Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waziri atumia madaraka vibaya

Discussion in 'Jukwaa la Siasa' started by macho_mdiliko, Jul 2, 2008.

  1. macho_mdiliko

    macho_mdiliko JF-Expert Member

    #1
    Jul 2, 2008
    Joined: Mar 10, 2008
    Messages: 5,886
    Likes Received: 1,451
    Trophy Points: 280
    Copy and paste from Majira

    (http://www.majira.co.tz/kurasa.php?soma=tanzania&habariNamba=7116)

    Ashirikiana na mtoto wa kigogo kuvunja sheria za Uhamiaji
    *Ala njama kuwakamatisha kwa rushwa maofisa Uhamiaji, afeli

    Na Mwandishi Wetu

    WAZIRI wa Wizara nyeti katika Serikali ya Awamu ya Nne anadaiwa kutumia madaraka yake kutoa amri zisizo halali kwa kumlinda mtoto wa kigogo na kusababisha maofisa kadhaa wa Uhamiaji kukamatwa wakisingiziwa kupokea rushwa.

    Tukio hilo anadaiwa kulifanya hivi karibuni baada ya maofisa wa Uhamiaji kukamata raia 12 wa Kenya na mmoja wa Ufilipino wanaodaiwa kufanya kazi katika kiwanda cha mtoto wa kigogo huyo ambaye ni Mbunge bila kuwa na vibali vya kuwaruhusu kufanya hivyo.

    Kwa mujibu wa chanzo chetu cha habari ambacho kinaaminika, tukio hilo lilitokea Juni 14 mwaka huu wilayani Kinondoni ambapo raia hao wa nje walikuwa wanajihusisha na ajira katika kiwanda cha Huawei ambacho kinadaiwa kumilikiwa na mtoto wa kigogo.

    "Baada ya maofisa hao kufika hapo na kuwakamata watuhumiwa hao nao walipiga simu kwa bosi wao (mtoto wa kigogo), ambaye kwa muda huo inadaiwa alikuwa na Waziri huyo, hivyo walichofanya ni kupiga simu kwa ofisa wa ngazi za juu katika Jeshi la Polisi na kutoa maelekezo na Waziri ya kukamatwa kwa maofisa hao kwa tuhuma za rushwa," kilidai chanzo hicho.

    Wakati ukamataji huo ukiendelea, ghafla gari la askari Polisi lilifika mahali hapo na kuwakamata wale maofisa Uhamiaji ambao waliwapeleka moja kwa moja katika kituo cha Polisi cha Oysterbay, Kinondoni, wakiwa na hao wahamiaji haramu.

    Chanzo kilidai kuwa wakiwa pale na mahojiano yakiendelea, jopo la upelelezi lilibaini kuwa wale maofisa hawakuwa na hatia yoyote na wala hapakuwa na ushahidi wa rushwa, hivyo ilikuwa ni vigumu kuwalaza rumande.

    "Huwezi kuamini, yule Waziri alifika kituoni hapo tena akiwa amevaa kaptula na alipofika aliwauliza wale maofisa kama wanamfahamu yeye...mimi ni Waziri wa...," kilisema chanzo chetu.

    Kutokana na hali hiyo maofisa hao walibaki wanalalamika na kusema wanapoteza ari ya kufanya kazi kwani walikuwa kwenye kazi zao za kawaida, lakini Waziri kwa kumlinda mtoto wa kigogo mwenziwe alilazimika kuwasaliti wafanyakazi wake.

    Wahamiaji ambao walikuwa wamekamatwa na maofisa hao ni Bw. Emmanuel Mkuro (35), Bw. David Mwinzi (34), Bw. Benjamin Gitau (28), Bw. Felix Mositeti (26), Bw. Bernard Owiti (28), Bw. Raphael Nzyuka (30) na Bw. Joseph Ntini (23).

    Wengine ni Augustine Kimanzi (34), Bw. Samwel Gichiengu (33), Bw. Muteiti Kingesi (35), Bw. Justus Njogu (27) ambao ni raia wa Kenya na Bw. Rufino Martin (43) raia wa Ufilipino.

    Walifikishwa katika Mahakama ya Hakimu Mkazi Kisutu, Dar es Salaam mbele ya Hakimu Mkazi, Bw. John Msafiri, na kudaiwa kuwa Juni 14 mwaka huu, walikutwa wakijiingiza kwenye ajira katika kampuni ya Huawei bila vibali vya kuishi nchini.

    Baada ya kufikishwa mahakamani hapo walikiri kutenda makosa hayo na mahakama iliwaamuru kulipa faini ya sh. 50,000 kila mmoja na walilipa faini hiyo.

    Jitihada za kuwapata wahusika katika sakata hilo zilifanyika lakini simu zilikuwa zikiita tu bila majibu yoyote huku zingine zikijibiwa kuwa mmliki wa simu hiyo hayupo.
     
  2. Kuhani

    Kuhani JF-Expert Member

    #2
    Jul 2, 2008
    Joined: Apr 2, 2008
    Messages: 2,944
    Likes Received: 6
    Trophy Points: 135
    Mwandishi hajiamini kutaja jina la Waziri. Lord help us!

    Udaku....
     
  3. Mzee Mwanakijiji

    Mzee Mwanakijiji Platinum Member

    #3
    Jul 2, 2008
    Joined: Mar 10, 2006
    Messages: 30,398
    Likes Received: 2,465
    Trophy Points: 280
    good point Kuhani.. ndio maana JF iko hapa..! si watupenyezee sisi wengine tuwaandikie kama vyanzo vyao ni vya kuaminika? Kuna Polisi yeyote Oysterbay nibeep!
     
  4. Kichuguu

    Kichuguu Platinum Member

    #4
    Jul 2, 2008
    Joined: Oct 11, 2006
    Messages: 6,945
    Likes Received: 282
    Trophy Points: 180
    Waziri huyo bado yuko kazini?
     
  5. LadyMzuri

    LadyMzuri Member

    #5
    Jul 2, 2008
    Joined: Jun 30, 2008
    Messages: 50
    Likes Received: 3
    Trophy Points: 0
    Of course yuko kazini, sijasikia any kasimamishwa kazi...it will be interesting to know waziri nani?? mmh alikuwa katika kaptula na June 14 was a weekend...interesting...
     
  6. NaimaOmari

    NaimaOmari JF-Expert Member

    #6
    Jul 2, 2008
    Joined: Sep 25, 2007
    Messages: 807
    Likes Received: 14
    Trophy Points: 0
    aanikwe na awajibishwe kama ni taarifa za ukweli ..
     
  7. Fidel80

    Fidel80 JF-Expert Member

    #7
    Jul 2, 2008
    Joined: May 3, 2008
    Messages: 21,983
    Likes Received: 49
    Trophy Points: 145
    Jamani kwani hiyo Huawei ni ya mtoto gani wa kigogo?
    Alafu tunaomba ambaye anadata tumumlike huyo waziri anaye lingia kazi yake.
     
  8. R

    Rwabugiri JF-Expert Member

    #8
    Jul 2, 2008
    Joined: Jul 10, 2007
    Messages: 2,777
    Likes Received: 5
    Trophy Points: 135
    Naamini huyu mwandishi wa Majira ana news zote, na anatembelea humu, hebu mwaga kila kitu, hapa JF we talk openly, haya mambo ya mtoto wa fulani awe abave the law ndo kati ya yale tunayo yapigia kelele. Muanike hapa ili fahamu zimrudie kwamba naye ni mtanzania tu kama wengine, na hako ka cheo ka uwaziri ni dhamana tu!
     
  9. M

    Mwakilishi JF-Expert Member

    #9
    Jul 2, 2008
    Joined: Jan 31, 2007
    Messages: 484
    Likes Received: 1
    Trophy Points: 0
    Huyo waziri aanikwe, kama ni kuaibika ameshajiaibisha mwenyewe, aanikwe halafu awajibishwe na aliyempa huo uwaziri, la sivyo huo upuuzi hautakaa uishe! Mtu umepewa dhamana ya uongozi tayari ushajiona nusu-mungu, ovyo kabisa!
     
  10. Jiwe Linaloishi

    Jiwe Linaloishi JF-Expert Member

    #10
    Jul 2, 2008
    Joined: May 24, 2008
    Messages: 3,685
    Likes Received: 18
    Trophy Points: 135
    MMh!! Hii habari naona ina utata, june 14 ni jumamosi na kampuni ya Huwawei ni kampuni ya wachina iko masaki ndio inayosambaza network ya 3G kwa makampuni ya simu hapa TZ kulikuwa na mtoto wa kigogo alishafanya kazi ktk kampuni hiyo ila ameshaacha kazi. kama kuna mtu ana taarifa zaidi na anamjua huyo waziri aliyehusika naomba atupe mwanga zaidi kuhusu hilo.
     
  11. K

    KakindoMaster JF-Expert Member

    #11
    Jul 2, 2008
    Joined: Dec 5, 2006
    Messages: 1,260
    Likes Received: 3
    Trophy Points: 135
    Hii ni hatari sana waziri huyu inabidi aangaliwe ana kila dalili mbaya za ufisadi.
     
  12. M

    Maktauwo Member

    #12
    Jul 2, 2008
    Joined: Jul 30, 2007
    Messages: 22
    Likes Received: 0
    Trophy Points: 0
    Habari zisizodhibitishwa waziri ni Masha na mtoto wa kigogo ni Kinjekitile.
     
  13. M

    Major JF-Expert Member

    #13
    Jul 2, 2008
    Joined: Dec 20, 2007
    Messages: 1,055
    Likes Received: 337
    Trophy Points: 180
    msituletee habari za udaku ktk jf kama hamuwezi kutaja jina lake sasa mnataka tujadili hewa? au hii habari ni bora mngeituma uwazi labda wangewasaidia
     
  14. M

    Mafuchila JF-Expert Member

    #14
    Jul 2, 2008
    Joined: Apr 29, 2006
    Messages: 752
    Likes Received: 22
    Trophy Points: 35
    Namkumbuka David Blunkett alipojiuzulu uwaziri wa mambo ya ndani, kisa! aliandika memo kuharakisha permit ya housegirl wa girl friend wake. Bongo peponi, anything which is impossible, ndani ya bongo is possible na watu wanaendelea kudunda.
     
  15. M

    Mwakilishi JF-Expert Member

    #15
    Jul 2, 2008
    Joined: Jan 31, 2007
    Messages: 484
    Likes Received: 1
    Trophy Points: 0
    Hiyo hapo bila shaka ni hint, Waziri ambaye polisi ni "wafanyakazi wake", could it be Mambo ya Ndani au? Just speculating here... mwenye habari yote aimwage humu ndani basi....
     
  16. M

    Mwakilishi JF-Expert Member

    #16
    Jul 2, 2008
    Joined: Jan 31, 2007
    Messages: 484
    Likes Received: 1
    Trophy Points: 0
    Maktauwo, duh! kumbe ni Mheshimiwa sana Masha! Kama kweli ni yeye basi naona anapalilia katabia ka kutetea watoto wa vigogo... kaazi kweli kweli
     
  17. M

    Mafuchila JF-Expert Member

    #17
    Jul 2, 2008
    Joined: Apr 29, 2006
    Messages: 752
    Likes Received: 22
    Trophy Points: 35
    Ni kweli habari habari zisizothibitishwa, kwani habari inasema mtoto huyo wa Kigogo ni mbunge hivyo anaweza kuwa Thomas Apson, na sio Kinjekitile ambaye sio mbunge kama unavyotaka ionekane.
     
  18. Field Marshall ES

    Field Marshall ES JF-Expert Member

    #18
    Jul 2, 2008
    Joined: Apr 27, 2006
    Messages: 12,659
    Likes Received: 39
    Trophy Points: 0
    Masha sio waziri wa nyeti, huyo atakuwa ni Simba, unless mwandishi naye haelewi vizuri nyeti ni nini.

    Badala ya kurusha majina ya watu ambao hatuna uhakika nao labda tunaganza kujaribu kutafuta ufumbuzi wa tatizo.
     
  19. socrates

    socrates Member

    #19
    Jul 2, 2008
    Joined: Jun 26, 2008
    Messages: 15
    Likes Received: 0
    Trophy Points: 0
    Kwa hiyo mwandishi anataka sisi tubuni ni nani? Hii sio habari maana haijakamilika. If you can,t disclose him you are like him. 'The witness of a rat is another rat'
     
  20. Sekenke

    Sekenke Senior Member

    #20
    Jul 2, 2008
    Joined: Mar 3, 2008
    Messages: 132
    Likes Received: 0
    Trophy Points: 33
    FMES, Heshima mbele, hapo kuna utata hapo... Huyo Mhishimiwa alikwenda na Bukta, hiyo Juni 14... haraka haraka, japo Simba aweza kwenda na bukta, kete inajilengesha zaidi kwa Masha... au...
     
Loading...