mtata.tz
Member
- Jul 31, 2015
- 43
- 21
Ngoja mimi niendelee kubet ndio ajira pekee iliyobakia.Vyovyote ilivyokuwa na ndivyo ilivyo, John Pombe Magufuli ndiye Rais wa Jamhuri ya Muungano Tanzania. Wale wote ambao kila siku wanataka kuwaonesha watanzania kwamba Edward Lowassa kugombea Urais kupitia CHADEMA lilikuwa ni kosa la Karne, wanaturudisha nyuma ya wakati hali ambayo haitusaidii kwa lolote.
Hoja kwamba kama angekuwa Wilbroad Slaa ndiye mgombea Urais basi CHADEMA ingeshinda, ni ya uongo kabisa. Slaa aligombea Urais mwaka 2010 na hakushinda. Na hakushinda si kwa kuwa hakushinda, bali hakushinda kwa kuwa hakutakiwa kushinda. Hao wasiotaka vyama vingine zaidi ya CCM kushinda ni kitu gani kingewafanya wakubali Slaa ashinde mwaka 2015?
Kumshupalia Lowassa na "kosa" la CHADEMA kumsimamisha kuwa mgombea wao wa Urais ni kupoteza wakati. Kama kuna Mkuu wa Mkoa kaghushi vyeti na inajulikana na hafukuzwi kazi wakati kazi yake sifa kuu ni kujua kusoma na kuandika tu, hapo tatizo si Lowassa kugombea Urais mwaka 2015 bali kosa ni mtizamo wa mamlaka ya uteuzi.
Kama watumishi wa umma hawaongezwi mshahara, hawapandishwi madaraja, fao la kujitoa linafutwa, fedha zao zilizoko kwenye mifuko ya Hifadhi ya Jamii zinatumiwa na serikali bila ya wao kushirikishwa wakati wao wanacheleweshewa Pensheni zao, wanazuiwa kubadili kazi, wanadhalilishwa na hata kufukuzwa kazi bila ya kufuata sheria na taratibu zilizopo, hapo chanzo si Lowassa kugombea Urais Mwaka 2015.
Kama kuna watu wanaona mambo hayaendi kwenye nchi yetu, wajue nchi hii ina serikali na serikali hiyo haiongozwi na Lowassa bali Magufuli. Kama kuna mtu anaona serikali haitendi kile kinachotarajiwa, basi wasikimbilie kusema kwamba kosa ni CHADEMA kumsimamisha Lowassa kuwa Mgombea Urais mwaka 2015.
Kama mnashindwa kumkosoa Magufuli hasira zenu msizihamishie kwa Lowassa.
CC: Mzee Mwanakijiji Nguruvi3 JokaKuu
