Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waziri wa JK ampinga Karamangi...

Discussion in 'Jukwaa la Siasa' started by Bill, Oct 23, 2007.

  1. Bill

    Bill JF-Expert Member

    #1
    Oct 23, 2007
    Joined: Oct 5, 2007
    Messages: 3,582
    Likes Received: 565
    Trophy Points: 280
    Waziri wa JK ampinga Karamagi

    2007-10-23 15:55:27
    Na Emmanuel Lengwa, Jijini


    Wakati Wizara ya Nishati na Madini inayoongwa na Waziri Nazir Karamagi ikidaiwa kutoa uamuzi kuwa mgodi wa Epanko ulioko wilayani Ulanga Morogoro umilikiwe na kampuni moja ya uwekezaji, Waziri mwenzie wa Serikali ya sasa, amepinga uamuzi huo.

    Aliyepinga maamuzi yanayodaiwa kutolewa na Wizara ya Bw. Karamagi, ni Bi. Celina Kombani ambaye ni Naibu Waziri wa Tawala za Mikoa na Serikali za Mitaa.

    Akizungumza na Alasiri kwa njia ya simu leo asubuhi, Bi. Kombani ambaye pia ni Mbunge wa Jimbo la Ulanga Mashariki kuliko na mgodi huo wa Epanko, amesema kama kuna uamuzi wa kuipa uhalali wa umiliki kampuni binafsi na kuwaacha wachimbaji wadogo, yeye kamwe haungi mkono jambo hilo.

    Akasema Bi. Kombani kuwa msimamo wake, kama mbunge wa wapiga kura wake hao, ni kwamba sheria za nchi zitumike ipasavyo katika kutoa uamuzi kuhusu eneo hilo ambalo limekuwa na mgogoro kwa muda mrefu.

    `Msimamo wangu kama Mbunge wa eneo hilo, ni kwamba sheria itumike kumaliza mgogoro huo ? na mwishoni mwa yote, wananchi lazima wapewe haki yao,` akasema Bi. Kombani.

    Akifafanua zaidi, Waziri Kombani akasema kuwa yeye yupo upande wa Serikali lakini, wakati huohuo, hawezi kuunga mkono maamuzi yanayowaumiza wapiga kura wake kwa sababu anapaswa kuwajibika kwao.

    `Mimi nipo Serikalini na pia nipo kwa wananchi ambao ndio wapiga kura wangu? siwezi kupendelea upande wowote. Ninachoweza kusema ni kwamba hapo inabidi sheria itumike,` akasema.

    Akifafanua zaidi, Bi. Kombani amesema wachimbaji wadogo walikuwapo katika eneo hilo tangu zamani na hivyo, anaamini kuwa sheria zikifuatwa vyema, mgodi huo utaangukia mikononi mwao.

    Hata hivyo, wakati Bi. Kombani akitoa msimamo huo, inadaiwa kuwa Wizara ya Nishati na Madini imetoa umauzi wa kuumilikisha mgodi huo kwa kampuni moja ya uwekezaji.

    Inaelezwa zaidi kuwa, kutokana na uamuzi huo wa Wizara ya Nishati na Madini, wananachi wa eneo hilo wamejikuta wakiwa kwenye mapambano ya mara kwa mara na walinzi wa kampuni husika.

    Hatahivyo, imeelezwa zaidi kuwa juzi, Mkuu wa Mkoa wa Morogoro, Meja Mstaafu Said Kalembo, alilazimika kuufunga mgodi huo kutokana na hali ya eneo hilo kuashiria vurugu na uvunjifu wa amani.

    Meja Jenerali Kalembo ambaye pia ni Mwenyekiti wa Kamati ya Ulinzi ya Mkoa huo, alisema mgodi huo utaendelea kufungwa hadi hapo Wizara ya Nishati na Madini itakapotoa ufafanuzi zaidi juu ya mgogoro uliopo
     
  2. H

    Hume JF-Expert Member

    #2
    Oct 23, 2007
    Joined: Sep 25, 2007
    Messages: 326
    Likes Received: 47
    Trophy Points: 45
    Upinzani kila mahali. Vyema Kombani lazima ukweli usemwe hata kama unauma. Well done kuwapigania wapiga kura wako.
     
  3. Lunyungu

    Lunyungu JF-Expert Member

    #3
    Oct 23, 2007
    Joined: Aug 7, 2006
    Messages: 8,827
    Likes Received: 29
    Trophy Points: 135
    Sasa nadhani mkuki umekuwa kwa Nguruwe na leo umemgusa mwanadamu wa Ulanga .Sasa akina Mkono mbona hawa kumuunga mkono Chacha Wangwe ?
     
  4. Masanilo

    Masanilo JF-Expert Member

    #4
    Oct 23, 2007
    Joined: Oct 2, 2007
    Messages: 22,323
    Likes Received: 109
    Trophy Points: 160
    Asante mama Celina Kombani, ni Miongoni mwa viongozi makini kwenye serikali ya JK.. mama amejitahidi sana kuwanyanyua watani wangu wapogoro... na shule yake ya Selina Kombani iko kamili, shida wapogoro wengi hawapendi elimu....walimu wanatosha na vitabu.. cha muhimu asijisahau wananchi keta keta huko mwaya wanakuomba japo bara bara .....big up Kumpinga Karamagi hadharani....Dr Ngasongwa upo?
     
  5. Mtu wa Pwani

    Mtu wa Pwani JF-Expert Member

    #5
    Oct 23, 2007
    Joined: Dec 26, 2006
    Messages: 4,085
    Likes Received: 11
    Trophy Points: 135
    haya kayasema yeye au kasemewa au spinning yeye hajui ni vipi kukutana na waziri husika kulizungumza, jee vikao vya mawaziri hamna?

    mie nnahofia ni udaku tu
     
  6. H

    Hasara Senior Member

    #6
    Oct 23, 2007
    Joined: Dec 29, 2006
    Messages: 144
    Likes Received: 0
    Trophy Points: 0
    Muwekezaji mzawa BW. Hendry Nyiti Mbona magazeti wanaogopa kutaja mmiliki wa mgodi huo na jina la kampuni.

    jina la kampuni ni INTERSTATE MINING CO. LTD
    Mmiliki ni swaiba wa Lowassa mfanyabiashara mahafuru wa madini aina ya tanzanite Bw.Hendry Nyiti.
     
  7. S

    S. S. Phares JF-Expert Member

    #7
    Oct 23, 2007
    Joined: Nov 27, 2006
    Messages: 2,140
    Likes Received: 5
    Trophy Points: 0

    Hasara

    Hii habari ilipotoka kwamba Karamagi kafanya madudu mengine kampuni iliyotajwa sio Interstate...wewe una info nyingine zinazoihusisha Interstate na huu mgodi wa Ulanga?
     
  8. K

    Katibu Tarafa JF-Expert Member

    #8
    Oct 23, 2007
    Joined: Feb 16, 2007
    Messages: 981
    Likes Received: 25
    Trophy Points: 145
    huyo bibi ni mnafiki kama alivyo jk na baraza lote la wezi.c .kombani kama hukubaliani na maamuzi ya wenzako njia ni nyeupe ni kuachia ngazi ili uwatetee vema wapigakura yako na kujijengea heshima kwa watanzania wote.ccm hakuna sheria kama unafikiri hiyo ndio kweli basi subiri uone kilichimtoa kanga manyoya.
     
  9. Icadon

    Icadon JF-Expert Member

    #9
    Oct 23, 2007
    Joined: Mar 21, 2007
    Messages: 3,588
    Likes Received: 7
    Trophy Points: 0
    Nina uhakika wanapigwa mkwara kama ule ambao EL anawapiga wabunge wa CCM.
     
  10. Susuviri

    Susuviri JF-Expert Member

    #10
    Oct 23, 2007
    Joined: Oct 6, 2007
    Messages: 3,586
    Likes Received: 64
    Trophy Points: 145
    ;) Naomba niulize, huyu Nyiti, siye ambaye rubani wa ATC alikataa kurusha ndege mpaka ashuke? NIlisoma kwenye gazeti moja hivi majuzi.
     
  11. Field Marshall ES

    Field Marshall ES JF-Expert Member

    #11
    Oct 23, 2007
    Joined: Apr 27, 2006
    Messages: 12,659
    Likes Received: 39
    Trophy Points: 0


    Tena majuzi tu kulikuwa na kikao cha siri cha baraza la mawaziri, kwa nini asisemee huko?

    Hebu tupate habari zaidi kwa undani maana hii Karamagi, sasa kila kiongozi anatafuta sifa za bure!
     
  12. Dua

    Dua JF-Expert Member

    #12
    Oct 23, 2007
    Joined: Nov 14, 2006
    Messages: 2,483
    Likes Received: 15
    Trophy Points: 135
    At the end of the day kila mtu atabeba msalaba wake mwenyewe.
     
  13. K

    Keil JF-Expert Member

    #13
    Oct 24, 2007
    Joined: Jul 2, 2007
    Messages: 2,214
    Likes Received: 2
    Trophy Points: 0
    Inawezekana kwenye hicho kikao cha siri cha baraza la mawaziri alizidiwa nguvu. Tatizo ni kwamba ukishakuwa waziri na ukazidiwa kwenye kikao cha baraza hata uende wapi hakuna atakayekusikiliza. Serikali yetu inakumbatia ulaji na haijali maslahi ya wananchi. Kombani alichofanya ni kuonyesha wapiga kura wake kwamba hakubaliani na swala hilo. Lakini approach nzuri ilikuwa ni yeye kuachia ngazi ili aweze kutumikia vyema wapiga kura wake. Ukishakuwa waziri na wakati huo huo mbunge wa kuchaguliwa, unakosa uhuru wa kutekeleza majukumu yako kama muwakilishi wa wananchi. Niliwahi kuongelea swala la mtu kuwa Mkuu wa Mkoa na Mbunge kwa wakati mmoja, leo naona tumeona kwa mfano halisi. Hata kama Kombani angemfuata waziri husika na kuongea nae kiutu uzima, unadhani kama kuna wakubwa wameishashikishwa kitu kidogo ndiyo atamsikiliza? Akikosa Ubunge 2010 hiyo ni juu yake.

    Lakini sasa naona huyo mama amekalia kuti kavu, maana akiachia ngazi anaweza kupigwa chini 2010 kwenye uteuzi wa kugombea Ubunge. Akiendelea kuwa serikalini na kushindwa kuwatetea wapiga kura wake inawezekana wakampiga chini 2010!
     
  14. Field Marshall ES

    Field Marshall ES JF-Expert Member

    #14
    Oct 24, 2007
    Joined: Apr 27, 2006
    Messages: 12,659
    Likes Received: 39
    Trophy Points: 0
    Angeenda kumshitaki kwa Waziri Mkuu, baadaye kwa Makamu wa Rais, na Rais mwenyewe,

    Otherwise tujihadhari sana na hawa viongozi wanaojaribu kudandia mgongo wa Karamagi, na list ya mafisadi, maana ndio hawa hawa waliolilia kuwa lazima tuongozwe na vijana safari hii!
     
  15. Icadon

    Icadon JF-Expert Member

    #15
    Oct 24, 2007
    Joined: Mar 21, 2007
    Messages: 3,588
    Likes Received: 7
    Trophy Points: 0
    Waziri mkuu si ndio tunasikia yeye na Karamagi ni damu damu.
     
  16. Mlalahoi

    Mlalahoi JF-Expert Member

    #16
    Oct 24, 2007
    Joined: Aug 31, 2006
    Messages: 1,916
    Likes Received: 157
    Trophy Points: 160
    Kwa mtizamo mwepesi,ni rahisi kuhisi kwamba huyo mama amekurupuka.Lakini,wa mtizamo wa kina zaidi,alichofanya mama huyo ni dalili ya namna serikali hii ya JK ilivyokosa mwelekeo to an extent that collective responsibility inakuwa ni ya kinadharia zaidi kwenye cabinet/ndani ya vikao vya chama while practically impossible pale waziri/mbunge anapokabiliana na wapigakura wake.

    Let's face it,hivi mwakilishi gani mwenye akili timamu,na ambaye amekulia katika eneo analowakilisha (implying kwamba kuna ndugu zake wa damu watakaoathirika na maamuzi flani),anaweza kudiriki kutoa consent ya kipande cha ardhi ya nduguze ikabidhiwe kwa "mwekezaji" ambaye sanasana atakachochangia ni kunenepa kwa akaunti ya Karamagi ilhali wenye ardhi wakipokonywa haki yao?

    CCM na taasisi zake za utawala (serikali,bunge,etc) wamejitengenezea mfumo ambao unahalalisha pongezi na kuunga mkono tu,na sio kukemea,kukosoa au kupinga yale yanayoelekea kuathiri wananchi.Ni dude ambalo halitaki kukosolewa,na wenyenafasi pekee ya kukosoa ni wale who have got nothing to lose (eg Butiku,Mwinyi,Bilali,etc.Naamini kuna wengi walio serikalini,bungeni au kwenye chama ambao hawaridhishwi na baadhi ya mambo flani lakini wanatambua bayana nini kitawakuta pindi wakiweka misimamo yao katika vikao husika.However,hao ni wanafiki kama CCM yao kwani kama kweli wana uchungu na nchi yao au wale wanaowawakilisha basi hawataogopa kukemewa au kunyang'anywa madaraka.Hili ndio tatizo la siasa kugeuka ajira,viongozi wanakuwa waoga kupoteza political posts kwa vile ndio eneo pekee la kupeleka mikono yao vinywani.
     
  17. O

    Ogah JF-Expert Member

    #17
    Oct 24, 2007
    Joined: Mar 10, 2006
    Messages: 6,189
    Likes Received: 15
    Trophy Points: 135
    Kikao cha baraza la mawazir manaibu hawaingii.......au nakosea?
     
  18. Mtoto wa Mkulima

    Mtoto wa Mkulima JF-Expert Member

    #18
    Oct 24, 2007
    Joined: Apr 12, 2007
    Messages: 690
    Likes Received: 5
    Trophy Points: 0
    Ndio maana mimi binafsi naona Mawaziri wasiwe wabunge maana wabunge ni wawakilishi wa wananchi serikalini na mawaziri ni wawakilishi wa serikali kwa wananchi. Huyu mama anapata shida sana na ndio maana anasema kwa kuzunguka sana. Ni kweli hili jambo linamuuma na anataka kutetea wananchi at the same time anasema mimi nipo pia upande wa serikali.


    Hii nasema hivyo maana mbunge wangu wa Moshi Vijijini Dr. Siril Chami watu walimchagua lakini kwa sababu ya kuwa yeye ni Naibu waziri huwezi kumsikia akiiuiza swali lolote linalohusu masilahi ya wananchi. Ni vigumu kutumikia mabwana wawili kwa wakati mmoja.

    http://www.nationmaster.com/graph/eco_gdp_percap-economy-gdp-nominal-per-capita
     
  19. FairPlayer

    FairPlayer JF-Expert Member

    #19
    Oct 24, 2007
    Joined: Feb 27, 2006
    Messages: 4,166
    Likes Received: 49
    Trophy Points: 145
    Ogah,

    HUJAKOSEA.
     
  20. Mtu wa Pwani

    Mtu wa Pwani JF-Expert Member

    #20
    Oct 24, 2007
    Joined: Dec 26, 2006
    Messages: 4,085
    Likes Received: 11
    Trophy Points: 135
    manaibu hawaingiii? hii ni ya kweli wajameni na kama kweli mie nilikuwa sijui nnaomba mnipatie ushahidi ili nijue pa kushika.

    basi hata iwe hivyo huyo bosi wake hawezi kushauriana nae nakumfikishia shauri hilo kikaoni?

    kwa nini asioneshe kukerwa kwake on the sport tena kwa kumuandikia rais aliemteua kuwa yeye haridhiki na hilo, akipuuzwa aaamue kujiuzulu na kwenda maelezo kueleza kwa uwazi?

    au ndio nitoke vipi?
     
Loading...