Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Zitto Awabana Mawaziri

Discussion in 'Habari na Hoja mchanganyiko' started by Ochu, Aug 27, 2008.

  1. Ochu

    Ochu JF-Expert Member

    #1
    Aug 27, 2008
    Joined: May 13, 2008
    Messages: 972
    Likes Received: 7
    Trophy Points: 35
    Zitto awabana mawaziri

    na Salehe Mohamed, Dodoma


    MBUNGE wa Kigoma Kaskazini (CHADEMA) Zitto Kabwe, amewalaumu mawaziri na baadhi ya viongozi wa serikali kwamba wamechangia kuyaua mashirika ya umma kwa kuchagua wakurugenzi wasio na uwezo.

    Shutuma hizo alizitoa juzi bungeni, alipokuwa akichangia hotuba ya bajeti ya Wizara ya Fedha na Uchumi kwa mwaka wa fedha wa 2008/2009.

    Alisema kamati ya kukagua hesabu za mashirika ya umma, imekumbana na mambo mengi katika mashirika hayo lakini kubwa zaidi ni wakurugenzi wasio na uwezo ambao wamepata vyeo hivyo kwa misingi ya udugu na urafiki.

    “Cha kusikitisha zaidi ni uteuzi wa wakurugenzi, unaofanywa na mawaziri bila kuihusisha Ofisi ya Msajili wa Hazina ambayo kimsingi, ndiyo inayopaswa kujulishwa na kuratibu shughuli za mashirika ya umma,” alisema.

    Alisema Ofisi ya Msajili wa Hazina, ina mali zenye thamani ya zaidi ya sh trilioni 5, lakini ukiangalia uwezo wake ni mdogo na imekuwa haiangaliwi kwa kiwango kinachotakiwa

    “Mawaziri mnaofanya uteuzi wa wakurugenzi wasio na sifa katika mashirika ya umma, ndio mnaoua mashirika hayo, pale hawaendi kusimamia masilahi yenu bali ya umma, sasa kwa nini msichague wakurugenzi wenye uwezo?” alihoji Zitto.

    Aidha Zitto, aliitaka serikali kuingia katika Soko la Hisa la Dar es Salaam, kupitia baadhi ya mashirika yake ya umma ikiwamo TSN, Twiga Bancok, Celtel (Zain) na mengineyo, angalau itoe asilimia 25 za hisa zake ili ziweze kununuliwa na Watanzania.

    Alisema hakuna maana kama serikali itakuwa ikiendelea kuimba wimbo wa Watanzania kumiliki uchumi wa nchi, kama itaendelea kuwa na hisa nyingi katika mashirika hayo bila kuziingiza katika soko la hisa ili Watanzania wazinunue.

    Aidha, mbunge huyo pia amepinga wabunge kuwamo katika bodi za wakurugenzi wa mashirika mbalimbali ya umma, kwa madai kuwa hali hiyo inaweza kusababisha mgongano wa kimaslahi, linapofika suala la kuwawajibisha viongozi na wajumbe wa bodi wa shirika ya umma.

    Alisema ni vema wabunge wanaotaka kuwamo katika mashirika ya umma, wakaachana na shughuli za kisiasa ili wayatumikie vema mashirika hayo kuliko ilivyo sasa.

    Alisema kamati yake ya Hesabu za Mashirika ya Umma, imeshapeleka waraka kwa Rais Jakaya Kikwete, Waziri wa Fedha na Uchumi na viongozi wengine, ili jambo hilo liweze kupitishwa na kuwazuia wabunge kuwa wajumbe wa bodi hizo.

    Aidha, Zitto alisema upinzani nchini unafanya kazi nzuri ya kuwaumbua viongozi na watendaji wanaoshiriki katika vitendo vya ufisadi, licha ya wabunge wa CCM kukerwa na kelele hizo.

    Alisema kuibuliwa kwa suala la EPA ni kiashirio tosha cha kazi nzuri inayofanywa na wapinzani, ambao wako mstari wa mbele kuhakikisha watendaji na viongozi wanafuata maadili kulingana na kiapo walichokula wakati wanapewa nafisi hizo.
     
  2. Kevo

    Kevo JF-Expert Member

    #2
    Aug 27, 2008
    Joined: Jun 12, 2008
    Messages: 1,333
    Likes Received: 10
    Trophy Points: 0
    Hao Mwaziri kazi zao wenyewe zimewashinda unadhani wataweza kuchagua wakurugenzi bora maana a fool can not lead a fool!Wizara zao ni shaghala baghala!
     
  3. M

    Mtanzania JF-Expert Member

    #3
    Aug 27, 2008
    Joined: May 4, 2006
    Messages: 4,815
    Likes Received: 31
    Trophy Points: 145
    Corporate governance kwa TZ ni tatizo. Hao wajumbe wa board inatakiwa wachaguliwe kwa kuangalia uwezo wao na pia kuongeza ujuzi kwenye board. Unapochagua mtu wa kwenda kukaa tu kule na kusubiri posho, hapo ndio mwanzo wa matatizo yote.

    Hata mimi sioni sababu za wabunge kuwa wajumbe wa boards mbalimbali, wanatoa wapi huu muda? Mara bungeni, mara kamati za bunge, mara safari, je wanakuwa majimboni kwao muda gani?

    Kuna haja ya kufanya research na kutambua wabunge wanakaa siku ngapi jimboni kwao kwa mwaka?
     
  4. S

    Silas A.K JF-Expert Member

    #4
    Aug 27, 2008
    Joined: Apr 23, 2008
    Messages: 807
    Likes Received: 11
    Trophy Points: 35
    Bodi members ni kero kwa mashirika ya umma wala hawasaidii kwa lolote watendaji wa mashirika hayo.

    Wanasiasa na mawaziri ni kero kwa mashirika ya umma kwasababu wanafanya kama ni sehemu za kuponea pale wanapokuwa na matatizo yao.
     
Loading...