Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wasomi wakosoa kauli ya Mkapa

Discussion in 'Jukwaa la Siasa' started by EasyFit, Mar 18, 2012.

  1. EasyFit

    EasyFit JF-Expert Member

    #1
    Mar 18, 2012
    Joined: Jul 4, 2011
    Messages: 1,227
    Likes Received: 85
    Trophy Points: 145
    JINAMIZI la kisiasa linazidi kumwandama Rais Mstaafu Benjamin Mkapa baada ya wanasiasa na wasomi nchini kuzidi kumshambulia , wakikosoa kauli yake ya hivi karibuni, kudai kwamba hamtambui Mbunge wa Musoma mjini, Vincent Nyerere kuwa ni miongoni mwa familia ya Baba wa Taifa Mwalimu Julius Nyerere.

    Wamesema kuwa wanachotaka wananchi, ni kusikia jinsi wagombea wanavyonadi sera zinazolenga kutatua matatizo yanayowakabili, si kufanya kampeni za kuhusisha watu na kwamba, kauli ya Rais huyo mstaafu dhidi ya Vincent Nyerere, sio suluhisho la kumaliza umasikini wa Watanzania. Machi 12 mwaka huu wakati akifungua kampeni za CCM katika jimbo la Arumeru Mashariki, Mkapa alidai hamtambui mbunge huyo kuwa ni miongoni mwa wanafamilia ya Mwalimu Nyerere kwani katika kipindi chote alichofanya kazi na Mwalimu, hakusikia jina hilo.

    Siku moja baadaye, kauli hiyo ilipingwa vikali na Vincent akisema si jambo la ajabu Mkapa kutomfahamu yeye kwasababu Mkapa si sehemu ya ukoo wao. Alimrushia lawama kuwa akiwa madarakani, Mkapa alishinikiza Mwalimu Nyerere kupelekwa Hospitali ya St Thomas, Uingereza, kinyume na matakwa ya familia yao.

    Kama hiyo haitoshi, Madaraka Nyerere ambaye ni mtoto wa Mwalimu Nyerere, aliibuka siku moja baadaye na kuthibitisha kuwa Mbunge huyo ni mdogo wao na mwanafamilia hiyo, kwani ni mtoto wa baba yao mdogo, marehemu Josephat Kiboko Nyerere.

    Wakizungumza kwa nyakati tofauti, Mhadhiri Mwandamizi wa Chuo Kikuu Dar es Salaam(UDSM), Profesa Gaudence Mpangala, alisema siasa za vyama vingi hasa katika miaka ya hivi karibuni, zimekuwa hazina tija kwa wananchi kwani wagombea hujikita zaidi kuzungumza mambo yasiyokuwa na mantiki kwa wananchi. "Hili ni tatizo na ushauri wangu kwa wananchi ni kuhakikisha kwamba inatungwa sheria ya kuonyesha aina ya ushindani wa mfumo wa vyama vingi, huku kuzungumzia watu badala ya nini kifanyike, ni kuwahadaa wananchi" alisema Profesa Mpangala.

    Alisema kuwa kilichomkuta Mkapa ni kitendo cha aibu mbele ya jamii, huku akishangazwa na hatua cha chama hicho tawala kumpeleka rais huyo mstaafu katika ufunguzi wa kampeni zake. "Hata Vincent kwa kulinda heshima ya Mkapa, angeweza kukaa kimya tu, angejikita zaidi kueleza mgombea wa Chadema atawafanyia nini watu wa Arumeru Mashariki kama wakimchagua kuwa mbunge wao," alisema Mpangala. Alisema kuwa asilimia kubwa ya Watanzania ni masikini, hivyo wanaosimama majukwaani kuomba kura wanatakiwa kulifahamu hilo. Mhadhiri mwingine wa chuo hicho, Bashiru Ally alisema kuwa siasa za namna hiyo ni za kawaida katika kampeni nyingi nchini.

    "Tunatakiwa kujiuliza nini chanzo cha siasa za aina hii, kwanini vyama vya siasa nchini vikiwa katika kampeni vinajikita zaidi kuzungumzia watu kuliko maisha halisi ya wananchi na jinsi ya kuyamaliza?" Alihoji Ally. Alisema kuwa hata katika uchaguzi mdogo wa Igunga, yalitokea kama yanayotokea Arumeru Mashariki na kuongeza kuwa wananchi kabla ya kuamua nani wamchague, wanatakiwa kujiuliza maswali mengi juu ya siasa za kupakana matope. Mwenyekiti wa Chama cha Tanzania Labour (TLP), Augustino Mrema, alisema siasa za namna hiyo zinaweza kujenga chuki katika jamii na kwamba binafsi hawezi kuziunga mkono.

    "Siasa nyingine zinajenga chuki, siasa za kinafiki siwezi kuziunga mkono, tufikie wakati tutofautishe mambo binafsi na mambo ya umma," alisema Mrema. Mrema ambaye pia ni mbunge wa Vunjo, alisema kampeni za kupigana ‘vijembe' kuwa mgombea fulani hana mke, nyumba sio wanachokitaka wananchi. "Sio Mkapa tu, wapo wengine ambao wanazungumza mambo yasiyofaa katika jamii, binafsi nadhani sio njia nzuri ya kuomba kura kwa wananchi" alisema Mrema.

    Katibu Mkuu wa NCCR-Mageuzi, Samwel Ruhuza aliwataka Watanzania kuwapopoa mawe viongozi wa vyama vya siasa nchini wanaojikita kuzungumzia watu badala ya kujikita katika mikakati ya kuendeleza sehemu husika. "Nilimshangaa sana Rais Mstaafu Mkapa, badala ya kuzungumza sera, anazungumzia watu, sasa kauli yake hiyo itaweza kuwasaidiaje wananchi? Umefikia wakati wa kuacha ‘mipasho' katika kampeni, sasa kama sio mtoto wa Nyerere, alitaka wananchi wafanyaje?" Alihoji. Alisema kuwa hata kitendo cha CCM kusema kuwa mgombea wake akichaguliwa atamaliza tatizo la migogoro ya ardhi katika jimbo hilo, inaonyesha jinsi chama hicho kisivyokuwa na nia ya kuwasaidia wananchi.

    "Sasa CCM ndio Serikali yenyewe, huku wakiwa mbele ya Mkuu wa Wilaya, Mkuu wa Mkoa na viongozi wengine wa mkoa, wanaeleza wazi kuwa mgombea wa CCM akichaguliwa atamaliza tatizo la ardhi pale Arumeru, huu si uhuni jamani!" alisema Ruhuza. Mwenyekiti wa chama cha UPDP, Fahm Dovutwa licha ya kusema kuwa vyama vingi vya siasa nchini havina sera zinazoeleweka, alisisitiza kuwa huenda rais mstaafu Mkapa alitoa kauli hiyo bila kukusudia.

    "Unajua ukoo wa Nyerere wapo wengi sana na Mkapa asingeweza kuwafahamu wote nadhani aliteleza tu..., naishangaa sana CCM inazungumza kuwa itatekeleza baadhi ya mambo kama mgombea wake akichaguliwa kuwa mbunge, ina maana asipochaguliwa kila kitu kinabaki kama kilivyokuwa awali?" Alihoji Dovutwa.

    Naye mwenyekiti wa chama cha Sauti ya Umma (SAU), Paul Kyara, alisema umefikia wakati kwa vyama vya siasa kujikita zaidi kuzungumzia matatizo ya wananchi na kwamba majibizano, kejeli na kunyosheana vidole, havina manufaa kwa taifa.

    Gazeti la Mwananchi
     
  2. Sabung'ori

    Sabung'ori JF-Expert Member

    #2
    Mar 18, 2012
    Joined: Jul 19, 2011
    Messages: 2,078
    Likes Received: 115
    Trophy Points: 160
    ...ok Vicent sio mtoto wa Nyerere,je wewe Mkapa ni mtoto wa nani?...
     
  3. kakakuona40

    kakakuona40 JF-Expert Member

    #3
    Mar 18, 2012
    Joined: Oct 3, 2011
    Messages: 300
    Likes Received: 0
    Trophy Points: 0
    Sijaona tatizo katika kauli ya mkapa, namnukuu "Sijawahi kutambulishwa kuwa vincent ni mwanafamilia ya mwalimu....", Jamani mgogoro uko wapi ni kweli hamjui hakusema kuwa sio mwanafamilia, alisema hajawahi kutambulishwa. mbona mnakuza mambo, na hao wasomi ni wasomi gani wanaochangia mambo wasiyoyajua mambo ya magazeti!
     
  4. Mumwi

    Mumwi JF-Expert Member

    #4
    Mar 18, 2012
    Joined: Jan 9, 2011
    Messages: 593
    Likes Received: 1
    Trophy Points: 0
    Akitambulishwa ingemsadia nini, wewe hukuwepo pale ndo maana unaongea hivyo ungemsikiliza jinsi alivyokuwa ana kejeli yule kijana hiyo ni saizi kabisa kujibiwa hivyo.




     
  5. Memo

    Memo JF-Expert Member

    #5
    Mar 18, 2012
    Joined: Jan 17, 2011
    Messages: 2,146
    Likes Received: 4
    Trophy Points: 0
    Alikuwa anataka atambulishwe kwa Vicent kwani alikuwa anataka Vicent ampose
     
  6. Gsana

    Gsana JF-Expert Member

    #6
    Mar 18, 2012
    Joined: Aug 28, 2010
    Messages: 4,065
    Likes Received: 43
    Trophy Points: 145
    naomba kutajiwa watoto wa mh benja mkapa ili isijetokea tukawakana watoto wake bila kujua. Mwenye majina atusaidie orodha jamani!
     
  7. N

    Nyalutubwi JF-Expert Member

    #7
    Mar 18, 2012
    Joined: Jan 1, 2012
    Messages: 537
    Likes Received: 5
    Trophy Points: 35
    Mimi nadhani kinachogomba hapa si Mkapa kutambulishwa kuwa Vicent ni Mwanafamilia ya Nyerere,suala ni je Mkapa kwa nafasi yake ya heshima aliyo nayo kwa jamii ya Watanzania alistahili kuongea aliyoyasema dhidi ya Vicent?.Na je ni kweli kwamba kwa kutumia jukwaa la siasa mtu anaruhusiwa kusema maneno ya ovyo ovyo tu dhidi ya watu wengine?.Hivi ni kweli kwamba Watanzania wanakubaliana kuona Rais wao aliyewaongoza kwa miaka kumi akishindwa kujipambanua na kutofautiana na waendesha siasa ambao hawana Elimu na uwelewa wa ustaarabu wa dunia ya leo?.Kwa hili hata mimi sina msamaha na Mkapa achilia mbali matusi yake ya huko nyuma kwamba Watanzania wote tu wavivu isipokuwa yeye,tuna wivu wa Kike nk.
     
  8. m

    matawi JF-Expert Member

    #8
    Mar 18, 2012
    Joined: Mar 29, 2010
    Messages: 2,058
    Likes Received: 9
    Trophy Points: 135
    Huyu chinga bwana mbona ngoma yake ilikuwa na mramba mpaka mchonga alivyomwambia anampa ukuu wa inji ndo akairudusha? Nyambaf
     
  9. M

    MpendaTz JF-Expert Member

    #9
    Mar 18, 2012
    Joined: May 15, 2009
    Messages: 1,477
    Likes Received: 52
    Trophy Points: 145
    Tunachotakiwa kujiuliza ni sababu zipi zilizopelekea Mkapa kumtaja Vincent kwenye hiyo kampeni? Je ni kwa sababu Vincent ni mbunge wa chama cha upinzani kwahiyo kama katoka kwenye familia ya Nyerere angetakiwa kuwa CCM? Mkapa ni mlevi wa siasa za CCM. Ukiona mtu anayeongoza nchi miaka kumi anastaafu anakaa pembeni na hawezi kutambua yale aliyokosea na kukiri mapungufu yake basi huyo ujue ana walakini alikuwa mwanasiasa kanjanja.
    Kwanza wenzake wamemdhalillisha, utakuwaje Raisi mstaaafu ukafungue kampeni na kuwa mzungumzaji mkuu? Labda angekaribishwa kuwa pale kama mgeni rasmi au mshauri si zaidi ya hapo. Kukubali kwake kuchukua nafasi hiyo ndiko kumemletea kuongea umbea mbele za wananchi. Mzee mzima hovyoo!
     
  10. Mlingwa

    Mlingwa JF-Expert Member

    #10
    Mar 18, 2012
    Joined: Mar 18, 2011
    Messages: 383
    Likes Received: 0
    Trophy Points: 33
    Mtu Mzima Kashikwa Bapaya Jamani, nio kosa la laiyemlazimisha aende Arumeru
     
  11. commonmwananchi

    commonmwananchi JF-Expert Member

    #11
    Mar 18, 2012
    Joined: Mar 12, 2011
    Messages: 1,686
    Likes Received: 126
    Trophy Points: 160
    Hapa ninachokiona ni CCM kuweweseka ,hasa pale jina Nyerere ambalo ni Icon yake linapoibukia katika mstari wa mbele kwenye chama cha upinzani dhidi ya ccm yenyewe.

    Wanakosa maneno sahihi ya kuueleza umma wa kitanzania kuhusiana na hilo, na ndipo yanapoibuka haya tunayoyashuhudia .
     
  12. kweleakwelea

    kweleakwelea JF-Expert Member

    #12
    Mar 18, 2012
    Joined: Nov 29, 2010
    Messages: 2,148
    Likes Received: 293
    Trophy Points: 180
    nadhani che nkapa amefanya hivyo makusudi wasimsumbue siku nyengine!
     
  13. Kiwewe

    Kiwewe Senior Member

    #13
    Mar 18, 2012
    Joined: Nov 22, 2011
    Messages: 158
    Likes Received: 1
    Trophy Points: 0
    Sasa wewe umeona hili linahusiana vipi na matatizo ya wana Arumeru? Tunajua Mkapa alitumia ujinga huu ili amhushe kisiasa Mh. Vicent. Inashangaza sana kwa Rais mstaafu wa watanzania wote ku7ongea mipasho isiyo na tija. Bora wakina Mwigulu Nchemba tungejua ni siasa zao chafu za siku zote.
     
  14. Royals

    Royals JF-Expert Member

    #14
    Mar 18, 2012
    Joined: Nov 19, 2011
    Messages: 1,426
    Likes Received: 11
    Trophy Points: 135
    Ndio ukubwa huo.
     
  15. kichomiz

    kichomiz JF-Expert Member

    #15
    Mar 18, 2012
    Joined: Feb 28, 2011
    Messages: 9,449
    Likes Received: 932
    Trophy Points: 280
    Na we usiwe kama lizee lako hilo,kwani Arumeru alienda kutambua watu au kwenye kampeni?
     
Loading...