.
    Walicholalamika ni kuhusu uniform ambazo zinaonekana ilikuwa ni aina kama 'deal'

    Hata ingekuwa kama US bado hakuna duka la kununua unifrom hizo.
    Tunajua uniform za majeshi zina upekee. Kinyume chake kulikuwa na 'watu' waliofanya kazi hiyo
     
Loading...