Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wewe unataka hiki!

Discussion in 'Jukwaa la Lugha' started by Mzee Mwanakijiji, Mar 20, 2009.

  1. Mzee Mwanakijiji

    Mzee Mwanakijiji Platinum Member

    #1
    Mar 20, 2009
    Joined: Mar 10, 2006
    Messages: 30,400
    Likes Received: 2,468
    Trophy Points: 280
    Haya.. mapumziko time!

    Wewe unataka hiki, naye anataka kile,
    Mkononi unachaki, ubao wake ni ule,
    Mwaitana marafiki, tangu nyie mko shule,
    Ulichonacho ataka, alichonacho wataka
    Mbona mwaringiana?

    Wajua anakitaka, anajua wakitaka,
    Wote mwajua mwataka, mmebaki na mashaka,
    Mmebaki na dhihaka, na kicheko mnacheka,
    Ulichonacho ataka, alichonacho wataka
    Mbona mnazungushana?

    Cha kwake unakipenda, cha kwako anakipenda,
    Sasa wote mmekonda, zinawadondoka denda,
    Kwa wenzako wamponda, kwa wenzake akuponda,
    Ulichonacho ataka, alichonacho wataka
    Mbona mnategeana?

    Usiku unapolala, ndotoni unakiota,
    Naye anashindwa kula, kutwa anaona nyota,
    Wawacheka wenye hila, kwa jinsi mnavyosota,
    Ulichonacho ataka, alichonacho wataka
    Mbona mnaumizana?

    Unasubiri aombe, anasubiri uombe
    Sasa mmeota pembe, za kiburi na kimbembe,
    Ati hutaki atambe, naye hivyo hivyo kumbe,
    Ulichonacho ataka, alichonacho wataka
    Mbona mnangojeana?

    Sasa nenda utamke, uwe wa kwanza kunena,
    Fanya hima mualike, hilo ungefanya jana,
    Cha kwako ukipeleke, anakungoja kijana,
    Ulichonacho ataka, alichonacho wataka
    Mbona mwachelewashana?

    Umpe kilichojaa, si kibaba bali pishi,
    Umpe kama kichaa, mfike Kapirimposhi
    Na umpe kwa ridhaa, akupe bila ubishi,
    Ulichonacho ataka, alichonacho wataka
    Mbona mwakodoleana?

    Ushauri nawapeni, msipende kutegana,
    Mkitaka peaneni, vile mnavyoombana,
    Msinyimane jamani, ni vizuri kugawana,
    Ulichonacho ataka, alichonacho wataka
    Mbona mnakubaliana?

    Wewe unayo sukari, na yeye ana kikombe
    shirikianeni kutengeneza chai..

    Na. M. M. Mwanakijiji (Sauti ya Kijiji)
     
    Last edited by a moderator: Mar 22, 2009
  2. Mentor

    Mentor JF-Expert Member

    #2
    Aug 2, 2009
    Joined: Oct 14, 2008
    Messages: 16,593
    Likes Received: 3,841
    Trophy Points: 280
    ndiyo mimi nakitaka, naye pia akitaka,
    ila shida ukipata, mara moja jatosheka,
    ningependa kukipata, naogopa nikipata,
    nilichonacho ataka, alichonacho nataka
    ilA TUNAVUMILIA.

    muda bado hujafika, japo sana twatakana,
    mwili unababaika, nimwonapo huyu mwana,
    twajua siku tafika, tutapeana kwa sana,
    nilichonacho ataka, alichonacho nataka
    ilA TUNAVUMILIA.

    mvumilivu huvuna, na hulia kivulini,
    mda mrefu hakuna, ingawa hatujui lini,
    kwa upendo tutaona, matunda ya kujijali,
    nilichonacho ataka, alichonacho nataka
    ilA TUNAVUMILIA.

    Mimi ninayo sukari, na yeye ana kikombe,
    lakini chai bora yahitaji maandalizi zaidi!??
     
  3. Mentor

    Mentor JF-Expert Member

    #3
    Aug 2, 2009
    Joined: Oct 14, 2008
    Messages: 16,593
    Likes Received: 3,841
    Trophy Points: 280
    Mvumilivu Hula Mbivu!
     
Loading...