Abiria 80 wa ATCL wasota Dar siku sita wakielekea visiwani Comoro

[Bilionea Asigwa]

Abiria 80 wa Shirika la Ndege Tanzania (ATCL), waliokuwa wakielekea visiwani Comoro wamekwama kwa takriban wiki moja baada ya ndege kuharibika.

Abiria hao waliwaeleza wanahabari jana kuwa wamekwama tangu Alhamisi iliyopita na kwamba wamechoka kukaa mbali na familia zao hivyo kuiomba Serikali ifanye jitihada za kuwarudisha kwao. Mmoja wa abiria hao, Adinani Benkharifa alisema Sh50,000 walizopata kama fedha za kujikimu kwa siku haitoshi kwa kuwa maisha ya Dar es Salaam ni tofauti na kwao.

"Maisha ya huku ni magumu sana, fedha ninayopewa kwa ajili ya matumizi haitoshelezi mahitaji yangu, nataka kurudi Comoro na si kupewa fedha ili niendelee kuwepo," alisema.

Alisema kuendelea kukaa Dar es Salaam ni tatizo kwao kutokana na kuishi bila kuzalisha chochote. Zainoudine Moilimou alisema anashangazwa na kitendo cha shirika hilo kushindwa kuwarudishia nauli ili watafute utaratibu mwingine wa kurudi kwao.

"Tuliambiwa tutaondoka jana, lakini tulishangaa kuitwa ofisini badala ya uwanja wa ndege kumbe safari siyo leo."

Abiria mwingine, Mariam Nassor alisema yeye na mwanaye walimaliza bajeti yao wiki iliyopita na hawawezi kuishi kwa kula chipsi mayai kwa kuwa si chakula walichozoea.

Akijibu Madai ya wasafiri hao, Kaimu Ofisa Uhusiano wa ATCL, Lily Fungamtama alisema ndege pekee ya shirika hilo aina ya Dash 8-Q 300 ambayo ina uwezo wa kubeba abiria 50 ilipata tatizo la kiufundi Alhamisi iliyopita na taratibu za matengenezo zinaendelea.

Alisema ndege hiyo ambayo kwa kawaida hufanya safari tano kwa wiki katika Visiwa vya Comoro, inaweza kuruka lakini kiusalama shirika liliona ifanyiwe marekebisho kabla ya kuendelea na safari.

"Kipuri cha tatizo lake kiliagizwa mapema ila hakikuja kwa wakati na kimefika jana na kuanza kufungwa tunatarajia kukamilika kesho (leo). Endapo matengenezo hayatakamilika, tumefanya mawasiliano na kampuni ya AB Aviation iwasafirishe," alisema.

Akizungumzia kiwango cha fedha wanachopewa abiria hao, Fungamtama alisema kinatolewa kwa mtu mmojamoja hivyo wanaamini kinawasaidia abiria hao wakati hatua nyingine zikiendelea.

Chanzo: Mwananchi

 

[Daudi Mchambuzi]

Only in Tanzania.

 

[kinauche]

Kwani hakuna ndege nyingine inayokwenda huko hadi wakamua kuoanda ATCL?

 

[Bilionea Asigwa]

Kwani hakuna ndege nyingine inayokwenda huko hadi wakamua kuoanda ATCL?

Mkuu shirika lako la Ndege Tanzania linamiliki kandege kamoja tu aisee.

Kakiharibika ndio hivyo tena

 

[Shepherd]

Duh sinachakuchangia naona kama ni maajabu!Kumbe ndege ni moja tu hakuna backup aisee wonders never end.Kweli unaweza fanya biashara ya regional route na ndege moja tu?what a joke msituabishe inatosha

 

[kinauche]

Mkuu shirika lako la Ndege Tanzania linamiliki kandege kamoja tu aisee.

Kakiharibika ndio hivyo tena

Samahani mkuu. Infact nilitaka kuuliza hakuna shirika jingine lenye ndege zinazokwenda huko zaidi ya hili lililoko ICU?

 

[MKWEPA KODI]

Wangeazima ya Serikali iwapeleke

 

[rubii]

Only in Tanzania.

Sijui kwanini mkuu ila nina hisia kama nakufahamu

 

[Ombudsman]

Warudishe nauli za watu waache ubabaishaji.

 

[Bilionea Asigwa]

Samahani mkuu. Infact nilitaka kuuliza hakuna shirika jingine lenye ndege zinazokwenda huko zaidi ya hili lililoko ICU?

ATCL ni ya serikali, mashirika mengine yapo ila ya binafsi, ila ATCL wamekula nauli za abiria hawataki kuwarudishia hela zao watu watafute alternative route...

 

[kinauche]

ATCL ni ya serikali, mashirika mengine yapo ila ya binafsi, ila ATCL wamekula nauli za abiria hawataki kuwarudishia hela zao watu watafute alternative route...

 

[jerrytz]

Wanaendelea kusubiri ndege mbovu...

 

[Mr Hero]

Dah aibu kweli,

 

[mwasu]

Halafu unasikia LUGUMI kapiga, ESCROW wamepiga, EPA wamepiga, RICHMOND wamepiga halafu rais wetu pendwa ndio alikuwa waziri wa miundombinu na uchukuzi au nakosea? Tehhtehh bora alikumbuka kivuko kibovu kwenye ndege wala hakuwa na kumbukumbu nako, au kwa sababu ya asili aliyotekea? meli na boti tunataka kuangalia hayo hayo?! zaidi ya maajabu nchi haina ndege lakini rais anayo ya kwake halafu ana uchungu sana na wananchi wanyonge?! kazi kweli kweli.

 

[Bavaria]

Waendelee kusubiri hadi ndege mpya za Magufuli zije.

 

[Auz]

Wangeazima ya Serikali iwapeleke

Wanaogopa kutumbuliwa, ila siku zao zaja watatumbuliwa tu.

 

[sawabho]

Sijui kwanini mkuu ila nina hisia kama nakufahamu

Mlisoma wote Tabora Girls

 

[Mulhat Mpunga]

Abiria 80 wa Shirika la Ndege Tanzania (ATCL), waliokuwa wakielekea visiwani Comoro wamekwama kwa takriban wiki moja baada ya ndege kuharibika.

Abiria hao waliwaeleza wanahabari jana kuwa wamekwama tangu Alhamisi iliyopita na kwamba wamechoka kukaa mbali na familia zao hivyo kuiomba Serikali ifanye jitihada za kuwarudisha kwao. Mmoja wa abiria hao, Adinani Benkharifa alisema Sh50,000 walizopata kama fedha za kujikimu kwa siku haitoshi kwa kuwa maisha ya Dar es Salaam ni tofauti na kwao.

"Maisha ya huku ni magumu sana, fedha ninayopewa kwa ajili ya matumizi haitoshelezi mahitaji yangu, nataka kurudi Comoro na si kupewa fedha ili niendelee kuwepo," alisema.

Alisema kuendelea kukaa Dar es Salaam ni tatizo kwao kutokana na kuishi bila kuzalisha chochote. Zainoudine Moilimou alisema anashangazwa na kitendo cha shirika hilo kushindwa kuwarudishia nauli ili watafute utaratibu mwingine wa kurudi kwao.

"Tuliambiwa tutaondoka jana, lakini tulishangaa kuitwa ofisini badala ya uwanja wa ndege kumbe safari siyo leo."

Abiria mwingine, Mariam Nassor alisema yeye na mwanaye walimaliza bajeti yao wiki iliyopita na hawawezi kuishi kwa kula chipsi mayai kwa kuwa si chakula walichozoea.

Akijibu Madai ya wasafiri hao, Kaimu Ofisa Uhusiano wa ATCL, Lily Fungamtama alisema ndege pekee ya shirika hilo aina ya Dash 8-Q 300 ambayo ina uwezo wa kubeba abiria 50 ilipata tatizo la kiufundi Alhamisi iliyopita na taratibu za matengenezo zinaendelea.

Alisema ndege hiyo ambayo kwa kawaida hufanya safari tano kwa wiki katika Visiwa vya Comoro, inaweza kuruka lakini kiusalama shirika liliona ifanyiwe marekebisho kabla ya kuendelea na safari.

"Kipuri cha tatizo lake kiliagizwa mapema ila hakikuja kwa wakati na kimefika jana na kuanza kufungwa tunatarajia kukamilika kesho (leo). Endapo matengenezo hayatakamilika, tumefanya mawasiliano na kampuni ya AB Aviation iwasafirishe," alisema.

Akizungumzia kiwango cha fedha wanachopewa abiria hao, Fungamtama alisema kinatolewa kwa mtu mmojamoja hivyo wanaamini kinawasaidia abiria hao wakati hatua nyingine zikiendelea.

Source: Mwananchi

WAO NAO KUJITIA UZALENDO ALIYEWAAMBIA WAKATE TKT YA HIZO NDEGE NI NANI WAKOME

 

[NAKWEDE]

Akijibu Madai ya wasafiri hao, Kaimu Ofisa Uhusiano wa ATCL, Lily Fungamtama alisema ndege pekee ya shirika hilo aina ya Dash 8-Q 300 ambayo ina uwezo wa kubeba abiria 50 ilipata tatizo la kiufundi Alhamisi iliyopita na taratibu za matengenezo zinaendelea.


Hongera Lily Fungamtama kuwa kukaimu nafasi hiyo maana nakufahamu wewe KATIBU MUHTASI alimaafuru p/s hongera sana

 

[rubii]

Mlisoma wote Tabora Girls

Fuata yako mkuu yangu mie na yule hayakuhusu!