Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waziri Ngeleja Akabidhi Sasa Funguo Za Ofisi Ya Serikali

Discussion in 'Jukwaa la Siasa' started by maggid, Jul 19, 2011.

  1. m

    maggid Verified User

    #1
    Jul 19, 2011
    Joined: Dec 3, 2006
    Messages: 990
    Likes Received: 132
    Trophy Points: 60
    Ndugu zangu,
    Hakika, kila siku inayopita akiwa na funguo za ofisi ya Serikali mfukoni, basi, Waziri Ngeleja anazidi kuishushia hadhi Serikali. Tuhuma za rushwa kwenye Wizara yake ni nzito sana. Anachopaswa kufanya sasa ni yeye na Katibu wake Mkuu kujiweka kando kuruhusu uchunguzi wa kina kufanyika ili kulinda hadhi ya Serikali.
    Ni hayo tu.
    Maggid,
    Sweden, Jumatatu, Julai 19, 2011



    Soma makala hii husika;
    KATIBU MKUU ADAIWA KUTENGA SH1 BILIONI KUWAHONGA WABUNGE
    Leon Bahati, Dodoma, Furaha Maugo, Dar
    MBUNGE wa Kilindi (CCM), Beatrice Shellukindo amelipua bomu Bungeni akimtuhumu Katibu Mkuu wa Wizara ya Nishati na Madini, David Jairo, kwa kutumia zaidi ya Sh 1 bilioni kwa ajili ya kutoa rushwa kwa watu mbalimbali ili bajeti ya wizara hiyo iweze kupitishwa na Bunge.Tuhuma hizo nzito zinakuja kipindi ambacho tayari Wabunge wa Kamati ya Nishati na Madini wakiwa wameibua tuhuma kama hizo za baadhi ya wajumbe kutaka kuhongwa na maofisa wa wizara hiyo, ili kurahisisha upitishaji wa bajeti ndani ya kamati.

    Takriban wiki tatu tangu wabunge wa kamati hiyo kuibua tuhuma hizo ambazo zilifika hadi kwa Waziri Mkuu Mizengo Pinda, jana Shellukindo alikoleza moto huo wakati akichangia bajeti ya wizara.

    Waziri Mkuu Mizengo Pinda jana alikubaliana na tuhuma hizo. Akitoa hoja ya kuondoa bungeni hotuba ya makadirio ya matumizi ya Wizara ya Nishati na Madini, Pinda alisema alikuwa akisubiri Rais Jakaya Kikwete afike Afrika ya Kusini alikokwenda katika ziara ya kiserikali ili aweze "kumshtaki" Katibu Mkuu huyo kutokana na tuhuma zilizotolewa dhidi yake. Pinda alisema hawezi kuchukua hatua dhidi ya Jairo kwani kwa mujibu wa sheria, mamlaka ya uteuzi ndiyo inayoweza kuchukulia hatua dhidi yake.

    "Kwa jinsi jambo hili lilivyokaa, hakuna jinsi mtu unavyoweza kulitetea hata kidogo, nilitamani sana kwamba nije hapa niseme kwamba uamuzi wangu mimi ni huu, lakini haikuwezekana," alisema Pinda na kuongeza: "Kwa dhati kabisa naomba wabunge tuwe na subira, mara tu mheshimiwa Rais atakapotua South Africa (Afrika Kusini) jioni ya leo (jana), nitamuarifu na ninaamini tutaelewana kuhusu hatua za kuchukua."

    Shinikizo la kutaka Jairo kuondolewa katika nafasi yake lilitolewa ndani ya kikao cha wabunge wa CCM waliokutana jana mchana wakitaka Katibu huyo wa zamani wa Rais Kikwete afukuzwe kazi, huku wakiitaka Serikali iiamuru Taasisi ya Kuzuia na Kupamba na Rushwa (Takukuru) imchunguze.

    Awali, akichangia bajeti hiyo bungeni jana huku akianza kwa kumwomba Mungu msaidie katika kauli zake, alisema alifanikiwa kuipata barua iliyoandikwa na Jairo kwenda kwa taasisi na idara zaidi ya 20, ikiagiza zitoe Sh50 milioni kila moja.

    Shellukindo alisema barua hiyo inaonyesha idara na taasisi hizo ziliagizwa fedha hizo ziwekwe kwenye akaunti namba 5051000068 inayomilikiwa na Geological Survey of Tanzania (GST) kwenye Benki ya NMB, Tawi la Dodoma."Tena inaagiza kwamba fedha hizo zikishatumwa kwenye akaunti hiyo, wizara ipewe taarifa kupitia Ofisi ya DP kwa ajili ya utaratibu," alisema.

    Alisema barua hiyo yenye kichwa cha habari: "Yahusu kuchangia gharama za kukamilisha maandalizi na uwasilishaji wa hotuba ya bajeti ya wizara ya 2011/12 bungeni Dodoma, Jairo alisema wizara imefanikisha maandalizi ya mpango wa bajeti kwa mwaka 2011/12 na imekwishapitishwa na Kamati ya Kudumu ya Bunge ya Nishati na Madini na hivyo aliinukuu barua hiyo: "Katika kukamilisha mchakato huo, hotuba ya bajeti inatarajiwa kuwasilishwa Bungeni tarehe 15 na 18, Julai 2011."

    "Kama ilivyo kawaida wakati wa kuwasilisha hotuba ya Bajeti Dodoma, maofisa mbalimbali wa wizara na taasisi zilizo chini yake huambatana na viongozi waandamizi kwa ajili ya kutoa ufafanuzi wa masuala yanayojitokeza wakati wa mjadala wa hotuba hiyo. Ili kufanikisha mawasilisho ya hotuba hiyo ya bajeti, unaombwa kuchangia jumla ya Sh50 milioni.

    Katika uchunguzi wake, Shellukindo alisema amebaini fedha hizo tayari zimetolewa na Jairo kwenye benki hiyo hivyo akahoji; "Naomba kufahamu fedha hizo zimekwenda wapi?"

    Kutokana na hali hiyo, Shellukindo alishauri bajeti hiyo isiendelee kujadiliwa Bungeni na badala yake Ngeleja arejeshewe ili akaifanyie marekebisho na aiwasilishe upya Bungeni baada ya wiki mbili... "Nakusudia kutoa hoja kwamba bajeti hii irudishwe na baada ya wiki mbili irudishwe hapa.”

    Habari kutoka ndani ya Kikao cha Kamati ya Wabunge wa CCM zinasema kuwa wabunge hao walikuwa wametoa muda kwa Serikali kwamba hadi saa 11:00 jioni jana Jairo awe amefukuzwa kazi. Kwa mujibu wa habari hizo, wabunge hao pia waliitaka Serikali kuielekeza Taasisi ya Kuzuia na Kupamba na Rushwa (Takukuru) kuanza uchunguzi wa jinsi fedha hizo zilivyotolewa na matumizi yake, ili ikibainika vinginevyo wahusika wachukuliwe hatua za kisheria.

    Chanzo chetu ndani ya kikao hicho cha wabunge wa CCM kiliwataja waliotaka Jairo afukuzwe kazi kuwa ni pamoja na Christopher Ole Sendeka (Simanjiro), Esther Bulaya (Viti Maalumu), George Simbachawene (Kibakwe), Godfrey Zambi (Mbozi Mashariki), Henry Shekifu (Lushoto), Murtaza Mangungu (Kilwa Kaskazini), Alphaxard Lugora (Mwibara), Shellukindo (Kilindi) na Mwenyekiti wa Kamati ya Bunge ya Nishati na Madini, January Makamba ambaye pia ni Mbunge wa Bumbuli.

    "Wabunge wamegeuka wamekuwa wakali sana na hawataki kusikia cha mtu, wamesema lazima leo (jana) ikifika saa 11 Jairo awe amefukuzwa kazi, hawataki kumuona kabisa," alisema mmoja wa wabunge waliohudhuria kikao hicho.Mbunge huyo alisema Waziri Ngeleja na Naibu wake, Adam Malima pia walitakiwa wajiuzulu kwa maelezo kwamba: "Haiwezekani wasiwe wanafahamu chochote kuhusu mkakati huo wa katibu wao mkuu katika wizara wanayoiongoza."

    "Hawawezi kujivua lawama, hata hao tumewataka wajiuzulu, ina maana gani kama barua nzito namna hiyo Waziri na Naibu wake hawazifahamu, haiingii akilini kabisa," alisema mbunge huyo.

    Wabunge walivyoikataa Bajeti ya Ngeleja
    Wakichangia mjadala wa bajeti hiyo jana, wabunge wa Chama cha Mapinduzi (CCM) na upinzani walisimama imara na kueleza bayana kwamba hawako tayari kuipitisha bajeti hiyo. Hali hiyo ilisababisha baada ya mjadala huo uliomalizika mchana, wabunge wa CCM kuitwa kwenye kikao maalumu cha kichama.

    Wakati wa mjadala, wabunge wengi walikuwa na shauku ya kuchangia lakini Spika Anne Makinda alisema wote wasingeweza kupata nafasi hiyo kutokana na muda.

    "Nataka nianze kwa kusema siungi mkono hoja ya kupitishwa kwa bajeti hii na nawaomba wabunge wenzangu msipitishe bajeti hii kwa sababu tupo gizani," alisema Dk Hamis Kigwangala (Nzega-CCM) alipoanza kuchangia mjadala wa bajeti hiyo. Mbali na tatizo la umeme, alitaja sababu nyingine za kutaka bajeti hiyo isipitishwe kuwa ni mikataba mibovu ya sekta ya madini na nishati, ambayo imesababisha rasilimali za nchi kuibwa na wageni huku Watanzania walio wengi wakiendelea kuogelea kwenye umasikini.

    "Waliosababisha hayo wanajulikana lakini hawachukuliwi hatua. Wengine wapo hapa bungeni na wengine wako serikalini. Hii ni mikataba kandamizi. Watu hao wapo kwenye 'system' (mfumo wa Serikali). Nchi inauzwa, wachache wanashibisha matumbo yao," alisema.

    Alisema watu hao wamelifikisha taifa kwenye mazingira hayo ya kifisadi kwa sababu ya kutumia nafasi zao kujinufaisha na kuweka kando maslahi ya umma wa Watanzania... "Hawa watu kama hawafikirii kwa matumbo wanafikiria kwa kutumia 'spinal cord' (uti wa mgongo) badala ya ubongo."

    Alisema watendaji hao walioliingiza taifa kwenye mikataba hiyo mibovu wanapokwenda kuisaini wanajali kile watakachopata ili kufanikisha malengo yao binafsi kama vile kujenga majumba ya kifahari. "Wanaruhusu ardhi ya Watanzania kuuzwa nao wanafaidi kwa kwenda kujenga Mbezi Beach (Dar es Salaam)," alilalamika Dk Kigwangala na kusema ni jambo ambalo halipaswi kufumbiwa macho.

    Alisema miongoni mwa mikataba ya kifisadi kuwa ni ule kati ya Pan African na Shirika la Maendeleo ya Petroli Tanzania (TPDC) kuhusiana na uzalishaji na usafirishaji wa gesi asilia. Katika mpango huo alisema Serikali imepoteza kodi ya Sh100 bilioni kwa udanganyifu kiasi ambacho alisema kingeweza kutatua tatizo la umeme nchini.Kwa sababu hiyo, Dk Kigwangala alitaka mikataba yote ya madini na nishati ivunjwe ili uandaliwe utaratibu mzuri wa kufaidisha umma wa Watanzania.

    "Uchungu wangu ni kwamba ardhi yote (nchini) yenye madini na gesi imenunuliwa na Wazungu," alisema Dk Kigwangala na kuitaka Serikali itoe majibu katika masuala matatu muhimu... "Serikali itamke mwisho wa wageni... Leseni zote zifutwe na itafute wabia wengine... Serikali ieleze imejipanga vipi kuchukua fedha za Pan African Energy na iweke wazi lini tatizo la umeme litapatiwa ufumbuzi."

    Naomi Kaihula (Viti Masalumu-Chadema) aliunga mkono ushauri wa Dk Kigwangala kuwa wabunge wote wasipitishe bajeti hiyo akisema tatizo la umeme limesababisha maeneo mengi ya nchi kuwa na mgawo wa saa 12 linaangamiza uchumi wa nchi. Alisema athari hiyo imevikumba viwanda, kampuni na hata wajasiriamali wadogowadogo ambao wengine mitaji yao imetokana na kukopa.

    "Tukipitisha bajeti hii Watanzania watatuona kuwa sisi ni watu tusio na akili. Tusiipitishe kwa sababu tunawapenda wananchi," alisema Kaihula akiwaomba wabunge kuweka kando tofauti zao za kiitikadi na badala yake kuwa na nguvu ya pamoja kuizuia bajeti hiyo.

    Alisema kuwa serikali imeonekana kuwa dhaifu hata kwa wafanyabiashara wa hapa nchini akitoa mfano kuwa walishindwa kupambana na uchakachuaji wa mafuta na badala yake kupandisha gharama ya bei ya mafuta ya taa jambo ambalo limeongeza ugumu wa maisha kwa watu wa kipato cha chini.

    Lolesia Bukwimba (Busanda-CCM) alilalamika wakazi wa jimboni kwake wengi wao ni masikini na wanachoambulia ni vumbi linalotimuliwa na misafara ya magari yaliyobeba madini kutoka ardhi yao.

    Mbunge wa Simanjiro (CCM), Christopher Ole-Sendeka alisema licha ya taifa kukabiliwa na mgawo wa umeme, ratiba yake haiheshimiwi na kuongeza kuwa hiyo ndiyo inayosababisha wananchi kuchanganyikiwa zaidi kwa sababu wanaotegemea umeme kwa shughuli za ujasiriamali wanashindwa kujipanga ili kukabiliana na hali hiyo.

    Alibeza mpango wa Serikali wa kununua mitambo miwili ya kuzalisha umeme; megawati 100 ambao utafungwa Ubungo, Dar es Salaam na megawati 60 mkoani Mwanza akisema hautakuwa na manufaa yoyote kwa sababu ya mgogoro uliopo wa gesi kidogo inayosafirishwa hadi Dar es Salaam kutotosheleza mahitaji.

    Mbunge wa Wawi (CUF), Hamad Rashid Mohamed aliitaka serikali kuchukua uamuzi mgumu kama uliowahi kuchukuliwa na Serikali ya Jamhuri ya Kidemokrasi ya Kongo (DRC) wa kufuta mikataba yote ya madini na kuanza upya. Alisema Bunge lina madaraka ya kubadili mfumo wa uendeshaji wa sekta ya madini kupitia kamati zake, hivyo akahimiza hatua hiyo ichukuliwa haraka iwezekanavyo.

    Kwa upande wake, Hussein Amar (Nyang'hwale-CCM) alisema yupo tayari kumpa somo Waziri Ngeleja la jinsi wawekezaji wa sekta ya madini wanavyofaidika huku wakidanganya kuwa wamekuwa wakipata hasara kwenye biashara hiyo. Alisema wizi huo umekuwa ukifanyika kwa ushirikiano kati ya wawekezaji na wataalamu wazalendo ambao wamesomeshwa kwa jasho la Watanzania kupitia kodi zao.

    Akichangia bajeti hiyo, Eustace Katagira (Kyerwa-CCM) aliilaumu Wizara ya Nishati na Madini akisema katika jimbo lake hakuna mtandao wa umeme licha ya ahadi nyingi za miaka iliyopita.Silvestry Koka (Kibaha Mjini-CCM) alisema kuwa tatizo la umeme linalolikumba taifa kwa sasa linatokana na Serikali kutowekeza vya kutosha kwenye sekta ya nishati.

    Kuhusu sekta ya madini alisema kuna migogoro mingi kwa sababu Watanzania hawafaidiki na rasilimali hiyo na badala yake wageni wanajipakulia wapendavyo. Alisema baadhi ya wawekezaji walikuja nchini wakiwa na timu kubwa ya wafanyakazi ambao utaalamu wao hautofautiani na ule wa Watanzania: "Sheria ipo lakini haitekelezwi... tunajenga chuki bila sababu, Watanzania wanazidi kudhalilika."
     
  2. Njowepo

    Njowepo JF-Expert Member

    #2
    Jul 19, 2011
    Joined: Feb 26, 2008
    Messages: 9,171
    Likes Received: 292
    Trophy Points: 180
    Ukizingatia his former boss kajivua gamba I mean RA naona sasa zamu yake
     
  3. Kachanchabuseta

    Kachanchabuseta JF-Expert Member

    #3
    Jul 19, 2011
    Joined: Mar 8, 2010
    Messages: 7,290
    Likes Received: 3
    Trophy Points: 135
    MNACHEZA KIDUKU IT WILL NEVER Happen
     
  4. Sizinga

    Sizinga JF-Expert Member

    #4
    Jul 19, 2011
    Joined: Oct 30, 2007
    Messages: 7,789
    Likes Received: 292
    Trophy Points: 180
    Hapo kwenye red ndipo patamu....hao wote walioptisha wawajibishwe!!
     
  5. RealMan

    RealMan JF-Expert Member

    #5
    Jul 19, 2011
    Joined: Nov 9, 2010
    Messages: 2,314
    Likes Received: 90
    Trophy Points: 145
    Maggid kuwajibika kwa kiongozi wa ngazi ya chini kunategemea na uimara wa kiongozi aliyepo juu.
    Kwa kesi hii Jairo, Ngeleja na Malima wanaweza kutunisha msuri na kisitokee kitu maana tunajua aliyewateua ni "strong" kiasi gani.

    Kaka inaonekana ukifika Sweden unasahau kwamba in bongoland 1 + 1 jibu sio lazima iwe 2.
     
  6. Kimbunga

    Kimbunga Platinum Member

    #6
    Jul 19, 2011
    Joined: Oct 4, 2007
    Messages: 12,345
    Likes Received: 1,032
    Trophy Points: 280
    Kumbe Kamati ya Kudumu ya Bunge ya Nishati na Madini ilishakula hadi ikamaliza za wizara ikabidi Jairo akahemee kwa ajili ya wabunge wengine!! Haya makubwa na hii ndio Tanzania!
     
  7. nyabhingi

    nyabhingi JF-Expert Member

    #7
    Jul 19, 2011
    Joined: Oct 12, 2010
    Messages: 8,903
    Likes Received: 1,346
    Trophy Points: 280
    huyo godfrey zambi naye si mtuhumiwa wa kuomba rushwa???hivi kesi yake ndio imeshafunikwa na bi kiroboto..angekuwa wa upinzani angesulubiwa haraka...zambi muomba rushwa hana haki ya kuongea,..atleast for now...
     
  8. RealMan

    RealMan JF-Expert Member

    #8
    Jul 19, 2011
    Joined: Nov 9, 2010
    Messages: 2,314
    Likes Received: 90
    Trophy Points: 145
    I concur with you it will never happen.

    Not long ago you confirmed RA would not resign.............
     
  9. HISIA KALI

    HISIA KALI JF-Expert Member

    #9
    Jul 19, 2011
    Joined: Oct 26, 2010
    Messages: 694
    Likes Received: 0
    Trophy Points: 0
    Ngeleja kwa hili la rushwa ndani ya wizara yake pamoja na kushindwa kwake kulite ufanisi kwenye sekta ya umeme nchini inabidi tu aachie ngazi ya uwaziri. He is a failure.
     
  10. T

    Triple DDD Senior Member

    #10
    Jul 19, 2011
    Joined: Jan 19, 2011
    Messages: 151
    Likes Received: 1
    Trophy Points: 0
    It is terrible, but who will bell tha cat. Hawa wote wanajuana haiwezekani au wote wako chini ya viwango.
    Tatizo lipo eti hulioni.
     
  11. Nzi

    Nzi JF-Expert Member

    #11
    Jul 19, 2011
    Joined: Oct 21, 2010
    Messages: 10,508
    Likes Received: 1,691
    Trophy Points: 280
    Umenena vyema ndugu. Siasa za TZ zina mambo ya ajabu kabisa....mimi naona hata wabunge kuikataa bajeti ya wizara ya nishati na madini na kuitaka serikali ijipange vyema ni mchezo wa kuigiza tu.
    Kama sikosie (ruhusa kusahihishwa) bajeti ya kila wizara uwa inajadiliwa kwanza katika level ya kamati husika! Kwa case hii, ni kamati ya nishati na madini; sasa kamati hiyo ilipaswa iikatie bajeti hiyo mara moja kwa vigezo ambavyo waziri mkuu alivisema wakati ikitoa hoja ya kuhahirishwa kwa majadiliano ya bajeti hiyo.
    Kama kamati iliipitisha bajeti hiyo na kisha wabunge (ambao wengine wamo kwenye iyo kamati) wakaikataa bajeti hiyo, basi hapa kuna mushkeri!! Au ndio uwezeshaji wa ndugu Jairo ulifanya kazi?!

    Kamati inapaswa kuwachunguzwa pia na kuwajibishwa kwa mujibu wa kanuni kama ikibainika kuna foul plays!!
     
  12. LordJustice1

    LordJustice1 JF-Expert Member

    #12
    Jul 19, 2011
    Joined: Jan 19, 2011
    Messages: 2,264
    Likes Received: 6
    Trophy Points: 0
    Jamani watu kukaa Dodoma kwa siku mbili tu watumie TSh 1bn/-, hayo si maajabu wandugu? Halafu fedha za kununua mitambo ya dharura ndio hakuna, za "per diem feki" (yaani hongo) ndio hazikosekani! Ama kweli Tanzania imelogwa, si bure!
     
  13. Fasta fasta

    Fasta fasta JF-Expert Member

    #13
    Jul 19, 2011
    Joined: Feb 15, 2011
    Messages: 427
    Likes Received: 0
    Trophy Points: 33
    Kama tunaipenda nchi yetu wananchi tuinusuru sasa imetosha. Tuache unafiki kama hawatajiuzulu tuingie barabarani mpaka kieleweke. Ni afadhali tuwe na serikali mpya tuone na wao utendaji wao.
     
  14. l

    lwangwa Member

    #14
    Jul 19, 2011
    Joined: Sep 8, 2010
    Messages: 92
    Likes Received: 0
    Trophy Points: 0
    Ngeleja anapaswa kujiuzuru ,na ninatarajia wabunge watakuwa makini katika hili nilazima ngereja ajiuzuru na wafuasi wake haiwezekani yeye na naibu wake washindwe kubaini uovu huo .pia atambua kuwa kitendo cha waziri mkuu kusimama mwenyewe kuondoa hoja niishara kwamba ngeleja hana nafasi tena na mshauri pinda na jk wachukue hatua wawaondoe wate kwenye wizara hiyo na hiyo wizara igawanywe kama ushauri wakambi ya upinzani ilivyopendekeza tunafuatilia kwa karibu
     
  15. TheRedKop

    TheRedKop Member

    #15
    Jul 19, 2011
    Joined: Jul 8, 2011
    Messages: 63
    Likes Received: 0
    Trophy Points: 0
    $2m mchezo...
     
  16. Nyange

    Nyange JF-Expert Member

    #16
    Jul 19, 2011
    Joined: Mar 25, 2010
    Messages: 1,928
    Likes Received: 6
    Trophy Points: 135
    Tena mkuu wa kaya kaacha tuko gizani yeye anaenda kula bata south Afrika!!
     
  17. c

    cicy Member

    #17
    Jul 19, 2011
    Joined: Mar 5, 2011
    Messages: 21
    Likes Received: 0
    Trophy Points: 0
    ninachokijua huu ni mchezo wa siku zote na si tu kwenye wizara ya Nishati na madini huu mchezo upo kwenye wizara zote na halimashauri zote nchini ukitaka bajeti ipite kirahisi razima utoe rushwa kwa wabunge
     
  18. Kimbunga

    Kimbunga Platinum Member

    #18
    Jul 19, 2011
    Joined: Oct 4, 2007
    Messages: 12,345
    Likes Received: 1,032
    Trophy Points: 280
    Kwa kifupi mkuu unataka kusema wabunge wetu ni wala rushwa. Haipiti budget bila wabunge kula kwanza; au nakuwekea maneno kinywani?
     
  19. U

    Uwezo Tunao JF-Expert Member

    #19
    Jul 19, 2011
    Joined: Nov 14, 2010
    Messages: 6,948
    Likes Received: 8
    Trophy Points: 0
    Ndugu Dr Hosea,

    Kama kweli hapa nchini bado kuna chombo chochote kinachojishughulisha na hili jinamizi sungu liitwalo RUSHWA, na kwamba chombo hicho bado kinaendelea kutumia nembo ya kuwa MALI YA WANANCHI wa nchi hii, na kwamba uendeshaji wake pia inatumia fedha zetu za kodi kila kukicha nchini, basi NAOMBA SANA wiki ijayo isifike bila kutufanya wenye nchi kwenda kumuona Waziri Ngeleja na Katibu Mkuu wake kule lupango KEKO.

    Ni kero kubwa namna hii, ni dhihaka, ni kilio kwa taifa , inaumiza saaaaana!!!!!!!!!!!!!!!!!!!!!!!!!!!!!!!!!!!!!!!! Kwenye serikali hii ubinadamu na uso wa aibu haupo tena ... muda wote natamani kumtukana kila mtu kila mahali nikikumbuka mambo ya wizara hii miongoni mwa mdudu mengine mengi serikalini lakini kanuni za kistaarabu zinanifunga!!!!!!!!!!!!!!!!!

    Laiti sisi wananchi TUNGEKUA NA SAUTI TENA na serikali yetu ............... Mzee Makame angalia ulivyotuangamiza kama taifa kwa kuporea Mheshimiwa Kikwete ushindi ambao hakuustahili!!!

    Wenyeviti wengine wa tume za uchaguzi, siku za usoni, nchini hivi mpaka hapa mnajifunza nini nchi yetu inavyokwenda ki-kudra ya Mwenyezi Mungu baada ya Tume kushiriki na kufadhili wizi wa kura???????????????????????


     
  20. Jethro

    Jethro JF-Expert Member

    #20
    Jul 19, 2011
    Joined: Mar 23, 2009
    Messages: 2,187
    Likes Received: 64
    Trophy Points: 145
    Naombeni majina ya Kamati ya Kudumu ya Bunge ya Nishati na Madini
    1: Ngeleja
    2: Malima
    3:
    4:


     
Loading...