10 kortini kwa wizi wa Sh59.9 milioni za CRDB

[Influenza]

Watu 10 wamefikishwa katika Mahakama ya Hakimu Mkazi Kisutu kujibu mashtaka manne ikiwemo wizi wa Sh59.9 milioni mali ya Benki ya CRDB.

Washitakiwa hao ni Abdul Mahamud, Hassan Kimangale, Deogratius Mtwale, Salim Mtandika, Geofrey Michael, Wilberth Mwasongwe, Eliuphoo Swai, Arnold Natai, Rehema Alphany na Johnson Muyanda.

Akiwasomea hati ya mashtaka mbele ya Hakimu Mkazi Agustine Mbando, wakili wa Serikali Faraji Nguka amedai leo Mei 17, 2019 kuwa washitakiwa hao walitenda kosa hilo Aprili 25 mwaka huu jijini Dar es Salaam.

Amedai kuwa katika tarehe hiyo, washitakiwa Mahamud, Kimangale, Mtwale na Mtandika walikula njama ya kutenda kosa la wizi.

Katika shtaka la pili inadaiwa kwamba washtakiwa Mahamud, Kimangale, Mtwale, Mtandika, Michael, Ntai, Rehema na Mayunda, Aprili 25 mwaka huu eneo la Tazara Oilcom katika ATM ya CRDB waliiba Sh. 39,940,000 mali ya benki hiyo.

Katika shitaka lingine, washitakiwa hao kwa pamoja wanadaiwa kuiba Sh20 milioni mali ya benki hiyo.

Katika la nne washitakiwa Mwasongwe na Swai, wanadaiwa kushindwa kuzuia wizi wa fedha hizo mali ya Benki ya CRDB.

Akitoa masharti ya dhamana Hakimu Mmbando alimtaka kila mshtakiwa kuwa na wadhamini wawili kila mmoja atakaesaini bondi ya Sh3 milioni.

Wakili Nguka alidai upelelezi wa kesi hiyo haujakamilika na imeahirishwa hadi Mei 31 mwaka huu na washitakiwa wote wamepelekwa rumande baada ya kushindwa kutimiza masharti ya dhamana.

 

[King smoker]

Ni staff wa bank au ni watu gani??! dadavua kidogo mkuu

 

[mtafuta-maisha]

Ukweli siyo wafanyakazi wa crdb bali ni wafanyakazi wa kampuni ya G4S yenye mkataba wa kulinda na kuweka ela atm pamoja na kukusanya na kuhifadh pesa za crdb citi bank nmb nbc nakadhalika

 

[Bishop Hiluka]

Tazara Oilcom ndiyo wapi? Halafu habari bado haijitoshelezi...

 

[kunze]

Tazara Oilcom ndiyo wapi? Halafu habari bado haijitoshelezi...

Anatulisha matango pori,nimejitahidi kuitafuta tazara oilcom,hadi muda huu nimesimama hapa azam ,sijaiona. Mwandishi,andika kitu facts siyo mihemko

 

[mng'ato]

Waandishi wetu wa habari ni vimeo tu.

 

[Ben Carlson]

Tazara oilcom ni wapi?? Au kuna Tazara nyingine

 

[mbotoro kivoi]

Walikua n wafanyakazi w benki au coz sio rahisi kwa mtu wa nje kufanya ivo...

 

[charles ndagulla]

Kwenye hati ya mashitaka kuna majina ya washitakiwa na anwani zao hivyo mwandishi anatakiwa aangalie mwisho wa charge Sheet inataja majina,umri,kabila,dini,kazi na eneo unalokaaa.

Naamini Mwasongwe na Swai walioshitakiwa kwa kosa la kushindwa kuzuia wizi ama kushindwa kuzuia kosa lisitendeleke watakuwa watumishi wa Moja ya Taasisi za ulinzi ama Benki yenyewe.

 

[jozzeva]

Nlitaka nshangae hapo akosekane Mangi.

 

[gnassingbe]

Nlitaka nshangae hapo akosekane Mangi.

Nlitaka nshangae hapo akosekane Mangi.

Sweet Mangiiiiii!