meningitis
JF-Expert Member
- Nov 17, 2010
- 8,349
- 4,674
Na Ansbert Ngurumo
NDANI ya miaka saba tu, Rais Jakaya Kikwete ambaye pia ni Mwenyekiti wa Chama Cha Mapinduzi (CCM), ameteua makatibu wakuu watatu - Yusuf Makamba, Wilson Mukama, na Abdulrahman Kinana. Mtangulizi wake, Rais mstaafu Benjamin Mkapa, kwa miaka yote aliyokaa madarakani (10), alifanya kazi na Katibu Mkuu mmoja, Philip Mangula.
Si hilo tu. Hata serikalini, ndani ya miaka minne, Rais Kikwete ameteua mawaziri wakuu wawili - Edward Lowassa na Mizengo Pinda. Mtangulizi wake, Rais Mkapa, alifanya kazi na Waziri Mkuu mmoja tu, Frederick Sumaye - kwa miaka 10. Maana yake nini? Baadhi yetu tunaona kwamba Rais Kikwete bado anafanya ‘mazoezi' ya kuunda serikali.
Ni zaidi ya hapo. Hata kwa kutazama tu utendaji wa viongozi anaowateua serikalini na katika chama, ni dhahiri kwamba miongoni mwa vielelezo vya udhaifu wa Rais Kikwete ni uteuzi wa wasaidizi wake. Na wakati mwingine baadhi yetu tunadhani kwamba inawezekana Rais Kikwete anateua viongozi dhaifu kwa kuogopa ‘kufunikwa' na viongozi mahiri. Tunakumbuka, kwa mfano, jinsi mzozo wa kimadaraka kati yake na swaiba wake wa zamani, Edward Lowassa, ulianza kufukuta chini chini baada ya yeye na ‘watu wake' kugundua kwamba Lowassa alikuwa ‘anamfunika' bosi wake katika utendaji wa masuala mazito.
Lakini hilo lilikuwa tatizo la bosi, kwa kuwa utendaji mzuri wa mdogo wake ulikuwa unajenga sifa ya serikali nzima, hasa mkuu wa serikali mwenyewe. Na katika mazingira ya utendaji yasiyomtegemea mtu mmoja pekee, kiongozi mkuu anayejizungushia watendaji na wasaidizi dhaifu anakuwa anapalilia na kustawisha udhaifu wake mwenyewe. Kwa kutazama na kulinganisha utendaji wa Mkapa na Kikwete, hasa katika suala la uteuzi ndani ya chama na serikali, Watanzania wanajua nani mahiri, na nani dhaifu, kati ya viongozi hawa wawili.
Kwa maana hiyo, ‘ulegelege' wa Serikali katika masuala mazito na unyonge wa sasa wa CCM, ni matokeo ya uteuzi na usimamizi mbovu. Na hili limedhihirishwa na ukweli kwamba katika fursa zote alizopata za kuunda serikali upya, au kukipanga chama upya, Rais Kikwete hawezi kujisifu kwamba amezitumia vizuri. Kwa upande wa chama, tunapotazama hili la uchaguzi ndani ya chama uliomalizika - ambao kwa mara ya kwanza umeingiza mke wa rais na mtoto wake katika baadhi ya vikao vikubwa vya maamuzi - tunaona dhamira ya rais na familia yake kujaribu ‘kuteka' chama chao kwa masilahi wanayojua wao.
Lakini hitimisho la uchaguzi wao, na jinsi rais alivyounda upya sekretarieti ya CCM, umekuwa ushahidi mwingine wa kushindwa kwake kukibadilisha chama kuelekea matamanio yao ya kung'ang'ania madaraka. Katika sekretarieti hii ya Kinana, Zakia Meghji, Nape Nnauye, Mohamed Seif Khatib, Asha-Rose Migiro, Mwigulu Nchemba, na Vuai Vuai; CCM itakuwa inajipa sifa za kijinga kuamini inapiga hatua kubwa kwenda mbele.
Na kwa jinsi historia ya utawala wa Rais Kikwete ilivyo hadi sasa, baadhi yetu hatuamini kama hii ndiyo sekretarieti yake ya mwisho kabla hajaondoka madarakani. Hata Philip Mangula katika nafasi ya makamu mwenyekiti, hatarajiwi kuleta jipya katika CCM ya sasa iliyomong'onyoka, na inayoathiriwa na magonjwa sugu niliyotaja kwenye uchambuzi wangu wiki kama tatu zilizopita. Kama ambavyo JK alimwingiza Pius Msekwa ili kujipatanisha naye baada ya kumfanyia faulo za kumnyang'anya uspika mwaka 2005, ndiyo alivyomwingiza Mangula sasa kama njia ya kupoza machungu aliyomsababishia tangu wakati wa mchakato wa kugombea urais mwaka 2005.
Na kama ambavyo uteuzi wa Msekwa kuwa makamu mwenyekiti uliirudisha CCM nyuma miaka 35, ndivyo uteuzi wa Mangula, Kinana, Meghji, Khatib na wengine utakavyopunguza au kuondoa kasi ya chama hicho kukua. Hata wanaosifu historia binafsi za wateule wapya wa rais, kama ninavyoona baadhi yao wakimsifia Kinana, ingekuwa vema wakajikumbusha mbwembwe zilizomwingiza Wilson Mukama katika nafasi hiyo. Ameacha urithi gani? Sasa hivi, ingawa ndio wameteuliwa, tunapaswa kuanza kujiuliza, "nani anakuja baada ya Kinana?"
Na licha ya utendaji wa Mangula huko nyuma, nafasi aliyopewa sasa haimfanyi kuwa mtendaji. Na katika mazingira ambamo bosi wake ni Kikwete, tusitarajie lolote la maana kutoka kwake. Zaidi ya hayo, Kama CCM imekosa mbadala wa Mangula, Kinana, Meghji na Seif Khatib katika zama na changamoto tulizomo, ni ushahidi mwingine kwamba chama hicho kinaelekea makaburini.
Na Watanzania watamshukuru Rais Kikwete kwa kuwasaidia kuharakisha kifo cha chama alichodhamiria kukiua mwaka 2005 kama kisingemteua kuwa mgombea urais. Na kwanini kisife?
NDANI ya miaka saba tu, Rais Jakaya Kikwete ambaye pia ni Mwenyekiti wa Chama Cha Mapinduzi (CCM), ameteua makatibu wakuu watatu - Yusuf Makamba, Wilson Mukama, na Abdulrahman Kinana. Mtangulizi wake, Rais mstaafu Benjamin Mkapa, kwa miaka yote aliyokaa madarakani (10), alifanya kazi na Katibu Mkuu mmoja, Philip Mangula.
Si hilo tu. Hata serikalini, ndani ya miaka minne, Rais Kikwete ameteua mawaziri wakuu wawili - Edward Lowassa na Mizengo Pinda. Mtangulizi wake, Rais Mkapa, alifanya kazi na Waziri Mkuu mmoja tu, Frederick Sumaye - kwa miaka 10. Maana yake nini? Baadhi yetu tunaona kwamba Rais Kikwete bado anafanya ‘mazoezi' ya kuunda serikali.
Ni zaidi ya hapo. Hata kwa kutazama tu utendaji wa viongozi anaowateua serikalini na katika chama, ni dhahiri kwamba miongoni mwa vielelezo vya udhaifu wa Rais Kikwete ni uteuzi wa wasaidizi wake. Na wakati mwingine baadhi yetu tunadhani kwamba inawezekana Rais Kikwete anateua viongozi dhaifu kwa kuogopa ‘kufunikwa' na viongozi mahiri. Tunakumbuka, kwa mfano, jinsi mzozo wa kimadaraka kati yake na swaiba wake wa zamani, Edward Lowassa, ulianza kufukuta chini chini baada ya yeye na ‘watu wake' kugundua kwamba Lowassa alikuwa ‘anamfunika' bosi wake katika utendaji wa masuala mazito.
Lakini hilo lilikuwa tatizo la bosi, kwa kuwa utendaji mzuri wa mdogo wake ulikuwa unajenga sifa ya serikali nzima, hasa mkuu wa serikali mwenyewe. Na katika mazingira ya utendaji yasiyomtegemea mtu mmoja pekee, kiongozi mkuu anayejizungushia watendaji na wasaidizi dhaifu anakuwa anapalilia na kustawisha udhaifu wake mwenyewe. Kwa kutazama na kulinganisha utendaji wa Mkapa na Kikwete, hasa katika suala la uteuzi ndani ya chama na serikali, Watanzania wanajua nani mahiri, na nani dhaifu, kati ya viongozi hawa wawili.
Kwa maana hiyo, ‘ulegelege' wa Serikali katika masuala mazito na unyonge wa sasa wa CCM, ni matokeo ya uteuzi na usimamizi mbovu. Na hili limedhihirishwa na ukweli kwamba katika fursa zote alizopata za kuunda serikali upya, au kukipanga chama upya, Rais Kikwete hawezi kujisifu kwamba amezitumia vizuri. Kwa upande wa chama, tunapotazama hili la uchaguzi ndani ya chama uliomalizika - ambao kwa mara ya kwanza umeingiza mke wa rais na mtoto wake katika baadhi ya vikao vikubwa vya maamuzi - tunaona dhamira ya rais na familia yake kujaribu ‘kuteka' chama chao kwa masilahi wanayojua wao.
Lakini hitimisho la uchaguzi wao, na jinsi rais alivyounda upya sekretarieti ya CCM, umekuwa ushahidi mwingine wa kushindwa kwake kukibadilisha chama kuelekea matamanio yao ya kung'ang'ania madaraka. Katika sekretarieti hii ya Kinana, Zakia Meghji, Nape Nnauye, Mohamed Seif Khatib, Asha-Rose Migiro, Mwigulu Nchemba, na Vuai Vuai; CCM itakuwa inajipa sifa za kijinga kuamini inapiga hatua kubwa kwenda mbele.
Na kwa jinsi historia ya utawala wa Rais Kikwete ilivyo hadi sasa, baadhi yetu hatuamini kama hii ndiyo sekretarieti yake ya mwisho kabla hajaondoka madarakani. Hata Philip Mangula katika nafasi ya makamu mwenyekiti, hatarajiwi kuleta jipya katika CCM ya sasa iliyomong'onyoka, na inayoathiriwa na magonjwa sugu niliyotaja kwenye uchambuzi wangu wiki kama tatu zilizopita. Kama ambavyo JK alimwingiza Pius Msekwa ili kujipatanisha naye baada ya kumfanyia faulo za kumnyang'anya uspika mwaka 2005, ndiyo alivyomwingiza Mangula sasa kama njia ya kupoza machungu aliyomsababishia tangu wakati wa mchakato wa kugombea urais mwaka 2005.
Na kama ambavyo uteuzi wa Msekwa kuwa makamu mwenyekiti uliirudisha CCM nyuma miaka 35, ndivyo uteuzi wa Mangula, Kinana, Meghji, Khatib na wengine utakavyopunguza au kuondoa kasi ya chama hicho kukua. Hata wanaosifu historia binafsi za wateule wapya wa rais, kama ninavyoona baadhi yao wakimsifia Kinana, ingekuwa vema wakajikumbusha mbwembwe zilizomwingiza Wilson Mukama katika nafasi hiyo. Ameacha urithi gani? Sasa hivi, ingawa ndio wameteuliwa, tunapaswa kuanza kujiuliza, "nani anakuja baada ya Kinana?"
Na licha ya utendaji wa Mangula huko nyuma, nafasi aliyopewa sasa haimfanyi kuwa mtendaji. Na katika mazingira ambamo bosi wake ni Kikwete, tusitarajie lolote la maana kutoka kwake. Zaidi ya hayo, Kama CCM imekosa mbadala wa Mangula, Kinana, Meghji na Seif Khatib katika zama na changamoto tulizomo, ni ushahidi mwingine kwamba chama hicho kinaelekea makaburini.
Na Watanzania watamshukuru Rais Kikwete kwa kuwasaidia kuharakisha kifo cha chama alichodhamiria kukiua mwaka 2005 kama kisingemteua kuwa mgombea urais. Na kwanini kisife?
