Dk.Slaa anasa waraka wa siri CCM, afichua wizi wa mabilioni hazina

[PakaJimmy]

Nchi isitawalike tu, kama mbwai mbwa bana wanatesa wana wa nchi.......Am supporting Slaa:israel:

kUTAWALIKA KWA nchi ni function ya HAKI , Usawa na amani!
Kama chochote kati ya hivyo kinalegalega, basi nchi haitatawalika!!
Ni matter ya pespective ya msikilizaji tu!

 

[The Prophet]

hata mimi nilifurahi sana kusikia zitto alipo ungana na makamanda

usama akiuwawa hata mataliban husambaratika.

rustam kachinjiwa baharini, unategemea zitto atafanya nini zaidi ya kusepa?

 

[TIMING]

my only concern ni victimization.........

 

[tindikalikali]

Dr. Slaa anatufaa kweli na ni hatari...ana waraka ambao utaangamiza CCM mia kwa mia...mkuu tunaomba source so we can authenticate this thread; otherwise the message is great, promising and encouraging.

tanzania daima la kesho

 

[LoyalTzCitizen]

Sounds promising! Hongera DK.

 

[Mpaka Kieleweke]

Ukiona nyaraka nyeti zinavuja kutoka chama kinacvhjotawala jua kwamba kinaenda ku7anguka , kumbuka KANU , hali ilikuwaje, UNIP Zambia hali ilikuwaje, n.k. CCM siku zao zinahesabika , ila utawaona baada ya kesho Wassira atatumwa kwenda kwenye TV zote kuanza kuropoka ndio strategy ya Dodoma leo.

Wengine wwameagizwa kwenda Mikoani kuihami serikali kabla ya bajeti ili hali yao kisiasa isiendelee kuwa mbaya .

 

[Rweye]

Kwa vile media zetu siku hizi zmeamua nazo kuvaa gamba na kukataa kurusha taharifa za CDM,nashauri kila mwanaCDM humu ndani atumie uwezo wake kuweza kuwainvite na kuwaintroduce member10wapya ili kupitia kwao tuweze kuinform mass ya watanzani,namaanisha tuwafanye watu waanze kujiunga na Jf ili na wao wapata kujua na kuelewa updates on what's happening!

 

[marx]

Hongera Dr.slaa, makamanda wote mlioko huko Rukwa. Tuko pamoja. Mungu awabariki mtuvushe salama katika Giza nene la CCM mfuu. Inatuumiza sana. Kweli nafuu nchi isitawalike Tuikomboe kutoka kwa wezi hawa. Hawana jipya, wamechoka. Hii ni miezi tu hali ni tete, five years to come the situation will be worse.

 

[Kidatu]

Vitu vinavyoongelewa na Chadema kwa mustakabali wa nchi ukweli vinatia moyo. Chadema wanaonesha kuyaelewa vyema matatizo ya Tanzania na Watanzania.

 

[denoo49]

Lord av Mercy....!?

 

[boma2000]

Siasa kweli ni mchezo mchafu, nia ni kutoa anae tawala chama kipya kiingie, haya chadema hongereni lakini 'undugunization' umewajaa na kutokuwa na demokrasi ndani ya chama kupo, sasa sijui tutafika wapi tz. ILA mwisho wa yote tunataka serikali itakayowajibika kwa wananchi, 'check and balance' ya ukweli walau 95% iwepo na pia mawaziri wasiwe wabunge ili kuleta changamoto kwa serikali na uwajibikaji

 

[nngu007]

• Anasa waraka wa siri CCM, afichua wizi wa mabilioni Hazina

na Edward Kinabo



KATIBU Mkuu wa Chama cha Demokrasia na Maendeleo (CHADEMA), Dk.Willbrod Slaa, sasa ametamka rasmi kwamba nchi haitatawalika, kwani chama chake hakiko tayari kuona Watanzania wakiendelea kuwa katika hali ngumu ya maisha, huku Chama cha Mapinduzi (CCM) kikitekeleza mkakati wa siri wa kuwajaza matumaini hewa badala ya kutatua matatizo yao.
Dk. Slaa ameeleza kuunasa waraka wa siri wa CCM ambao ndani yake chama hicho kimekiri waziwazi kupoteza ladha kwa umma, huku mkakati pekee wa kujinusuru ukielezwa kuwa ni kubadili sura za viongozi wa chama hicho ili kuwajengea matumaini mapya Watanzania.
Kwa mujibu wa Dk.Slaa, waraka huo wenye mhuri mkubwa wa neno “siri” uliandaliwa na baadhi ya wataalam wa CCM waliofanya tathmini ya hali ya chama chao kisiasa na kuuwasilisha kwa viongozi wa juu wa chama hicho ambao tayari wameanza kuufanyia utekelezaji wa “kujivua gamba” kwa lengo la kuwapa matumaini hewa wananchi.
Dk. Slaa alifichua siri za waraka huo wakati akihutubia mkutano mkubwa wa hadhara katika viwanja wa shule ya sekondari Msakila mjini Sumbawanga ikiwa ni siku ya kwanza ya ziara ya chama hicho mkoani Rukwa, baada ya kuutikisa mkoa wa Mbeya kwa maandamano na mikutano ya hadhara kwa siku tatu mfululizo.
Alisema katika waraka huo CCM imekiri kuwa haikubaliki kwa Watanzania na kwamba iliporomoka sana katika uchaguzi mkuu wa mwaka jana, lakini badala ya kurejesha tunu za taifa kama uadilifu, upendo, amani, umoja na uwajibikaji wa kuleta maendeleo yatakayoirejeshea imani toka kwa wananchi, chama hicho kimeamua kubadili tu sura za viongozi wake wa kitaifa.
“CHADEMA tunafanya mambo kwa utafiti. CCM wana waraka wa siri uliowafanya wajivue gamba lakini wanaume tayari tumeshaunasa, tena una mhuri mkubwa wa neno siri lakini tayari tunao. Katika waraka wao CCM wamekiri wenyewe kwamba hawakubaliki tena kwa Watanzania walio wengi, wamekiri wenyewe kwamba wamepoteza ladha kwa wananchi. Wamekiri wenyewe katika waraka huo, kwamba hawakubaliki kwa sababu wameacha siasa ya ujamaa na kujitegemea.
“Na ni kweli wameacha siasa ya ujamaa na kujitegemea. Mabilioni ya Kikwete sio ujamaa na kujitegemea. Mabilioni ya mtoto wake, anayeitwa Ridhawani nayo ni ushahidi tosha kuwa wameacha ujamaa na kujitegemea kama walivyokiri wenyewe kwenye waraka wao.
“Tatizo lao ni kwamba badala ya kuacha ufisadi na kurejesha tunu za taifa kama uadilifu, upendo, amani, umoja na uwajibikaji…badala ya kupunguza kodi kwenye mafuta, sukari, saruji, na bidhaa nyingine, ili wajijengee uhalali kwa umma, wao katika waraka wao wameamua wabadili sura za viongozi kwa kujivua gamba. Hawataji popote kwenye waraka wao jinsi watakavyoboresha maisha yenu,” alisema Dk.Slaa na kuongeza.
“CHADEMA hatuko tayari kuona Watanzania wakiteseka huku CCM yenye serikali badala ya kuchukua hatua za dharura kuwanusuru, inapanga kuendelea kuwadanganya kwa kubadili viongozi kwa kujivua gamba. Arusha nilitoa hotuba moja wakasema Dk. Slaa mchochezi…sasa leo nawatuma usalama wa taifa nendeni mkawaambie CCM kwamba nchi haitatawalika. Wasipochukua hatua CHADEMA itachukua hatua…kama Watanzania hawajui wanakula nini, wanavaa nini, watoto wao wanasoma vipi, wanatibiwa vipi, basi nchi hii haitatawalika.”
Alisisitiza kuwa nchi haitatawalika kwani kila kukicha ufisadi unakithiri badala ya kupungua huku akibainisha kuwa hata ripoti ya mkaguzi na mdhibiti mkuu wa hesabu za serikali ya hivi karibuni imeonyesha katika wizara moja pekee, wizara ya fedha na uchumi, jumla ya sh bilioni 365 ziliibiwa wakati zingeweza kutumika kunusuru maisha ya Watanzania.
Mwenyekiti wa chama hicho akihutubia wakazi hao wa Sumbawanga, alisema kupitia maandamano na mikutano ya hadhara inayofanywa na chama hicho nchi nzima, CHADEMA imedhamiria kuamsha nguvu ya umma katika kuishinikiza serikali kupunguza kodi kwenye bidhaa na huduma muhimu ili bei zishuke na maisha ya wananchi yawe nafuu.
Alisema kupanda kwa gharama za maisha kumesababishwa na ufisadi na sera mbovu za serikali ya CCM, ambayo inawatoza kodi kubwa wananchi maskini kupitia bidhaa na huduma mbalimbali huku serikali hiyo hiyo ikiwasemehe kodi wawekezaji na wafanyabiashara wakubwa.
Katika hotuba yake hiyo iliyoonekana dhahiri kuwateka wakazi wa Sumbawanga, Mbowe alisema CHADEMA haipingi watu kulipa kodi, lakini haiko tayari kuona Watanzania maskini wakilipishwa kodi kubwa, huku serikali ikishindwa kuwapa maendeleo ya kiuchumi na kijamii.
Akifafanua zaidi historia ya kodi na athari zake kwa wananchi, kiongozi huyo wa kambi ya upinzani bungeni alisema baada ya serikali ya Rais Benjamin Mkapa kuondoa kodi ya maendeleo, ilileta kodi nyingine ya Ongezeko la Thamani (VAT), ambayo wananchi wote sasa wanatozwa kila wanaponunua bidhaa dukani na kulipia huduma mbalimbali kama usafiri.
“Nyerere alikuwa akikusanya kodi bilioni saba kwa mwezi, mzee Mwinyi aliondoka akiwa anakusanya kodi ya bilioni 27, akaja Mkapa yeye hadi anaondoka alikuwa anakusanya bilioni 300 na ushei. Baada ya hapo akaja Kikwete, yeye anakusanya bilioni 420 kwa mwezi. Anakusanya fedha nyingi kwa sababu kuna kodi ya VAT iliyoongezwa katika bei za bidhaa na huduma mnazolipia. Mnalipa kodi bila kujua, mnalipa kodi kwenye mafuta, kwenye soda, usafiri, sukari, sanda, pipi...kila kitu kodi kodi kodi,” alisema Mbowe na kuongeza.
“Kwa sababu ya kodi ya VAT, leo katika nchi hii kila mwananchi analipa kodi, mtoto, mjane, kijana, mwanafunzi wote wanalipa kodi …hadi maiti nazo zinalipiwa kodi mnaponunua sanda kwa ajili ya kuzikia. ...lakini kodi hizo zinaishia kustawisha maisha ya vigogo wa serikali, wananchi wa Sumbawanga na Watanzania wengine wanazidi kuwa maskini, mmefikia mahali hamuwezi hata kununua kilo moja ya sukari kwa ajili ya chai au kilo ya mafuta mnaanza kupimiwa kwenye vifuko vya shilingi mia moja...hali ya hatari hii, taifa lina msiba wa umaskini, wananchi wanalia kila mahali sasa, kila kona ya nchi,” alisema.
Akitoa mfano wa jinsi kodi inavyofanya bei za vitu kuwa juu, Mbowe alisema katika kila Sh elfu moja anayotumia Mtanzania kununua bidhaa sokoni au dukani au kulipia huduma, serikali humkata kodi ya wastani wa sh 500 hadi 600, kodi ambayo kama ikiondolewa gharama za maisha zitakuwa nafuu.
“Soda moja inapotoka kiwandani inapaswa kuuzwa kwa Sh 150 lakini kwa sababu ya kodi iliyowekwa na CCM kuanzia viwandani soda moja mnauziwa kwa sh 500 hadi 600. Kila mnaponunua mfuko mmoja wa cement mnakatwa kodi ya Sh 7,500 ambayo kama ikiondolewa au kupunguzwa bei ya saruji itakuwa nafuu na wengi mtaweza kujenga.
“Kila chupa moja ya bia unayonunua unakatwa kodi ya sh 800. Ndiyo maana Kikwete kwa mwezi anakusanya bilioni 420 kutoka kwenu, lakini maendeleo hakuna. CHADEMA tutakomaa na suala la gharama za maisha ndani na nje ya bunge mpaka Watanzania maisha yao yawe nafuu,” alisema Mbowe na kushangiliwa.
Katika mkutano huo pia Mbowe aliwahamasisha wakazi wa Sumbawanga kushiriki kikamilifu katika mchakato wa kupata Katiba mpya na kushinikiza katiba hiyo itokane na wananchi na sio itokane kwa utashi na maamuzi ya Rais Kikwete kama ilivyopendekezwa katika Muswada wa Sheria ya Mapitio ya Katiba. Naye Naibu Katibu Mkuu, Zitto Kabwe akiwahutubia wananchi hao alisema kwa nafasi yake kama Waziri Kivuli wa Fedha na Uchumi, ameagizwa na chama chake kuwasilisha bajeti mbadala katika bunge lijalo la bajeti ambayo pamoja na mambo mengine itashinikiza serikali kupunguza kodi kwenye mafuta ya petroli na dizeli kwa asilimia 50 ili yauzwe kwa angalau Shs 1665 kwa lita kutoka kwenye bei ya zaidi ya sh 2000 ya sasa. “Gharama za maisha ziko juu kwa sababu ya mfumuko wa bei za mafuta ambao unasababisha na kodi. Bei ya mafuta ikishuka hadi 1,665 gharama za usafiri na bei za sukari na vyakula nazo zitakuwa angalau. Tutawataka waondoe kodi kwenye mafuta halafu wapunguze misahamaha ya kodi wanayoitoa kwa wawekezaji na wafanyabiashara wakubwa … serikali inasemehe bilioni 635 za kodi zinazopaswa kulipwa na matajiri, sasa hizo zikafidie kwenye mafuta baada ya kupunguza kodi. Wakikataa watakiona cha moto, tutafanya maandamano ndani na nje ya bunge mpaka kieleweke,” alisema Zitto.

 

[Augustine Moshi]

Inatisha. Fedha kadiri ya shilingi bilioni 365 ziibiwe wizara moja pekee (Fedha na Uchumi). Wawekezaji wakubwa wasamehewe shilingi bilioni 635. CCM mtatuua jamani! Ondokeni tupate nafuu!

Makamanda wetu wa CDM kazeni buti. Tuko nanyi. Endeleeni kutosomesha na kutupigania.

 

[Eiyer]

Natamani kulia!!!!

 

[nndondo]

Hawa hawawezi kuondoka bila kuondolewa, sema jamani sasa hawa CCM hebu tuwaondoe mwaka huu maana 2015 mbali itatukuta wameshatuua

 

[BAK]

kwakua viongozi wa ccm hawapendi ukweli,..
kesho watasema Slaa anachochea vurugu
Dk. Slaa: Nchi haitatawalika

Ndio zao hizo wanapokosa nguvu ya hoja, lakini wanasahau kwamba Watanzania wa 2011 sio wale wa mwaka 47 kukubali maneno ya kipuuzi kutoka kwa wanaojiita viongozi wa chama cha magamba.

Gharama za maisha zinawaelemea Watanzania katika kila kona ya nchi kutokana na mfumuko mkubwa wa bei lakini hakuna hatua zozote zile zinazochukuliwa na Serikali hii sanii ili kupunguza kodi mbali mbali ambazo zimekuwa zikiongezeka kila kukicha, ili kuwasaidia Watanzania.

 

[KakaKiiza]

Chadema itaifikisha pabaya ccm mpaka tutakapoona mali zawananchi zimerudishwa kwa wananchi!!nguvu ya umma itwatafuna mafisadi.

 

[tindikalikali]

Kwa vile media zetu siku hizi zmeamua nazo kuvaa gamba na kukataa kurusha taharifa za CDM,nashauri kila mwanaCDM humu ndani atumie uwezo wake kuweza kuwainvite na kuwaintroduce member10wapya ili kupitia kwao tuweze kuinform mass ya watanzani,namaanisha tuwafanye watu waanze kujiunga na Jf ili na wao wapata kujua na kuelewa updates on what's happening!

nimefanya hivyo na naendelea kufanya hivyo, wengi wanakuja JF

 

[Makene]

Nikajua ni kweli kanasa document ya maana ya kuibia Nchi kumbe porojo tu,sasa anataka CCM wasiwe na mkakati wao? Hopeless Dr wit Phd

Kansa ya magamba imekuathiri hadi ubongo, una mtindio wa ubongo.

 

[Mkeshaji]

Wakuu Salaam,
Katibu Mkuu wa Chama cha Demokrasia na Maendeleo (CHADEMA) Dr. Wilbroad Peter Slaa amerudia kauli yake ya kuwa nchi hii haitatawalika.

Dr. Slaa aliyasema hayo katika mkutano wa hadhara wa chama hicho uliofanyika jana mjini Sumbawanga.

Akihutubia maelfu ya wananchi wa mji huo Dr. Slaa alisema nchi hii haitatawalika kama wananchi wataendelea kuishi katika umasikini uliokithiri huku viongozi walio madarakani wakijineemesha wao wenyewe kupitia rasilimali za taifa na kodi za wananchi ambazo zinatozwa kupitia kila bidhaa anayonunua mwananchi na hivyo kumwongezea mzigo wa gharama za maisha ambazo zinazidi kupanda siku hadi siku.
Dr. Slaa alisema kama serikali imeshindwa kuchukua hatua stahiki kuwapunguzia wananchi makali ya maisha, wao chadema watachukua hatua.
Akinukuliwa na Tanzania Daima Dr. Slaa alisema: "....Nilisema Arusha wakasema Dr. Slaa mchochezi, leo narudia kusema nchi hii haitatawalika kama wananchi wataendelea kuishi katika umaskini uliokithiri, na kama wao ccm wameshindwa kuchukua hatua basi chadema itachukua hatua..."

Habari zaidi:
Tanzania Daima tarehe 10.05.2011