#COVID19 Dalili Kuu Nne za Wimbi la Tatu la COVID-19

[JamiiTalks]

Madaktari Bingwa wa magonjwa ya mfumo wa upumuaji wamesema kirusi cha wimbi la tatu la ugonjwa wa Covid-19, kimekuja na mbinu tofauti na za kificho kutokana na dalili zake kuu nne.

Dalili hizo zimetajwa kuwa ni:

• Mate kukauka mdomoni,
• Kupata vipele mikononi na miguuni,
• Kuharisha na
• Damu kuganda kwenye mishipa ya moyo kunakosababisha oksijeni kutosambazwa mwilini na hivyo kusababisha kifo cha ghafla.

Katika maeneo ambayo wimbi la tatu limetokea kuna wagonjwa bado wanapata dalili za mwanzo, lakini kuna dalili mpya zimejitokeza tofauti na homa, kukohoa, kuchoka, kifua kubana au kupumua kwa shida, ingawa bado kuna wagonjwa wanapata dalili hizo.

 

[Kasomi]

Uoga utakuja kutuua
zaidi ya hiyo covid 19

 

[kissa anyigulile]

Daa! Kwa hiyo chanjo ziazoendelea ni kazi bure?

 

[KISIWAGA]

Kwahiyo kwa sasa hivi hatutakohoa na kubanwa mbavu bali itakuwa ni mwendo wa damu kuganda

 

[ostaaz]

Inatisha aisee

 

[Kinuju]

Magufuli aliwakomboa sana kifikra watanzania.
Katiba ,lockdown, barakoa uolewaji wa lema na lisu,chanjo zote ni porojo zilizopuuzwa na wananchi

 

[darcity]

Wametengeneza virus vya kompyuta na kuvi-update/kuvibadilisha badilisha,Sasa wamehamia kutengeneza virus vya binadamu na kuvibadilisha umbo ili wafanye biashara.

Alisikika mlevi mmoja akiropoka

 

[Designer_3434]

Mungu atutie nguvu, ni hatari sana

 

[brazaj]

Mabibi na mabwana ugonjwa huu siyo saizi yetu. Kuufanyia mzaha ni kujipalia makaa sawa na mtoto mdogo anayechezea wembe.

Alpha, Beta, Gamma, Epsilon, Delta lugha hizi si za vijiweni na humo ndimo mzaliwa wa Wuhan anamotembea.

Ayajulie wapi hayo babu wa Loliondo, Buza kwa Mpalange au mlingotini bwagamoyo?

=====

Madaktari bingwa wa magonjwa ya mfumo wa upumuaji wamesema kirusi cha wimbi la tatu la ugonjwa wa Covid-19, kimekuja na mbinu tofauti na za kificho kutokana na dalili zake kuu nne.

Dar es Salaam. Madaktari bingwa wa magonjwa ya mfumo wa upumuaji wamesema kirusi cha wimbi la tatu la ugonjwa wa Covid-19, kimekuja na mbinu tofauti na za kificho kutokana na dalili zake kuu nne.

Dalili hizo zimetajwa kuwa ni mate kukauka mdomoni, kupata vipele mikononi na miguuni, kuharisha na damu kuganda kwenye mishipa ya moyo kunakosababisha oksijeni kutosambazwa mwilini na hivyo kusababisha kifo cha ghafla.

Akizungumza na Mwananchi jana, Daktari bingwa wa magonjwa ya ndani ya mfumo wa upumuaji kutoka Hospitali ya Taifa Muhimbili (MNH) Elisha Osati, alisema kuna mabadiliko yanayoonekana katika dalili mbalimbali za Covid-19 ikilinganishwa na wimbi la kwanza na la pili.

Alisema katika maeneo ambayo wimbi la tatu limetokea kuna wagonjwa bado wanapata dalili za mwanzo, lakini kuna dalili mpya zimejitokeza tofauti na homa, kukohoa, kuchoka, kifua kubana au kupumua kwa shida, ingawa bado kuna wagonjwa wanapata dalili hizo.

“Kumekuwa na dalili za wagonjwa wapya, baadhi ya watu wanapata dalili ya kukauka kwa mdomo, unakuwa mkavu sana pamoja na ulimi kwa sababu hata mate yanakuwa hayatoki vizuri kwa sababu kirusi cha corona kimeonekana kinashambulia baadhi ya tishu na misuli inayozalisha mate iliyopo mdomoni,” alisema.

Chanzo: Mwananchi

=====

My take:

Kuukubali uzito wa ngoma ndiyo mwanzo wa kujua namna ya kuicheza.

 

[Daudi Mchambuzi]

Asante kwa taarifa mkuu.

 

[Phoenix]

Kukauka mate mdomoni,kukauka sana mate midokoi,kuota vipere mikononi na miguuni na damu kuganda kutakaposababisha kifo cha ghafla.

 

[Zozotoli]

Kukauka mate mdomoni,kukauka sana mate midokoi,kuota vipere mikononi na miguuni na damu kuganda kutakaposababisha kifo cha ghafla.

Ni upuuzi mtupu akuna corona duniani Bali wanawapa watu hofu ili wachukuwe chanjo zao

 

[brazaj]

habari ndani ya habari.

uzi hauna maisha marefu huu.

Ukarabati zaidi umefanyika mkuu ili vigezo na masharti kuzingatiwa.

 

[kidunula1]

Mhuu!

 

[PureView zeiss]

Huu mzigo ni ngumu Sana kukabiliana nao

 

[Daudi Mchambuzi]

Ukarabati zaidi umefanyika mkuu ili vigezo na masharti kuzingatiwa.

haha basi ngoja na mimi nikarabati post yangu

 

[brazaj]

Ni upuuzi mtupu akuna corona duniani Bali wanawapa watu hofu ili wachukuwe chanjo zao

"Ayajulie wapi hayo babu wa Loliondo, Buza kwa Mpalange au mlingotini bwagamoyo?"

Si sawa na kumweleza kuna sayari yaitwa Neptune?

 

[kidunula1]

Hivi sahizi kule ulaya corona imeisha ama ndio wamechanja wote? Mana kwenye mashindano ya EURO watu wanajazana na hawavai barakoa na magoli yanafungwa wanashangilia kwa kukumbatiana na kupigana mabusu!

 

[brazaj]

haha basi ngoja na mimi nikarabati post yangu

"Sisi tu wamoja!" -- alisikika akisisitiza jambo kabla ya kwenda zake.

 

[macho_mdiliko]

Uoga utakuja kutuua
zaidi ya hiyo covid 19

Unapoambiwa kuna malaria kwa nini hufi kwa woga wakati malaria inaua watu wengi zaidi? Unapoambiwa kuna ukimwi na kutajiwa dalili zake kwa nini hufi kwa woga. Unapoambiwa kuna magonjwa ya moyo, kisukari au kipindupindu kwa nini hufi kwa woga?