Idd Ninga
JF-Expert Member
- Nov 18, 2012
- 5,136
- 4,298
BINTI SISO
1)Ukweli toka moyoni,kuvumilia siwezi
Ameingia rohoni,kanifanya kuwa chizi
Ila shida masikini,ngemfata mpaka Swazi
Huyu binti binti Siso,Kumwambia natamani.
2)Kumwambia natamani,nataka kumwambia wazi
Ningenda kwao nyumbani,sipendi penzi la wizi
Linitie matatani,kichwani nipigwe nazi
Huyu binti binti Siso,abaki kwetu nchini.
3)Abaki kwetu nchini,mwachini awe mwangazi
Aingie kwangu ndani,aniite laazizi
Anitie furahani,awe wangu mwangalizi
Huyu binti binti Siso,kumuoa natamani.
4)Kumuoa natamani,sghida mahari ni ghali
Eti ngombe themanini,tena wote mafahali
Nawaza nifanye nini,nataka ndoa halali
Huyu binti binti Siso,nimpe mahari gani
5)Nimpe mahari gani,nionekane jabali
Yeye ataka kidani,shida wazazi wakali
Bila ngombe themanini,ndoa niitupe mbali
Huyu binti binti Siso,nimtoroshe mjini.
6)Nimtoroshe mjini,nimpeleke kijiji
Mzuri toka kicwani,mimi kwake sina hali
Nilimuona ndotoni,haikuwa afadhali
Huyu binti binti Siso,lolote kwake sijali
SHAIRI=Binti Siso
MTUNZI=Idd Ninga wa Tengeru Arusha
+255624010160
iddyallyninga@gmail.com
