JamiiSMS
    Show/Hide This

    Topic: Zijue Mbinu zangu: Ufugaji Kuku wa Kienyeji

    Report Post
    Page 21 of 44 FirstFirst ... 111920212223 31 ... LastLast
    Results 401 to 420 of 867
    1. #1
      Kubota's Avatar
      JF Senior Expert Member Array
      Join Date : 21st October 2012
      Posts : 494
      Rep Power : 103864171
      Likes Received
      762
      Likes Given
      627

      Default Zijue Mbinu zangu: Ufugaji Kuku wa Kienyeji

      Wana Jf,

      Kuna maandiko mengi JF ya ufugaji Kuku wa Kienyeji! Nawasilisha kwenu wadau wa JF mbinu ambazo kwa mikono yangu nimezitumia kutatua changamoto za kuku wa kienyeji! Nimeandika kuwalenga wajasiliamali ambao hawana nguvu kifedha kujenga mabanda kisasa, mashine kutotolesha vifaranga, kutibu magonjwa wala kujenga wigo (fence) n,k. Naomba mzijue mbinu hizi nisije kufa nazo, huu ni mchango wangu kwenu watanzania wenzangu wale ambao mtakuwa hamjawahi kuzisikia mbinu hizi. Mbinu hizi baadhi nilisoma vitabuni nikazijaribu na kuziboresha kwa mazingira yangu duni! Mbinu zingine niliziona kwa wakulima duni kama mimi nikazitumia na kuleta mafanikio makubwa, mbinu zingine nilizigundua mwenyewe na nikafanikiwa sana. Hizi mbinu hazijafanyiwa utafiti rasmi lakini nimeweza kufanikiwa kuwa na kundi kubwa la kuku kwa haraka sana kupitia ujanja huu!!

      Mdau wa JF nakualika utembelee uzi huu mara kwa mara kila upatapo fursa ili uweze kufuatilia simulizi yangu maana itakwenda kwa vipande vipande. Mnakaribishwa kuchangia uzoefu wenu ili tuboreke zaidi.

      Mbinu hizi zitagusia zaidi: Utotoreshaji vifaranga vingi kwa mara moja bila kutumia mashine! Ukuzaji wa vifaranga vingi kwa njia rahisi na kwa haraka zaidi, ulinzi wa kuku dhidi ya wanyama maadui, kudhibiti kuku wasizurule, magonjwa niliyofanikiwa kuyadhibiti, ujenzi wa vibanda wenye kukidhi mahitaji mbali mbali. Ni utaalamu nilioupata kwa gharama kubwa na mahangaiko ya muda mrefu, nauleta kwenu ili sote tuendelee kukua pamoja kiujasilia mali.

      Stay tuned and keep on visiting this thread!!


      ===============
      UPDATE
      ===============


      Quote By Kubota View Post
      Safari yangu ilianza baada ya kukutana na mhamasishaji aliyenitia chachu kwamba 10 x10 x 10 you become a millionea! Kwamba ukianza na kuku 10 kila mmoja akazaa 10 na hao watoto na mama zao wakazaa kila mmoja 10 unakuwa millionea! Wakubwa kuongea ni rahisi utekelezaji ukawa mgumu sana! Changamoto kuu aipatayo mfugaji wa kuku wa kienyeji ni kuzalisha vifaranga wengi na kuweza kuwakuza! Bila hivyo kundi haliwezi kukua na kukupa kipato cha uhakika!

      Safari ya ufugaji niliianza kwa kununua mitetea 30 na jogoo watatu! Ilibidi nisubiri muda hadi kuku waanze kutaga! Muda ukafika kuku wakaanza kutaga kwa fujo sana! Nilikuwa na banda moja tu ambamo kuku wote walikuwa wakilala humo. Nilitengeneza viota vingi kwa ajili ya kuku kutagia. Asubuhi nilikuwa nawafungulia! Changamoto nilizoanza kupambana nazo kwanza kama mjuavyo kuku tofauti walikuwa wanataga kwenye kiota kimoja! Ilipofika wakati wa kuatamia ikawa kila kwenye kiota kimoja kuna kuku kadhaa wamebanana wanaatamia! Hali hii haipaswi kutokea kwani kuku mmoja anaweza kuwa amejilundikia mayai mengi ambayo hawezi kuyapajoto la kutosha na kuku mwingine anakuwa amekaa kando tu hana hata yai moja. Hii ilibadilika ikawa kero kubwa! Nilijua utotoaji unaweza kuathirika sana!

      Ili utotoreshe vifaranga vingi kwa wakati mmoja badala ya kutumia incubator, tumia hao hao kuku. Wakianza kutaga kila siku okota mayai na kuyahifadhi mahali salama ili kuku wasiyatie joto! Kuku wengi wanapotaga kwa pamoja hufikia wakati mayai huishatumboni unakuta wamelala kwenye viota wakiwa wameatamia mayai yaliyopo au udongo tu! Kuku anaekuwa amefikia kuatamia utamjua kwani ukimshitua haondoki kwenye kiota. Kuku anaetaga ukimshitua hukimbia! Kwa hiyo kama nimepanga kutotolesha vifaranga 100 kwa mara moja nikishagundua kuwa kuna kuku 8 wameanza kuonesha dalili ya kuatamia hapo husubiri usiku ninawawekea mayai amabayo nilikuwa nimeyahifadhi. Ambapo mimi huwekea kila kuku mayai 15. Kwa hiyo kuku 8 hufanya jumla ya mayai 120. Kwa kuwa banda langu ni hilo moja tu kuku wengine wanaoendelea kutaga walikuwa wanaendelea kutagia kwenye viota ambavyo kuku wengine walikuwa wanaatamia! Hali hii ilikuwa inaleta tabu sana kwani ilikuwa si rahisi kutambua mayai mapya na yenye siku nyingi. Kuondoa shida hii nilinunua MARKER PEN (rangi yoyote) na siku ya kuwawekea mayai kuku ili waatamie niliyachora mduara kuzunguka yai ili iwe rahisi kuyatambua mayai mapya. Huo mchoro hauwatishi kuku na hakuna dosari yoyote. Kwa hiyo kila siku jioni ninapokuja kuokota mayai yaliyotagwa nilikuwa pia nakagua kila kiota cha kuku walioatamia na kuondoa mayai mapya. Kumnyenyua kuku anaeatamia na kuondoa yai haileti shida yoyote!

      Kuku akifikia wakati wa kuatamia ukamnyima mayai hawa wanatabia kuendelea kung'ang'ania kuatamia, hapo ilibidi kutengeneza JELA! Watu wengine wanambinu tofauti kumwachisha kuku asiatamie! Mbinu ya kumtia kuku stress inafanya kazi nzuri sana! Jela inaweza kuwa ni Tega, au Box kubwa au chumba kidogo kilichopo. Ukimfungia kuku JELA bila maji wala chakula kwa kutwa mbili siku ukimfungulia akili yake huwa ni kutafuta chakula tu hakumbuki kurudi kwenye kiota! Njia hii ilifanikiwa sana na ilifanya kuendesha shughuri zangu bila bughudha! Kuna wakati JELA ilikuwa na kuku kibao hivyo unapaswa kutengeneza kibanda cha JELA. Hawa kuku wakitoka JELA hutaga mapema sana amabapo bila hivyo wangekuwa wanaatamia. Pia kuku wakishaatamia kwa muda wa siku 10 nilikuwa nayapima mayai ili kubaini kama kuna mayai yasiyoweza kuanguliwa! Ni rahisi sana kama una Tochi! Ukimulika yai Kwa kulizungushia vidole kiganjani kama ni yai zima linakuwa na giza kama ni yai bovu linapitisha mwanga kama yai lililotagwa siku hiyo! Jinsi ya kuzungushia vidole yai, tengeneza duara kwa vidole vyako na dole gumba kisha pachika yai katikati ya duara ili mwanga wa tochi upenye kwenye yai! Kwahiyo unaweka tochi inayowaka chini ya yai na hii ifanyike gizani au ndani ya chumba chenye mwaga mdogo. Kadri ya yai linavyokaribia kutotolewa ukilimulika huwa na giza zaidi! Ukimulika mayai toa mayai yasiyoweza kutotolewa maana hayo hutumia joto la Mama bure!

      Ndugu zangu wana JF naendelea kuelezea utotoleshaji bado sijamaliza hebu niwarushie hii kwanza maana nimeona nimechelewesha kuwakilisha na nimewaudhi, poleni, mwenzenu nilikuwa nahangaika kufukia tanuru la mkaa nimekuta limefunguka! Si mnajua maisha jamani!
      ========

      Mayai viza! Mayai yasiyototolewa kwangu ni hazina kubwa kwani huyatumia kuwawekea kuku ili wasubiriane! Yaani inaweza kutokea kuku wameanza kuonyesha dalili ya kuatamia ili aishituke akaahirisha kuatamia huwa namlundikia hayo mayai yasiyoweza kutotoleshwa! Hufanya hivi hadi idadi ya kuku ninaotaka waatamie ikitimia, siku hiyo huondoa mayai feki na kuwawekea siku moja kuku wote mayai halisi ya kuatamia! Hakika nilikuwa ninasisimka sana inapofikia siku ya siku kuku wote wanamwaga vifaranga kwa siku moja!!

      Ufugaji huu wa kuharakisha kuwa na idadi kubwa ya kuku huendana na kutenganisha vifaraga na mama zao. Watu wa mjini hufanikisha kirahisi sana kwa kutumia taa za umeme kuwapatia joto vifaranga! Wengine wanaweza kutumia majiko ya mkaa! Ni wazi kwamba ukiwanyang'anya mapema vifaranga Mama zao ndani ya siku 10 huwa wanaanza kutaga mayai tena, ambapo bila hiyo angeendelea kulea vifaranga wake hadi miezi 3. Kwa kumnyang'anya vifaranga kuku hutotoa vifaranga wengi kwa mwaka! Sasa kazi ndiyo ipo hapa! Ukinyang'anya vifaranga mama zao halafu ukawarundika vifaranga wenye umri tofauti sehemu moja hapo ni balaa! Vifaranga wenye umri mkubwa huhakikisha vifaranga wadogo hawali! Vifo vingi vinavyosababishwa na lishe duni hutokea kwa vifaranga kutokana na ubabe unaotokea kwamba wale wenye umri mdogo hawashibi! Kwa hiyo ni muhimu kutotolesha vifaranga wote siku moja ili uwakuze pamoja!

      Kwa mazingira yasiyokuwa na umeme nilifanikiwa kukuza vifaranga kwa kutumia mama zao! Kwenye kuatamisha kila kuku nilimpa aatamie mayai 15 baada ya kutotoa nilikuwa kila kuku mmoja ninamkabidhi vifaranga 30! Kuku alikuwa anatandaza mabawa yake na kuwafunika wote! Nitawaingizia PICHA mshuhudie! Vifaranga wakirundikana ndani ya mabawa ya mama yao wanazalisha joto la kutosha na wala si kwamba wanategemea joto la Mama yao tu! Kwa kufanya hivi vifaranga waliototolewa na kuku 8 walilelewa na kuku watatu au wanne tu! Kwa hiyo wale kuku wengine 4 au 5 walipelekwa JELA ili kuondoa usumbufu na baada ya kutoka JELA baada ya siku 10 wanaanza kutaga mayai!
      ======

      Nashukuru Kamuzu kwa kuonyesha uwepo wako nilifikiri niko mwenyewe tu peke yangu hapa jukwaani maana wakubwa wamekasirika wameondoka kwa kuwa nimechelewa kuwasilisha, jamani tuvumiliane!

      Nilivyoendelea kufuga baada ya kuona kuwa kuku wanaoatamia wanapata usumbufu sana kutoka kwa kuku wanaoendelea kutaga, Banda langu la kuku nililigawa kukawa chumba na sebule! Nitaeleza wakati ukifika nilivyojenga mabanda yangu. Kwa hiyo chumbani niliweka viota na ndiko ambako nilikuwa nawaweka kuku wanaoatamia ili wasibughudhiwe kabisa na kuku wenzao, mlango wa kuingia chumbani nilitengeneza geti la mianzi iliyopigiliwa karibu karibu kuzuia kuku kupenya. Hapo sebuleni ndiko kuku wote watagao na wasiotaga walikuwa wanalala, kwa hiyo kulikuwa na viota vingi ambavyo juu yake nilikuwa naviwekea kizuizi kwa kutumia Mabanzi ya mbao ili usiku kuku wengine wanaposimama juu yake wasichafue kwa kinyesi chao kwenye viota. Viota hivi nilikuwa navitengeneza kwa kuweka partitions (yaani vijivyumba) kwa kutumia tofari za tope, zenye saizi kama ya matofali ya kuchoma. Kwa hiyo kwa kuambaa ukuta nilikuwa nalaza tofari nne chini kwenda juu, nilifanya hivyo kila baada ya upana wa futi moja, juu ya hizo tofali ndiyo niliweka Banzi! Ndani ya hivyo vijivyumba nilitifua umbo kama kijibeseni na kuweka Majani laini ili mayai yatulie yasisambae. Huko chumbani wakati wote kulikuwa na chombo chenye chakula na chenye maji! Hakuna kuku kutoka na hakuna kuku wa kuwaingilia! Ilikuwa ni incubator TOSHA! Nilikuwa nawaona kuku kama wananishukuru kwa kuwatengenezea mazingira safi maana walikuwa hawabughudhiwi na walikuwa wanashiba chakula vizuri tu! Nitaeleza siku nyingine juu ya harakati zangu za kutengeneza chakula na changamoto nilizokutana nazo! Huko chumbani nilikuwa nimetandaza carpet la nyasi; kando kando ya kuta zote kulikuwa na viota ambavyo nilivizamisha ndani ya hilo kapeti la nyasi nadhani mtanielewa! Ninaposema carpet la nyasi, ni nyasi tu nilizisambaza kwa unene wa kama sm 15 au nchi sita! Kwa hiyo kipindi hawa kuku wanapokuwa wanaatamia nilikuwa nazuia wengine wasiatamie hadi hawa watakapototoa! Kwa hiyo mayai yanayopatikana wakati hawa wengine wanaatamia nilikuwa ninakula na mengine kuuza maana mpango wangu ilikuwa kutotolesha mara moja tu kuku mia kwa mwezi! Hii ndiyo Incubator yangu ambayo nilikuwa ninatotolesha vifaranga 100 kwa siku moja!! Kwa kuwa nilikuwa ninajukumu pia la kulea kuku utotoleshaji nilikuwa ninaudhibiti uendane na miundombinu yangu ya kulea kuku na vifaranga.
      ========

      Invisible, Nyamgluu, RR and 107 others like this.


    2. Baba_Enock's Avatar
      JF Senior Expert Member Array
      Join Date : 21st August 2008
      Location : "On-board MH370"
      Posts : 6,565
      Rep Power : 2160
      Likes Received
      1611
      Likes Given
      1884

      Default Re: Zijue Mbinu zangu: Ufugaji Kuku wa Kienyeji

      Ahsante sana Kubota
      Kubota likes this.

      "
      Msidanganyike; Mazungumzo mabaya huharibu tabia njema. "

    3. ANKOJEI's Avatar
      JF Senior Expert Member Array
      Join Date : 11th November 2010
      Posts : 498
      Rep Power : 1082602
      Likes Received
      121
      Likes Given
      98

      Default Re: Zijue Mbinu zangu: Ufugaji Kuku wa Kienyeji

      paka kichwani, ukisoma thread yote utapata ful story
      kanuni ya kupata ni kutoa

    4. Ikunda's Avatar
      JF Senior Expert Member Array
      Join Date : 12th July 2010
      Posts : 721
      Rep Power : 705
      Likes Received
      145
      Likes Given
      49

      Default Re: Zijue Mbinu zangu: Ufugaji Kuku wa Kienyeji

      Quote By ANKOJEI View Post
      ndui dawa yake ni mafuta ya alizet
      mafuta ya alizet nayafanyia nini?? nawapaka kwenye vile viuvimbe?, naweka kwenye maji/chakula au?? naomba ufafanuzi tafadhali!
      Kubota likes this.
      Wapandao kwa machozi, watavuna kwa kelele za furaha. Zab 126:5

    5. ANKOJEI's Avatar
      JF Senior Expert Member Array
      Join Date : 11th November 2010
      Posts : 498
      Rep Power : 1082602
      Likes Received
      121
      Likes Given
      98

      Default Re: Zijue Mbinu zangu: Ufugaji Kuku wa Kienyeji

      paka kichwan apo kwenye vidonda, rudi nyuma ya hi thread kuna mahal imeandikwa vizuri Kubota
      Kubota likes this.
      kanuni ya kupata ni kutoa

    6. Kubota's Avatar
      JF Senior Expert Member Array
      Join Date : 21st October 2012
      Posts : 494
      Rep Power : 103864171
      Likes Received
      762
      Likes Given
      627

      Default Re: Zijue Mbinu zangu: Ufugaji Kuku wa Kienyeji

      Quote By Ikunda View Post
      mafuta ya alizet nayafanyia nini?? nawapaka kwenye vile viuvimbe?, naweka kwenye maji/chakula au?? naomba ufafanuzi tafadhali!
      Soma thread yote mkuu. Kukurahisishia tu unapaka mafuta kwenye uvimbe, ikiwezekana hata ukipaka kichwa chote haina ubaya.


    7. Kubota's Avatar
      JF Senior Expert Member Array
      Join Date : 21st October 2012
      Posts : 494
      Rep Power : 103864171
      Likes Received
      762
      Likes Given
      627

      Default Re: Zijue Mbinu zangu: Ufugaji Kuku wa Kienyeji

      Quote By Ikunda View Post
      Shukrani Kubota kwa kuanzisha huu uzi, na wachangiaji wengine mliochangia mbarikiwe!!!!!

      Mie na swali kidogo,

      nina kuku alitaga nje ya banda lao, alivyoanza kutamia nilimuhamisha usiku kumpeleka ndani ya banda(mahala nilipotengeneza kwa ajili ya kutania (kulalia), HAKULALIA yale mayai, kesho yake nikamrudisha pale alipokuwa ametaga/ametamia, aliendelea kutamia.

      tatizo linakuja hiki ni kipindi cha mvua nilijaribu kumuwekea bati ili mvua ikinyesha asiloane, ila na wasiwasi endapo mayai yakipata maji yataharibika???

      swali la pili, najitahidi kufuga ila kuku wanapoanguliwa ni kwa nini wiki ya pili tu wanakuwa wanapata viuvimbe machoni, na kwenye pua zao?? nilijaribu kuuliza nikaambiwa ni ndui, so napenda kujua kuna kinga ya ndui?? na kama ipo natakiwa niwape kuku wakiwa na umri gani??
      Mkuu Ankojei kesha kudokeza ipasavyo juu ya tatizo la ndui. Chanjo ya ndui kiutaalamu ipo ila sijawahi kuona ikiuzwa Tanzania! Kinachofanyika ni kutibu dalili zinapojitokeza. Suala la ndui nimeliongelea tayari huko kwenye post zilizopita kuhusu magonjwa fuatilia upate simulizi kwa mapana na marefu yake.

      Kuku anaeatamia kama maji ya mvua yakiyafikia mayai yanaweza yasitotolewe kwa vile huwa ni rahisi kushambuliwa na vimelea vya magonjwa. Jitahidi umwekee bati! Kuku wengi hukubali kuhamishwa usiku, lakini kuna wachache huwa wanakataa, ni budi uwatambue kuku wanaokubali kuhamishwa kirahisi na endeleza kizazi chao, kuku wakorofi uza!

    8. Poultry Sayuni's Avatar
      Senior Member Array
      Join Date : 6th September 2011
      Posts : 124
      Rep Power : 626
      Likes Received
      34
      Likes Given
      12

      Default Re: Zijue Mbinu zangu: Ufugaji Kuku wa Kienyeji

      Quote By Kubota View Post
      Mkuu Ankojei kesha kudokeza ipasavyo juu ya tatizo la ndui. Chanjo ya ndui kiutaalamu ipo ila sijawahi kuona ikiuzwa Tanzania! Kinachofanyika ni kutibu dalili zinapojitokeza. Suala la ndui nimeliongelea tayari huko kwenye post zilizopita kuhusu magonjwa fuatilia upate simulizi kwa mapana na marefu yake.

      Kuku anaeatamia kama maji ya mvua yakiyafikia mayai yanaweza yasitotolewe kwa vile huwa ni rahisi kushambuliwa na vimelea vya magonjwa. Jitahidi umwekee bati! Kuku wengi hukubali kuhamishwa usiku, lakini kuna wachache huwa wanakataa, ni budi uwatambue kuku wanaokubali kuhamishwa kirahisi na endeleza kizazi chao, kuku wakorofi uza!
      Hongera kwa kazi nzuri,
      Mkuu chanjo ya ndui ipo huwa ni dawa mbili zinachanganywa na zipo kwny vichupa vidogo sana, chanjo hutolewa kwa njia ya sindano sehemu fulani maalum kwenye bawa (mimi huwa nachanja mwenyewe maana nishazoea sasa). Chanjo hutolewa vifaranga wakiwa na miezi 2 kamili ili vifaranga wawe na nyama nyama kwenye bawa.

      Kwa kifaranga aliyetunzwa vizuri hawezi pata ndui kabla ya muda huo wakati mwingine hata baada ya hapo anaweza asipate ikiwa anatunzwa na kulishwa ipasavyo.
      ANKOJEI and Mzee Mukaruka like this.

    9. Mzee Mukaruka's Avatar
      Senior Member Array
      Join Date : 18th June 2012
      Posts : 154
      Rep Power : 490
      Likes Received
      34
      Likes Given
      47

      Default Re: Zijue Mbinu zangu: Ufugaji Kuku wa Kienyeji

      Asante mkuu RETI kwa elimu hii. Ila ni vizuri ukatupa hata jina la hiyo dawa, ili iwe rahisi kuitafuta humo madukani. Funguka RETI!Asante.

    10. Poultry Sayuni's Avatar
      Senior Member Array
      Join Date : 6th September 2011
      Posts : 124
      Rep Power : 626
      Likes Received
      34
      Likes Given
      12

      Default Re: Zijue Mbinu zangu: Ufugaji Kuku wa Kienyeji

      Quote By Mzee Mukaruka View Post
      Asante mkuu RETI kwa elimu hii. Ila ni vizuri ukatupa hata jina la hiyo dawa, ili iwe rahisi kuitafuta humo madukani. Funguka RETI!Asante.
      Inapatikana kwenye maduka ya dawa za mifugo, waambie tu "CHANJO YA NDUI". bei ni kati ya 10,000-12,00.

      asante

    11. Kubota's Avatar
      JF Senior Expert Member Array
      Join Date : 21st October 2012
      Posts : 494
      Rep Power : 103864171
      Likes Received
      762
      Likes Given
      627

      Default Re: Zijue Mbinu zangu: Ufugaji Kuku wa Kienyeji

      Quote By RETI View Post
      Inapatikana kwenye maduka ya dawa za mifugo, waambie tu "CHANJO YA NDUI". bei ni kati ya 10,000-12,00.

      asante
      Mkuu Reti mimi sikujua kuhusu upatikanaji wake madukani afu unakuta msisitizo wa chanjo hiyo ya ndui umekuwa si mkubwa sana, asante Mkuu kwa kunijulisha hilo, ugonjwa wa ndui nao sasa utabaki historia kwenye ufugaji wangu, kwa hilo RETI nitakukumbuka daima.
      Poultry Sayuni likes this.

    12. Samwel Mariki's Avatar
      Junior Member Array
      Join Date : 22nd April 2013
      Posts : 3
      Rep Power : 0
      Likes Received
      0
      Likes Given
      1

      Default Re: Zijue Mbinu zangu: Ufugaji Kuku wa Kienyeji

      Nouma kweli' endelea kutoa elimu bana nakuckilizia beste.

    13. achonya's Avatar
      Member Array
      Join Date : 25th February 2008
      Location : Dar es Salaam
      Posts : 19
      Rep Power : 687
      Likes Received
      2
      Likes Given
      42

      Default Re: Zijue Mbinu zangu: Ufugaji Kuku wa Kienyeji

      Du... Kuna Kirusi Kimekula file la uzi huu kwenya PC ya Mleta Uzi... na hakumbuki alichoandika.

    14. leo.leo's Avatar
      JF Senior Expert Member Array
      Join Date : 2nd February 2013
      Location : TENENDE MWAYA
      Posts : 324
      Rep Power : 491
      Likes Received
      112
      Likes Given
      148

      Default Re: Zijue Mbinu zangu: Ufugaji Kuku wa Kienyeji

      Quote By Samwel Mariki View Post
      Nouma kweli' endelea kutoa elimu bana nakuckilizia beste.
      usisikilizie ,ukianza post ya kwanza kusoma ,mpaka hapa ilipofikia utakua umeshiba na kuanza kutendea kazi yale yaliyojadiliwa

    15. rolla's Avatar
      JF Senior Expert Member Array
      Join Date : 20th April 2013
      Posts : 1,008
      Rep Power : 617
      Likes Received
      147
      Likes Given
      2

      Default Re: Zijue Mbinu zangu: Ufugaji Kuku wa Kienyeji

      ndo nimemaliza kujenga banda, mbinu zako zitanisaidia mbeleni

    16. Tysher's Avatar
      Senior Member Array
      Join Date : 26th March 2013
      Posts : 181
      Rep Power : 455
      Likes Received
      47
      Likes Given
      52

      Default Re: Zijue Mbinu zangu: Ufugaji Kuku wa Kienyeji

      Tunakusubiri utupe maujuzi,mbona wachelewa?
      Boniface Lukuba likes this.

    17. Boniface Lukuba's Avatar
      Junior Member Array
      Join Date : 28th April 2013
      Posts : 1
      Rep Power : 0
      Likes Received
      1
      Likes Given
      3

      Default Re: Zijue Mbinu zangu: Ufugaji Kuku wa Kienyeji

      Kwanza kabisa napenda nikupongeze kwa kuchukua uamuzi wa kutuelimisha namna ya kufuga kuku kwa lengo la kuongeza tija, nilitamani sana kupata mwongozo wa namna gani nifuge kwa muda mfupi nikawa na idadi kubwa ya kuku, kwa mwongozo huu nimeanza kupata picha kamili kuwa ipo siku n'takuwa 'millionaire'. Ombi langu kwako nikwamba kama inawezekana, naomba kila 'EPISODE' unipatie maelekezo kwenye E-mail yangu( [email protected]) kisha n'takuwanakupa mrejesho wa mafanikio. Kila la kheri
      Kubota likes this.

    18. Sarin's Avatar
      Member Array
      Join Date : 27th April 2013
      Posts : 19
      Rep Power : 418
      Likes Received
      6
      Likes Given
      0

      Default

      Quote By Kubota View Post
      Mkuu chama2chawa: Umeleta hoja ngumu na pana sana kuweza kuielezea kwa utoshelevu ikaweza kukidhi haja. Ni hoja inayoweza kuzua malumbano yasiyoisha kiasi cha kuharibu uelekeo wa hii THREAD. Maana hoja hii imejikita kwenye imani zilizojichimbia sana kwenye jamii nyingi za kiafrika na imani hizi zinatutafuna sana tusiweke juhudi ya kung’ang’ania zaidi kuyatafuta yale tunayoamini yanaweza kutuinua kimaendeleo. Imani hizi ndiyo kwa mapana yake watu wanajikuta kwenye kutafuta ndumba zinazodhuru hadi maisha ya watu ili wapate kinachoitwa ngekewa au waondoe nuksi!

      Suala hilo linawatatiza zaidi watu ambao hawajaelimika. Kadri jamii au watu wanavyoelimika zaidi ndiyo jinsi ambavyo imani kama hizo zinapungua! Mtu aliyeelimika hutamjua kwa kumiliki vyeti na madigrii bali utamjua kwa anayojiamini na kwa matendo yake, mtu aliyeelimika anatarajiwa ahusishe kufikiri juu ya ukweli wa lile analoliamini na siyo kukariri mambo kama tunavyokaririshwa bila kuhoji vitabu vya dini!

      NGEKEWA au NUKSI ni maneno ambayo huyatumia watu wanaojifariji kwa kutafuta majibu rahisi kwa masuala magumu! Mtu aliefanikiwa watu humwelezea kuwa ana NGEKEWA na mtu aliyeshindwa kufanikiwa humchukulia ana NUKSI. Dunia ya leo (ya sayansi na technolojia) mtu ambaye bado anaamini hivyo atachelewa sana au ataishia kubaki nyuma! Mtu anaedhani ana mkono mbaya na akaamini hivyo huyo maendeleo hawezi kuyapata kamwe!

      Hakuna binadamu anaeng’ang’ania kujifunza jambo akashindwa kulijua, tunaweza kutofautiana spidi ya kuelewa jambo tunapojifunza lakini mwisho wa siku mtu utaelewa tu, ndiyo maana tunavaa suluali, mashati na viatu kwa usahihi, kwenye vyoo vyetu vya shimo tunalenga vizuri tu, yote haya tulijifunza hatukuzaliwa tukijua yote haya na kama huamini kumbuka jinsi mtoto anavyopishanisha matundu anapoanza kufunga vifungo vya shati siku za mwanzo, au kubadili viatu mguu kulia kuvaa kushoto.

      Ikitokea mtu umefanya jambo mara moja, mbili, tatu hata mara nne usifanikiwe siyo sahihi kujichukulia kwamba una nuksi au unadamu mbaya! Kama una imani juu ya jambo unalolifanya kwamba ukilimudu kulifanya linaweza kukuinua basi wewe endelea kulifanya tu maana kadri unavyoendelea kupiga mieleka ndiyo unavyozidi kulielewa vizuri zaidi mwishoni kitaeleweka tu.

      Kuhusu mfano wa mpandaji wa hoho ulioutoa anaweza akawa na mkono mbaya kwa maana ya kwamba hajui kupanda hoho! Je alikuwa anapanda kwa usahihi? Ni rahisi sana kufanya utafiti ili kujua kama ni mwili wake ndiyo wenye nuksi na siyo kwamba hajui kupanda. Aende akapande sehemu tatu tofauti na watu wengine ili ionekane kama kote huko matokeo ni yale yale! Ikitokea hivyo tueleze hapa JF tumtangaze huyo Bwana maana wenzetu wa nchi zilizoendelea huyo jamaa kwao atakuwa kivutio kikubwa sana cha utalii na itabidi wampime hata damu yake waichunguze! Kwamba yeye kila akipanda hoho haziponi au hazizai au hazisitawi lol!

      Kupanda miche au mbegu siyo ni kule kufukia mche kwenye udongo tu, kuna mbinu zake! Kwenye kilimo cha vitunguu na mpunga mimi mwenyewe nimewahi kukutana na baadhi ya wapandaji wangu vibarua kadhaa ambao wamewahi kunisababishia hasara kwa miche waliyopanda kufa au kutokusitawi vizuri! Hii ilitokana na wao wanapopanda wanashika miche vibaya, wanaishikia katikati ya mche na kuizamisha hivyo hivyo kwenye udongo na inajikunja kama herufi ya U, yaani majani na mizizi inatokeza juu, shina ndiyo linazamishwa chini! Yaani mche unapandikizwa lakini ukiutazama unakuta mizizi yote imetokeza juu ya udongo! Mpandaji huyo unakuta ile strip aliyopanda yeye ama miche inakufa au inakuwa dhaifu tofauti kabisa na walikopanda wengine! Mpandaji huyu akisakamwa kuwa akipanda miche inakufa au haizai vizuri atajiona ana mkono mbaya! Kuna mifano mingi tu ya aina hii ambapo watu kwa kuwa makini wengine wanafanikiwa na kuitwa wana ngekewa au damu nzuri na wengine kwa kutokuwa makini hawafanikiwi na wanaonekana wana damu mbaya au nuksi!

      Kwa hiyo Mkuu chama2chawa kujibu hoja yako kuwepo ngekewa au kutokuwepo ngekewa kwenye eneo lolote la maisha inategemea wewe ni mtu wa mlengo gani! Watu walioelimika hilo wala siyo suala la kujadili kabisa!

      Kuna jambo moja tu kwa uhakika kabisa ambalo lipo nalo linaitwa CHANCING hilo kwa hakika lipo! Kwa mfano ugonjwa wa kuku unaweza kukumba eneo fulani tu eneo lingine kuku wakasalimika; mvua inaweza kunyesha eneo fulani watu wakaokoa mazao na eneo lingine isinyeshe yakakauka; mtu anaweza kuuza hoho sokoni leo, kesho yake jirani yake akaingiza mzigo sokoni akakuta bei imeshuka au imepanda, unaweza kununua chanjo imekufa bila kujua kuku wako wakaugua na kufa jirani yako akaenda nunua kwingine chanjo nzima akatibu kuku wake wakabaki salama n.k. Lakini wataalamu wanasema kuwa kunachochangia sana kwenye mafanikio ya shughuri mbalimbali asilimia 5% ni CHANCING, na 95% inatokana na Management! Kwa hiyo iwapo kama chancing ni NGEKEWA (au NUKSI) mchango wake kwenye kufanikiwa ni asilimia 5% tu si kitu cha kutegemea wala si kitu cha kuhofia.
      Kweli wewe ni mwalimu, nimenufaika nawewe Kubota. Ubarikiwe sana

    19. Kubota's Avatar
      JF Senior Expert Member Array
      Join Date : 21st October 2012
      Posts : 494
      Rep Power : 103864171
      Likes Received
      762
      Likes Given
      627

      Default Re: Zijue Mbinu zangu: Ufugaji Kuku wa Kienyeji

      Quote By Boniface Lukuba View Post
      Kwanza kabisa napenda nikupongeze kwa kuchukua uamuzi wa kutuelimisha namna ya kufuga kuku kwa lengo la kuongeza tija, nilitamani sana kupata mwongozo wa namna gani nifuge kwa muda mfupi nikawa na idadi kubwa ya kuku, kwa mwongozo huu nimeanza kupata picha kamili kuwa ipo siku n'takuwa 'millionaire'. Ombi langu kwako nikwamba kama inawezekana, naomba kila 'EPISODE' unipatie maelekezo kwenye E-mail yangu( [email protected]) kisha n'takuwanakupa mrejesho wa mafanikio. Kila la kheri
      Sawa Mkuu nitajitahidi kufanya hivyo mrejesho wako ndiyo manufaa makubwa kwa wanajamii hapa JF.

    20. Kubota's Avatar
      JF Senior Expert Member Array
      Join Date : 21st October 2012
      Posts : 494
      Rep Power : 103864171
      Likes Received
      762
      Likes Given
      627

      Default Re: Zijue Mbinu zangu: Ufugaji Kuku wa Kienyeji

      Quote By Sarin View Post
      Kweli wewe ni mwalimu, nimenufaika nawewe Kubota. Ubarikiwe sana
      Mkuu Sarin asante sana, tuko pamoja ndugu yangu. Ubarikiwe pia kwa appreciation.
      Last edited by Kubota; 29th April 2013 at 15:14.

    21. Kubota's Avatar
      JF Senior Expert Member Array
      Join Date : 21st October 2012
      Posts : 494
      Rep Power : 103864171
      Likes Received
      762
      Likes Given
      627

      Default Re: Zijue Mbinu zangu: Ufugaji Kuku wa Kienyeji

      Wadau hadithi yangu bado inaendelea, sijasimulia bado kuhusu ujenzi wa mabanda yangu na mpangilio wake ulivyokuwa, nitakuja pia na kitu kinaitwa grazing pattern. Kwa wanaotaka kufuga maeneo makubwa ufugaji huria, kwa wale watakaopata nguvu na kujipanua kufuga maeneo makubwa kuku kuanzia miatano na hadi zaidi ya alfu moja, kuna design inakuja. Hakuna haja ya kukata tamaaa, Tanzania yetu fursa zipo nyingi sana tatizo fursa ya kupata elimu hii ndiyo finyu, tumieni JF hapa ni zaidi ya chuo. Ninakuja kivingine. Hata nikichelewa maana nimeanzisha tena kuchoma mikaaaa, STAY TUNED..................!!!!!
      TODAYS likes this.


    Page 21 of 44 FirstFirst ... 111920212223 31 ... LastLast

    Posting Permissions

    • You may not post new threads
    • You may not post replies
    • You may not post attachments
    • You may not edit your posts
    •  

    Who are WE?

    JamiiForums is a 'User Generated Content' site; anyone can register (MUST) and comment or start a new topic.

    You are always welcome! Read more...

    Where are we?

    We have our offices in Dar es Salaam but we still work virtually.

    For anything related to this site please Contact us.

    Contact us now...

    DISCLAIMER

    JamiiForums, its partners, affiliates and advertisers are not responsible for the content of threads/topics that are submitted by users..

    Read more...

    Forum Rules

    JamiiForums is moderated under the rules set by users and moderators to safeguard you.

    You MUST read them and comply accordingly. Read more...

    Privacy Policy

    We are committed to respecting your privacy rights when visiting any JamiiForums.com page, such as this one.

    Read our Privacy Policy. Proceed here...