BoT: Zanzibar yaanzisha Hati Fungani Isiyokuwa na Riba, inayofuata misingi ya dini ya Kiislamu

[Influenza]

Zanzibar Yaanzisha Hati Fungani Isiyokuwa na Riba Serikali ya Mapinduzi ya Zanzibar imefungua dirisha la uwekezaji katika hati fungani inayofuata misingi ya dini ya Kiislamu, Zanzibar Sukuk, ambayo inalenga kusaidia utekelezaji wa miradi mbalimbali ya maendeleo visiwani humo.

Akizungumza baada ya kikao na Waziri wa Nchi, Ofisi ya Rais, Fedha na Mipango Zanzibar, Dk. Saada Mkuya, kilichofanyika katika ofisi za Benki Kuu ya Tanzania jijini Dar es Salaam, Gavana wa Benki Kuu, Bw.Emmanuel Tutuba, alieleza kuwa kuanzishwa kwa hati fungani ya Sukuk ni matokeo ya utafiti uliofanyika mwaka 2023.

Utafiti huo ulihusisha makundi yaliyo nje ya mfumo rasmi wa kifedha na kubaini kuwa baadhi ya watu, kutokana na imani zao za kidini, walikuwa wakishindwa kushiriki kwenye uwekezaji unaotoa riba.

"Kufuatia utafiti huu, tulifanya marekebisho kwenye Sheria ya Benki Kuu, Sheria ya Benki na Taasisi za Fedha, pamoja na Sheria ya Huduma Ndogo za Fedha ili kuwezesha utekelezaji wa masoko haya ya fedha kwa kuzingatia misingi ya Kiislamu," alisema.

Aliongeza kuwa fursa hii ya uwekezaji inaruhusu wananchi wa ndani na nje ya nchi kushiriki kikamilifu, hivyo kuchochea matumizi ya huduma rasmi za kifedha. "Ni uwekezaji halali kisheria unaowapa wananchi wote fursa ya kushiriki kulingana na imani zao, hivyo kusaidia miradi ya maendeleo ya serikali, kukuza, na pia kuwanufaisha wawekezaji," alieleza.

Kwa upande wake, Waziri wa Nchi, Ofisi ya Rais, Fedha na Mipango Zanzibar, Dk. Saada Mkuya, alisema kuwa katika mwaka wa fedha 2024/2025, Serikali ya Mapinduzi ya Zanzibar imepanga kupata fedha kupitia hati fungani ya Sukuk kwa ajili ya kutekeleza miradi muhimu ya maendeleo.

"Miradi itakayotekelezwa ni pamoja na ujenzi wa hospitali ya matibabu ya saratani ya Binguni, ujenzi wa kilomita 40 za barabara visiwani Unguja na Pemba, maboresho ya miundombinu ya umeme, na ujenzi wa bandari jumuishi ya Mangapwani," alisema Dk. Mkuya.

Alifafanua kuwa mwitikio kutoka kwa wananchi wa dini zote pamoja na taasisi mbalimbali umekuwa mkubwa, huku serikali ikilenga kukusanya shilingi trilioni 1.115. Katika awamu ya kwanza, lengo ni kukusanya shilingi bilioni 600.

Dirisha la uwekezaji katika hati fungani hiyo, ambayo kiwango cha chini cha uwekezaji ni shilingi milioni moja, lilifunguliwa tarehe 6 Machi 2025 na linatarajiwa kufungwa tarehe 11 Aprili 2025.

 

[oladipo]

Watu wa bara ruksa kuja kuwekeza? Au ni kwa ajili ya wazanzibar pekee?

 

[Error 404]

Matajiri wa kiislamu haya Mambo ya riba na dini wala hayawapi shida , maskini sasa ...

 

[Lupweko]

Watu wa bara ruksa kuja kuwekeza? Au ni kwa ajili ya wazanzibar pekee?

Karibuni, ila sharti uwe mwenzetu

 

[Malaria 2]

Zanzibar Yaanzisha Hati Fungani Isiyokuwa na Riba Serikali ya Mapinduzi ya Zanzibar imefungua dirisha la uwekezaji katika hati fungani inayofuata misingi ya dini ya Kiislamu, Zanzibar Sukuk, ambayo inalenga kusaidia utekelezaji wa miradi mbalimbali ya maendeleo visiwani humo.

View attachment 3276953

Akizungumza baada ya kikao na Waziri wa Nchi, Ofisi ya Rais, Fedha na Mipango Zanzibar, Dk. Saada Mkuya, kilichofanyika katika ofisi za Benki Kuu ya Tanzania jijini Dar es Salaam, Gavana wa Benki Kuu, Bw.Emmanuel Tutuba, alieleza kuwa kuanzishwa kwa hati fungani ya Sukuk ni matokeo ya utafiti uliofanyika mwaka 2023.

Utafiti huo ulihusisha makundi yaliyo nje ya mfumo rasmi wa kifedha na kubaini kuwa baadhi ya watu, kutokana na imani zao za kidini, walikuwa wakishindwa kushiriki kwenye uwekezaji unaotoa riba.

"Kufuatia utafiti huu, tulifanya marekebisho kwenye Sheria ya Benki Kuu, Sheria ya Benki na Taasisi za Fedha, pamoja na Sheria ya Huduma Ndogo za Fedha ili kuwezesha utekelezaji wa masoko haya ya fedha kwa kuzingatia misingi ya Kiislamu," alisema.

Aliongeza kuwa fursa hii ya uwekezaji inaruhusu wananchi wa ndani na nje ya nchi kushiriki kikamilifu, hivyo kuchochea matumizi ya huduma rasmi za kifedha. "Ni uwekezaji halali kisheria unaowapa wananchi wote fursa ya kushiriki kulingana na imani zao, hivyo kusaidia miradi ya maendeleo ya serikali, kukuza, na pia kuwanufaisha wawekezaji," alieleza.

Kwa upande wake, Waziri wa Nchi, Ofisi ya Rais, Fedha na Mipango Zanzibar, Dk. Saada Mkuya, alisema kuwa katika mwaka wa fedha 2024/2025, Serikali ya Mapinduzi ya Zanzibar imepanga kupata fedha kupitia hati fungani ya Sukuk kwa ajili ya kutekeleza miradi muhimu ya maendeleo.

"Miradi itakayotekelezwa ni pamoja na ujenzi wa hospitali ya matibabu ya saratani ya Binguni, ujenzi wa kilomita 40 za barabara visiwani Unguja na Pemba, maboresho ya miundombinu ya umeme, na ujenzi wa bandari jumuishi ya Mangapwani," alisema Dk. Mkuya.

Alifafanua kuwa mwitikio kutoka kwa wananchi wa dini zote pamoja na taasisi mbalimbali umekuwa mkubwa, huku serikali ikilenga kukusanya shilingi trilioni 1.115. Katika awamu ya kwanza, lengo ni kukusanya shilingi bilioni 600.

Dirisha la uwekezaji katika hati fungani hiyo, ambayo kiwango cha chini cha uwekezaji ni shilingi milioni moja, lilifunguliwa tarehe 6 Machi 2025 na linatarajiwa kufungwa tarehe 11 Aprili 2025.

Riba ina madhara makubwa kwa jamii, uchumi, na maendeleo ya kijamii. Madhara haya yanaweza kugawanywa katika vipengele vya kiuchumi, kijamii, na kimaadili.

1. Hasara za Riba kwa Uchumi

a) Inazalisha Ukosefu wa Usawa wa Kiuchumi

Mfumo wa riba hufanya matajiri kuwa matajiri zaidi kwa kukopesha pesa kwa masikini kwa viwango vikubwa vya faida, huku masikini wakizidi kuwa maskini kwa sababu ya madeni yasiyolipika.

Hili husababisha mgawanyo mbaya wa rasilimali na ongezeko la tabaka la matajiri wachache wanaotawala uchumi.


b) Inasababisha Mdororo wa Kiuchumi

Wakati watu wengi wanakopa kwa viwango vikubwa vya riba, wanapata mzigo wa kulipa madeni, na hii hupunguza matumizi yao ya kawaida, hivyo kusababisha mdororo wa kiuchumi.

Mifumo ya kifedha inayotegemea riba mara nyingi huanguka, kama ilivyotokea kwenye mdororo wa kifedha wa 2008, ambapo mabenki yalitoa mikopo mingi kwa riba kubwa, na hatimaye, uchumi wa dunia ukaathirika.


c) Huchochea Mfumuko wa Bei (Inflation)

Benki zinapotoa mikopo kwa riba kubwa, gharama za uzalishaji wa bidhaa na huduma huongezeka, na hivyo kusababisha kupanda kwa bei.

Hii inafanya maisha kuwa magumu kwa watu wa kipato cha chini na kati.


d) Hupunguza Uwekezaji Halali na Uzalishaji

Watu na makampuni wanapoweza kupata faida kwa kukopesha pesa badala ya kuwekeza katika biashara halali na uzalishaji wa bidhaa na huduma, huathiri ukuaji wa uchumi.

Badala ya kuwekeza katika viwanda, kilimo, na biashara, watu huwekeza katika mikopo ya riba, jambo linalodumaza maendeleo ya muda mrefu.

 

[Malaria 2]

Matajiri wa kiislamu haya Mambo ya riba na dini wala hayawapi shida , maskini sasa ...

Itakuwa haujui uislam wake vizuri , riba ni haramu sana kwa muislam

 

[Malaria 2]

Karibuni, ila sharti uwe mwenzetu

Hata ukiwa mkiristo. Wakiristo kibao wamefungua account ktk islamic bank

 

[Malaria 2]

Inawezekana kuendesha biashara bila ya riba kwa kutumia mbinu na mifumo mbadala inayofuata misingi ya uadilifu na haki. Katika Uislamu, biashara halali hufanyika kwa njia zinazohakikisha faida bila ya kutumia riba (ribaa). Kwa mfano tuangalie hapa

1. Biashara ya Uuzaji wa Bidhaa (Trade-Based Business)

Mfanyabiashara anaweza kuuza bidhaa kwa faida bila kujihusisha na riba.

Badala ya kutoa mkopo wa riba, anaweza kutumia mfumo wa "Murabaha", ambapo bidhaa huuzwa kwa bei inayojumuisha faida inayojulikana mapema.

Mfano: Badala ya kumpa mteja mkopo wa riba ili anunue gari, mfanyabiashara anaweza kununua gari na kumuuza kwa malipo ya awamu kwa bei iliyo juu kidogo lakini isiyo na riba.


2. Ushirika wa Faida na Hasara (Profit and Loss Sharing – PLS)

Hii inajulikana kama Mudaraba au Musharaka katika mfumo wa Kiislamu wa fedha.

Mudaraba: Mwekezaji hutoa mtaji na mfanyabiashara anasimamia biashara. Faida hugawanywa kwa uwiano uliokubaliwa, lakini hasara hubebwa na mwekezaji pekee.

Musharaka: Washirika wote wanachangia mtaji na wanashiriki faida na hasara kwa uwiano walikubaliana.

Mfano: Watu wawili wanaweza kuanzisha biashara ya samaki, mmoja akitoa mtaji na mwingine akisimamia shughuli. Wakikubali kugawana faida kwa asilimia fulani, hakuna riba inayohusika.


3. Mfumo wa Kukodisha (Ijara)

Hii ni njia inayofanana na upangaji, ambapo mtu anaweza kutumia mali ya biashara kwa kulipa ada ya matumizi badala ya kuchukua mkopo wa riba.

Mfano: Badala ya kununua mtambo kwa mkopo wa benki wenye riba, biashara inaweza kuukodisha kwa malipo ya kila mwezi.


4. Mitaji kutoka kwa Wadau wa Hisa (Equity Financing)

Badala ya kukopa kwa riba, biashara inaweza kupata mtaji kwa kuuza sehemu ya hisa kwa wawekezaji wanaoshiriki faida na hasara.

Mfano: Mfanyabiashara wa kilimo anaweza kupata mtaji kwa kuuza asilimia ya biashara yake kwa washirika wanaokubali kugawana faida.


5. Kusaidiana kwa Njia ya Mikopo ya Kijamii (Qard Hasan – Mkopo Bila Riba)

Watu binafsi au mashirika yanaweza kusaidiana kwa mikopo isiyo na riba kwa nia ya kusaidia maendeleo ya biashara.

Mfano: Kikundi cha wafanyabiashara wa ndogo ndogo kinaweza kujenga mfuko wa kusaidiana kwa kutoa mikopo bila riba kwa wanachama wanaohitaji mtaji.


6. Kuhifadhi na Kuwekeza Akiba katika Benki za Kiislamu

Benki za Kiislamu zina mifumo inayoruhusu kuhifadhi na kukopa bila riba kwa kutumia mbinu kama Murabaha, Musharaka, Mudaraba, na Ijara.

Mfano: Badala ya kuweka pesa kwenye benki ya kawaida inayotoa riba, mfanyabiashara anaweza kuweka akiba yake kwenye benki ya Kiislamu na kushiriki faida bila ya riba.

 

[MK254]

Itakuwa haujui uislam wake vizuri , riba ni haramu sana kwa muislam

Uislamu umekuta riba ikitumika kwenye masuala ya uchumi, ama kwa kweli huyo muarabu aliwafanya mkawa mazombi ya kweli.

 

[Traxtion]

Zanzibar hata wakiitoa hiyi riba, wanategemea uchumi wa Tanganyika
Kwa hiyo sisi huku tutalipa riba, itawasaidia Zanzibar kujiendeleza

 

[Mayor Quimby]

Susuk inawezaje kubaki kuwa halal kwa miradi ya serikali (wakati mingi ni public na merit good).

Hadithi tu