Afukuzwa kazi kwa kughushi mishahara 21


Replica

Replica

JF-Expert Member
Joined
Aug 28, 2017
Messages
323
Likes
1,154
Points
180
Replica

Replica

JF-Expert Member
Joined Aug 28, 2017
323 1,154 180
MFANYAKAZI wa Idara ya Fedha katika Halmashauri ya Wilaya ya Singida, amefukuzwa kazi kwa madai ya kughushi nyaraka za mishahara 21, kwa lengo la kujipatia mamilioni ya fedha.

Mhasibu huyo (jina linahifadhiwa), ni miongoni mwa wafanyakazi 19 waliofukuzwa kazi na halmashauri hiyo.

Azimio la kuwaachisha kazi watumishi hao lilifikiwa juzi kwenye baraza la madiwani lililokutana katika kata ya Kinyeto, tarafa ya Ilongero wilayani Singida, baada ya awali kukaa kama kamati kisha kupitisha uamuzi huo.

Waliofukuzwa kazi ni pamoja na watumishi wawili wa idara ya afya na wengine 17 kutoka kada mbalimbali za utumishi katika halmashauri hiyo iliyogawanywa na kuanzisha halmashauri mpya ya wilaya Ikungi.

Licha ya mtumishi huyo kuhusika na wizi wa fedha zinazofikia zaidi ya Sh. milioni 25, wafanyakazi wengine walibainika kuwa na vyeti feki, utoro na uzembe kazini hali iliyolazimu baraza hilo kufikia uamuzi wa kuwaachisha kazi.

Baadhi ya madiwani wakiwamo Omari Mande na Bilali Yusufu, walipongeza hatua hiyo na kuwaonya watumishi wengine wenye mienendo isiyoridhisha katika utumishi wao kuhakikisha wanarejea kwenye msingi ili kurejesha maadili na nidhamu ya kazi.

Aidha, Diwani wa Kinyagigi, Magdalena Mangu, pamoja na kupongeza hatua hiyo, aliiomba idara ya utumishi kupeleka haraka watumishi wengine mbadala kwenye zahanati ya kijiji cha Kinyagigi baada ya wauguzi wote wawili kufukuzwa kazi.

Kwa upande wake, Mkurugenzi Mtendaji wa Halmashauri hiyo, Rashid Mandoa, aliliomba baraza hilo kuendelea kuwasimamia katika nidhamu ili kila mtumishi atekeleze majukumu yake kwa ufanisi.

Ufisadi, utoro na uzembe kazini ni kati ya sababu zinazopigwa vita na Serikali kutokana na kugharimu hasara kubwa hali ambayo imeanza kuungwa mkono na baadhi ya taasisi, kama ambavyo halmashauri ya Wilaya ya Singida imefanya.
 
Kkimondoa

Kkimondoa

JF-Expert Member
Joined
May 31, 2014
Messages
4,478
Likes
4,817
Points
280
Kkimondoa

Kkimondoa

JF-Expert Member
Joined May 31, 2014
4,478 4,817 280
Hahahaaaaaa!! Ndio pale diwani wa darasa la saba anapo mfukuza kazi mtumishi mwenye PhD.
 
jiwe la maji

jiwe la maji

JF-Expert Member
Joined
May 17, 2014
Messages
1,069
Likes
567
Points
280
jiwe la maji

jiwe la maji

JF-Expert Member
Joined May 17, 2014
1,069 567 280
Hatari!
 
S

SubiriJibu

JF-Expert Member
Joined
Jun 26, 2009
Messages
1,414
Likes
1,109
Points
280
S

SubiriJibu

JF-Expert Member
Joined Jun 26, 2009
1,414 1,109 280
Asiishie kufukuzwa tu. Wizi ni kosa la jinai apelekwe mahakamani akafungwe.
 

Forum statistics

Threads 1,214,101
Members 462,499
Posts 28,501,144