Doreen wa Lucky Vincent, afanyiwa upasuaji mdogo kuondoa vyuma

[kirerenya]

​

Sioux. Manusura wa ajali ya basi la Shule ya Msingi, Lucky Vincent, Doreen Mshana, amefanyiwa upasuaji mdogo wa kuondoa vyuma vilivyowekwa wakati alipofanyiwa upasuaji mkubwa wa uti wa mgongo, taya na nyonga.

Mbunge wa Singida Kaskazini, Lazaro Nyalandu, ameandika katika ukurasa wake wa Facebook na kueleza kuwa Doreen amepata nafuu kubwa na sasa anatarajiwa kupelekwa katika matibabu maalum ya uti wa mgongo, Nebraska, Lincoln.

“Madaktari wataamua aende lini baada ya kuondolewa vyuma, tuendelee kumwombea apone katika changamoto alizonazo,” ameandika Nyalandu.

Doreen na wanafunzi wengine wawili, Saidia Ismael na Wilson Tarimo walinusurika katika ajali hiyo iliyotokea Mei 6 na kuua wanafunzi wenzao 32 , walimu wawili na dereva.

Chanzo: Mwananchi

 

[Joseverest]

Mungu azidi kuwabariki na kuwaponya vyema..

 

[momentoftruth]

Allah Amfanyie wepesi binti apate nafuu.

 

[Qurie]

Mungu aendelee kuwapigania awa watoto..... Ila iyo picha apo juu sio ya mtoto Doreen ni ya Sadya

 

[Perfectz]

GOODLUCK NDUGU,MWENYEZI MUNGU AWE NAWE