Dkt. Mwigulu, inakuwaje mnatuambia Miradi ya Hayati Dkt. Magufuli inaendeshwa kwa mikopo mikubwa na migumu kuhimilika?

[Shujaa Mwendazake]

“Hatujaweka kodi kwenye laini za simu kama ambavyo baadhi ya wananchi wamekuwa wakichanganya, hata kule Bungeni wanachanganya wanasema sasa kila siku itakuwa inakatwa shilingi 10 mpaka 200 kwa hiyo kama ni 200 kwa siku 30 ni shilingi 6000, halafu hata kama hukuweka fedha, siku ukiweka inakatwa kama nipige tafu, hatukuweka hivyo”, alieleza Dkt. Nchemba.

Alibainisha kuwa haimaanishi kwamba shilingi 10 sio mzigo lakini Serikali iliangalia matatizo yaliyopo na kugundua kuwa yanagharimu zaidi, kuliko thamani ya shilingi 10 itakayotozwa kama kodi.

Alifafanua kuwa miradi mikubwa inayotekelezwa nchi ukiwemo wa mradi wa Bwawa la umeme la Mwalimu Nyerere ambao unahitaji zaidi ya shilingi trililioni nne na ujenzi wa Reli ya Kisasa unaohitaji zaidi ya shilingi trilioni 20 ili kukamilika, iwapo fedha zote zitategemea mikopo nchi itapitiliza uwezo wa kukopa na kutokukopesheka hivyo ushiriki wa wananchi ni muhimu.

My Take:
Leo mmeamua kutuvisha zigo la kujenga Reli na Bwawa la Stiegglers kupitia simu zetu wakati mlituambia fedha ipo na mipango ilikuwa tayari mezani. What went wrong?? (In Dk Mpamire`s voice).

 

[Benjamini Netanyahu]

Huku walisema wanatekeleza kwa cash, leo imekuwaje tena? wapuuzi sn hawa.

 

[vanmedy]

"DONA KANTRE"

 

[Gamaha]

Mwendazake alikua mtu wa fix sana

 

[Mjamaa1]

Awamu ya uongo uongo

 

[The lost]

Tirioni 20? ohoooo

 

[yuzazifu]

hawa wameamua kutafuta kichaka cha kutukamulia, sidhani kama hata angekuepo mwendazake wangekuja na hii ajenda mfu.

 

[Paf]

HELA IPO!
Kandarasi Fanya kazi usiku na mchana.
Achana na upembuzi yakinifu,tunachelewa ndugu zangu.
NANI MWONGO?

 

[Godo]

Nchi inajengwa na mwananchi mwenyewe, nashauri waziri kila Mtanzania ana wajibu wa kulipa kodi ili kujenga nchi yake,uangaliwe utaratibu wa day worker au vibarua wa viwandani,migodini.

Kwenye miradi mbalimbali ya serikali na binafsi nao wanawajibu wa kulipa kodi kama analipwa 5000 kwa siku akikatwa hata 200 inatosha ajira zisizo rasmi zina watu wengi kushinda hata watumishi walio kwenye ajira rasmi, utekelezaji wake ni simple tu kila kiwanda.

Mgodi, au kwenye mradi wowote mkubwa lazima wawe na rekodi ya vibarua wao walio fanya kazi kwa kila siku na kiasi wanachowalipa na wakati wa kuwalipa wanakata kodi kabisa TRA wapo makini sana hii kazi haiwezi kuwa ngumu kwao, nchi za ulaya viwandani hii imeshazoeleka.

 

[Shujaa Mwendazake]

HELA IPO!
Kandarasi Fanya kazi usiku na mchana.
Achana na upembuzi yakinifu,tunachelewa ndugu zangu.
NANI MWONGO?

dah

 

[Shujaa Mwendazake]

Nchi inajengwa na mwananchi mwenyewe, nashauri waziri kila Mtanzania ana wajibu wa kulipa kodi ili kujenga nchi yake,uangaliwe utaratibu wa day worker au vibarua wa viwandani,migodini,kwenye miradi mbalimbali ya serikali na binafsi...

SOMA TENA UELEWE..

PUNGUZA PUPA YA KUCOMMENT

 

[Opportunity Cost]

Kwanza waweke kwa kanunu hiyo hiyo ya kukatwa daily kwani kuna shida gani tukichangia miradi ya maendeleo? Si ishu ya kujivunga vunga bali lazima watu wachangie,wafanyabiashra wakubwa walikuwa wanaporwa afu pesa inaenda huko sasa saizi umewekwa utaratibu mzuri afu bado watu wanaleta nongwa.

 

[GREAT VISIONAIRE]

Mwenda zake aliacha akikusanya kodi ya shillingi trillioni 1.9,toka ameondoka machi, april makusanyo yamefikia trillioni 1.3,na kwa sa hv hizi mbio za covid zinazoanzishwa tutafikia bilioni mia 800 hadi 900 mwisho wa mwaka.

Wakati katika kila mwezi tunatakiwa tulipie bilioni 700 kwa ajili ya madeni tu.

Mwendazake aliacha trilioni 9 hazina sasa zipo 6.

Kazi iendelee

 

[Opportunity Cost]

Tirioni 20? ohoooo

Yaa kwa vipande vyote,Magu ni kimeo sana bora hizi pesa ambazo tayari zimewekwa kwenye sgr ambayo inaweza kukamilika 2030 zingewekwa kwenye barabara tungeshafika mbali sana

 

[Rasterman]

Magufuli alikuwa mwongo sana yule mzee sijui alikuwa anafaidikaje

 

[jeffvlar]

Mwenda zake aliacha akikusanya kodi ya shillingi trillioni 1.9,toka ameondoka machi, april makusanyo yamefikia trillioni 1.3,na kwa sa hv hizi mbio za covid zinazoanzishwa tutafikia bilioni mia 800 hadi 900 mwisho wa mwaka.
Wakati katika kila mwezi tunatakiwa tulipie bilioni 700 kwa ajili ya madeni tu.
Mwenda zake aliacha trilioni 9 hazina sasa zipo 6.kazi iendelee

Duh

 

[Bams]

Kwa ujumla, awamu ya 5, zaidi ilitegemea ulaghai ili kutafuta kuungwa mkono, hasa na watu wajinga. Na hiyo ndiyo ilikuwa sababu ya yeye kuzuia mikutano ya vyama vya siasa, na uhuru wa vyombo vya habari, kwa kuhofia kuwa hata wale wajinga wanaweza kueleimika wakaujua ukweli.

 

[Tate Mkuu]

Kabla ya kuchangia chochote hapa, naomba kwanza niutambue uwepo wa Waziri wa Tozo Mh. Dr. Mwigulu Nchemba!

Dah! Umetupatia sana mzee baba kwa hizi Tozo! Wote zinatuhusu! Siyo kama kipindi kile, eti Watumishi wa umma wasipandiswe madaraja yao kisa hela zinaenda kununulia ndege! Kwa awamu hii, naamini hizi tozo zitamkamua kila mtu! Na hivyo wote tutalia kilio cha aina moja.

 

[Sexless]

Reli ya Kisasa unaohitaji zaidi ya shilingi trilioni 20

Mbona walisema ingharimu sh trillioni 7 tu??

 

[Sexless]

hata kule Bungeni wanachanganya wanasema sasa kila siku itakuwa inakatwa shilingi 10 mpaka 200 kwa hiyo kama ni 200 kwa siku 30 ni shilingi 6000, halafu hata kama hukuweka fedha, siku ukiweka inakatwa kama nipige tafu, hatukuweka hivyo”,

Hamkuweka hivyo. Mmewekaje sasa?

Huu uwongo uwongo utaisha lini?