Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wauza Dawa Kulevya Wanyongwe

Discussion in 'Habari na Hoja mchanganyiko' started by X-PASTER, Aug 22, 2011.

  1. X-PASTER

    X-PASTER Moderator

    #1
    Aug 22, 2011
    Joined: Feb 12, 2007
    Messages: 11,651
    Likes Received: 75
    Trophy Points: 145
    Wauza Dawa Kulevya Wanyongwe-Wabunge

    [​IMG]

    • Wapendekeza hivyo baada ya kuona mkanda wa video
    • Mmoja alia akikumbuka watoto wa dadake waliokufa
    • Pinda aahidi mahakama Maalum kwa wahalifu hao

    Na Pendo Mtibuche, Dodoma

    Baadhi ya wabunge wa Bunge la Jamhuri ya Muungano wa Tanzania jana waliitaka serikali kuchukua hatua za kuwanyonga wafanyabiashara wote wanaojihusisha na dawa za kulevya. Walitoa kauli hiyo jana mjini hapa baada ya kuoneshwa mkanda wa wafanyabiashara hao hadharani.

    Jana serikali iliwaonesha wabunge mkanda wa wafanyabiashara wa dawa za kulevya wakati wa kupitia semina iliyoandaliwa na Ofisi ya Waziri Mkuu na kuwafanya baadhi ya wabunge kuitaka serikali kuwachukulia hatua wahusika wote ya kunyongwa na badala ya kuwapa adhabu nyingine.

    Mbunge wa Viti Maalumu Bi. Amina Mohamed Mwidau (CUF) alimwaga machozi mbele ya wabunge wenzake na kushindwa kuendelea na mchango wake baada ya kueleza kuwa watoto wa dada yake walikufa kwa pamoja baada ya kuathirika na dawa za kulevya.

    “Mimi nataka wafanyabiashara hawa wanyongwe mara moja, wanaumiza watoto wetu, mimi watoto wa dada yangu walikufa wote kwa wiki moja kutokana na dawa hizo," alisema na kushindwa kuendelea na ushuhuda huo kutokana na kububujikwa na machozi.

    Baadhi ya wabunge waliopendekeza kunyongwa kwa wafanyabiashara hao ni pamoja na Mbunge wa Kasulu Mjini NCCR Mageuzi Bw. Moses Machali, Mbunge wa Mji Mkongwe Bw. Mohamed Sanya, Mbunge wa Mkanyageni (CUF) Bw. Mohamed Mnyaa.

    Kwa upande wake Mbunge wa Kigoma Kusini NCCR Mageuzi Bw. David Kafulila naye alitaka wafanyabiashara hao wanyongwe ili walioajiriwa kwa unyongaji walipwe mishahara kihalali kwa kuwa kwa kipindi kirefu wamekuwa wakilipwa mishahara bila ya kufanya kazi.

    Bw. Ferix Mkosamali wa Muhambwe (NCCR Mageuzi) aliwataka wabunge kuigomea bajeti ya Wizara ya Sheria isipitishwe hadi itoa majibu ya hakimu aliyetoa dhamana kwa wafanyabiashara wa madawa hayo ya kulevya.

    Hata hivyo hali ilikuwa mbaya zaidi kwa Waziri wa Katiba na Sheria Bi. Celina Kombani ambaye alilazimika kusimama na kutolea ufafanuzi wa malalamiko ya baadhi ya wabunge kuhoji kuhusu kuachiwa kwa raia wa Pakistani waliokamatwa na madawa nchini huku Watanzania waliokamatwa nao wakiendelea kusota ndani.

    Waziri alieleza kuwa suala hilo limeshughulikiwa na tayari Mahakama ya Rufaa imekwishalisikiliza suala hilo lakini akasema kuwa zipo kasoro katika sheria huku baadhi ya wabunge wakipinga kwa sauti wakisema haiwezekani.

    Kufuatia hali hiyo ilimlazimu Mwanasheria Mkuu wa serikali kuingilia kati suala hilo ambaye yeye kwa upande wake alisema kuwa biashara hiyo haramu ina fedha nyingi na inahitaji mtu wa kulifuatilia suala hilo kwa moyo thabiti wa kushinda vishawishi.

    Alisema kuwa kuhusu suala la kesi ya Wapakistani kuachiwa huru tayari jambo hilo Jaji Mkuu alikwishaita jalada la kesi hiyo na kusema kuwa maamuzi ya kesi hiyo yatafanyika wiki ya kesho. Alisema kuwa mapungufu ya sheria ni kidogo lakini mapungufu ya binadamu ndiyo makubwa na kwamba baadhi ya wabunge wanapendekeza adhabu ya kifo, lakini si rahisi kuitekeleza.

    "Mimi mwenyewe niliwahi kutoa adhabu ya kifo lakini nilipotoka nje ya chumba cha hukumu machozi yalinitoka hivyo hapa lazima tukubaliane kama tutaenda kwenye adhabu hii," alisema.

    Kikosi Kazi cha Kupambana na dawa za kulevya chini ya Kamishina Godfrey Nzowa kilikuja na orodha hiyo kwa wabunge huku sehemu kubwa ya waliokamatwa wakionekana kuwa ni raia wa kigen. Hata hivyo baadhi ya raia wa Tanzania walitajwa kwa sehemu kubwa kuwa nao ni sehemu ya mtandao huo ambao watoa mada walisema kuwa ni mawakala.

    Hata hivyo kikosi kazi hicho kilisema kuwa si hao tu lakini wapo Watanzania ambao ni maajenti katika vita hiyo ambayo kuwa ni ngumu na inahitaji msukumo wa aina yake alisema mtoa mada ambaye kwa sababu za usalama jina lake linahifadhawa.

    Mtoa mada huyo alisema kuwa Kanisa Katoliki lilihususishwa kwa sehemu kubwa ambapo walisema kuwa katika Mkutano wa Papa Paul uliofanyika mwaka juzi, vijana wengi walitumia mwanya huo na kuzamia nje ya ambapo wengi walionekana kujihusisha na
    madawa. Aliwataja baadhi ya waliokamatwa kuwa ni pamoja na Mchungaji Ikechuku Okidi wa Kanisa la lililopo Biafla jijini Dar es Salaam.

    Wengine ni pamoja na Mzee wa Kanisa Raymond Gilbert Jungulu, Fred Chonde (Mkazi wa Mbezi) pamoja na mwanamtandao mkubwa wa dawa za kulevya Naima Mfundo (Mama Lela) ambao wamewezesha mapambano hayo kuwa ni makubwa.

    Hata hivyo watoa mada hao walilalamikia kitendo cha mahakama kuwaachia kwa dhamana watuhumiwa wa dawa za kulevya ambao ni raia wa Pakstani wawili ambao walikamatwa kwa kilo 180 za Heroin. Alieleza kuwa kitendo hicho cha wao kufanya kazi kubwa ya kuwakamata wafanyabiashara hao kiliwavunja moyo pale mahakama ilipowaachia kwa dhamana watuhumiwa wale.

    Picha mbalimbali zilizooneshwa katika mkanda wa video hiyo, ziliwafanya wabunge kupandwa na jazba na kuanza kupiga kelele wakitaka watuhumiwa wanyongwe pamoja na Jaji na Mahakimu waliohusika kuwaachiwa huru raia hao. Bw. Nzowa alisema kuwa wamekuwa wakipata tabu kubwa licha ya mazingira ya kufanyia kazi kuwa ni magumu, lakini hawana hata chembe ya ulinzi.

    Hata hivyo alisema kuwa wauza madawa hayo hivi sasa wameanza kujiingiza katika ufadhili w kisiasa ili kujaribu kujiweka katika mazingira mazuri jambo ambalo alisema ni hatari kubwa.

    Kwa upande wake Waziri Mkuu Mizengo akifunga semina hiyo alisema kuwa serikali itajitahidi kufanya kila linalowezekana ili iweze kujenga mahakama maalumu kwa ajili ya wauza dawa za kulevya. Aliwatahadharisha wapambanaji kuwa makini sana na mipaka ya nchi ambayo alisema inatumika zaidi katika kuvusha dawa kutokana na jiografia ya nchi.

    - Majira
     
  2. The Boss

    The Boss JF-Expert Member

    #2
    Aug 22, 2011
    Joined: Aug 18, 2009
    Messages: 36,065
    Likes Received: 14,293
    Trophy Points: 280
    tuanze kuwanyonga wabunge wala rushwa,wanaopokea posho mbili mbili na wasema uongo na watoro bungeni.............
     
  3. G

    Godwine JF-Expert Member

    #3
    Aug 22, 2011
    Joined: Jan 15, 2010
    Messages: 1,352
    Likes Received: 13
    Trophy Points: 135
    kuna kitu sikipendi hapo kuwa naona wabunge wetu ni wanafiki sana kwani ukisoma unaona ya kuwa sababu ya kupambana na madawa ya kulevya ni sababu watoto wao ndio wameathirika na si watanzania masikini

    kuna mafisadi walioiba fedha za watanzania zinazotakiwa kutumika kwenye uduma za jamii ikiwemo afya wameachwa huru tu sababu wao hawakamatiki

    nchi hii wanataka kugeuza sinema ya kuanza kujadili nani wa kumkamata na nani akamatiki hii sio sawa kama tunawakamata wauza unga lazima tuanze karibu na wanaomzunguka rais ikiwemo watoto na ndugu wakaribu wakiwa mafisadi basi wakamatwe

    ninawaunga mkono wauza madawa ya kulevya mpaka pale serikali itapotenda haki kwa kufikisha mafisadi mahakamani kwani nao ni sehemu ya matatizo kwa jamii yetu
     
  4. Nish

    Nish JF-Expert Member

    #4
    Aug 22, 2011
    Joined: Jul 22, 2011
    Messages: 732
    Likes Received: 0
    Trophy Points: 33
    Wanyongwe!
     
  5. njiwa

    njiwa JF-Expert Member

    #5
    Aug 22, 2011
    Joined: Apr 16, 2009
    Messages: 10,084
    Likes Received: 1,108
    Trophy Points: 280
    naunga mkono hoja.... wabunge ,

    tena wakamatwe wale wafanyabiashara wakubwa na si pushers ..... hawa wakubwa ndio wanawaharibu vijana wenzetu na kuingia katika wizi wa vioo vya magari... hadi inakera!
     
  6. Mamndenyi

    Mamndenyi JF-Expert Member

    #6
    Aug 22, 2011
    Joined: Apr 11, 2011
    Messages: 27,234
    Likes Received: 1,905
    Trophy Points: 280
    nimepata kigugumizi tuwekeeni na sisi huo mkanda tuuone.
     
  7. Emanuel Makofia

    Emanuel Makofia JF-Expert Member

    #7
    Aug 22, 2011
    Joined: Jan 5, 2010
    Messages: 3,817
    Likes Received: 2
    Trophy Points: 135

    huo mkanda utakuwa umechakachuliwa!!
     
Loading...