Bunge lajadili mabadiliko ya sheria kujusu dhamana ya kesi za uhujumu uchumi

[Miss Zomboko]

Naibu Waziri wa Mambo ya Ndani ya Nchi, Mhandisi Hamad Masauni, amesema kwa kuwa kesi za uhujumu uchumi hazina dhamana ipo haja sasa kwa wabunge na Bunge kutunga sheria ya marekebisho na kubadilisha pale ambapo itaona panafaa.

Hayo ameyabainisha leo Januari 30, 2020, Jijini Dodoma, kwenye Mkutano wa 18, Bunge la 11, Kikao cha Tatu, wakati akijibu swali la Mbunge wa Viti Maalumu, Sabrina Sungura, lililohoji sababu ya vijana wengi wakiwemo kina Tito Magoti kukutwa na kesi za uhujumu uchumi, na kukaa mahabusu muda mrefu, je Bunge halioni kama ni muda muafaka sasa kufanya mabadiliko ya sheria ya uhujumu uchumi ili kuwapa nafasi Majaji na Mahakimu ambao wamekuwa wakiendesha kesi hizi ili waweze kutoa dhamana.

"Kuhusu suala la mabadiliko ya sheria ya uhujumu uchumi, nadhani ni Mamlaka ya Bunge hili kutunga sheria na kubadilisha pale ambapo inaona panafaa, na kama kuna utaratibu mwingine wa kuleta hoja binafsi ili sheria hii ya uhujumu uchumi, iweze kubadilishwa" amejibu Mhandisi Masauni.

 

[mliberali]

miss zomboko, Sheria ya kukomoa wasiowapenda

 

[mitigator]

Hawa akina lugola na wenzake ni vipofu wanachoangalia ni chini ya miguu yao kwamba mamlaka ya umma yana ukomo

 

[Mikopo Chefuchefu]

Ha haa! Wakibadilisha hiyo DPP atakuja na counts nyingine zisizo na dhamana na atawashtaki watuhumiwa kwa makosa yasiyo na dhamana.

 

[mkulima gwakikolo]

Tanzania nchi yangu...credibility ya Parliament imehodhiwa...wabunge wanawakilisha interest zao...walitunga sheria ya uhujumu uchumi ili waliowachagua waumie!!kupga kura kunahitaji tafakur kubwaa..mana unapga kura ili fulani ale halafu wewe uliwe !!inauma sana!!

Sent using Jamii Forums mobile app

 

[Idimi]

Wanajua Kangi anaingia jela siku sio nyingi, wanataka wabadili sheria apate dhamana aendelee kula posho za bunge

Ha haa! Wakibadilisha hiyo DPP atakuja na counts nyingine zisizo na dhamana na atawashtaki watuhumiwa kwa makosa yasiyo na dhamana.

Sent using Jamii Forums mobile app

 

[GenuineMan]

Mbona kwenye habari yako sijaona bunge likijadili "mabadiliko ya sheria kihusu dhamana ya kesi za uhujumu uchumi". Zaidi ya waziri kujibu swali?, .


Sent using simu mbovu

 

[Getstart]

Taabu ni kuwa hata kwa majaji hawafiki. Wanasota kule kwa mahakimu wa mahakama za wilaya na mkoa...au hata za mwanzo wakitaka washitaki!

 

[chase amante]

Bora wameliona hili

Sent using Jamii Forums mobile app

 

[Chakaza]

Kule Iringa kuna mwalimu kampa mimba mwanafunzi kafunguliwa mashtaka ya kutakatisha pesa na uhujumu uchumi.
Hiyo ndiyo awamu ya tano

Sent using Jamii Forums mobile app