Anayejua Rais Magufuli anatupeleka wapi atuambie, naona kama tumepotea

mpk

JF-Expert Member
Joined
Sep 26, 2012
Messages
3,120
Points
2,000

mpk

JF-Expert Member
Joined Sep 26, 2012
3,120 2,000
Mwalimu Nyerere aliwahi kusema, "Hatuwezi kuwa na Rais ambaye hatujui kesho ataamka amefikiria nini au ameshauriwa nini na mke wake". Kwa wakati ule kilionekana ni kijembe kwa mzee Mwinyi lakini leo kauli yake inaonyesha maana.

Hatujui mwelekeo wa nchi kiukweli, hatujui kesho atafukuzwa na nani au ziara ya Rais au Waziri Mkuu itakuwa wapi. Hatujui kama tutaamka tunafagia barabara au tutaingia ofisini kwetu kama kawaida.

Hatujui tunaanza na nini, kujenga viwanda au kuboresha miundombinu na kuimarisha kilimo ili tupate malighafi.

Hatujui tatizo la sukari kwa mfano linaondoka kwa kurekebisha viwanda vyetu na kuongeza uzalishaji wa miwa au kuruhusu sukari ya nje au tuvamie magodauni ya watu.

Ukimuangalia usoni na ukasikia anachotamka unakiri ana nia kabisa ya kututoa hapa. Swali ni je, anajua jinsi ya kututoa?! Anajua anakotupeleka?

Nimejitahidi kuangalia Bunge ili nione labda Mawaziri wake wanaweza kuonyesha mwelekeo, huko nikachanganyikiwa zaidi.

Mwanamtandao mmoja alisema unaweza kuwa na dereva mzuri anayefuata sheria zote za barabarani lakini hajui anaenda wapi!

Hofu yangu juu ya yanayoendelea nchini

Ni dhahiri sasa bila kumung'unya maneno nchi hii inaelekea katika ombwe la Demokrasia.

(1) Tulianza kwa kuona nyumba za wananchi mabondeni zikibomolewa bila huruma, tushukuru mahakama ilipifa stop lile zoezi la sivyo hali ingekuwa mbaya zaidi.

(2) Tumeona Bunge likiminywa, lisionekane Live

(3) Tumeona watu wakisimamishwa kazi hadharani kwenye majukwaa ya kisiasa

(4)Tumeona watoto UDOM, waliodahiliwa na serikali ileile ya CCM wakifukuzwa kwa notisi ya masaa machache tu

(5) Tumeona wafanyabiashara wakitaitiwa, wakipelekewa vyombo vya dola eti wameficha sukari.

(6)Sasa tunashuhudia Vyama vya upinzani vikizuiwa kufanya siasa

HOFU YANGU.
(1) Mitandao ya Kijamii yenye Sauti kama JF kuanza kusumbuliwa

(2) Kubambikiana Kesi, ili kuwanyamazisha watu wenye kuukosoa utawala huu

(3) Kufukuza watu Kazi kisiasa, kuwapelekea wafanyabiashara bili za kodi kubwa

(4) Watu kupotezwa

TUNAFANYAJE?

(1) Tuwaunge mkono Wabunge wote wenye kuweka mbele maslahi ya Umma badala ya vyama vyao

(2) Ni lazima Vyombo vya habari viwe jasiri kuliita Sepetu, Sepetu

(3) Ni lazima tuendelee kuzungumza, kupiga kelele na kuusimamia ukweli

(4) Kila mmoja kwa nafasi yake hana budi kuwaelimisha wananchi madhara ya Ubanaji huu wa Demokrasia unaotamalaki kwa kasi nchini, vijiwe vya kahawa, vijiwe vya magazeti, kwenye magulio huko vijijini, misibani, kwenye vikao vya kifamilia, sherehe n.k

(5) Wasomi wetu, tunawahitaji kuliko wakati wowote ule tangu mfumo wa vyama vingi uanze, ni lazima wasimame bila woga

(6) Ni muhimu sana kuitumia mahakama kwa ajili ya kudai haki

Nchi hii tulipigania uhuru siyo kwa ajili ya barabara, maji na umeme peke yake, Tulitaka uhuru wa Kuendesha nchi yetu kidemokrasia, Tulitaka heshima ya kujitawala kwa maana uongozi unaoheshimu raia, unaolinda haki za binadamu, unaoheshimu uhuru wa watu wake, unaoheshimu utu na uongozi wa sheria.

Katika vitu ambavyo Watanzania hawatokubali na ninawatahadharisha viongozi wote wa leo na Kesho ni kwamba kwa mujibu wa misingi iliyowekwa na waasisi wanchi hii, Kamwe Watanzania hawatakubali Kuburuzwa Kiimla. ile hasira ya Umma waliyokutana nayo mwaka 2015, inaweza ikageuka mara kumi yake!, Ni hatari, naogopa sana! . Ni vizuri wakajifunza na kulijua hili.
Kazi tu; Fukuza, teua, vunja... Nchi haijengwi hivi brother

Rais wa awamu ya tano ana kila dalili za kufeli kama hatojirekebisha.
Dalili za awali.

1. Hamna hata waziri mmoja aliyeanza naye ambaye sasa wanaenda wote kwa ile kasi ya mwanzo. Maana yake wameshagundua kuwa gari imepotea dira na chombo ndio kinaenda mrama!

2. Maamuzi yote ya kukurupuka yameleta madhara zaidi kuliko faida kwa wananchi. Rejea Bomoabomoa ya mabondeni, sukari, ada elekezi na hili la vilaza!

3. Kukosa support toka chamani ni ishara tosha, serikali anazungumza kichina na chama kinazungumza "kidhungu" hapo lugha gongana kabisa!
Kwanini Magufuli atafeli na anaweza kuishia kutawala awamu 1.

1. Anachofanya rais kwa sasa ni kitu cha ajabu kabisa. Anaishi kama nchi haikuwahi kuwa na dira na wala chama chake hakikuwa na Sera na ilani za chaguzi zilizopita. Dr. Slaa alishayafanya haya ya kutumbua majipu lkn watu hawakumchagua kwa kuwa wao walitaka taasisi yenye dira kuliko mtu mwenye nguvu!

Magufuli anatawala kama rais wa upinzani, yet kwa karibu miaka 20 alikuwa anatuambia anatekeleza ilani ya uchaguzi ya ccm! Leo anashangaa na kufuta kila kitu!

2. Rais wa sasa amefuta na kudumaza taasisi zote imara zinazoisaidia serikali, na sasa yeye ndiye mwenye nguvu na mtendaji pekee! Huu ni utawala wa kifalme (Monarchy) ndio mfalme ana absolute power!

Mkuu unapunguza nguvu ya CAG leo unamnyima pesa CAG Ila unampa pesa Jaji Mkuu kwa mahakama ya majizi ambayo ina substitute mahakama nyingine nyingi, unahamisha pesa muhimu za kazi mbalimbali na kuzipeleka barabarani lkn unamnyima huyu msimamizi mkuu wa pesa za umma!

Serikali yako inalinyima bunge nguvu huku ukihubiri kusaka wezi na kusimamia haki! Hadi sasa kesi zilizogundulika na kuhukumiwa na bunge ni kubwa na nyingi kuliko zilizosimamiwa na mahakama zote toka Uhuru!

Kesi ya Richmond, EPA, Escrow, Lugumi zote ziliibuliwa, kuchunguzwa na kuhukumiwa na wabunge wetu! Kesi zote hizo hamna hata moja iliyochunguzwa, kusimamiwa ama kuhukumiwa na chombo chochote cha serikali na hata kama vipo uchunguzi wake umeishia ktk makarabrasha!

Leo serikali kipenzi cha Mungu, nyinyi watenda haki mnapunguza nguvu za taasisi zinazosaidia na kusimamia haki zitendeke!

Rais na serikali yako, sisi tunataka matokeo mazuri tu, na ahadi zako ni njema kweli!

Shida kuu ya awamu hii, mnashindana na awamu iliyopita, hamtaki kufanya muendelezo hata wa Yale mema ya awamu zilizotangulia!

Mkumbuke Mwl alichosema "wao kuna mambo mazuri wamefanya na yapo ya kijinga, chukueni Yale mazuri na ya kijinga achaneni nayo", nyinyi mnaacha yote!

Failure is guaranteed;

Hadi mh. Umeanza kazi, hakuna taasisi aliyoijenga, kikwete pamoja na watu kumuona dhaifu lkn aliijenga ofisi ya CAG, alipanua demokrasia bungeni, alilijenga jeshi la polisi na jeshi la wananchi, alijenga barabara, alifufua elimu, alikuza mifuko ya hifadhi za jamii, shirika la nyumba, reli, kilimo (kilimo kwanza), nishati (umeme, gesi)!

Wewe miezi 6 sasa, ni kukamata, kufukuza, kufuta, kuteua, kugawa mali za watu etc!

Brother, every second counts, ni sasa or never!

Si chamanichamani wala serikalini ambapo tunaona legacy, hatuoni mfumo rasmi unaoutengeneza vinginevyo una create vacuum, siku ukiwa haupo ofisini kila kitu kitasimama au tutaanza upya!

Please mh. Raisi kaa chini, tengeneza task force ya watu watakaokushauri, tafuta strong person level ya Kikwete, Mkapa, Mwinyi, Malecela, Warioba, Mwamnyange, Pinda, Sitta, Msuya, Pengo, Karume etc!

Tafuta watu ambao hawatakuogopa, watu waliojitosheleza kimadaraka, wenye upeo na uongozi wa muda mrefu ili wakushauri! Jifanyie semina elekezi kwanza, kisha unda team ya kudumu na jopo la wazee wa kuwa consult!

Una uwezo mkubwa, unadhamira ya dhati, lkn skills za uongozi na mbinu za kisiasa upo butu sana! Unahitaji kujifunza na kujifunza sio ujinga!

Ni wapumbavu tu ndio wataobeza au kucheka wazo hili, lkn kiukweli hata mwenyewe unajua ndani ya nafsi yako hukuwa president material, umeupata uraisi bila ya kujiandaa, unachojua tu ni kuwa unaweza! Ni kama dereva wa basi kapewa trekta!
Ndivyo hali ilivyo. Inawezekana mwenyewe na wasaidizi wake wakaona wanapatia lakini kwangu mimi anabomoa tena sana.

Uchumi. Tunaambiwa makusanyo yamepanda hadi 1.3 Bill kwa mwezi lakini fedha haionekani na maisha yamezidi ugumu. Mizigo bandarini imepunguwa sana na hali ya uchumi hairidhishi.
Watu hawana ajira na ajira hazipo zimeyeyuka na ndio kwanza uhakiki wa wafanyakazi hewa unaendelea na ni zoezi endelevu sijui litaisha lini.

Huduma. Madawa hospitalini hayatoshi, idadadi ya wanafunzi waliokatiwa mikopo imeongezeka na malalamiko ya idara za serikali kukosa mafungu ya uendeshaji yapo japo kwa usiri mkubwa.

Hali ya Siasa. Mivutano na kuvurugwa kwa demokrasia, malalamiko ya kukiukwa katiba na haki za kisiasa yameongezeka ndani ya muda mfupi. Uvumilivu wa kisiasa unaelekea kuibuka na kupotezeana muda kwa kufanywa vitimbi vya makusudi vinavyoashiria kubomoka kwa misingi ya demokrasia iliyokwisha jengwa kwa muda wote wa siasa za vyama vingi tena sehemu zote mbili Bara na visiwani. Watu wananyimwa haki za kisiasa na uhuru wa kuzungumza . Kuna viashiria vya kidikteta kila eneo ambalo mtawala anaona ni hatari kwake. Mambo ni mengi tu.

Malalamiko ya wafanyakazi. Wafanyakazi wanatishwa na kutumbuliwa bila kufuatwa taratibu kazi iliyopo ni "Kutumbuwa, Kuteua na Kutengua" (KKK) hatuoni ufanisi. Kuna visasi na kutoaminmiana. wafanyakazi hawako huru kutumia weledi wao, wanasubiri maelekezo. Maelekezo hayana formula. Unaweza UKATUMBUWA KWA NAFASI YAKO KAMA MKUBWA WA ENEO LAKINI GHAFLA MAAMUZI YANATENGULIWA. Kumekosekana mfumo kuna maagizo tu kutoka juu.

Sera. Mimi siioni, sijui tunelekea wapi tena katika nyanja zote. Si kiuchumi ingawa tunaambiwa wa viwanda lakini siuoni msingi wake. Si kisiasa naona tunarudi nyuma sana na kupandikiza uadui na kushutumiana bure. Si kijamii nako kunaathiriwa na siasa mbaya vile vile. Sera ya mambo ya nje siijui, Tunaondowa na kuweka , Inasikitisha kwa mara ya Kwanza Tanzania Kuripotiwa Vibaya huko UNHCR na UN, tumeanza kupoteza heshima yetu na kutofautiana na rafiki zetu wa muda mrefu.


HITIMISHO. Kwa ufupi wa maneno wa makala hii fupi, ni muda wa mwaka tu tokea awamu hii ya tano iwepo lakini tumeshuka sana katika maeneo yaliyotajwa. Kwa mtazamo wangu malalamiko yamezidi, ajira hakuna, wafanyakazi wanalalamikia mengi, wanasiasa wanalia na kupaza sauti za demopkrasia, ajira hakuna na mengine mengi Hii si ishara nzuri.

Katika hali hii ,umoja wa kitaifa na amani ya nchi inakwazwa na uadui unajengeka miongoni mwa Watanzania. Kipindi hiki kifupi kimekuza nyufa kati ya WADAU wa kujenga Taifa letu na ukinzani wa mawazo kati ya Dola na watawaliwa umeanza kuibuka. Misingi ya Umoja hujengwa kwa sera madhubuti na kufuatwa KATIBA ambayo kwa sasa inasiginwa sana.

Kwa muhtasari huu Rais JPM kama kiongozi Mkuu wa Nchi hawezi kuepuka lawama na kwangu mimi anabomoa zaidi kuliko kujenga.

Kishada.
Tulianza na moto wa kubana matumizi, kutimua vyeti fwki na watumishi hewa yote haya yalikuwa na nia njema kabisa lakini utekelezaji wake ulipoanza kubagua nani atoke nani abaki tatizo likaanza. Chuki ikaanza kujijenga baina ya wanaopendelewa na wasiopendelewa.

Tanzania imejengwa katika utaifa, mtu anapoanza kuleta ukabila na uchama kwa lengo la kutugawa inabidi tumpinge wote kwa juhudi kubwa. Hatutakiwi kufumbia macho jambo hili sasahivi kuna chuki za kikabila zinaanza kujionyesha wazi wazi, chuki za kikanda na chuki za kivyama.

Ombi langu watanzania kama tulivyolelewa na tunavyopendana hebu tusiwasikilize viongozi wa aina hii.

Tuko kwenye kuivusha Tanzania kwenye umaskini uliotopea hizi chuki zitaturudisha nyuma kwa kasi sana.
1. Anatutoa kwenye usafiri wa treni wa enzi za kikoloni unaotumia muda mrefu njiani anatupeleka kwenye usafiri wa treni wa kisasa unaotumia umeme na muda mchache njiani kusafirisha Watu wengi na mizigo mingi.

2. Anatutoa kwenye usafiri wa anga wa ndege uliokufa anatupeleka kwenye ufufuo wa shirika la ndege lenye ndege mpya sita.

3. Ametutoa kwenye shirika la simu lililokufa ametupeleka kwenye ufufuo wa shirika la simu linaloleta ushindani mkubwa kwenye makampuni ya simu yaliyokuwapo kutokana na ubora wa huduma na wa gharama nafuu.

4. Ametutoa kwenye uchumi uliokuwa asilimia 5.1 mwaka 2015 mpaka kutupeleka kwenye uchumi unaokuwa wa zaidi ya asilimia 7.2

5. Ametutoa kwenye mzigo wa kulipia elimu mpaka kutupeleka kwenye unafuu wa elimu bure kuanzia shule ya msingi mpaka sekondari.

6. Amewatoa akina Mama Wajawazito kwenye mateso ya kujifungulia sakafuni ametupeleka kwenye faraja kwa akina Mama Wajawazito kujifungulia vitandani. Mjamzito mmoja, kitanda kimoja.

7. Ametutoa kwenye mateso ya kulanguliwa dawa na ukosefu wa dawa kwenye hospitali za Serikali ametupeleka kwenye upatikanaji wa madawa mahospitalini uliofikia kiwango cha upatikanaji cha asilimia 89, tena kwa bei nafuu.

8. Ametutoa kwenye usumbufu na mateso kwa Wamachinga na Mama Ntilie kusumbuliwa na Wagambo mpaka kutupeleka kwenye utulivu na amani ya kutosumbuliwa kwa Wamachinga na Mama Ntilie.

9. Ametutoa kwenye mfumo wa kuleana na kuchekeana dhidi ya wabadhilifu na wala rushwa na kutupeleka kwenye mfumo wa uwajibikaji wa kupelekwa mahakamani kwa wala rushwa na Mafisadi. Leo hii Tanzania imepanda kwa nafasi kwa nafasi 13 katika mwaka 2016 na mwaka 2017 na pia ikishika nafasi ya pili kwa nchi za Jumuiya ya Afrika Mashariki.

10. Ametutoa kwenye mateso ya Wanafunzi kukaa chini kwa kukosa madawati na kukosa maabara. Leo hii ametupeleka kwenye hatua ya ukamilifu wa uondoshaji wa tatizo la madawati nchi nzima na maabara kwa baadhi ya shule.

11. Anatutoa kwenye uondoshaji wa tatizo la foleni jijini Dar na kutupeleka kwenye ujenzi wa barabara za juu (flyovers) za Tazara na Ubungo.

12. Amewatoa Wanazuoni wa chuo kikuu cha UDSM kwenye mateso ya kupanga na leo hii amewapeleka kwenye makazi bora ya mabweni ya kisasa wanayolipia gharama za chini kabisa.

13. Ametutoa kwenye balaa la utendaji na uwajibikaji wa hovyo kwa Watumishi wa umma na ametupeleka kwenye uimarishwaji wa kiwango cha kuridhisha cha uwajibikaji na uadilifu kwa Watumishi wa umma.

14. Ametutoa kwenye utitiri wa kodi kwenye kilimo na kutupeleka kwenye ufutwaji wa kodi mbalimbali za kilimo na kukifanya kuwa chenye tija kwa Wakulima. Leo hii bei ya korosho imepanda kutoka Tsh. 800 kwa kilo mpaka kufikia Tsh. 4000 kwa kilo.

15. Ametutoa kwenye usiri mkubwa wa mikataba na taarifa za madini na kutupeleka kwenye uwazi taarifa na mikataba ya madini. Leo hii tunajivunia mafanikio ya gawio sawia la faida za madini na Serikali ikimiliki asilimia 16 ya hisa katika makampuni ya uchimbaji wa madini.

16. Ametutoa kwenye tatizo zito na sugu la ajira na kutupeleka kwenye ongezeko la fursa za ajira kupitia kwenye viwanda zaidi ya 3000, kuwatimua wenye vyeti vyeki, miradi ya ujenzi ya bomba la mafuta, flyovers na reli ya kisasa ya standard gauge.

17. Ametutoa kwenye makusanyo ya Tsh. Bilioni 800 kwa mwezi mpaka kufikia kwenye makusanyo ya Tsh. Trilioni 1.5 kwa mwezi. Hali hiyo imeimarisha uwezo wa Serikali kibajeti.

18. Ametutoa kwenye urasimu na umangimeza kwa viongozi na kutupeleka kwenye uimarishwaji wa kiwango cha nidhamu, uwajibikaji na uadilifu kwa viongozi wa Serikali. Leo hii hakuna usumbufu kumuona kiongozi na viongozi wengi wapo site palipo shida za Wananchi wakizitatua.

19. Ametutoa kwenye mfumo wa walio nacho kujiona Mungu mtu na kuleta ukandamizi ndani ya jamii na kutupelekea kwenye uondoaji wa tabaka la uonevu kwenye masuala ya ardhi na sheria.

20. Ametutoa kwenye mkwamo wa Serikali kuhama Dar es Salaam na kutupeleka kwenye hamisho la Serikali kuhamia Dodoma. Mpaka sasa Waziri Mkuu, Wizara na idara mbalimbali zimehamia Dodoma. Tukumbuke mpango wa Serikali kuhamia Dodoma ulikuwepo na kushindikana kufanyika toka enzi za utawala wa Serikali ya awamu ya kwanza.

Hayo ni baadhi tu, sisi Wananchi wa Tabaka la chini tunaelewa Rais Magufuli alipotutoa na anapotupeleka.

*Tunasimama na Rais Magufuli*

*Na Emmanuel J. Shilatu*
 

Pascal Mayalla

Platinum Member
Joined
Sep 22, 2008
Messages
31,415
Points
2,000

Pascal Mayalla

Platinum Member
Joined Sep 22, 2008
31,415 2,000
hebu waonee huruma watanzania wanavyoteswa na shetani mkuu wa Tanzania.
Mkuu Chief Kabikula, sio haki, sio utu, sio heshima kumuita binaadamu wa Mungu kuwa ni shetani!. Hata Osama licha ya yote aliyowafanyia Wamarekani, hawakuwahi kumuita shetani, na kwa taarifa tuu, alifanyiwa ibada ya maziko kwa heshima zote za dini yake ikiwemo kuoshwa, kuvishwa sanda, kuswaliwa na sheikh wa Kiislamu na kuzikwa baharini kwa kutizamishwa kibla!. Mtu utamuitaje shetani?.
P
 

Kalamu1

JF-Expert Member
Joined
Jul 7, 2018
Messages
3,573
Points
2,000

Kalamu1

JF-Expert Member
Joined Jul 7, 2018
3,573 2,000
Mkuu kwani wako Kimya au wanakalishwa Kimya

1.Azory alikaa kimya?
2.Ben saanane je alikaa kimya?
3.Ngurumo yuko Kimya?
4.Zitto Yuko Kimya?
5.Je Ukimya ndo umemuweka kabendera kizuizini?
6.Fatma Karume yupo Kimya?
7.Maria Sarungi je

Kwakweli hatuko Kimya

Britannica
Samahani, nilidhani umeungana na namba tano hapo juu.

Anyways, mbona rangi inazidi kukorea? More assertive than I have ever read from you! No ambiguity or mipindisho!
 

Pascal Mayalla

Platinum Member
Joined
Sep 22, 2008
Messages
31,415
Points
2,000

Pascal Mayalla

Platinum Member
Joined Sep 22, 2008
31,415 2,000
Hivi mkuu , je uvundo wa rushwa umeisha , umepungua , umeongezeka ama upo palepale?
Ufisadi haupo?

Nafikiri tusisifie saana pasipo kuangalia uhalisia wa mambo
Kumbe wewe hauna elimu ya mambo ya vyuma. Kazi ya kunyoosha vyuma vilivyopinda sana na kukaa muda mrefu, hufanywa taratibu kwa kunyooshwa kidogo kidogo. Ukivinyoosha kwa nguvu, vitakatika.
Hivyo tunakwenda mdogo mdogo, sasa rushwa imepungua, ufisadi umepungua, maendeleo yanakuja kwa kasi, midege ile angani, madaraja ya juu kwa juu, viwanda vinajazana, reli ya SGR inakamilika, umeme wa Stigila unakuja, Tanzania ya viwanda inakuja, Tanzania ya uchumi wa kati inakuja, Tanzania donor country inakuja. Sasa kila nyumba itakuwa na mabomba matatu matatu, mabomba nchi nzima yatatoa maji, maziwa na asali.
P
 

Mcharo son

JF-Expert Member
Joined
Mar 4, 2015
Messages
2,399
Points
2,000

Mcharo son

JF-Expert Member
Joined Mar 4, 2015
2,399 2,000
YAANI ILI UPATE CHA KUMKOSOA MAGUFULI NI LAZIMA KWANZA UMSINGIZIE JAMBO HALAFU HICHO ULICHOMSINGIZIA NDIO KIWE MSINGI WA KUMKOSOA NA WENGINE HATA KUMKASHIFU NA KUMTUKANA. KWELIN MAGUFULI ANAFANYA KAZI ILIYOTUKUKA ISIYOKUWA NA LAWAMA HALISI
Wenye mawazo M-badala wanasikilizwa? Embu anzia hapo KUMSIFIA MAGUFURI nisije nikaambiwa namsingizia kitu kwenye kona hiyo
 

Mcharo son

JF-Expert Member
Joined
Mar 4, 2015
Messages
2,399
Points
2,000

Mcharo son

JF-Expert Member
Joined Mar 4, 2015
2,399 2,000
Kumbe wewe hauna elimu ya mambo ya vyuma. Kazi ya kunyoosha vyuma vilivyopinda sana na kukaa muda mrefu, hufanywa taratibu kwa kunyooshwa kidogo kidogo. Ukivinyoosha kwa nguvu, vitakatika.
Hivyo tunakwenda mdogo mdogo, sasa rushwa imepungua, ufisadi umepungua, maendeleo yanakuja kwa kasi, midege ile angani, madaraja ya juu kwa juu, viwanda vinajazana, reli ya SGR inakamilika. Tanzania ya viwanda inakuja, Tanzania ya uchumi wa kati inakuja, Tanzania donor country inakuja. Sasa kila nyumba itakuwa na mabomba matatu matatu, mabomba nchi nzima yatatoa maji, maziwa na asali.
P
Na polisi wakihakikisha uwepo wa u(hasa)ma/usalama wa raia katika ukamuaji /utumiaji wa maziwa na asali.
 

areafiftyone

JF-Expert Member
Joined
Jan 4, 2017
Messages
6,063
Points
2,000

areafiftyone

JF-Expert Member
Joined Jan 4, 2017
6,063 2,000
Mkuu, mwenzako ametoa hoja za ambazo unatakiwa uzijibu:-

1--- Mikataba ya ununuzi wa ndege iko wapi??

2--- Ujenzi wa Chato Airport

3--- Zilipo trillion sh 2

4--- Walipo akina Azori, Saanane, Kanguye.


Naye uumpe ajibu hoja hizi:-

1--- Ujenzi wa Bwawa la umeme stieglier

2--- Ujenzi wa SGR.

3---Ununuzi wa ndege

4--- Ujenzi wa maelfu ya zahanati.

5----Wanafunzi wa nsingi na sekondary kusoma bure na mikopo ya elimu ya juu.

6--- Uwajibikaji na nidhamu katika vyombo vya umma.

7--- vita dhidi ya ufisadi na Rushwa.

8---Kuongezeka kwa makusanyo ya kodi.

9--- Ufuatiliaji katika mikataba ya raslimali za nchi.nk.
Wewe unajisumbua bure,hivi unafikiri aliyofanya Magufuli hawayajui,wanayajua, ila wanajifanya hamnazo na hawayaoni.Tumesha ainisha sana yote aliyofanya Magufuli hapa JF.,lakini kila siku ni back to square one.Ni chuki binafsi na husda tu zinazowasumbua mkuu,hamna lolote.
 

Mcharo son

JF-Expert Member
Joined
Mar 4, 2015
Messages
2,399
Points
2,000

Mcharo son

JF-Expert Member
Joined Mar 4, 2015
2,399 2,000
Hii nchi bila Magufuli hatuwezi kwenda mbele. Kura yangu nitampa tu na hata kama ni miaka mingine aendelee kama Kagame aweze kuinyoosha hii nchi maana ni kweli ilikuwa imeoza. Wananchi mpeni tu kura, anapokesea ni mapungufu ya mwanadamu tu lakini kwa ujumla anajitahdi.
AENDELEE KUMALIZA muda (10yrs) wake, ila nitamuelewa akimalizia na katiba mpya. "End justify the means"
 

mrangi

JF-Expert Member
Joined
Feb 19, 2014
Messages
41,831
Points
2,000

mrangi

JF-Expert Member
Joined Feb 19, 2014
41,831 2,000
Kati ya wandishi niliokua ninawapa uzito na kuamini wana ujasili mkubwa wa kuhoji ni pamoja na ww, lkn kwa Bahati mbaya sana umekua mtu wa hovyo sana kuliko wale waliokua hovyo kabla yako. tafadhali njaa sisikupeleke pabaya, Usiwe Kijana wa "ndiyo bwana mkubwa".
Huyu Mayalla ashalegezwa na bahasha

Ova
 

size 96

Member
Joined
Aug 31, 2019
Messages
36
Points
95

size 96

Member
Joined Aug 31, 2019
36 95
Tunapo anzisha uzi tuwe na fact za kuwapa wanazengo attention ya kuusoma uzi na kuchangia kwa marefu na mapana
Kujenga ni kazi sana hasa ukiwa na wasaidizi walio kua wakiishi kimazoea magufuri kaingia madarakani alikua anajua kabisa kwenye uozo TRA makamishina waliweka hela adi kwenye vyombo vya maji TPA kulijaa uozo mtupu akajitaidi kurekebisha saizi yupo anapambana kurekebisha na kufufua shilika la reli tusisahau kua ATCL ilikua na hali mbaya sana nayo kaifufua binadamu wote tunamapungufu ila uyu mzee anamaumivu makubwa sana kwa nnchi kwani anajua viongozi wengi walivyo wapo ki maslahi sana wanao ishi dar es salaam nadhani wanaona jinsi jiji la dar es salaam linavyo rekebishwa kwa sasa dodoma napo kumenoga mikoa ni mingi Tanzania nazani wengi ni mashahidi uko mliko kunamaendeleo mengi sana yanayo fanyika ikiwemo ujenzi wa barabara vituo vya afya usambazwaji wa maji safi ni mengi mnoo yaliyo fanyika kwenye awamu ya tano

Ningumu kukidhi mahitaji na matakwa ya watanzania wote ata marekani nako Kuna watu awana kazi wanamaisha magumu na hawana ata makazi maalumu ko nnchi Kama Tanzania kwa kipindi hiki tunacho pitia ni kigumu Sana ambapo mambo yanayo fanyika kwa Sasa yalitakiwa yawe yashafanyika mda Sana
 

Babu sea

JF-Expert Member
Joined
Nov 14, 2013
Messages
597
Points
500

Babu sea

JF-Expert Member
Joined Nov 14, 2013
597 500
Kinacho onyesha mwelekeo wa nchi ni itikadi ya chama sasa bas ccm haina itikadi inayo onesha landa serikali hii inafwata mfumo wa kijamaa au kibepari(kineberu)hivyo tupo njia panda hata Magufuli mwenyewe ukimuuliza hii nchi ni ya kijamaa au kibepari(kibeberu) atashindwa Kukujibu kwa uhakika ndio maana tulitaka kwenye katiba mpya hilo liwekwe wazi.
 

Drift

Member
Joined
Jul 27, 2019
Messages
44
Points
95

Drift

Member
Joined Jul 27, 2019
44 95
Tunapo anzisha uzi tuwe na fact za kuwapa wanazengo attention ya kuusoma uzi na kuchangia kwa marefu na mapana
Kujenga ni kazi sana hasa ukiwa na wasaidizi walio kua wakiishi kimazoea magufuri kaingia madarakani alikua anajua kabisa kwenye uozo TRA makamishina waliweka hela adi kwenye vyombo vya maji TPA kulijaa uozo mtupu akajitaidi kurekebisha saizi yupo anapambana kurekebisha na kufufua shilika la reli tusisahau kua ATCL ilikua na hali mbaya sana nayo kaifufua binadamu wote tunamapungufu ila uyu mzee anamaumivu makubwa sana kwa nnchi kwani anajua viongozi wengi walivyo wapo ki maslahi sana wanao ishi dar es salaam nadhani wanaona jinsi jiji la dar es salaam linavyo rekebishwa kwa sasa dodoma napo kumenoga mikoa ni mingi Tanzania nazani wengi ni mashahidi uko mliko kunamaendeleo mengi sana yanayo fanyika ikiwemo ujenzi wa barabara vituo vya afya usambazwaji wa maji safi ni mengi mnoo yaliyo fanyika kwenye awamu ya tano

Ningumu kukidhi mahitaji na matakwa ya watanzania wote ata marekani nako Kuna watu awana kazi wanamaisha magumu na hawana ata makazi maalumu ko nnchi Kama Tanzania kwa kipindi hiki tunacho pitia ni kigumu Sana ambapo mambo yanayo fanyika kwa Sasa yalitakiwa yawe yashafanyika mda Sana
Well said Mkuu..
Nashangaa mleta Uzi hadi Leo hajui Magu anatupeleka wapi..!
Weka likizo itikadi ya siasa kwa muda utaona Magu anatupeleka wapi..!
 

Mfiaukweli

JF-Expert Member
Joined
Aug 30, 2018
Messages
4,172
Points
2,000

Mfiaukweli

JF-Expert Member
Joined Aug 30, 2018
4,172 2,000
Mwalimu Nyerere aliwahi kusema, "Hatuwezi kuwa na Rais ambaye hatujui kesho ataamka amefikiria nini au ameshauriwa nini na mke wake". Kwa wakati ule kilionekana ni kijembe kwa mzee Mwinyi lakini leo kauli yake inaonyesha maana.

Hatujui mwelekeo wa nchi kiukweli, hatujui kesho atafukuzwa na nani au ziara ya Rais au Waziri Mkuu itakuwa wapi. Hatujui kama tutaamka tunafagia barabara au tutaingia ofisini kwetu kama kawaida.

Hatujui tunaanza na nini, kujenga viwanda au kuboresha miundombinu na kuimarisha kilimo ili tupate malighafi.

Hatujui tatizo la sukari kwa mfano linaondoka kwa kurekebisha viwanda vyetu na kuongeza uzalishaji wa miwa au kuruhusu sukari ya nje au tuvamie magodauni ya watu.

Ukimuangalia usoni na ukasikia anachotamka unakiri ana nia kabisa ya kututoa hapa. Swali ni je, anajua jinsi ya kututoa?! Anajua anakotupeleka?

Nimejitahidi kuangalia Bunge ili nione labda Mawaziri wake wanaweza kuonyesha mwelekeo, huko nikachanganyikiwa zaidi.

Mwanamtandao mmoja alisema unaweza kuwa na dereva mzuri anayefuata sheria zote za barabarani lakini hajui anaenda wapi!
Narudia. WEWE mtu una maono. Mungu Jehovah na atusaidie nchi hii.
 

Forum statistics

Threads 1,343,321
Members 515,007
Posts 32,780,485
Top