Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wazikwa Hai Hadi Disemba...

Discussion in 'Habari na Hoja mchanganyiko' started by MziziMkavu, Aug 26, 2010.

  1. MziziMkavu

    MziziMkavu JF-Expert Member

    #1
    Aug 26, 2010
    Joined: Feb 3, 2009
    Messages: 38,538
    Likes Received: 2,806
    Trophy Points: 280
    [​IMG]
    Ujumbe unaosema wote 33 tuko salama
    Wachimba madini wa Chile wamenasa mita 700 chini ya ardhi baada ya mgodi wa dhahabu waliokuwemo kuporomoka, wote wako hai lakini wataendelea kukaa huko hadi mwezi disemba mwaka huu wakati taratibu za kuwaokoa zitakapokamilika. Juhudi zinaendelea kuwaokoa wachimba madini 33 wa nchini Chile ambao wamenasa kwenye shimo lililopo mita 700 chini ya ardhi.

    Hata hivyo wachimba madini hao wataendelea kuishi kwenye shimo walilonasa kwa miezi minne ambapo inategemewa taratibu za kuwaokoa zitakuwa zimekamilika.

    Wachimba madini hao walikuwa wakichimba dhahabu kwenye mgodi wa San Jose,karibu na mji wa Copiapo, wakati wa jiwe lililokuwa juu yao liliporomoka.

    Baada ya siku 17, huku matumaini ya kuwaokoa yakiwa yamefifia, waokoaji walisikia kelele za wachimba madini hao walipotuma kifaa cha uchunguzi kwenye mgodi huo.

    Wachimba madini hao waliandika ujumbe kwenye karatasi walioubandika kwenye kifaa hicho ukisema: "Sisi sote 33 tuko salama".

    Walituma ujumbe wa pili baadae wakisema kuwa walitumia tingatinga walilokuwa wakilitumia kuchimbia madini kujitengenezea sehemu ya kulala na kuchimba kisima ambacho kimewawezesha kupata maji salama. Wanatumia umeme wa injini ya tingatinga kuwasha taa zinazowawezesha kupata mwanga kwenye shimo hilo lenye giza nene.

    Kazi ya kuwaokoa imeanza lakini kutokana na umbali mkubwa waliopo nchini ya ardhi mashimo mawili madogo yamechimbwa ili kuweza kuwapelekea chakula na maji huku shimo kubwa likichimbwa kuweza kuwaokoa mmoja mmoja.

    Uchimbaji wa shimo hilo kubwa lenye upana wa sentimeta 66 utatumia miezi minne kuweza kuwafikia wachimba madini hao.

    Wachimba madini hao wamenasa chini ya ardhi tangia tarehe tano mwezi huu na kwa muda waliokaa huko hadi leo tayari wameishavunja rekodi ya dunia ya watu walionasa chini ardhi kwa muda mrefu.
    Source: NIFAHAMISHE Tanzania news portal .: Habari za Tanzania :.
     
  2. M

    Mutu JF-Expert Member

    #2
    Aug 26, 2010
    Joined: Mar 30, 2008
    Messages: 1,333
    Likes Received: 2
    Trophy Points: 0
    mita 700 MBONA SI NYINGI ANGALIA VIZURI SOURCE YAKO
     
  3. MziziMkavu

    MziziMkavu JF-Expert Member

    #3
    Aug 26, 2010
    Joined: Feb 3, 2009
    Messages: 38,538
    Likes Received: 2,806
    Trophy Points: 280
    kwako wewe unaona sio nyingi kwa Serikali ya chile ni nyingi sana hebu bonyeza hiyo Source ya habari utapata maelezo kamili ya hiyo habari mie nimekopi na ku paste Sikuitunga hiyo habari.
     
  4. Next Level

    Next Level JF-Expert Member

    #4
    Aug 26, 2010
    Joined: Nov 17, 2008
    Messages: 3,160
    Likes Received: 13
    Trophy Points: 135
    Mita nyingi zinaanzia ngapi kwa uelewa wako?
     
  5. Amoeba

    Amoeba JF-Expert Member

    #5
    Aug 26, 2010
    Joined: Aug 20, 2009
    Messages: 3,328
    Likes Received: 53
    Trophy Points: 0
    Mita 700 za mgodini ni nyingi sana. Pia inategemea na jiografia na jiolojia ya eneo husika. Duh kazi ngumu!
     
  6. Ambassador

    Ambassador JF-Expert Member

    #6
    Aug 26, 2010
    Joined: Jun 2, 2008
    Messages: 932
    Likes Received: 8
    Trophy Points: 35
    mita 700 sio mchezo, ukiongeza 300 tu tayari kilometa moja chini ya ardhi!
     
  7. Mateso

    Mateso JF-Expert Member

    #7
    Aug 27, 2010
    Joined: Aug 6, 2008
    Messages: 240
    Likes Received: 2
    Trophy Points: 33
    Meta 700 ni sawa na urefu wa viwanja saba vya mpira wa miguu. Shimo linalochimbwa lina 66mm dia ili lisisababishe maporomoko mengine. Pamoja na hayo shimo hilo limeanzia mbali likiwa linachimbwa vertically and there after horizontally mpaka walipo hao waliozikwa kama jamaa alivyosema. Ni kazi ngumu na inayohusisha wataalamu. Mungu ataendela kuwasaidia kama alivyoanza.
     
  8. Beauty

    Beauty JF-Expert Member

    #8
    Aug 27, 2010
    Joined: Feb 6, 2008
    Messages: 537
    Likes Received: 1
    Trophy Points: 35
    Mungu awasaide sana..mita 700 ni nyingi sana aisee, usipime!!
     
  9. M

    Mutu JF-Expert Member

    #9
    Aug 28, 2010
    Joined: Mar 30, 2008
    Messages: 1,333
    Likes Received: 2
    Trophy Points: 0
    ok thanks naelewa na kushawishika kuwa mita 700 si mchezo.
    Thanks guys.Ila nilichokuwa nikihoji ni mita 700 mpaka december uchimbani gani ? lazima huoji hata kama imeandikwa ...ndio forum.

    Swali watakuwa wanachimba mita ngapi kwa siku hadi December?
    Kumbukeni kuna watu chini kule so kana wanajimba na jembe ya mkono(joke) ni bora kuomba msaada wa kimataifa au hata UN.
    kipimo cha mita 700 kulinganisha na muda ndio bado naona kama sio na uwiano sahihi wa kuchukua muda mrefu kwa kuokoa uhai wa watu .Hata kama wameweka njia ya kuwapatia hewa na chakula ,anything can happen jamaa wakafunikwa kabisa.
     
  10. BelindaJacob

    BelindaJacob JF-Expert Member

    #10
    Aug 28, 2010
    Joined: Nov 24, 2008
    Messages: 5,971
    Likes Received: 293
    Trophy Points: 180
    wana chakula huko chini ya ardhi? duu!!!!
     
  11. pmwasyoke

    pmwasyoke JF-Expert Member

    #11
    Aug 29, 2010
    Joined: May 27, 2010
    Messages: 3,505
    Likes Received: 101
    Trophy Points: 160
    Bahati yao wako Chile. Sijui wangekuwa kwetu hapa kungekuwa na matumaini?
     
Loading...