Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Warioba: Mimi na Salim urais basi

Discussion in 'Jukwaa la Siasa' started by Mbonea, Oct 14, 2009.

  1. Mbonea

    Mbonea JF-Expert Member

    #1
    Oct 14, 2009
    Joined: Jul 14, 2009
    Messages: 640
    Likes Received: 0
    Trophy Points: 33
    WAZIRI Mkuu na Makamu wa kwanza wa Rais (mstaafu), Jaji Joseph Warioba, amesema kwamba hana tena ndoto za kuwania urais kama ilivyo kwa Waziri Mkuu mstaafu, Dk. Salim Ahmed Salim ambapo, kwa nyakati tofauti, wote waliwahi kujitokeza kuwania bila mafanikio.

    Viongozi hao ambao bado ni wanachama wa Chama Cha Mapinduzi (CCM) baada ya kimya cha muda mrefu hivi karibuni walijitokeza na kutoa maoni yao kuhusu mwenendo wa nchi, wakikosoa baadhi ya maeneo ya kiutendaji na hata kutoa mapendekezo kwa lengo la kuboresha, walipozungumza na baadhi ya vyombo vya habari jijini Dar es Salaam.

    "Mimi na Salim (Dk. Salim Ahmed Salim) hatuna tena mpango wowote wa kutaka urais," alisema Jaji Warioba, na alipoulizwa ni kwa nini wameamua hivyo, akaeleza kuwa ni kutokana na kigezo cha umri.

    ‘‘Tumekaa madarakani na kuongoza wananchi, tumekuwa viongozi wa wananchi, tunajua pilikapilika za uongozi, na hasa kwa nchi masikini kama Tanzania, umri nao ni suala la kuzingatia sana. Tungeweza kufanya kazi hiyo vizuri kwa wakati ule tulipojitokeza kutaka urais na si wakati huu,'' alijibu Jaji Warioba wakati wa kuhitimisha maoni yake alipozungumza na waandishi wa habari, ofisini kwake jijini Dar es Salaam, hivi karibuni.

    Katika majibu ya swali hilo la Raia Mwema lililoulizwa mbele ya waandishi wengine wa habari waliohudhuria mkutano huo, Jaji Warioba alikiri moja kwa moja kusikia mazungumzo hayo kutoka kwa watu mbalimbali wakiwamo baadhi ya viongozi kuwa amekuwa na lengo la kutaka kuwania tena urais.

    ‘‘Hilo unaloniuliza ni kweli; nami nimesikia. Wanasema nataka urais ... nitagombea urais,'' alikiri kusikia Jaji Warioba ambaye aliwahi kuwa Waziri Mkuu na Makamu wa kwanza wa Rais wakati wa Serikali ya Awamu ya Pili, Mwanasheria Mkuu wa Serikali katika Serikali ya Awamu ya Kwanza chini ya Mwalimu Julius Nyerere na Waziri wa Sheria na Katiba.

    Katika mazungumzo yake kwa waandishi wa habari, Jaji Warioba alielezea mtazamo wake kuhusu masuala mbalimbali yakiwamo yanayohusu uendeshaji nchi, kuzidi kutanuka kwa pengo kati ya matajiri na masikini kuanzia serikalini ambako mshahara wa kima cha chini umetofautiana kwa kiasi kikubwa na kima cha juu.

    Pia aliweka bayana kuwa utawala umekuwa karibu mno na matajiri kuliko wananchi wa kawaida, akirejea baadhi ya mifano ukiwamo wa baadhi ya wafugaji kutoka eneo la Loliondo, nje ya mji wa Arusha kujikusanya nje ya lango la Ikulu, Dar es Salaam wakati walikotoka kuna viongozi wa serikali ambao kimsingi ni wawakilishi wa Rais.

    Kwa mujibu wa Jaji Warioba, kitendo hicho kinaonyesha namna utawala unavyotofautiana na wananchi katika baadhi ya uamuzi, akionya kuwa ni hatari hali hiyo ambayo licha ya nchi kuwa na utawala wananchi wanaanza kujifanyia mambo kwa taratibu zao binafisi.

    Katika ufafanuzi wake, alisema si vibaya kwa wananchi kutaka kuonana na Rais, lakini alitarajia ruksa hiyo wangeipata baada ya kufanyiwa mipango na viongozi wao wa huko walikotoka na si wao binafsi na kwamba huo ni ushahidi wa kuwapo kwa kile alichoeleza kuwa ni credibility gap katika uongozi wa nchi.

    Hata hivyo, baada ya ukosoaji huo na mapendekezo yake, baadhi ya viongozi wa CCM walijitokeza kuzungumzia maoni hayo katika tafsiri zinazokinzana.

    Wakati Makamu Mwenyekiti wa CCM, Pius Msekwa akisema Jaji Warioba ana haki ya kutoa maoni yake hayo, Katibu wa Fedha na Uchumi wa chama hicho, Amos Makala, alimshambulia akionyesha dhahiri kutokukubaliana na kitendo cha Warioba kutumia fursa yake ya kutoa maoni hadharani, akisema angepaswa kuyatoa kupitia vikao vya chama hicho kwa kuwa yeye ni mwanachama.

    Amos Makala, ambaye naye hakutumia vikao kuwasilisha maoni yake kupinga mtazamo wa Jaji Warioba na badala yake alitumia moja kwa moja vyombo vya habari, katika mashambulizi yake alirejea kinyang'anyiro cha Uchaguzi Mkuu wa 2005, ndani ya CCM, wakati wa kumtafuta mgombea urais kwa tiketi ya chama hicho.

    Kwa mujibu wa maelezo ya Makala, katika kinyang'anyiro hicho, Jaji Warioba alikuwa akimuunga mkono mgombea Dk. Salim aliyekuwa akichuana na wagombea wengine, akiwamo Rais Jakaya Kikwete ambaye aliibuka na ushindi akifuatiwa na Dk. Salim, pamoja na Waziri wa sasa wa Maji na Umwagiliaji, Profesa Mark Mwandosya.

    Wagombea wengine kwa wakati huo ni pamoja na aliyewahi kuwa Waziri Mkuu na Makamu wa Kwanza wa Rais, Dk. John Malecela ambaye kwa sasa ni Mbunge wa Mtera, mkoani Dodoma, aliyekuwa Waziri Mkuu, Frederick Sumaye, waliowahi kuwa mawaziri ambao ni Iddi Simba, Dk. Abdallah Kigoda, Dk. William Shija. Wengine ni John Shibuda ambaye ni Mbunge wa Maswa, Balozi Patrick Chokala na Balozi Ali Karume.

    Mashambulizi hayo ya Makala yaliweka bayana kuwa katika kinyang'anyiro hicho cha 2005, kama Dk. Salim angefanikiwa kuteuliwa kuwa mgombea urais kwa tiketi ya CCM, basi Jaji Warioba angekuwa mgombea mwenza (Makamu wa Rais) wake, kwa kuwa Dk. Salim anatoka Zanzibar na taratibu zinaelekeza kuwa, kama Rais anatokana Tanzania Bara, Makamu lazima atoke Zanzibar au kinyume chake.

    Alidai kuwa ukosoaji wa Jaji Warioba umejaa kisasi cha kushindwa katika kinyang'anyiro hicho cha urais. Katika majibu yake, Jaji Warioba alieleza kuwa ametoa ushauri tu na kwamba ni jukumu la walioko madarakani kuzingatia au vinginevyo na zaidi, hakuzungumzia watu binafsi, bali alizungumzia masuala yanayohusu mustakabali wa taifa.

    Suala la ukosoaji wa serikali au viongozi walioko madarakani kutoka kwa viongozi wastaafu ni utamaduni wa muda mrefu ambao mwasisi wake ni Mwalimu Julius Nyerere, ambaye wakati wa utawala wa Serikali ya Awamu ya Pili iliyokuwa ikiongozwa na Ali Hassan Mwinyi, aliikosoa tena akiwalenga moja kwa moja viongozi waandamizi waliokuwa serikalini, akiwamo Waziri Mkuu wa wakati huo, Dk. John Samuel Malecela.

    Malecela alipata kukosolewa wazi wazi na Mwalimu Nyerere ambaye alikuwa mstaafu kwa wakati huo, kuhusu kile kilichoelezwa kuwa kuruhusu au kuunga mkono wazo la kuundwa kwa serikali tatu, ndani ya Jamhuri ya Muungano wa Tanzania. Hoja hiyo ya Serikali tatu, ambazo ni Tanganyika, Zanzibar na Serikali ya Muungano, chimbuko lake ni kundi la wabunge lililojitambulisha kwa jina la G55.

    Hoja hiyo iliibuka wakati Zanzibar kwa ridhaa ya aliyekuwa Rais wa visiwa hivyo, Dk. Salmini Amour ilipotaka kujiunga na Jumuiya ya Nchi za Kiislamu Duniani (OIC) bila ya kuwa na hadhi hiyo kama nchi, na kwamba kujiunga au kutojiunga kulipaswa kufanywe na Jamhuri ya Muungano wa Tanzania na si Zanzibar.

    Nyerere alimlaumu Malecela wazi wazi, tena hadharani kwa wakati huo akiwa Waziri Mkuu na Makamu wa Kwanza wa Rais, kwamba ameshindwa kumshauri vizuri Rais wa Jamhuri ya Muungano wa Tanzania kuhusu namna ya kudhibiti suala hilo na mahsusi hoja ya serikali tatu.

    Aidha, Mwalimu Nyerere pia aliwahi kumkosoa hadharani aliyekuwa Mwinyi na serikali yake kwamba haikuwa ikikusanya kodi kutoka kwa wafanyabiashara wakubwa na badala yake ‘inakimbizana' na wafanyabiashara wadogo mitaani, akiweka bayana kuwa hiyo ni sifa ya ‘viji-serikali corrupt.'

    Mwalimu Nyerere ambaye pia alikuwa miongoni mwa wasisi wa chama cha TANU ambacho baadaye kiliungana na ASP na kuwa CCM na kuwa mwenyekiti wa kwanza wa CCM, alikuwa akifanya ukosoaji huo hadharani na wakati mwingine katika baadhi ya maeneo serikali ilizingatia ukosoaji wake na wakati fulani kupuuza.


    Source:
    Raia Mwema
     
  2. PakaJimmy

    PakaJimmy JF-Expert Member

    #2
    Oct 14, 2009
    Joined: Apr 29, 2009
    Messages: 16,234
    Likes Received: 105
    Trophy Points: 160
    Good Decision...Nawapongeza. Lakini muendelee kumsemasema huyu jamaa yenu JK, maana haelekei kusikia kitu. Anatuharibia nchi huyu mtu! Nilikuwepo uwanja wa Taifa siku ya Msiba wa Kitaifa wa Mwalimu...nikamwona akitoa machozi ulipoimbwa wimbo wa "Tanzania... Nakupenda Kwa Moyo Wote..." Ina maana naye alikuwa analia kwa furaha nini?
     
  3. Mbonea

    Mbonea JF-Expert Member

    #3
    Oct 14, 2009
    Joined: Jul 14, 2009
    Messages: 640
    Likes Received: 0
    Trophy Points: 33
    ha ha ha! yule haeleweki mkuu
     
  4. Kigogo

    Kigogo JF-Expert Member

    #4
    Oct 14, 2009
    Joined: Dec 14, 2007
    Messages: 19,245
    Likes Received: 35
    Trophy Points: 145
    hana lolote msanii tu yule ..hana uchungu wowote na nchi hii.analia lia nini mi nadhani alikuwa anafurahi sasa nyerere kafa so hakuna wa kumzuia kuukwaa urais
     
  5. Barubaru

    Barubaru JF-Expert Member

    #5
    Oct 15, 2009
    Joined: Apr 6, 2009
    Messages: 7,163
    Likes Received: 10
    Trophy Points: 0
    maamuzi mazuri na ya Busara. lakini nchi inahitaji ushauri na uzoefu wenu
     
  6. Candid Scope

    Candid Scope JF-Expert Member

    #6
    Feb 27, 2013
    Joined: Nov 8, 2010
    Messages: 11,892
    Likes Received: 50
    Trophy Points: 145
    [​IMG] [​IMG]
    Dr. Salim Ahamed Salim (Tanzania) and Henry A. Kissinger (USA)

    Dr. Salim Ahmed Salim ana jina kubwa nchini na kimataifa katika masuala ya kimataifa. He is a diplomatic figure. Naweza kumlinganisha na baadhi ya wanadipolamasia kama Henry Kissinger pamoja na umaarufu wao kimataifa hawakufaa kushika dola katika taifa.

    Majukumu mazito aliyowahi kuyafanya kitaifa na kimataifa ni pamoja na:
    • Mwenyekiti wa Baraza la Usalama Umoja wa Mataifa
    • Katibu Mkuu Umoja wa nchi Za Afrika
    • Mgombea Ukatibu Mkuu umoja wa Mataifa - hakupita
    • Nafsi ya juu aliyowahi kuishika Tanzania ni kuwa Waziri Mkuu
    Pamoja na umaarufu alioweza kuwa nao katika masuala ya kimataifa na kuwa Waziri Mkuu wa Tanzania:

    1. Hajaonyesha msimamo wake katika masuala ya kitaifa,
    2. Hayuko wazi
    3. Mkimya asiye weza kushirikisha aliyo nayo.
    4. Pamoja na kwamba ni mwana CCM sijawahi kuona ushirikishaji wa uongozi wake kwa CCM zaidi ya kuwa mhudhuriaji.
    5. Anaonekana kupokeleka zaidi kwa sura badala ya vitendo na fikra.
    6. Anaonekana kufaa shughuli za kiofisi zaidi kuliko siasa za majukwani.

    Kwa mtazamo huu ana dira gani katika kuongoza Tanzania ya leo kama atagombea urais?
    Je, Tanzania tuendelea kunadishwa majina makubwa ya wagombea urais pasipo kuonyesha uwezo wao?

     
  7. THE BIG SHOW

    THE BIG SHOW JF-Expert Member

    #7
    Feb 27, 2013
    Joined: Feb 28, 2012
    Messages: 13,515
    Likes Received: 859
    Trophy Points: 280
    Aaah Wapi,

    Mmeshaanza siasa zenu za majitaka sasa,,

    Hebu niambie wewe sasa.humpendi huyu kwa chuki zako binafsi au humpendi kwa kuwa yuko CCM??

    Akisimama huyo 2015 hatuna budi kumpatia nchi hii,mnyonge mnyongeni ila haki yake mpeni..

    Au kwa kuwa ni Muislam??
     
  8. njiwa

    njiwa JF-Expert Member

    #8
    Feb 27, 2013
    Joined: Apr 16, 2009
    Messages: 10,092
    Likes Received: 1,116
    Trophy Points: 280

    dulla unanifurahisha sana.. wachache sana wenye uwezo wa kusoma between lines :biggrin: ... wameanza siasa za maji taka
     
  9. Julius Kaisari

    Julius Kaisari JF-Expert Member

    #9
    Feb 27, 2013
    Joined: Oct 12, 2010
    Messages: 1,170
    Likes Received: 25
    Trophy Points: 145
    Mbona Kikwete alipewa,au naye si mwislam? BTW, Jemedali Mwislam Kikwete alimfanyia Zengwe na Fitna Mwislam mwingine Dr Salim A Salim. Hivyo MBWA KALA MBWA. The rest ni chuki na upungufu wa hekima kichwani.
     
  10. Candid Scope

    Candid Scope JF-Expert Member

    #10
    Feb 27, 2013
    Joined: Nov 8, 2010
    Messages: 11,892
    Likes Received: 50
    Trophy Points: 145
    Mleta mada ameweka hoja zake, jaribu kuleta hoja za utetezi badala ya kujibu kimipasho. Hapa hatujadiri mambo mengine katika mada hii zaidi ya kupima uwezo wa presidential candidates, tunahaki ya kupima uwezo wao mapema badala ya kutumbukiza tu kura sandukuni baadaye tuje kulalamikia uwezo wao kuwa mdogo kuongoza watanzania.
     
  11. p

    punainen-red JF-Expert Member

    #11
    Feb 27, 2013
    Joined: Nov 18, 2010
    Messages: 1,735
    Likes Received: 4
    Trophy Points: 0
    Kiongozi yeyote wa ccm ambaye hana udhubutu wa kupaza sauti pale wanyonge wa nchi hii wanapoumia hafai... Kazi yao kulindana tu na kuoneana aibu.
     
  12. SMU

    SMU JF-Expert Member

    #12
    Feb 27, 2013
    Joined: Feb 14, 2008
    Messages: 7,009
    Likes Received: 864
    Trophy Points: 280
    Si ni afadhali hata ya SAS! Huyu ambaye "tulimchagua" kwa 80%, by then alikuwa amefanya nini cha maana!?
     
  13. Ritz

    Ritz JF-Expert Member

    #13
    Feb 27, 2013
    Joined: Jan 1, 2011
    Messages: 42,040
    Likes Received: 3,872
    Trophy Points: 280
    Mkuu nani sasa anafaa kuwa rais kwa mtazamo wako.
     
  14. Tetty

    Tetty JF-Expert Member

    #14
    Feb 27, 2013
    Joined: Jan 6, 2012
    Messages: 13,456
    Likes Received: 2,642
    Trophy Points: 280
    Kwenye hoja za kisiasa za kumpima mtu tujaribu kuondao kipengele cha udini.Otherwise safari hii iwe zamu ya Mpagani.Maana chochote kitakachojadiliwa kwa nini baadhi yetu wanaweka kipengele cha udini.TUjitahidi kujifunza either kukubali hoja ya mtu ,kuikataa kwa hoja au kukubali katika kutokubaliana.

    Tanzania kwanza mengine baadaye.
     
  15. Candid Scope

    Candid Scope JF-Expert Member

    #15
    Feb 27, 2013
    Joined: Nov 8, 2010
    Messages: 11,892
    Likes Received: 50
    Trophy Points: 145
    Uwazi ni muhimu zaidi katika uongozi, maana hatujui aliyo nayo moyoni mwake. Haonyeshi anayofikiria Tanzania iweje. Hajaonyesha msimamo wake kuhusu siasa za vyama vingi, uhuru wa vyama vya siasa, mazamo wa kuingea TAnzania ya leo, suala la elimu na matatizo mengine yanayolikumba taifa. Je? tumchague kwa sababu ya umaarufu wa jina lake au aanze kuwa mwazi kuleta mikakati yake ya kuijenga Tanzania.
     
  16. Mungo Park

    Mungo Park JF-Expert Member

    #16
    Feb 27, 2013
    Joined: Sep 14, 2010
    Messages: 594
    Likes Received: 126
    Trophy Points: 60


    Hapa ndipo pale Watanzania wengi tunapokosea,tunaangalia majina makubwa zaidi,PhD zaidi,vituko zaidi kuliko 'track records' za wagombea urais. Tusipobadilika tutaendelea kuumia..​
     
  17. Candid Scope

    Candid Scope JF-Expert Member

    #17
    Feb 27, 2013
    Joined: Nov 8, 2010
    Messages: 11,892
    Likes Received: 50
    Trophy Points: 145
    Jaribu kuangalia na kupendekeza jina la mtu unayemwona ana ndoto za kuwakuna watanzania kwa maono ya mbali katika kuijenga Tanzania baada ya uhuru wa miaka 50, je miaka ijayo 50 Tanzania iweje? Niashiriki kikamilifu maoni yako Ritz.
     
  18. Mr. Zero

    Mr. Zero JF-Expert Member

    #18
    Feb 27, 2013
    Joined: Jun 5, 2007
    Messages: 7,838
    Likes Received: 1,090
    Trophy Points: 280
    Kwa mtazamo wangu Salim anaweza kuwa ni candidate mzuri kwa CCM kuliko waliopo.

    Lakini kama ni kweli anataka kugombea hiyo nafasi naona ni vizuri aka declare interest zake na kujitoa kwenye kamati ya katiba. Tunajua yeye na Warioba ni damudamu. Sasa kama wataendelea pamoja hawa jamaa si wanaweza kuwa wanajitengenezea katiba yao itakayowapa madaraka kwa jinsi wanavyotaka.

    Kama Salim bado ana nia ya Urais basi aachie ngazi kwenye tume ya Katiba.

    By the way kura yangu kwa Slaa!!
     
  19. Candid Scope

    Candid Scope JF-Expert Member

    #19
    Feb 27, 2013
    Joined: Nov 8, 2010
    Messages: 11,892
    Likes Received: 50
    Trophy Points: 145
    Binafsi sikufikiria jambo hilo la kuwamo ndani ya kamati ya kuratibu katiba mpya. Nalo laweza kuwa tatizo la kujenga mazingira ya kusafisha magogo atakamotandika mataluma ya reli ya kuingilia Magogoni.
     
  20. Candid Scope

    Candid Scope JF-Expert Member

    #20
    Feb 27, 2013
    Joined: Nov 8, 2010
    Messages: 11,892
    Likes Received: 50
    Trophy Points: 145
    Tatizo la kuishiwa nguvu za kujenga hoja za utetezi ni kuishia kwenda kujificha kwenye pazia la udini. Wanaotetea walete hoja, maana sijaona hoja zao hapa wakati mie nimeleta hoja amabzo naziona zinamwelemea Salmi kugombea urais Tanzania.
     
Loading...