Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wenye uchungu na nchi...

Discussion in 'Jukwaa la Siasa' started by Iga, Jun 27, 2012.

  1. I

    Iga Senior Member

    #1
    Jun 27, 2012
    Joined: Dec 17, 2007
    Messages: 112
    Likes Received: 1
    Trophy Points: 0
    KWA wote wenye uchungu, nenda mkajifungue,
    Mbunge katupa uvungu, hili tukalitambue,
    Wao hawana uchungu, acheni watu waliwe,
    Wenye uchungu na nchi, tokeni mjifungue !

    Wagoma madaktari, nendeni kujifungua,
    Uchugnu ukishamiri, hio mnashautiwa,
    Angalia yaso kheri, kwao mnaowachagua,
    Wenye uchungu na nchi, tokeni mjifungue !

    Tumezidisha sanaa, kinamama kutania,
    Kwa kwua wateuliwa, hili wanaliridhia,
    Wengine wangelikua, wasingelivumilia,
    Wenye uchungu na nchi, tokeni mjifungue !

    Nchi hii ya wakubwa, wadogo kazi kuliwa,
    Na uchungu si ubwabwa, hauwezi ukaliwa,
    Mnyonge budi kukabwa, nchi hatutomwachia,
    Wenye uchungu na nchi, tokeni mjifungue !

    Mabavu tunatumia, vikaoni tukikaa,
    Wengine tunakataa, na sheria kutumia,
    Nchi hivyo haijawa, wala tena haijawa,
    Wenye uchungu na nchi, tokeni mjifungue !

    Kikao twakitumia, kampeni kupigia,
    Kwa uchama tunapaa, wetu viti wametwaa,
    Nani atawasikia, sauti wasiokuwa ?
    Wenye uchungu na nchi, tokeni mjifungue !

    Uchungu mkijaliwa, huruma kuionea,
    Taifa mkalilia, kuwa yasiyotakiwa,
    Basi mmeshaambiwa, mwatakiwa kujifungua,
    Wenye uchungu na nchi, tokeni mjifungue !

    Mwatakiwa kujifungua, ushauri nautoa,
    Upinzani mlokuwa, bado hivi mwatulia,
    Wote sasa kujizoa, 'spitali kwelrkea,
    Wenye uchungu na nchi, tokeni mjifungue !

    Wote sasa kujizoa, 'spitali kwelrkea,
    Wao mkawaachia, na uchungu wasokuwa,
    Nia yao kutimia, wananchi wakajionea,
    Wenye uchungu na nchi, tokeni mjifungue !

    Hivi bado mwachelewa, bado hamjajifungua ?
    Au mnayangojea, operesheni kufanziwa,
    Sezariani ikawa, na machungu kuzidia ?
    Wote sasa kujizoa, 'spitali kwelrkea,
    Wenye uchungu na nchi, tokeni mjifungue !

    Uchungu 'naojua, tabu zetu kupungua,
    Hao wakifurahia, mimi nashindwa elewa,
    Hivi mema watutakia, au yepi wamenuia ?
    Wote sasa kujizoa, 'spitali kwelrkea,
    Wenye uchungu na nchi, tokeni mjifungue !

    Uchungu ninaojua, rushwa ipate pungua,
    Maofisi nazo njia, salama tukabakia,
    Na sio kukamuliwa, kila unakopitia,
    Wote sasa kujizoa, 'spitali kwelrkea,
    Wenye uchungu na nchi, tokeni mjifungue !

    Uchungu ninaojua, mfumuko kufumua,
    Hadi chini kufikia, na bei zikapungua,
    Fukara tukanunua, tushidnwavyo kununua,
    Wote sasa kujizoa, 'spitali kwelrkea,
    Wenye uchungu na nchi, tokeni mjifungue !

    Uchungu ninaojua, posho zao kuachia,
    Wenye dhiki kuzidia, ziende kuwafaa,
    Mzaha mwatufanyia, hivi kweli mwajijua ?
    Wote sasa kujizoa, 'spitali kwelrkea,
    Wenye uchungu na nchi, tokeni mjifungue !

    Uchama ukizidia, uoza unaingia,
    Ikawa nchi balaa, kwa vyote kujiozea,
    Pasiwe cha kunukia, ila kunuka usahaa,
    Wote sasa kujizoa, 'spitali kwelrkea,
    Wenye uchungu na nchi, tokeni mjifungue !



    Mwaemanje Watanzania wenye akili huru ????
     
  2. I

    Iga Senior Member

    #2
    Jun 27, 2012
    Joined: Dec 17, 2007
    Messages: 112
    Likes Received: 1
    Trophy Points: 0
    Rejoinder:

    Nafasi za juu jama, zataka fikra na hadhi,
    Wengine katika vyama, viwango bado hamkidhi,
    Na kunena si hekima, hekima kitu waachi,
    Wachache wanaosema, yawe bora si upuuuzi!!
     
  3. georgeallen

    georgeallen JF-Expert Member

    #3
    Jun 27, 2012
    Joined: Jun 3, 2011
    Messages: 3,750
    Likes Received: 28
    Trophy Points: 145
    nimependa hayo mashairi
     
Loading...