Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waziri 'ajitundika' ATCL...................

Discussion in 'Jukwaa la Siasa' started by Rutashubanyuma, Dec 8, 2010.

  1. Rutashubanyuma

    Rutashubanyuma JF-Expert Member

    #1
    Dec 8, 2010
    Joined: Sep 24, 2010
    Messages: 61,428
    Likes Received: 492
    Trophy Points: 180
    Waziri 'ajitundika' ATCL


    Imeandikwa na Lucy Lyatuu; Tarehe: 8th December 2010 @ 06:11 Imesomwa na watu: 52;

    WAZIRI wa Uchukuzi, Omar Nundu amesema, anakusudia kuiwezesha Kampuni ya Ndege Tanzania (ATCL) ijiendeshe kwa umahiri mkubwa ili ichangie kikamilifu katika kutoa huduma bora na nafuu za usafiri wa anga kwa wananchi.

    Tangu ilipobinafsishwa kwa Shirika la Ndege la Afrika Kusini (SAA), ATCL imeshindwa kuwa katika hali nzuri kibiashara na katika miaka ya karibuni, hali imekuwa mbaya zaidi kwani imekuwa na ndege chache, lakini ikiwa na wafanyakazi zaidi ya 300 wanaotegemea ndege zisizozidi tatu.

    Baada ya ‘ndoa’ yake na SAA iliyofungwa mwanzoni mwa miaka ya 2000 kuvunjika, ATCL imekuwa ikijiendesha kwa shida, wakati mwingine ikiwa haina fedha za mafuta za kurusha ndege zake na pia fedha za kuwalipa wafanyakazi wake, hali iliyoilazimu serikali kusaka mbia wa kuiendesha.

    Hata hivyo, mbia hajapatikana ingawa sasa inaelezwa kuwa imekuwa katika mazungumzo na Shirika la Ndege la Sonangol linalomilikiwa na serikali za China na Angola, ili awe mbia wao.

    Lakini akizungumza Dar es Salaam jana kwenye kilele cha Siku ya Kimataifa ya Usafiri wa Anga, Nundu anayetoka katika tasnia hiyo ya masuala ya usafiri wa anga, alisema kusudio lake ni ATCL kuendeshwa kwa umahiri mkubwa ili lichangie kikamilifu katika kutoa huduma bora na nafuu kwa wananchi.

    Kwa mujibu wa Waziri Nundu, kusudio hilo litakwenda sambamba na juhudi za kuandaa mazingira yatakayolenga kuongeza mchango wa sekta binafsi katika kujenga na kuendesha viwanja vya ndege.

    Alisema kwa kuzingatia usafiri nafuu unafanikiwa, serikali itaboresha pia mazingira na kufungua milango ya biashara yenye kuvutia mashirika na kampuni mbalimbali kuwekeza katika sekta ya usafiri wa anga kama njia ya kuchochea ukuaji wa safari za ndege na ongezeko la idadi ya abiria.

    “Tutafanya juhudi za makusudi na kuchukuwa hatua za dhati kuhamasisha na kuvutia wawekezaji wa usafiri nafuu ili nauli zishuke kuwawezesha wananchi wengi zaidi kuutumia usafiri huu na kufanya soko lake likue,” alisema Nundu ambaye kabla ya kuwania ubunge wa Jimbo la Tanga Mjini na kushinda, alikuwa Rais wa Shirika la Kimataifa la Usafiri wa Anga (ICAO).

    Alisema kwa sasa serikali kwa kushirikiana na wahisani mbalimbali, ipo katika hatua tofauti za uboreshaji wa viwanja vipatavyo saba nchini, ambavyo ni Arusha, Mafia, Bukoba, Shinyanga, Tabora, Kigoma na Mpanda.

    “Kwa viwanja vya Mpanda na Mafia, uboreshaji umeshaanza na hivi sasa wataalamu wameshaanza kazi katika viwanja hivi…huko Mbeya nako shughuli zinaendelea ambako ujenzi wa jengo la kufikia abiria na uwekaji lami katika njia ya kurukia katika Kiwanja cha Ndege cha Songwe unaendelea,” alisema.

    “Ujenzi wa kiwanja kipya cha kimataifa cha Msalato mkoani Dodoma, ujenzi wa Kiwanja cha Kimataifa cha Bagamoyo na kuboresha Kiwanja cha Kimataifa cha Julius Nyerere (JNIA) kwa kujenga jengo jipya la abiria na majengo mengine ni baadhi ya miradi itakayopewa kipaumbele katika kipindi cha miaka mitano ijayo.”

    Aidha, aliagiza miundombinu ya viwanja vya ndege itumiwe kwa kazi iliyokusudiwa na sio kugeuzwa stoo ya kuhifadhi vitu kama ilivyo kwa karakana ya kutengenezea ndege iliyoko Kiwanja cha Ndege cha Kilimanjaro.

    Pia alitoa maagizo mbalimbali huku akitaka kupatiwa ripoti ya utekelezaji wake kila mwezi ikiwemo na kukamilishwa kwa kiwanja cha ndege cha Songwe kwa muda uliopangwa na kwa kiwango kilichoainishwa kwenye mkataba wa ujenzi na kupitia upya Sera ya Taifa ya Uchukuzi kwa kuwa sasa imepitwa na wakati.

    Kaimu Mkurugenzi Mkuu wa Mamlaka ya Usafiri wa Anga Tanzania (TCAA), Fadhili Manongi alisema sekta hiyo inakabiliwa na changamoto ya kukosa wataalamu wazalendo na waliopo wana umri mkubwa.

    “Kwa hivi sasa nchini kuna wahandisi wa ndege 221 na kati yao, Watanzania ni 108 tu na wahandisi 113 waliobaki ni raia wa nje, hali kama hiyo ipo pia kwa marubani ambapo takwimu zinaonesha wapo marubani 364 na kati ya hao, Watanzania ni 155 na wageni ni 209,” alisema Manongi.
     
  2. A

    Akili Kichwani JF-Expert Member

    #2
    Dec 8, 2010
    Joined: Jan 7, 2010
    Messages: 1,500
    Likes Received: 14
    Trophy Points: 135
    ilikuwa kama saa sita hivi!!1..................................
     
  3. The Finest

    The Finest JF-Expert Member

    #3
    Dec 8, 2010
    Joined: Jul 14, 2010
    Messages: 21,710
    Likes Received: 33
    Trophy Points: 145
    Hivi hili shirika lipo kweli hata ndege zake sizioni
     
  4. Mr. Zero

    Mr. Zero JF-Expert Member

    #4
    Dec 8, 2010
    Joined: Jun 5, 2007
    Messages: 7,838
    Likes Received: 1,090
    Trophy Points: 280
    Huyo waziri labda anafikiri Precision Air ni Air Tanzania.
     
  5. Ndachuwa

    Ndachuwa JF-Expert Member

    #5
    Dec 8, 2010
    Joined: Mar 8, 2006
    Messages: 4,138
    Likes Received: 286
    Trophy Points: 180
    Serikali ilishajivua kufanya biashara, cha kufanya hapa waiombe Precision watumie bendera ya Taifa kwenye ndege zake na Route zote za ATCL zikabidhiwe Precision. Kuruhusu kampuni inayofanya hasara ipunguze mapato ya kampuni inayofanya faida ni kupunguza mapato ya serikali yanayotokana na kodi ya mapato
     
  6. Mzee Mwanakijiji

    Mzee Mwanakijiji Platinum Member

    #6
    Dec 8, 2010
    Joined: Mar 10, 2006
    Messages: 30,403
    Likes Received: 2,479
    Trophy Points: 280
    Mbona viwanja vya ndege vilikuwa chini ya Ujenzi? halafu ndege zinaenda "Uchukuzi"?
     
  7. O

    Ome Member

    #7
    Dec 8, 2010
    Joined: Jan 2, 2008
    Messages: 78
    Likes Received: 1
    Trophy Points: 0
    shirika hilo lipo ila kwa sasa lina kibajaji kimoja tu kinachoruka kwenda kigoma. mwanangu kama unaenda huko kikazi for 2 dys beba pesa ya hotel ya kutosha waweza kaa hata 5 dys kibajaji hakijaruka huko.

    For him is good plan, but for us wit little hop kwa utendaji wa kibongo bongo, karibu waziri but this is TZ not Monterol ICAO
     
  8. K

    Kiti JF-Expert Member

    #8
    Dec 8, 2010
    Joined: Nov 2, 2010
    Messages: 223
    Likes Received: 1
    Trophy Points: 35
    WAige mfano wa Kenya Airways. MD au CEO asiingiliwe na serikali, apewe uwezo wa kuajiri na kufukuza inapobidi. Mnajua kuwa serikali ndio imeliua shirika la ndege kwa ma LPO yasiyolipwa? Wakilifufua shirika kila kitu kiende kwa CASH. Na ile hali ya kulea wafanyakazi 300 na ndege tatu ife. Weka wafanyakazi wachache wanaozalisha siyo tu ili mradi ni shirika la serikali liwe dampo la kuwaajiri ndugu, jamaa, na marafiki na kusafirisha kwa mikopo vigogo wa serikali. ATC ikitoka Dubai inajaza tani za mizigo ya shopping ya wafanyakazi, vigogo na wafanya biashara ambayo hailipiwi. Hivi bila kuilipia hiyo mizigo mnategemea nini? Hebu amkeni nyie Wadanganyika, wakati wa kuleana umepita.
     
  9. Masanilo

    Masanilo JF-Expert Member

    #9
    Dec 8, 2010
    Joined: Oct 2, 2007
    Messages: 22,323
    Likes Received: 110
    Trophy Points: 160
    Why kiwanja kingine huko Msonga - Bagamoyo? Kwanini wasiimalishe Uwanja wa Dar na ile airstrip ya Mwanza?
     
  10. Nzi

    Nzi JF-Expert Member

    #10
    Dec 8, 2010
    Joined: Oct 21, 2010
    Messages: 10,536
    Likes Received: 1,725
    Trophy Points: 280
    Amesahau ujenzi wa kiwanja cha kimataifa Misenyi kule Kagera. Mkwere alipayuka iyo ahadi mwenyewe.
     
  11. The Son of Man

    The Son of Man JF-Expert Member

    #11
    Dec 8, 2010
    Joined: Feb 9, 2010
    Messages: 10,969
    Likes Received: 369
    Trophy Points: 180
    Haya maneno ya majukwaani tumeyazoea, vitendo zaidi ndo tuanataka!
     
  12. Mtazamaji

    Mtazamaji JF-Expert Member

    #12
    Dec 8, 2010
    Joined: Feb 29, 2008
    Messages: 5,972
    Likes Received: 27
    Trophy Points: 0
    Huyo waziri anatakiwa kuweka juhudi , maarifa na wakati wake mwingi kwente TRL badala ya kupteza muda na ATCL

    I dont see ATCL ina umuhimu gani kwenye uchumi wa nchi kama ilivyo TRL.

    Kumekuwa na kasumba ya kuweka prority za Anga mbele zaidi ya zile za Reli.
     
  13. JohnShaaban

    JohnShaaban JF-Expert Member

    #13
    Dec 8, 2010
    Joined: Aug 23, 2007
    Messages: 465
    Likes Received: 9
    Trophy Points: 35
    Anasema hivyo kwa kuwa anajua Tanzanians are not critical; $erikali iliyoshindwa kuendesha shuttle-train to Ubungo inakuja kusema itajenga flyovers ni kituko ambacho hakijatokea popote Duniani.
     
  14. kabila01

    kabila01 JF-Expert Member

    #14
    Dec 8, 2010
    Joined: Apr 21, 2009
    Messages: 2,526
    Likes Received: 951
    Trophy Points: 280
    kuanzia Alhamisi hadi jumapili ndege iliharibikia Kigoma ndo imeanza safari jumatatu. Usafiri wa Kigoma ni shughuli hata uwe na pesa vipi ukiumwa ugonjwa ambao unatakiwa ufanyiwe rufaa ya muhimbili ndo umekufa hivyo. Tumsubiri mkwele aliesema Kigoma itakua kama DUBAI yaani hapo sijui Dar itakua kama nn? Harafu treni inaenda Kigoma mara moja kwa siku na kila siku inaenda imejaza abiria hadi inacheua lakin bado tunaambiwa shirika linaendeshwa kwa hasara, hakuna hata siku moja treni limesafiri tupu. Hata hiyo ndege ili upate nafasi inatakiwa uweke booking ya wiki moja kabla kila siku inajaa na bado tena wanasema wanakopa hadi hela ya mafuta hapo nashindwa kuelewa kabisa
     
  15. j

    jinalangu Member

    #15
    Dec 8, 2010
    Joined: Dec 7, 2010
    Messages: 17
    Likes Received: 0
    Trophy Points: 0
    Taarifa imejieleza, wana ndege zisizozidi 3, hapo probability ya kusafiri ni akili kichwani, maana hata wateja tunahofia usalama kuzipanda maana haziishagi matengenezo zile.
     
  16. M

    Mundu JF-Expert Member

    #16
    Dec 8, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    Yeah, wamfanyie Induction kwanza. wamwambie zile za orange, kijani na nyeupe zenye nembo ya swala ni za wenyewe...
     
  17. BLUE BALAA

    BLUE BALAA JF-Expert Member

    #17
    Dec 10, 2010
    Joined: Nov 30, 2010
    Messages: 898
    Likes Received: 4
    Trophy Points: 35
    lina kibajaji kimoja tu kinachoruka kwenda kigoma.

    Lina Kibajaji kimoja ila wakurugenzi utashangaa

    1. Deputy Director General
    2. Director of Finance & Administration
    3. Director of operations
    4. Director of technical services
    5. Director of man power development
    6. Director of sales & marketing

    Pia ikp bodi inayo ongozwa na Balozi Mustapha Nyang'anyi

    Can we compare with Precision management?
     
  18. The Finest

    The Finest JF-Expert Member

    #18
    Dec 10, 2010
    Joined: Jul 14, 2010
    Messages: 21,710
    Likes Received: 33
    Trophy Points: 145
    duh!!!! Wote hao halafu ndege moja
     
  19. M

    Maimai Senior Member

    #19
    Dec 10, 2010
    Joined: Nov 1, 2010
    Messages: 174
    Likes Received: 2
    Trophy Points: 0
    mwandishi kaongopa.. waziri hakusema hivyo.. alichosema ni kwamba atahakikisha anavutia wawekezaji wa LOW COST CARRIER.. huyu mwandishi kasomea wapi.. du hii balaa.. journalists are not serious
     
  20. N

    Ndinani JF-Expert Member

    #20
    Dec 10, 2010
    Joined: Aug 29, 2010
    Messages: 5,105
    Likes Received: 514
    Trophy Points: 280
    Hivi huyu Mustapha Nyang'anyi bado ni mwenyekiti wa bodi ya ATCL hata baada ya kashfa aliyoifanya ya kutaka kuikodisha ndege kubeba mahujaji kinyemela halafu wakaishia kulala kiwanja cha ndege siku tatu!! Kama kweli bado yupo, hayo yatakuwa ndio matatizo ya mkwere kwani hutaka kuua nyani huku akiwaangalia usoni!!
     
Loading...