CCM Dodoma: Hakuna haja ya Katiba Mpya Tanzania kwa sasa, Katiba ya Mwaka 1977 bado inafaa

[Idugunde]

Mwenyekiti wa CCM mkoa wa Dodoma, Godwin Mkanwa​

HALMASHAURI Kuu ya Chama Cha Mapinduzi (CCM) Mkoa wa Dodoma, imesema hakuna haja ya kuwa na Katiba Mpya kwa sasa kwa kuwa Katiba ya Jamhuri ya Muungano wa Tanzania ya Mwaka 1977 bado inafaa.

Kimesema katiba hiyo imewezesha kufanyika kwa mabadiliko ya uongozi wa juu serikali, Rais Samia Suluhu Hassan, akishika madaraka bila kuwapo na mgogoro wowote baada ya kutokea kwa kifo cha Rais John Magufuli.

Akizungumza jana na waandishi wa habari mara baada ya kufanyika kikao cha halmashauri kuu hiyo, Mwenyekiti wa CCM mkoani humo, Godwin Mkanwa, alisema:

"Halmashauri Kuu ya CCM Mkoa wa Dodoma tunaona Katiba hii ya toleo la 1977 bado inafaa sana na hakuna ulazima wa kuichokonoa, hakuna ulazima wa kutafuta Katiba Mpya wakati hii imetupitisha salama."

Mkanwa alisema katika Katiba Pendekezwa, kuna kifungu kinasema kuwa endapo Rais akifariki dunia akiwa madarakani, lazima zipite siku 90 na baada ya hapo uitishwe uchaguzi wa kujaza nafasi hiyo.

"Halmashauri Kuu inaona kama Katiba Pendekezwa ingekuwa ndiyo Katiba inayotumika sasa, isingetutoa salama,” alisema.

Zikiwa zimebaki siku nne kabla ya kufanyika Mkutano Mkuu wa CCM wa kumpitisha Rais Samia kuwa Mwenyekiti wa chama hicho, halmashauri kuu hiyo ya Dodoma imewaomba wajumbe wa kumpitisha kwa asilimia 100 kutokana na uwezo alionao.

Mkutano huo maalum unatarajiwa kufanyika Aprili 30 mwaka huu jijini Dodoma.

Mkanwa aliwaomba wajumbe kumchagua kwa kishindo ili kumpa nguvu ya kutekeleza majukumu yake.

"Kama ambavyo tumemsikia kwa siku hizi 37 tangu awe Rais wetu, ameonyesha mwelekeo ambao kila mtanzania amekubali, tumchague kwa asilimia 100 ili sasa tumpe nguvu ya kutekeleza majukumu yake ipasavyo," alisema.

Vilevile, alisema halmashauri kuu hiyo imetoa azimio la kumpongeza Rais Samia na kumpa pole ya kuondokewa na aliyekuwa Rais wa Tanzania, Hayati Dk. Magufuli.

Chanzo: Gazeti la Nipashe

 

[dudus]

Walevi wa madaraka hao!

 

[johnthebaptist]

Kwa sababu mko madarakani!

 

[Shark]

View attachment 1764618

Hawa maccm sio ya kuyaamini Sana ni juzi yalikua yanamsifia mwendazake lkn leo utazan Hayati alikua mwenyewe. Ipo siku mizee hii hii itapiga makofi na kuruka ruka juu ya meza pale watakaposema Katiba mpya ni muhimu.

 

[kelao]

Haijitambui

 

[Shark]

Kwa sababu mko madarakani!

Mkuu Kwan wewe upo upande wetu toka lini

 

[Idugunde]

Kwa sababu mko madarakani!

Wako madarakani? Kwani wakishindwa kutekeleza si wanaondolewa?

 

[Mkaruka]

Kwa sababu mko madarakani!

Hiyo katiba mwanasiasa yeyote aliyeko madarakani anaipenda.

 

[denooJ]

Waambiwe Katiba Mpya sio mali ya CCM, ni hitaji muhimu la watanzania.

Kwa huu upuuzi haiwezekani Rais wa nchi ambaye ni mwenyekiti wa hicho chama akaja na mawazo tofauti, hapa inahitajika njia mbadala ya kuitafuta hiyo katiba.

 

[inchaji]

hiko chama cha manyani ulitegemea waseme kitu tofauti na hiko?

 

[Nyendeke]

Hoja mojawapo ya Vyama vya Upinzani iliyotakiwa kujadiliwa Ikulu ishajibiwa na Kamati Kuu,
Ngoja tuzidi kuvuta subira kwakuwa siku zote inavuta kheri!!!

 

[johnthebaptist]

Mkuu Kwan wewe upo upande wetu toka lini

Hapa tunazungumzia katiba ya nchi siyo ya chama bwashee!

 

[johnthebaptist]

Wako madarakani? Kwani wakishindwa kutekeleza si wanaondolewa?

Huwezi kuwaondoa kwa katiba hiyo!

 

[Sky Eclat]

Membe pia aliona mapungufu ya katiba alipokuwa mgombea Urais nje ya CCM.

 

[Shark]

Hapa tunazungumzia katiba ya nchi siyo ya chama bwashee!

Havijawai Tengana mkuu ukiwa CCM ni Kama akili umeshikiwa unatakiwa uunge mkono ata Kama watasema kunyea Barabarani ndo ukada baaasi mtasifia tu

 

[Mekasi021]

Ni heri Wangekua wanaifuata ,
Pamoja na Kua vipengele Baadhi kwenye katiba Vinafa na vinasimamia haki,Serikali ingezingatia Utawala Washeria Leo tungekua Mbali

Hawa wazee Wamesha Vunja katiba kwa Muda Mrefu na Wanaogopa kuwajibishwa na Katiba Mpya 🚮

 

[Hamatan]

View attachment 1764618

Kuna watu ndani ya CCM, nadhani wana uwendawazimu. Wananchi walishatamka, kufuatia rasimu ya Jaji Warioba, kuwa wanataka katiba mpya. Sasa hao Halmashauri ya CCM Mkoa wa Dodoma, ni wendawazimu wasuojua kuwa mamlaka iliyo kuu kuliko wote ni wananchi?

Kweli ndani ya CCM kuna wajinga wengi!

Wananchi walikwishatamka wanataka katiba mpya, kinachosubiriwa ni utaratibu wa kumalizia mchakato wa katiba, siyo kujadili kama kunahitajika katiba mpya au hapana.

 

[Hamatan]

Hiyo katiba mwanasiasa yeyote aliyeko madarakani anaipenda.

Siyo kila mwanasiasa aliyepo madarakani, bali mwanasiasa aliyepo madarakani,asiye na akili wala hekima.

 

[Daudi Mchambuzi]

Mataga yanataga tu

 

[JABALI LA KARNE]

Wanaotaka katiba mpya waitafute kwa nguvu. CCM haiwezi badili katiba ili wawasaidie upinzani kuingia madarakani au wawarahisishie kumtikisa raisi. Piganeni.