Afrika yatakiwa kulinda kwanza haki ya maendeleo huku ikishiriki kwenye jitihada za dunia za kupambana na mabadiliko ya tabianchi

ldleo

Senior Member
Jan 9, 2010
181
250
fdsafafads.jpg

Ili kukabiliana na mabadiliko ya tabianchi, “kupunguza utoaji wa hewa ya kaboni” imekuwa maoni ya pamoja kivitendo ya nchi mbalimbali duniani, lakini nchi zilizoendelea ambazo zimekamilisha mchakato wa maendeleo ya viwanda zinachukua msimamo mkali juu ya suala hili. Mapema mwaka huu, nchi saba za Ulaya zikiwemo Ufaransa, Ujerumani na Uingereza zilitangaza kusimamisha ufadhili wa umma kwa baadhi ya miradi ya fueli za kisukuku. Juu ya hilo, makamu wa rais wa Nigeria hivi karibuni aliandika makala kwenye tovuti ya Foreign Affairs akisema kitendo cha nchi za magharibi kupiga marufuku uwekezaji kwenye fueli za kisukuku ni pigo kubwa kwa Afrika.

Katika miongo kadhaa iliyopita, nchi za magharibi zimepata manufaa mengi katika sekta ya mafuta na gesi ya asili, lakini sasa bila ya kufikiria maslahi ya kiuchumi ya nchi zinazoendelea, haswa ya nchi za Afrika zilizo kusini mwa Sahara, nchi hizo zilipiga marufuku au kuzuia uwekezaji kwenye fueli za aina mbalimbali. Kitendo hiki hakika kinakwenda kinyume na kanuni zilizoahidiwa kwenye Mkataba wa Paris za uwiano kati ya mabadiliko ya hali ya hewa na maendeleo.

Ni sahihi kuwa kila nchi inapaswa kutoa mchango wake katika kupambana na mabadiliko ya hali ya hewa duniani, lakini mageuzi ya nishati yanatakiwa kulingana na tofauti ya kiuchumi ya nchi mbalimbali, na pia kuruhusu utimizaji wa utoaji sifuri wa hewa ya kaboni kwa njia mbalimbali. Kwa mujibu wa shirika lisilojitafutia faida la Energy For Growth Hub,mwaka 2020 kiasi cha nishati zilizotumiwa na hewa chafu zilizotolewa za Afrika zilizo kusini mwa Sahara ni kidogo, na kwamba watu bilioni moja walichangia asilimia isiyozidi moja tu ya utoaji wa jumla wa hewa ya kaboni duniani. Kwa hivyo, kuzuia uwekezaji kwa nishati kama gesi ya asili barani Afrika hakuna maana kubwa kwa utoaji wa hewa ya kaboni duniani, lakini kutaathiri vibaya mustakbali wa uchumi wa bara la Afrika. Kwa sehemu kama Afrika yenye utajiri wa maliasili lakini uhaba wa nishati, kupunguza utoaji wa hewa ya kaboni hakupaswi kufanywa huku yakipuuzwa maslahi ya maendeleo ya watu, miji na sekta ya viwanda. Kinyume chake, kazi hii inapaswa kuwa jumuishi, yenye usawa na haki, na hii ina maana ya kuwa na haki za kutafuta maendeleo endelevu na kutokomeza umaskini.

Kwa mfano wa gesi ya asili, katika nchi nyingi za Afrika, sio tu inatumiwa kuzalisha umeme, bali pia inatumiwa katika sekta ya viwanda, mbolea, na kupika, ni chombo muhimu cha kuwasaidia watu kuondokana na umaskini. Hata hivyo, maendeleo ya Afrika yanaweza kurudi nyuma kwa sababu nchi zilizoendelea zimezuia uwekezaji kwenye fueli za kisukuku. Katika nchi za Afrika zilizo kusini mwa Sahara, miradi ya gesi ya asili inaathiriwa vibaya kwa sababu ya kukosa mitaji. Lakini kinachosikitisha ni kuwa nchi tajiri kama vile Uinegreza na Marekani zimeorodhesha gesi ya asili kwenye mpango wa miongo kadhaa wa kitaifa wa kufanya mabadiliko ya nishati kuwa safi. Ujerumani nayo imesema kuwa itaendelea kutumia makaa kabla ya mwaka 2038 na kujenga bomba la gesi ya asili la Nort Stream 2 ili kuhakikisha usalama wa nishati. Na makampuni binafsi ya Ulaya na Marekani hata yanaendeleza gesi ya asili na kuiuzia Asia na Ulaya. Lakini wakati huohuo, serikali za nchi hizo zinajaribu kukata ukusanyaji mitaji kwenye miradi ya gesi ya asili ndani ya nchi za Afrika.

Kwa nchi nyingi za Afrika, uzalishaji umeme kwa gesi ya asili unasaidia kuweka uwiano muundo wa nishati, na pia kujitahidi kutumia nishati endelevu kama za upepo na jua ili kuingia kwenye mfumo wa nishati safi zaidi itakapofika katikati ya karne hii. Lakini katika mchakato huo, watu wa Afrika hawapaswi kulazimika kusubiri kuibuka kwa teknolojia mpya ili waweze kuishi maisha ya kisasa na heshima yenye nishati ya kudumu.

Nchi mbalimbali za Afrika zimetoa ahadi zao kwenye Mkataba wa Paris kwa kutoa michango yao mtawalia. Lakini ahadi zao hazipaswi kutengana na mahitaji yao ya nishati na malengo ya maendeleo. Usimamizi duniani haupo kwenye zama zinazotaliwa na nchi za magharibi, na kanuni ya “pamoja” lakini “tofauti” iliyooneshwa na China imetoa sauti ya uwakilishi kwa nchi nyingi zinazoendelea. Mabadiliko yenye haki ya nishati yanatakiwa kujumuisha Afrika, na hayatakiwi kunyima haki za watu wa Afrika kutafuta siku nzuri za baadaye. Nchi tajiri za magharibi zimetoa hewa nyingi zaidi za kaboni katika historia, na pia zina nguvu kubwa kiviwanda na fedha nyingi, kwa hivyo zinapaswa kubeba wajibu mkubwa zaidi katika mabadiliko ya hali ya hewa, na kutoa msaada wa kiviwanda kwa nchi za Afrika kupata uwekezaji na kuelekea kwenye matumizi ya nishati endelevu na utoaji sifuri wa hewa ya kaboni.
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom